Total views : 210705
रशिला थापा
भक्तपुर । सुर्यविनायक नगरपालिका वडा नं. १० को आयोजनामा आर्थिक वर्ष २०८०/८१ को दलित, जनजाती लक्षित कार्यक्रम अन्र्तगत सोमबार इन्डक्सन चुलो हस्तान्तरण कार्यक्रम सम्पन्न भएको छ ।
कार्यक्रममा प्रमुख अतिथि सुर्यविनायक नगरपालिकाका मेयर बासुदेब थापाले सुर्यविनायक नगरपालिका सुखी नगरपालिका बनाउनका लागि सफा हराभरा नगरपालिका बनाउन सबैको सहयोग चाहिने बताउनुभयो ।
कर्णाली जस्तो सुनपा १० नं. वडामा सिवकास निर्माणको कार्यमा धेरै नै पछाडि परेको ठाँउ भएको बताउदैं यस ग्रामिण क्षेत्रलाई ७ वर्षको अन्तरालमा तिब्र गतिमा विकास निर्माणको काम भएको बताउनुभयो ।
यस क्षेत्रमा बाँकी रहेको अधुरा विकासका कामहरु अब बाँकी रहेको ३ वर्षभित्रमा सबै गर्ने गरी योजना बनाएको बताउनुभयो ।
कार्यक्रममा सुर्यविनायक नगरपालिका वडा नं. १० का वडा अध्यक्ष शिवराम राउतले वडास्तरिय लक्षित वर्ग दलित उत्थान कार्यक्रममा स्वीकृत भएको बजेटबाट लक्षीत वर्गको मागलाई सम्बोधन गर्दै इन्डक्सन चुलो हस्तान्तरण गरिएको बताउनुभयो ।
उक्त कार्यक्रमबाट ३१ घर परिवार लाभान्वित भएको छन् । सहभागी घरपरिवारबाट २५ प्रतिशत र वडाको ७५ प्रतिशत लागत साझेदारी रहेको छ ।
उक्त कार्यक्रम वडा प्रशासकीय प्रमुख कुमार राउतले संचालन गर्नुभएको थियो । कार्यक्रममा जनप्रतिनीधीहरु, जिल्ला मुक्ति समाजका कोषाध्यक्ष माधव दमाई सुनपा कार्यपािलका सदस्य शर्मिला बस्नेत, सुनपा १० का वडा सदस्य तारा बहादुर विष्ट, सुनपा १० का वडा सदस्य बिदुर देउजा, सुनपा ९ का वडा सदस्य राधिका मिजार र समाजसेवी रामशरण गिरी लगाएतको उपस्थिति रहेको थियो ।
