काठमाडौँ । कोशी प्रदेश सरकारले आगामी आर्थिक वर्ष २०८२/८३ का लागि आफ्नो वार्षिक नीति तथा कार्यक्रम बिहिबार सार्वजनिक गर्ने भएकाे छ । कोशीको बजेट अधिवेशन बुधबारदेखि सुरु भएको थियाे। आज बस्ने दोस्रो बैठकमा सरकारको तर्फबाट नीति तथा कार्यक्रम प्रस्तुत हुने भएको हो ।

प्रदेश प्रमुख पर्शुराम खापुङले दिउँसो ३ बजे बस्ने प्रदेशसभा बैठकमा नीति तथा कार्यक्रम प्रस्तुत गर्ने कार्यसूची तय भएकाे छ । हिक्मतकुमार कार्कीको नेतृत्वको सरकारले कृषि, पर्यटन, पूर्वाधार र रोजगारी सिर्जनालाई प्राथमिकतामा राखेर नीति तथा कार्यक्रम तयार पारेको जनाएको छ ।

यसैगरी नीति तथा कार्यक्रमकै आधारमा सरकारले आगामी असार १ गते आर्थिक वर्ष २०८३/८४ को वार्षिक बजेट ल्याउने भएकाे हाे ।

The post कोशी प्रदेशकाे  नीति तथा कार्यक्रम आज  appeared first on Jana Aawaj News.

तीन दिनसम्म संचालन हुने उक्त प्रतियोगिताको आज उद्घघाटन गरिएको छ । कार्यक्रममा सूर्यविनायक नगर खेलकुद विकास समितिका सदस्य सचिव दीपक थापा लगाएतको उपस्थितिमा कार्यक्रम भएको थियो ।

यसैगरि प्रतियोगितामा विभिन्न प्रदेश, जिल्लाबाट U-20 का १३० जना खेलाडी भाइबहिनीहरुले सहभागिता जनाएका छन् भने प्रतियोगिता तीन दिनसम्म सञ्चालन हुने सचिव थापाले जानकारी दिनुभएको छ।

The post तुलसीलाल मेमोरियल दोस्रो राष्ट्रिय जुनियर चेस्स च्याम्पियनसिप २०८३ आजबाट शुरु appeared first on Jana Aawaj News.

नगर प्रमुख जीवन खत्रीले पत्रकार सम्मेलनमा प्रेस नोट वाचन गर्दै आगामी जेष्ठ १० गते वागमती प्रदेश सरकारका मुख्यमन्त्रीको प्रमुख आतिथ्यतामा आधिकारिक “योग नगर घोषणा” कार्यक्रम सम्पन्न गरिने जानकारी दिनुभयो ।

घोषणाको पूर्वसन्ध्यामा जेष्ठ ८, ९ र १० गते हरेक बिहान ५ बजेदेखि खरीपाटी स्थित विद्युत तालिम केन्द्र परिसरमा वृहत् खुला योग शिविर आयोजना गरिने नगरप्रमुख खत्रीले बताए । यो शिविर नगरवासीका साथै बाहिरका नागरिकका लागि पनि खुला रहनेछ।

नगरप्रमुख खत्रीका अनुसार, उच्च रक्तचाप, मधुमेह, मुटुरोग र मानसिक तनावजस्ता नसर्ने रोगहरूको बढ्दो प्रकोपलाई सम्बोधन गर्न केवल उपचार पर्याप्त नभई स्वस्थ जीवनशैली अत्यावश्यक रहेको छ । योग, ध्यान र प्राणायामले शरीर, मन र चेतनालाई सन्तुलित राख्ने कुरा वैज्ञानिक रूपमा प्रमाणित भइसकेको पनि उहाँले स्मरण गराउनुभयो ।

“हजारौँ वर्ष पुरानो वैदिक सभ्यता र आध्यात्मिक चेतनाको भूमि चाँगुनारायणलाई योग र साधनाको केन्द्र बनाउनु हाम्रो इतिहास र पहिचानसँग जोडिएको स्वाभाविक निरन्तरता हो,” उहाँले बताउनुभयो।

नगरपालिकाले सबै वडामा नियमित योग शिविर सञ्चालन, विद्यालयहरूमा योग शिक्षा अनिवार्य बनाउने, स्थानीय स्तरमा दक्ष योग प्रशिक्षक उत्पादन गर्ने तथा योग पार्क र ध्यान केन्द्र स्थापना गर्ने महत्वाकाङ्क्षी योजना अघि सारेको छ । आयुर्वेद र प्राकृतिक चिकित्सासँग समन्वय गर्दै अभियानलाई एकीकृत रूप दिइने जनाइएको छ ।
यो अभियान स्वास्थ्यमा मात्र सीमित नरहने नगरपालिकाको भनाइ छ । आध्यात्मिक पर्यटन प्रवर्द्धन, स्थानीय रोजगारी सृर्जना र होमस्टे तथा कृषि उत्पादनलाई बजारसँग जोड्दै चाँगुनारायणको अन्तर्राष्ट्रिय पहिचान अझ उचाल्ने लक्ष्य राखिएको छ ।

पत्रकार सम्मेलनमा सहभागीहरुलाई नगरपालिकाका प्रमुख प्रशासकीय अधिकृत मोहन कुमार श्रेष्ठले स्वागत एवं स्वास्थ्य शाखा प्रमुख दिल कुमार दुवालले सहजीकरण गरेका थिए । कार्यक्रममा शिक्षा शाखाका निर्देशक जर्नादन रिजाल, पत्रकार महासंघका अध्यक्ष सुन्दर शिल्पकार,वागमती प्रदेश सरकार,स्वास्थ्य मन्त्रालय, प्रादेशिक योग समितिका सदस्य नबराज काफ्ले लगायतको विशेष उपस्थिति रह्यो ।

“पहिलो सुख निरोगी काया”- यही मौलिक जीवनदर्शनलाई व्यवहारमा उतार्दै चाँगुनारायणलाई देशकै नमुना “योग नगर” बनाउने ऐतिहासिक अभियान जेष्ठ १० गते आधिकारिक रूपमा शुरू हुनेछ ।

The post चाँगुनारायण बन्दै देशकै पहिलो “योग नगर” appeared first on Jana Aawaj News.

प्राथमिक स्वास्थ्य केन्द्रलाई यस अघि नगर अस्पतालको रूपमा रुपान्तरण गरिएको भए पनि कोरोना महामारीका बेला २०७८ साल फागुणदेखि अस्पताललाई जगाती लगि त्यहिंबाट सञ्चालन हुँदै आएको थियो ।
बागमती प्रदेश सरकारको स्वास्थ्य मन्त्रालयले सूर्यविनायक नगर अस्पताललाई ५० शैयामा विस्तार गरी अस्पतालकै रूपमा सञ्चालन गर्न अनुमति दिएपछि स्वास्थ्य मन्त्री किरण थापाले नगर अस्पताललाई पुनः दधिकोटबाटै सञ्चालनमा ल्याइने घोषणा गर्दै तत्काल १ करोड ५० लाख रुपैयाँ बजेट विनियोजन समेत गर्नुभएको थियो ।

सोहि अन्तर्गत ५ करोड रुपैयाँको लागतमा नयाँ भवन निर्माण प्रक्रिया अघि बढाइएको हो । पुरानो भवन हटाएर उक्त ठाउँमा अण्डरग्राउण्ड पार्किङसहित पाँच तले आधुनिक तथा सुविधा सम्पन्न अस्पताल भवन निर्माण गरिने भएको हो ।

यसैगरी अस्पतालको पूर्वाधारलाई थप व्यवस्थित र आधुनिक बनाउँदै दधिकोट लगायत आसपासका क्षेत्रका नागरिकलाई २४ सै घण्टा इमर्जेन्सी, प्रशुति सेवा तथा अन्य अत्यावश्यक स्वास्थ्य सेवा सहज रूपमा उपलब्ध गराउने लक्ष्य रहेको मन्त्री थापाले दिनुभएको छ ।

The post दधिकोटमा पाँच तले सुविधा सम्पन्न नगर अस्पताल भवन बन्ने appeared first on Jana Aawaj News.

दीक्षान्त तथा समापन कार्यक्रमका प्रमुख अतिथि एवं चाँगुनारायण नगरपालिकाका नगरप्रमुख जीवन खत्रीले चाँगुनारायण नगरपालिकालाई नेपालकै प्रथम ‘योगमय पालिका’ निर्माण गर्ने गरी नगरपालिका युद्धस्तरमा जुटिरहेको उद्घोष गर्नुभयो । नगरवासीको शारीरिक तथा मानसिक स्वास्थ्यलाई सवल बनाउन नगरका प्रत्येक वडा र घर-घरमा योग पुर्‍याउने लक्ष्यका साथ नगरपालिकाले काम गरिरहेको उहाँको भनाइ थियो ।

कार्यक्रमका विशिष्ट अतिथि पातञ्जल योग समिति नेपालका संरक्षक बालमुकुन्द सुवालले योग संस्कार,अनुशासन र आत्मिक उन्नतिको मार्ग भएको उल्लेख गर्दै प्रशिक्षत जनशक्तिले समाजमा सकारात्मक उर्जा फैलाउने विस्वास व्यक्त गर्नुभयो ।

त्यसैगरी राष्ट्रिय अध्यक्ष श्री सुदर्शन सुवेदीले योगको प्रवर्द्धन र विस्तारमा स्थानीय सरकारको यो अग्रसरता सराहनीय रहेको बताउँदै नयाँ प्रशिक्षकहरूलाई समाजमा योगको उज्यालो फैलाउन आग्रह गर्नुभयो ।

त्यस्तै, चाँगुनारायण नगरपालिका वडा नं. २ का वडाअध्यक्ष एवं पातन्जल याेग समिति नेपालका सल्लाहकार श्री सोम प्रसाद प्रधानले वडास्तरबाट योग साधना केन्द्रहरूलाई आवश्यक सहयोग र सहकार्य जारी रहने प्रतिबद्धता व्यक्त गर्नुभयो ।

पातञ्जल योग समिति नेपाल, जिल्ला शाखा भक्तपुरको आयोजना एवम त्रिपुरासुन्दरी भद्राक्षीदेवी योग साधना केन्द्र, चाँगुनारायण-२, दुवाकोटको व्यवस्थापनमा सम्पन्न कार्यक्रममा महासचिव नबराज काफ्लेले योगको वैज्ञानिक महत्व,मानसिक स्वास्थ्यमा यसको प्रभाव तथा सामाजिक रुपान्तरणमा योगको भुमिकाबारे प्रकाश पार्नुभएको थियो ।

त्रिपुरासुन्दरी भद्राक्षीदेवी योग साधना केन्द्रकी सचिव सुमित्रा रानामगरको सन्चालनमा भएको कार्यक्रममा पातञ्जल योग समिति नेपालका केन्द्रिय महिला उपाध्यक्ष श्रृजनामल्ल ठकुरी,केन्द्रीय उपाध्यक्षत्रय योग प्रसाद आचार्य , श्री होम प्रसाद गौतम र गीता प्रसाद नेपाल,केन्द्रीय कोषाध्यक्ष सुवर्ण हमाल,स्थानीय समाजसेवीहरु शिवहरि केसी,सन्तोष केसी,त्यसैगरी त्रिपुरासुन्दरी भद्राक्षीदेवी मातेश्वर महादेव मन्दिर संरक्षण समितिका अध्यक्ष विदुर आले मगर, सोही मन्दिर संरक्षण समितिका सल्लाहकार श्री माधव न्यौपाने,पातन्जल योग समिति नेपालका केन्द्रीय सदस्यहरु हेमा प्रजापति एवम रन्जिता हमाल,केन्द्रीय महिला विभाग सचिव अनिता कुम्भाकर,सोही विभागका कोषाध्यक्ष ईन्दु लम्साल,वाग्मती प्रदेश सहसचिव विष्णु सुवेदी, वाग्मती प्रदेश सदस्य अस्मिता खड्का लगायतका महानुभावहरुले यस्ता कार्यक्रमले चाँगुनारायण क्षेत्रमा योग चेतना अभिवृद्धि गर्नुका साथै योगमय समाज निर्माण अभियानलाई थप उर्जा प्रदान गर्ने विस्वास व्यक्त गरेका थिए ।
पातन्जल योग समिति नेपाल, त्रिपुरासुन्दरी भद्राक्षीदेवी योग साधना केन्द्रका अध्यक्ष शोभा आले मगरद्वारा सम्पूर्ण अतिथिहरूलाई फूलगुच्छा एवं रुद्राक्षको माला लगाएर भव्य र आत्मीय स्वागत गरिएको थियो । सो कार्यक्रममा
तालिम अवधिभर अनुशासित भई योग्यता हासिल गरेका २३ जना नवदीक्षित प्रशिक्षकहरूले आफूले सिकेको योग ज्ञानलाई समाजको तल्लो तहसम्म पुर्‍याउने संकल्प व्यक्त गरेका थिए ।

कार्यक्रमको समापन गर्दै पातन्जल योग समिति नेपाल जिल्ला शाखा भक्तपुरकी अध्यक्ष एवम कार्यक्रमका सभापति रिता पाख्रीनले तालिमलाई भव्यताका साथ सफल पार्न सहयोग गर्ने व्यवस्थापन पक्ष, प्रशिक्षक र सहयोगी हातहरूप्रति आभार प्रकट गर्दै आगामी दिनमा भक्तपुर जिल्लालाई नै योगको विशेष हब बनाउने अभियानमा लाग्ने दृढता व्यक्त गर्नुभयो ।

The post चाँगुनारायणलाई नेपालकै पहिलो ‘योगमय पालिका’ बनाउन  जुट्दैछौँ : नगरप्रमुख खत्री appeared first on Jana Aawaj News.

भक्तपुर । स्क्यामिङ, ह्याकिङ र सामाजिक सञ्जालका जोखिमबारे सुरक्षाकर्मी तथा पत्रकारलाई सचेत गराउने उद्देश्यले जुद्धबारुण यन्त्रको कार्यालय, भक्तपुरले “डिजिटल अवरनेस र एआई प्रोग्राम” शीर्षकमा विशेष प्रशिक्षण कार्यक्रम शनिबार सम्पन्न गरेको छ ।

लर्न दिस वे प्रा.लि.को प्राविधिक सहयोगमा सम्पन्न उक्त कार्यक्रममा जिल्ला भित्रका सुरक्षाकर्मी,पत्रकारहरु,योग जिल्ला समन्वय समिति भक्तपुरका प्रतिनिधि एवं आयोजक संस्थाका कर्मचारीहरू सहभागी थिए ।

कार्यालय प्रमुख विजय धौभडेलको अध्यक्षतामा सञ्चालित कार्यक्रमको सञ्चालन सूचना अधिकारी हिमाल घर्ती मगरले गरेका थिए। लर्न दिस वेका प्रमुख कार्यकारी अधिकृत विपिन सुवेदीले प्रमुख प्रशिक्षकको भूमिका निर्वाह गरे ।

कार्यक्रममा वक्ताको रूपमा कार्यालय प्रमुख विजय धौभडेल, योग जिल्ला समन्वय समिति भक्तपुरका सचिव नबराज काफ्ले, जिल्ला प्रहरी परिसर भक्तपुरका क्षेत्रकुमार श्रेष्ठ र स्वतन्त्र पत्रकार राजन कार्कीले आ–आफ्ना विचार प्रस्तुत गरे ।

प्रशिक्षणमा सहभागीहरूले डिजिटल जोखिम र सर्तकताका उपाय, सामाजिक सञ्जालबाट हुने विभिन्न प्रकारका जोखिम तथा तिनबाट बच्ने तरिका, स्क्यामिङ र ह्याकिङका सम्भावना र सुरक्षाका उपाय तथा एल्गोरिदमलाई उत्पादनमुखी ढंगले कसरी प्रयोग गर्ने भन्ने विषयमा व्यावहारिक ज्ञान आर्जन गरे ।

कार्यक्रम अध्यक्ष धौभडेलले डिजिटल युगमा सचेत नागरिक बन्नु र प्रविधिको सही उपयोग गर्नु आजको आवश्यकता भएको बताए । उनले साइबर अपराधका घटनाहरू बढ्दै गएको सन्दर्भमा यस किसिमका सचेतनामूलक कार्यक्रम नियमित रूपमा आयोजना गर्नुपर्नेमा जोड दिए।

प्रशिक्षक सुवेदीले एआई र डिजिटल प्रविधिको ज्ञान नहुँदा सर्वसाधारण सजिलै ठगीको शिकार हुने गरेको उल्लेख गर्दै सुरक्षाकर्मी र पत्रकार जस्ता जिम्मेवार व्यक्तिहरूले यस विषयमा अद्यावधिक रहनु अपरिहार्य रहेको बताए ।

The post appeared first on Jana Aawaj News.

जन आवाज न्युज/भक्तपुर, जेठ १ गते । चखुँतीर्थ दधिकोट यातायात प्रा.लि. ले आजदेखि विधिवत रूपमा विद्युतीय माइक्रो बस सेवा सञ्चालनमा ल्याएको छ। स्थानीय यात्रुहरूलाई सहज, सुलभ तथा वातावरणमैत्री सार्वजनिक यातायात सेवा उपलब्ध गराउने उद्देश्यसहित कम्पनीले सेवा सुरु गरेको जनाएको छ।

सुरुवाती चरणमा सीमित संख्यामा भ्ख् माइक्रो सञ्चालनमा ल्याइएको यातायात समितिले जानकारी दिएको छ। हालका लागि माइक्रो सेवा दधिकोटको तर्खगालबाट सञ्चालन भई न्यौपाने गाउँ, गाम्चा, चित्रपुर राजकुलो, बालकोट पानी ट्याङ्की तथा ल कलेज हुँदै थिमीसम्म पुग्नेछ। फर्किँदा पनि सोही रुट प्रयोग गरिने र पछि अन्यरुटबाट पनि माईक्रो चलाईने बताइएको छ।

स्थानीयवासीले लामो समयदेखि दधिकोट क्षेत्रबाट सहज र नियमित सार्वजनिक यातायात सेवाको माग गर्दै आएका थिए। भ्ख् माइक्रो सञ्चालनमा आएपछि विद्यार्थी, कर्मचारी, व्यवसायी तथा दैनिक आवतजावत गर्ने यात्रुहरू प्रत्यक्ष लाभान्वित हुने अपेक्षा गरिएको छ।

यातायात समितिका अनुसार अबको केही दिनभित्रै सेवा विस्तार गरी काठमाडौंको रत्नपार्कसम्म नियमित भ्ख् माइक्रो सञ्चालन गर्ने तयारी भइरहेको छ। यसले दधिकोट तथा आसपास क्षेत्रका यात्रुहरूलाई काठमाडौं आवतजावतमा थप सहजता प्रदान गर्ने विश्वास लिइएको छ।
विद्युतीय सवारी सञ्चालनले वातावरण प्रदूषण घटाउन सहयोग पुग्ने तथा आधुनिक र स्वच्छ यातायात प्रणाली विस्तारमा समेत टेवा पुग्ने स्थानीयको अपेक्षा रहेको छ।

The post दधिकोटमा EV Micro आजदेखि सञ्चालनमा appeared first on Jana Aawaj News.

कार्यक्रममा ASEZ का सदस्यहरू, सुप्रिम कलेजका शिक्षक तथा विद्यार्थीहरू गरी करिब ६० जनाको उत्साहजनक सहभागिता थियो । ‘ASEZ Blue Carbon’ अभियानचाहिँ प्रदूषित क्याम्पस तथा खोला वरपरका सडक सफा गरी स्वस्थ समुद्री पारिस्थितिक प्रणाली संरक्षण गर्ने एक विश्वव्यापी अभियान हो।सक्रिय सहभागिता र उपलब्धि

बिहान ७.३० बजेदेखि सुरु भई करिब १.५ घण्टासम्म चलेको उक्त गतिविधिमा स्वयंसेवकहरूले करीब १ किलोमिटर क्षेत्र सफा गरेका थिए। विश्वविद्यालय विद्यार्थीहरूको सक्रियता र सेवाभावले सडकको वातावरणमा सकारात्मक परिवर्तन देखिएको थियो । उनीहरूले सडकमा फ्याँकिएका प्लास्टिकका कप, झोला, चुरोटका ठुटा र बक्स लगायतका सबै प्रकारका फोहोरहरू सङ्कलन गरे। सो क्रममा २० लिटर क्षमताका १० वटा प्लास्टिकका झोला फोहोरले भरिएको थियो।

ASEZ का एक अधिकारीले भने, “यदि प्रदूषण क्याम्पसबाट वा समाजबाट सुरु हुन्छ भने, समुद्रसम्म पुग्न नदिइ त्यसलाई यहीँ रोक्नपर्छ। परिवर्तन धेरै टाढाबाट सुरु हुँदैन । यो यहीँबाट र हामीबाटै सुरु हुन्छ । यो सानो प्रयासले छिमेकीहरूमा वातावरणीय चेतना जगाउन र स्वच्छ पृथ्वी तथा मानवजातिको सुखद भविष्य निर्माणमा ठोस आधार बनोस् भन्ने हाम्रो चाहना हो।”

स्थानीय जनप्रतिनिधिको सराहना

विद्यार्थीहरूलाई प्रोत्साहन दिन उपस्थित हुनुभएका टोखा नगरपालिका वडा नं. १० का अध्यक्ष मचाकाजी महर्जनले भन्नुभयो, “यस कार्यक्रमको माहोले मलाई खुशी बनाएको छ र टोखा वडा नं. १० मा यस्तो सन्देशमूलक कार्यक्रम गरिदिनुभएकोमा धन्यवाद र शुभकामना व्यक्त गर्दछु।” त्यसैगरी, सुप्रिम कलेजका क्याम्पस प्रमुखले जनचेतनामूलक कार्यको प्रशंसा गर्दै कलेज परिवारको तर्फबाट कृतज्ञता प्रकट गर्नुहुँदै मायाको चिनो प्रदान गर्नुभयो ।

सहभागी राजनले समुद्री पारिस्थितिक प्रणालीको महत्त्वको बारेमा चर्चा गर्दै प्लास्टिकमुक्त भविष्य निमार्ण गर्ने कार्यमा सहभागी हुन पाउँदा खुशी व्यक्त गर्नुभयो भने अर्की सहभागी समृतिले यस अभियानमा जोडिन पाउँदा गर्व महसुस भएको बताउनुभयो।

ASEZ र यसका विश्वव्यापी गतिविधिहरू

‘Save the Earth from A to Z’ (पृथ्वीलाई सुरुदेखि अन्त्यसम्म बचाऔँ) भन्ने वाक्यांशको संयोजनबाट ASEZ नामाकरण गरिएको हो। यसको अर्थ ‘सुरुदेखि अन्त्यसम्म पृथ्वीलाई बचाऔँ’ भन्ने हुन्छ।

वातावरण संरक्षणका लागि ASEZ ले ‘Blue Carbon’ अभियान सँगसँगै ‘Crime Prevention’ (अपराध रोकथाम) अभियान, र ‘Climate Change Response’ (जलवायु परिवर्तन प्रतिक्रिया)अभियान जस्ता विभिन्न अभियानहरू विश्वभर सञ्चालन गरिरहेको छ। यो परोपकारी कार्यको कदरस्वरूप UNCCD को कार्यकारी सचिवबाट अवार्ड, अमेरिकी राष्ट्रपति स्वर्ण स्वयंसेवा अवार्ड, ग्रीन वर्ल्ड अवार्ड र ग्रीन एप्पल अवार्ड लगायत ४०० भन्दा बढी अन्तर्राष्ट्रिय सम्मानहरू प्राप्त भइसकेका छन्। नेपालमा पनि ASEZ ले काठमाडौँ, ललितपुर, भक्तपुर लगायतका देशका विभिन्न स्थानमा निरन्तर सरसफाइ तथा वातावरणीय सेमिनारहरू आयोजना गर्दै आएको छ।

परमेश्वरको मण्डलीको सेवा यात्रा

ASEZ आबद्ध रहेको परमेश्वरको मण्डली विश्वका १७५ देशका ७,८०० भन्दा बढी स्थानमा फैलिएको छ। करिब ४० लाख विश्वासीहरू रहेको यस मण्डलीले बाइबलको शिक्षाअनुसार पिता परमेश्वर र माता परमेश्वरमा विश्वास गर्दै ‘छिमेकीलाई आफूलाई झैँ प्रेम गर्ने’ ख्रीष्टको शिक्षालाई व्यवहारमा उतारिरहेको छ।

नेपालमा मात्रै हालसम्म मण्डलीका ६९,५६८ जना सदस्यहरूले १,०६८ पटक विभिन्न स्वयंसेवाका गतिविधिहरू गरेका छन्। विश्वव्यापी रूपमा वातावरण संरक्षण, प्रकोप राहत, रक्तदान र सांस्कृतिक आदानप्रदान जस्ता गतिविधिहरू हालसम्म ४७,००० पटकभन्दा बढी सम्पन्न भएका छन्।

परमेश्वरको मण्डलीले नि:स्वार्थ सेवाको कदरस्वरूप विश्वभरबाट ५,८०० भन्दा बढी सम्मान प्राप्त गरेको छ। जसमा अमेरिकी राष्ट्रपतिको स्वयंसेवा अवार्ड (४ पटक), बेलायती महारानी स्वयंसेवा अवार्ड, र दक्षिण कोरियाको राष्ट्रपति अवार्ड (३ पटक) जस्ता प्रतिष्ठित पुरस्कारहरू सामेल छन्। साथै, ब्राजिलको विधायिकी योग्यता पदक, पेरुको सर्वोत्कृष्ट वातावरण अवार्ड र राष्ट्रिय सभाको सम्मान पदक सहित संस्थाले ग्रीन वर्ल्ड र ग्रीन एप्पल जस्ता अन्तर्राष्ट्रिय वातावरणीय अवार्डहरू समेत प्राप्त गरिसकेको छ।

The post ASEZ द्वारा सामाखुशी, टोखामा ‘Blue Carbon’ अभियान अन्तर्गत सरसफाइ कार्यक्रम सम्पन्न appeared first on Jana Aawaj News.