Eyelens English High School, बेसिगाउँ, गोकर्णेश्वरमा आयोजित कार्यक्रममा विद्यालयका शिक्षक, विद्यार्थी तथा सम्बन्धित सरोकारवालासहित करिब ९० जनाको सहभागिता रहेको थियो।

कार्यक्रममा Eyelens English High School का प्रध्यानाध्यापक कृष्ण भन्ण्डारि प्रमुख अतिथिका रूपमा सहभागी हुनुभएको थियो। त्यस्तै उप प्राचार्य निता शर्मा र समन्वयकर्ता सुमन राय लगायतको उपस्थिति रहेको थियो।

कार्यक्रममा विद्यालयमा हुन सक्ने शारीरिक, मानसिक तथा सामाजिक हिंसा, विद्यार्थीबीचको व्यवहार, सुरक्षित विद्यालय वातावरण निर्माण तथा हिंसा रोकथामका उपायहरूबारे जानकारी तथा छलफल गरिएको थियो। सहभागीहरूलाई विद्यालयमा हिंसाका घटना हुन नदिन विद्यार्थी, शिक्षक, अभिभावक तथा विद्यालय प्रशासनबीच सहकार्य र सचेतना आवश्यक रहेको विषयमा जोड दिइएको थियो।

विद्यालय हिंसा रोकथामसम्बन्धी सचेतना अभिवृद्धि गर्दै विद्यार्थीलाई सुरक्षित, सम्मानजनक र सकारात्मक वातावरण उपलब्ध गराउने उद्देश्यले कार्यक्रम आयोजना गरिएको Asez Star ले जनाएको छ।

कार्यक्रममा सहभागीहरूले विद्यालय हिंसा रोकथामका लागि यस्ता सचेतनामूलक कार्यक्रमलाई निरन्तरता दिनुपर्ने धारणा व्यक्त गरेका थिए।

The post Asez Star द्वारा विद्यालय हिंसा रोकथाम अभियान सेमिनार सम्पन्न appeared first on Jana Aawaj News.

मध्यपुर थिमि नगरपालिकाभित्रका १२ विद्यालयका २४ वटा प्याट्रोलको सहभागिता रहेको प्रतियोगितामा ट्रुप लिडर तुलज प्रजापतिको नेतृत्वमा सहभागी बिनायक स्काउट प्याट्रोलले ‘एकदिन त जाने हो, संसार छोडेर’ शीर्षकको भावपूर्ण भजन प्रस्तुत गर्दै उत्कृष्ट प्रदर्शन गरेको थियो।

प्रतियोगितामा प्रथम स्थान हासिल गर्नुले विद्यार्थीहरूको प्रतिभा र सिर्जनात्मक क्षमतासँगै अनुशासन, नेतृत्व, आत्मविश्वास, सहकार्य तथा जिम्मेवारीबोधको विकासमा महत्वपूर्ण योगदान पुगेको विद्यालयले जनाएको छ। साथै, यस्ता अतिरिक्त क्रियाकलापले विद्यार्थीलाई किताबी ज्ञानमा मात्र सीमित नराखी आध्यात्मिक, सांस्कृतिक तथा मानवीय मूल्य-मान्यताप्रति सचेत र सामाजिक उत्तरदायित्व बोकेका सक्षम नागरिकका रूपमा विकास गर्न सहयोग पुग्ने विद्यालयको भनाइ छ।

विजेता बिनायक स्काउट ट्रुपलाई मध्यपुर थिमि नगरपालिकाका उपप्रमुख तथा मध्यपुर स्काउटका प्रमुख स्काउट विजयकृष्ण श्रेष्ठले प्रमाणपत्रसहित ट्रफी प्रदान गरेका थिए।
प्रतियोगितामा प्राप्त सफलताप्रति बिनायक शिक्षा निकेतन परिवारले विद्यार्थी, स्काउट नेतृत्व तथा सम्बन्धित सबैलाई बधाई तथा शुभकामना व्यक्त गरेको छ। विद्यालयले विद्यार्थीहरूको प्रतिभा, अनुशासन र नेतृत्व विकासका लागि मूल्यमा आधारित अतिरिक्त क्रियाकलापलाई निरन्तर प्रोत्साहन गर्दै जाने प्रतिबद्धता जनाएको छ।
‘शिक्षा, संस्कार, सीप र नेतृत्व-बिनायकको प्रतिबद्धता’ भन्ने मूल भावनासहित विद्यालयले विद्यार्थीको सर्वाङ्गीण विकासमा जोड दिँदै आएको जनाएको छ।

The post स्काउट धर्मसभा प्रतियोगितामा बिनायक स्काउट ट्रुप प्रथम appeared first on Jana Aawaj News.

प्रतियोगितामा सामूहिक लोक नृत्यतर्फ प्रथम : इडेन गार्डेन स्कुल, द्वितीय : बिमल मेमोरियल विद्यापीठ, तृतीय : पाथिभरा एकेडेमी र सान्त्वना : प्रसादी पाठशाला विद्यालहरु पुरस्कृत भएका थिए । साथै एकल लोक नृत्यतर्फ प्रथम : इडेन गार्डेन स्कुल, द्वितीय : प्रसादी पाठशाला, तृतीय : मदरल्याण्ड स्कुल र सान्त्वना : क्वालिटी स्कुलले क्रमश विजेता भएका थिए ।

सामूहिक र एकल गरी दुई विधामा सञ्चालन गरिएको प्रतियोगितामा सहभागी विभिन्न विद्यालयका विद्यार्थीहरूले नेपाली मौलिक लोककला, संस्कृति र परम्परा झल्कने आकर्षक नृत्य प्रस्तुत गर्दै आफ्नो प्रतिभा प्रदर्शन गरेका थिए।

विद्यालय व्यवस्थापन समितिका अध्यक्ष रणबहादुर गुमान्जुको अध्यक्षतामा सम्पन्न कार्यक्रममा सूर्यविनायक नगरपालिका–५, कटुञ्जेका वडा अध्यक्ष राजकुमार जोशी प्रमुख अतिथि थिए । प्रमुख अतिथि जोशीले प्रतियोगितामा विद्यार्थीहरूले नृत्यमार्फत आफ्नो कला, सीप र संस्कारलाई अभिव्यक्त गरेको बताउँदै कार्यक्रम निकै उत्साहजनक रहेको उल्लेख गर्नुभयो। यस्ता कार्यक्रमले विद्यार्थीको प्रतिभा प्रस्फुटनसँगै नेपाली कला, संस्कृति र परम्पराको संरक्षणमा महत्वपूर्ण योगदान पुग्ने कुरा व्यक्त गर्नु भयो ।

कार्यक्रमका विशेष अतिथि तथा नेशनल प्याब्सन भक्तपुरका प्रमुख सल्लाहकार जी.बी. खड्काले युनिटी इङ्ग्लिस स्कुलले आयोजना गरेको प्रतियोगिताले नेशनल प्याब्सन भक्तपुरअन्तर्गतका विद्यालयहरूबीच एकता र सहकार्यको सन्देश दिएको बताउनुभयो। “एकतामै बल हुन्छ” भन्ने भावनालाई यस्ता कार्यक्रमले थप मजबुत बनाउने उल्लेख गर्नु भयो ।

त्यस्तै, नेशनल प्याब्सन भक्तपुरका अध्यक्ष सञ्जय खड्काले प्रतियोगिताको व्यवस्थापकीय पक्ष सबल रहेको उल्लेख गर्दै कार्यक्रमलाई उत्कृष्ट रूपमा सम्पन्न गरेकोमा आयोजक यूनिटी स्कुल र प्रिन्सिपल विपिन गुमान्जूलाई विशेष आभार व्यक्त गर्नुभयो। नेशनल प्याब्सन भक्तपुरका आगामी बोर्ड कार्यक्रमहरू पनि आपसी सहकार्य र एकताका साथ अझ प्रभावकारी रूपमा सञ्चालनमा सबैको सहभागिता आवश्यक रहेको बताउनु भयो ।

विद्यालयका प्रधानाध्यापक बिपिन गुमान्जुले प्रतियोगितालाई केवल जित–हारको रूपमा मात्र नहेरी कला, सिर्जना र अनुशासनको अभ्यासका रूपमा लिनुपर्ने बताउनुभयो। प्रतियोगिता निष्पक्ष र व्यवस्थित रूपमा सम्पन्न गराउन भूमिका निर्वाह गर्ने निर्णायकहरू तथा कार्यक्रमको सफल व्यवस्थापनमा निरन्तर साथ र सहयोग गर्ने बोर्ड सदस्यहरूप्रति उहाँले विशेष धन्यवाद व्यक्त गर्नुभयो । विद्यालयस्तरबाटै यस्ता कार्यक्रमलाई निरन्तरता दिँदा नयाँ पुस्तामा आफ्नो मौलिक संस्कृति र लोककलाप्रति रुचि तथा अपनत्व बढाउन सहयोग पुग्ने आयोजकको विश्वास रहेको छ ।

The post यूनिटीको आयोजनामा नेसनल प्याव्सनको लोकनृत्यमा ईडेन विजेता appeared first on Jana Aawaj News.

आइतबार सम्पन्न प्रतियोगितामा अरनिको माध्यमिक विद्यालयले १० स्वर्ण, ६ रजत र २ कास्य पदकसहित टिम च्याम्पियनको उपाधि हात पारेको हो। विजेता अरनिको माविले नगद रु. २० हजार पुरस्कार प्राप्त गरेको छ।

त्यस्तै, दधिकोट डोजोले ५ स्वर्ण, ४ रजत र ३ कास्य पदकसहित दोस्रो स्थान हासिल गर्दै रु. १५ हजार पुरस्कार प्राप्त गरेको छ। ब्लुबर्ड स्कुलले २ स्वर्ण, १७ रजत र ५ कास्य पदकसहित तेस्रो स्थान हासिल गर्दै रु. १० हजार पुरस्कार प्राप्त गरेको छ।

प्रतियोगितामा दधिकोट डोजोका प्रविन तामाङ उत्कृष्ट पुरुष खेलाडी घोषित भए भने अरनिको माध्यमिक विद्यालयकी पूजा दास श्रेष्ठ उत्कृष्ट महिला खेलाडी घोषित भइन्। उत्कृष्ट पुरुष तथा महिला खेलाडीले जनही रु. ५ हजार नगद पुरस्कार प्राप्त गरे।

त्यसैगरी दधिकोट डोजोका आदन धोजु उदयमान पुरुष खेलाडी तथा ई-किट्सकी तेजस्वी सिजखु उदयमान महिला खेलाडी घोषित भए। उदयमान खेलाडी दुवैले जनही रु. ३ हजार नगद पुरस्कार प्राप्त गरे।

प्रतियोगिताको समापन समारोहमा सूर्यविनायक नगरपालिका-८ का वडाध्यक्ष पुष्पराज बस्नेत प्रमुख अतिथिका रूपमा उपस्थित थिए। कार्यक्रममा नेपाल सितेरियो कराते संघका केन्द्रीय सदस्य राधिका देउला, नेपाल सितेरियो कराते संघ भक्तपुरका अध्यक्ष राजन चित्रकार, सूर्यविनायक नगर सितेरियो कराते संघका अध्यक्ष कृष्णराम ज्याकी लगायत कराते संघसँग आबद्ध विभिन्न पदाधिकारी तथा प्रशिक्षकहरूको उपस्थिति थियो।

प्रतियोगितामा विभिन्न विद्यालय तथा डोजोबाट गरी १९० जना खेलाडीले सहभागिता जनाएका थिए। आयोजकले प्रतियोगिताका सम्पूर्ण विजेता खेलाडीलाई बधाई तथा शुभकामना दिँदै प्रतियोगिता सफल बनाउन सहयोग गर्ने सूर्यविनायक नगर सितेरियो कराते संघलगायत सबैलाई धन्यवाद व्यक्त गरेको छ।

The post सूर्यविनायक मेयर कप कराते च्याम्पियनसिपमा अरनिको मावि प्रथम appeared first on Jana Aawaj News.

याे विपत्तिकाे घडीमा देश विदेशबाट राहत सङ्कलन र प्रधानमन्त्री दैवी प्रकाेप राहत काेषमा रकम जम्मा भईरहेकाे सिलसिलामा प्रतिष्ठानले पनि उदार मनले उक्त रकम जम्मा गरेकाे हाे ।

साथै उक्त प्रतिष्ठानले बाढी पहिराेबाट ज्यान गुमाउन पुगेका नेपाली तथा विदेशीहरूकाे आत्माकाे चीर शान्तिकाे कामना, घाइतेहरूकाे शीघ्र स्वास्थ्यलाभकाे कामना, दीवंगत परिवारजनहरू प्रति धैर्य धारणाकाे कामना गर्दै समवेदना प्रकट गरेकाे छ भने बेपत्ता परिवारकाे खाेजि कार्यमा सफलता मिलाेस् भनी कामना समेत गरेकाे छ ।

The post नेपाल हृदयराेग निवारण प्रतिष्ठानबाट राहत काेषमा रकम जम्मा appeared first on Jana Aawaj News.

यसै वर्ष काठमाण्डौ, भक्तपुर र ललितपुरका विभिन्न विद्यालयहरूमा, कम्प्युटर लगायका उपकरण, झोला, जुत्ता, मोजा जस्ता सामग्री वितरण गरिएको थियो । २०७२ सालको महा विनाशकारी भूकम्पमा सिन्धुपाल्चोकको श्री आधारभुत विद्यालय र काभ्रेपलाञ्चोकको श्री भवानी निम्न माध्यमिक विद्यालय पुनर्निर्माण साथै ७१० वटा क्षेत्रहरूमा मर्मत सम्भार तथा घाइतेको उद्धार कार्य, हिमाली क्षेत्रका गाउँहरूमा हेलिकप्टरबाट १,००० घरधुरीका निम्ति १४ पटक खाद्यान्न ढुवानी, प्रधानमन्त्री दैवी प्रकोप उद्धार कोषमा सहयोग जस्ता कार्यहरू गरेको छ ।

कार्यक्रममा रत्ननगर नगरपालिका वडा नं १ का वडा सदस्य गिरराज लम्साल प्रमुख अतिथिको रूपमा हुनुहुन्थ्यो। त्यसैगरी विद्यालय व्यवस्थापन समितिका अध्यक्ष बुद्धिराम सुवेदी, पूर्वअध्यक्ष रामेश्वर महतो, शिक्षक अभिभावक संघका निवर्तमान अध्यक्ष विकन महतो र विद्यालयका प्रधानाध्यापक राधा चौधरी लगायतका अतिथिहरूको उपस्थिति रहेको थियो।

​संस्थाका प्रतिनिधिले मण्डली कुनै धार्मिक प्रचारमा मात्र सीमित नरही विशुद्ध सामाजिक, मानवीय र वातावरण संरक्षणका कार्यमा सक्रिय रहेको बताउनुभयो। संस्थाले यसअघि टिकौली जङ्गलको ८ किलोमिटर सडक किनार सरसफाइ, बागमती र नारायणी नदी किनार सरसफाइ, देशभर रक्तदान अभियान, काठमाडौँ उपत्यकाका विद्यालयहरूमा शैक्षिक सामग्री वितरण तथा २०७२ को भूकम्पमा विद्यालय पुनर्निर्माण जस्ता सामाजिक कार्यहरू गर्दै आएको जानकारी गराइयो।

हालै रसुवाबाट सुरु भएको विनाशकारी बाढीबाट ठूलो जनधनको क्षति भएकोप्रति मण्डलीले दुःख व्यक्त गर्दै विपद्‌का घडीमा घाइतेहरूको उपचारका लागि देशभरबाट ४ हजार ५ सय ७१ जनाभन्दा बढीले रक्तदान गरिसकेको समेत जनाएको छ।

कार्यक्रमका अतिथिहरूलाई धन्यवाद ज्ञापन गर्दै, वितरण गरिएका सामग्रीले विद्यार्थीहरूको उज्ज्वल भविष्य निर्माणमा सहयोग पुग्ने विश्वास व्यक्त गरिएको थियो।

The post परमेश्वरको मण्डलीद्वारा ॐ शान्ति आधारभूत विद्यालयमा झोला वितरण appeared first on Jana Aawaj News.

The post अन्तर्राष्ट्रिय साक्षरता दिवसको अवसरमा कमलविनायक शिशुस्याहार केन्द्र उद्घाटन appeared first on Jana Aawaj News.

नेसनल प्याव्सन भक्तपुरका अध्यक्ष संजय खड्काले सदस्य विद्यालयहरु बीच आयोजना गरिएको वादविवाद प्रतियोगिताले विद्यार्थीहरुको बौद्धिक क्षमता एवं वाककलालाई अभिवृद्धि गराउने उदेश्य रहेको बताउदै कार्यक्रम आयोजक पिरसादि पाठशाला स्कुल प्रति आभार प्रकट गर्नु भयो ।

प्रतियोगिताको निर्णायकमा बरिष्ठ साहित्यकार डा. सीता सुवेदी र नेत्र प्रसाद घिरिरे रहेका थिए ! नेसनल प्याव्सन भक्तपुर सहसचिव एवं प्रसादि पाठशाला स्कुलका प्रिन्सिपल दिनेश शाक्यले कार्यक्रम आयोजना गर्ने जिम्मवारी पाएकोमा नेसनल प्याव्सन भक्तपुरलाई धन्यवाद दिनुभयो ।

The post प्रसादिको आयोजनामा नेसनल प्याव्सनको वादविवाद सम्पन्न  appeared first on Jana Aawaj News.