उक्त सरसफाइ कार्यक्रममा सामुदायिक वन, पर्यापर्यटन प्रवर्द्धन तथा उद्यान व्यवस्थापन समितिका अध्यक्ष सुदर्शन सिग्देल, स्थानीय बासिन्दा, समाजसेवी, विभिन्न सङ्घ–संस्थाका प्रतिनिधि र थुलुङ राई सहजीकरण सोलुखुम्बुका पदाधिकारी तथा सदस्यहरूको उल्लेखनीय सहभागिता रहेको थियो।

संस्थाका अध्यक्ष पासाङ दोर्जे राईले पर्यावरण संरक्षणका लागि यस्ता साना प्रयासले ठूलो सन्देश प्रवाह गर्ने बताए। उपाध्यक्ष नरबहादुर राईले एकता नै शक्ति भएको र यस्ता सामाजिक कार्यमा संस्था निरन्तर सक्रिय रहेको उल्लेख गर्दै सम्पूर्ण सहभागीप्रति कृतज्ञता व्यक्त गरे।
विगतका वर्षहरूमा झैँ यस वर्ष पनि संस्थाले आफ्नो वार्षिक कार्यक्रमको निरन्तरताका रूपमा यो सरसफाइ अभियान सञ्चालन गरेको हो। थुलुङ राई सहजीकरण सोलुखुम्बुले सरसफाइसहित विभिन्न सामाजिक कार्यहरू निरन्तर रूपमा आयोजना गर्दै आएको छ।

The post थुलुङ राई सहजीकरण सोलुखुम्बुद्वारा सरसफाइ कार्यक्रम सम्पन्न appeared first on Jana Aawaj News.

“सफा गाउँ सहर, हामी सबैको रहर” भन्ने मूल नाराका साथ थुलुङ राई सहजीकरण सोलुखुम्बुले बृहत सरसफाई कार्यक्रम सम्पन्न गरेको कार्यवाहक अध्यक्ष पासाङ्ग दोर्जे राईले जानकारी दिनुभयो ।

उक्त कार्यक्रममा सामुदायिक वन पर्या–पर्यटन प्रवर्धन तथा उधान व्यवस्थापन समितिका अध्यक्ष सुदर्शन सिग्देल, सचिव राजकुमार केसी, थुलुङ राई संस्कृति प्रतिष्ठानका अध्यक्ष निर्कुधन राई, स्थानीय नागरिकहरु, समाजसेवी, विभिन्न संघ–संस्थाका प्रतिनिधिहरुका साथै सहजीकरण सोलुखुम्बुका पदाधिकारीहरु तथा सदस्यहरुको सहभागिता रहेको थियो ।

The post थुलुङ राई सहजीकरण सोलुखुम्बुद्वारा बृहत सरसफाई कार्यक्रम सप्पन्न appeared first on Jana Aawaj News.

उक्त संस्थाकी उपाध्यक्ष तारादेबी सुबेदिको संयोजकत्वमा कोषाध्यक्ष बिनोद कार्की र संचालक पद्मा मोक्तान, शुशिला सुनुवार, लेखा समिती सदस्य रिना बराल (दाहाल) सम्मेलित भ्रमणमा कर्मचारी निरोज कुमार दाहाल र शोभ न्यौपानेले सो भ्रमणको व्यवस्थापन गर्नुभएको थियो ।
त्यसैगरी सोहि संस्थाका अध्यक्ष केशव प्रसाद ढकाल, सस्थापक अध्यक्ष बाबुराम घिमिरे ,सचिब राजकुमार उप्रेती र प्रबन्धक रबिन्द्र राना उपस्तिथि भई भ्रमण सफलताको कामना सहित बिदाई भएको उक्त तिर्थाटन भ्रमण मधेस प्रदेशको राजधानी जनकपुर स्थित रामजानकी मन्दिर दर्शन गरि सम्पन्न भएको थियो ।

सगुन साकोसले आफ्नो सदस्यहरुलाई नियमित रुपमा सदस्य शिक्षा कार्यक्रम, टिर्थाटन भ्रमण र अध्ययन अवलोकन भ्रमण गराउदैं आईरहेको छ ।

The post सर्लाहीको सगनु साकोसद्धारा ५० जना वृद्ध वृद्धालाई १ दिने भ्रमण appeared first on Jana Aawaj News.

उक्त कार्यक्रममा बोल्नुहुँदै नगर प्रमुख प्रजापतिले स्थानीय तह निर्वाचन २०७४ मा नेमकिपाले जारी गरेको भक्तपुर नपाको घोषणापत्रमा दुईवटा उपचार पोखरी पुनः सञ्चालन गर्ने उल्लेख गरेको बताउनुहुँदै हनुमानघाट फोहर पानी प्रशोधन केन्द्र निर्माणपछि हनुमन्त्ते खोला सुधारसँगै सिंगो भक्तपुरकै स्वरुप फेरिने र यहाँका स्थानीय बासिन्दाहरुलाई फाइदा पुग्ने बताउनुभयो ।
उहाँले प्रशोधन केन्द्रको काम इमानदारीपूर्वक निर्धारित समयभित्र कार्य सम्पन्न हुने आशा व्यक्त गर्नुहुँदै आयोजना सम्पन्न भइसकेपछि पनि तालिम प्राप्त जनशक्तिबाट यसको नियमित मर्मत सम्भार र सुपरीवेक्षण हुन जरुरी रहेको बताउनुभयो ।

कार्यक्रममा भक्तपुर नपा वडा नं. ७ का वडाध्यक्ष उकेश कवांले प्राचीन र ऐतिहासिक हनुमानघाट धार्मिक स्थल पनि भएको बताउनुहुँदै यस ठाउँमा निर्माण हुने फोहोर पानी प्रशोधन केन्द्र निर्धारित समयमा डिजाइनअनुसार निर्माण हुनेमा विश्वास व्यक्त गर्नुभयो ।

यस्तै आयोजनाका टोली उपप्रमुख प्रेम श्रेष्ठले प्रशोधन केन्द्रको क्षमता १० लाख लिटर प्रति दिन र ११.५७ लिटर प्रति सेकेन्ड रहेको उल्लेख गर्नुहुँदै हनुमानघा क्षेत्रमा नदीको जलस्तर उकास्न र वातावरणीय अवस्था सुधार्न नदीको तीन स्थानमा होचो बाँध समेत निर्माण गरिने बताउनुभयो । उहाँले प्रशोधन केन्द्रको निर्माण ६ मार्च २०२२ बाट सुरु भई १५ महिनामा निर्माण सम्पन्न गरी निर्माण कम्पनीले नै ५ वर्ष सञ्चालन तथा मर्मत सम्भार गर्ने बताउनुभयो ।

आयोजना प्रमुख चन्द्रकुमार पाँ श्रेष्ठले १ एम.एल.डी. क्षमता भएको फोहोर पानी प्रशोधन केन्द्र निर्माण गरिने र प्रशोधन केन्द्र एम.बी.बी. आर प्रविधिबाट सञ्चालन गरिने जानकारी गराउनुहुँदै अनुमानघाटस्थित पुरानो फोहोर पानी प्रशोधन केन्द्रको आधुनिकीकरण तथा क्षमता अभिवृद्धि गर्न यो आयोजना प्रस्ताव गरिएको बताउनुभयो ।

The post हनुमानघाटमा फोहोर पानी प्रशोधन केन्द्र निर्माणको कार्य शुभारम्भ appeared first on Jana Aawaj News.

कार्यक्रममा नेमकिपाका सचिव एवम् संघीय सांसद प्रेम सुवालले आगलागी सम्बन्धी भएको कृत्रिम घटना अभ्यास कार्यक्रम सबै नागरिकहरुको लागि आवश्यक भएको बताउनुहुँदै जुनसुकै समयमा आउनसक्ने विपदबाट जोगिन यस किसिमका कार्यक्रमले महत्वपूर्ण भूमिका खेल्ने बताउनुभयो । विपद्का अभ्यास कार्यक्रमहरु स्थानीय तहसँग समन्वय गरी टोल–टोलमा जनचेतनामूलक कार्यक्रमहरु आयोजना गर्नुपर्नेमा जोड दिनुहुँदै सांसद सुवालले विपद्बाट हुनसक्ने सम्भावित मानवीय क्षति तथा धनसम्पत्ति हानी नोक्सानी कम गर्न विपद्को पूर्वतयारीले महत्वपूर्ण भूमिका निर्वाह गर्ने बताउनुभयो ।

भक्तपुर नगरपालिकाका प्रमुख सुनिल प्रजापतिले विपद् न्युनीकरणसम्बन्धी अभ्यास कार्यक्रम निकै उपलब्धीमूलक हुने विश्वास व्यक्त गर्दै भक्तपुर नगरपालिकाले पनि नेपाली सेनासँग समन्वय गरी विपद् न्युनीकरणसम्बन्धी तालिमहरु सञ्चालन गर्दै आइरहेको बताउनुभयो ।

कार्यक्रममा गृह मन्त्रालयका उपसचिव उमाकान्त आचार्यले नेपालमा वर्षेनि विभिन्न प्राकृतिक तथागैरप्राकृतिक विपद्का घटनाहरु नियमित घट्ने हुँदा ठूलो मात्रामा जनधनको क्षति हुन नदिन यस्ता कृत्रिम घटना अभ्यास कार्यक्रमको आवश्यकता रहेको बताउनुभयो ।

कार्यक्रममा नेपाली सेना, नेपाल प्रहरी, सशस्त्र प्रहरी, जुद्ध वारुण यन्त्र भक्तपुर, आर.एन. ए १६, रेडक्रस भक्तपुर लगायतको टोलीले आगालागी नियन्त्रणबारे कृत्रिम घटना अभ्यास प्रस्तुत गरेका थिए भने, उहाँहरुलाई सांसद सुवालले भक्तपुरमा जिल्लामा आइपर्ने विपद् तथा प्राकृतिक प्रकोपहरुको प्रतिकार्य तथा पूर्वतयारी निम्ति संयुक्त विपद् प्रतिकार्य तथा आगलागी नियन्त्रण अभ्यास सफलतापूर्वक सञ्चालन गरेकोमा प्रशंसापत्र पनि वितरण गर्नुभएको थियो ।

उक्त कार्यक्रममा भक्तपुर जिल्लाका प्रजिअ रुद्रादेवी शर्माको सभापतित्वमा सम्पनन भएको थियो ।

The post आगलागी सम्बन्धी कृत्रिम घटना अभ्यास कार्यक्रम सम्पन्न appeared first on Jana Aawaj News.

कार्यक्रममा बोल्नुहुँदै प्रमुख प्रजापतिले ३० वर्षअघिको भक्तपुरको शैक्षिक अवस्था दयनीय भएको बताउनुहुँदै अहिले भक्तपुर नेपालकै उत्कृष्ट शैक्षिक गन्तव्यस्थलको रुपमा विकास भइरहेको र नेपालका उत्कृष्ट विद्यार्थी समेत यहाँ उत्पादन भइरहेको बताउनुभयो । कक्षा १ देखि ८ सम्म स्थानीय पाठ्यक्रम बनाइ नगरभित्र सञ्चालित विद्यालयहरुमा पठनपाठन गर्दै भक्तपुरको इतिहास, भूगोल, कला, संस्कृति, सम्पदा, मौलिक सीप तथा प्रविधि र विभिन्न पक्षका विशिष्ट व्यक्तित्वहरुको जीवनीबारे जानकारी दिने प्रयास गर्दै आएको बताउनुहुँदै प्रमुख प्रजापतिले नगरपालिकाले धिमाय्, धाँ, बाँसुरी र यो वर्ष पछिमा बाजा प्रतियोगिताको आयोजना गरी नयाँ पुस्तामा पुस्तान्तरण गर्ने अभियान सफल भएको बताउनुभयो ।
देशभक्त र क्षमतावान विद्यार्थी उत्पादन गर्नेतर्फ विद्यालयले ध्यान पुर्याउनुपर्ने भन्दै उहाँले भक्तपुरका सामुदायिक विद्यालय र कलेजले स्तरीय शिक्षा प्रदान गर्दै आइरहेको बताउनुभयोे । सम्पदाको महत्वबारे विद्यार्थीहरुलाई अवगत गराउनुपर्ने धारणा राख्नुहुँदै प्रमुख प्रजापतिले भक्तपुरले लोपोन्मुख सम्पदा, स्थानीय खेललगायतलाई जीवन्त राख्ने प्रयासहरु गर्दै आएको अवगतत गराउनुभयो ।

भक्तपुर नपा वडा नं. ३ का वडाध्यक्ष राजकृष्ण गोराले भक्तपुरका विद्यार्थीहरुलाई भक्तपुरमा उच्च शिक्षा हासिल गराउने उद्देश्यले नगरपालिकाले सातवटा शैक्षिक सञ्चालन गरेको बताउनुहुँदै सरकारले निजी विद्यालय सञ्चालनमा जोड दिएकै कारण सामुदायिक विद्यालयहरुको शैक्षिक स्तर खस्कँदै गएको बताउनुभयो ।

कार्यक्रमका सभापति एवम् महेन्द्र विद्याश्रमका संस्थापक महेन्द्रप्रसाद मास्केले कोभिडले शिक्षा क्षेत्रमा परेको असर बिस्तारै हट्दै गइरहेको हुँदा विद्यार्थीहरु उत्साहित देखिएको बताउनुहुँदै विद्यालयलाई समयको मागअनुसार कक्षा १२ सम्म अध्ययन अध्यापन गराउन आवश्यक तयारी भइरहेको अवगत गराउनुभयो ।

कार्यक्रममा महेन्द्र विद्याश्रमका प्रिन्सिपल अनिल श्रेष्ठले विद्यालयको प्रगति प्रतिवेदन प्रस्तुत गर्नुहुँदै विद्यालयले समय र परिस्थितिअनुसार यहाँका अध्ययनरत विद्यार्थीहरुलाई युग सुहाउँदो शिक्षा प्रदान गरिरहेको बताउनुभयो । उहाँले हाल विद्यालयमा कूल ५३७ जना विद्यार्थीहरु अध्यनरत रहेको बताउनुहुँदै आफ्नो देशप्रति बफादार हुन प्रेरित गर्दै जीवनउपयोगी ज्ञान र सीपहरु प्रदान गर्दै आइरहेको बताउनुभयो ।

कार्यक्रममा शिक्षक प्रतिनिधि पद्मराज सुवेदी, विद्यार्थीका तर्फबाट ललिस्मिता भूजु र अभिभावकका तर्फबाट प्रतिनिधि सरस्वती गिरीले विद्यालयको शैक्षिक विशेषताबारे आफ्नो धारणा राख्दै विद्यालयको उत्तरोत्तर प्रगतिको शुभकामनना व्यक्त गर्नुभएको थियो ।

The post महेन्द्र विद्याश्रमको अभिभावक दिवस तथा अभिनन्दन समारोह सम्पन्न appeared first on Jana Aawaj News.

आज भक्तपुरको सूर्यविनायक चोकमा आयोजित पत्रकार सम्मेलन मार्फत जानकारी दिनुहुँदै सूर्यविनायक वडा नं १० चित्तपोलका बासिन्दा एवं अधिवक्ता समेत रहनुभएका विक्रम थापाले स्वतन्त्र उम्मेदवारको तर्फबाट सूर्यविनायक नगरपालिकाको मेयर पदमा आफु उठ्ने घोषणा गर्नुभएको हो । अधिवक्ता थापाले नेपाली राजनीतिमा आमुल परिवर्तनको खाचो भएको औल्याउदै आफ्नो उम्मेद्ववारीको घोषणा गरेको बताउनुभएको छ ।

देश भ्रष्टाचारमा लिप्त भईरहेको समयमा भ्रष्टाचार निवारणमा, प्रशासनिक सुधार र असारे विकासको अन्त्य गर्नकै लागि उम्मेद्धवारी दिएको बताउनुभयो । अधिवक्ता थापाले सूर्यविनायक नगरपालिकालाई औद्योगिक क्षेत्र घोषणा गर्ने, सम्पूर्ण गोरेटो बाटोलाई विस्तार गर्ने, निर्यात क्षमता बढाउने, असल छिमेकी अभियान संचालनमा ल्याएर नयाँ सोच सहित २० बुंदे घोषणापत्र समेत जारी गर्नुभएको छ ।

यस्ता छन् एजेण्डाहरु ˸

१. भ्रष्टाचार निवारण
२. प्रशासनिक सुधार
३. उद्योगको विकासः औद्योगिक क्षेत्र घोषणा, विशेष आर्थिक क्षेत्रको घोषणा र सोको मापदण्ड, कार्यविधि तयार, स्थानीय रोजगारीको सृजना, कलकारखानाको पहिचान गरी अवसर, नगरपालिकाले निरीक्षण निगरानी गर्ने ।
४. बाटो र ढल नक्सामा भएका सम्पूर्ण गोरेटो बाटोलाई विस्तार, दुई ठाउँ जोड्ने गरी नयाँ ट्र्याक खोल्ने, कोरिडोर खोल्ने, एक ठाउँबाट अर्को ठाउँमा जोड्ने गरी । दूरगामी सोच सहित सडक निर्माण, विस्तार, ढल निर्माण ।
५. खानेपानी खानेपानीको मूल मुहान संरक्षण र बोरिङबाट पानी दोहनमा रोक्ने, बन्द । श्रोत पहिचान ।
६. वातावरण संरक्षण प्रदूषण नियन्त्रण एक मान्छे एक रुख अभियान, ईट्टा भट्टामा नयाँ प्रविधि लाग, समयको सीमा प्रदान गर्ने, पुराना गाडी विस्थापन, विद्युतीय गाडीको प्रवद्र्धन ।
९. सरकारी जग्गा, पर्ती, ऐलानी जग्गाको लगत राख्ने, संरक्षण र सोको उचित आयमूलक सदुपयोग समेत गर्ने ।
८. प्रधानमन्त्री रोजगार कोष, स्वरोजगार कोषको सही सदुपयोग ।
९. विश्व स्तरीय, धर्म र जातीय निरपेक्ष सहितको नमुना बस्ती । पर्यटन मुलुक
१०. शिक्षालाई सिपमूलक बनाउने, तालिममुखी, प्रविधि मैत्री बनाउन विशेष कोर्स नगरपालिकाको शिक्षा शाखाले तयार गर्ने । तालिम, गोष्ठी आदिको आयोजना ।
११. जग्गा प्लानिङ सम्बन्धमा स्पष्ट मापदण्ड र सो मापदण्डको अक्षरशः पर्ण पालना ।
१२. कृषियोग्य जमिनको संरक्षण, वास्तविक कृषकहरूको पहिचान र हकहित, कृषि अनुदानमा कढाई, निरीक्षण ।
१३. स्वास्थ्य क्षेत्र एउटा मेडिकल कलेज अनिवार्य खोल्ने । स्वास्थ्य बिमाको सीमा विस्तार र हस्पिटलहरूको विस्तार, सहज ढङ्गबाट सेवा पाउनुपर्ने,
१४. कानुनको परिपालना न्याय सम्पादन ।
१५. व्यापार निर्यात गर्न सक्ने क्षमता बनाउनुपर्ने ।
१६. विकासका कामहरु असारे विकास बन्द असोज देखि चैत्र सम्म
१७. दलित, पिछडिएका वर्गहरू, अन्य धर्मका व्यक्तिहरूको हितमा हुने काम गर्ने ।
१८. आन्तरिक तथा बारह्य पर्यटनको विस्तार ।
१९. सूर्यविनायक नगरपालिकाको आफ्नै श्रोत पहिचान गरी र सोबाट आय गर्न विशेष कदम चाल्ने।
२०. स्थानीय विकास र असल छिमेकी अभियान आफ्नो ठाउँको विकास आफै गरौँ, आफ्नो ठाउँको लागि पैसा हालौँ । यसले मुद्दा मामिला कम गर्दछ ।

The post अधिवक्ता विक्रम थापाद्धारा सूर्यविनायकको मेयरमा उठ्ने घोषणा appeared first on Jana Aawaj News.

यसैगरी अस्पताल व्यवस्थापन समितिका अध्यक्ष एवं नगर प्रमुख मदनसुन्दर श्रेष्ठले अस्पतालको सेवा, विगतको अवस्था, अहिलेको अवस्था, बिमा सेवा बन्द हुँदाको अवस्था, यहाँबाट दिने सेवा लगायतका बारेमा मन्त्री खतिवडा र खापुङलाई जानकारी गराउनुभयो । नगरपालिकाले सञ्चालन गरेका अस्पताल मध्ये १०२ शैयामा सञ्चालित एक मात्र अस्पतालको रुपमा रहेको यो अस्पतालमा स्वास्थ्य बिमा सेवा बन्द भएपछि स्थानीयले पाउँदै आएको सेवा पाउँन भक्तपुर अस्पताल पुग्नु पर्ने बाध्यता भएको बताउनुभयो ।
अनुगमनका क्रममा मन्त्री खतिवडालाई नगर प्रमुख श्रेष्ठले कोभिड महामारीमा टेकु अस्पताल पछि पहिलो पटक पिसिआर ल्याब सञ्चालन गर्ने, अक्सिजन प्लान्ट स्थापना गर्ने र विरामीलाई सबै सेवा उपलब्ध गराएको बताउदै यस अस्पताललाई ३०० शैयामा बिस्तार गर्ने प्रक्रिया अगाडि बढाउको बताउनुभयो ।

दैनिक १००० जनालाई स्वास्थ्य बिमामार्फत मध्यपुरथिमिका बासिन्दासहित काठमाडौं उपत्यका, काभ्रेपलाञ्चोक, सिन्धुपाल्चोक, सिन्धुलीलगायतका बिरामीलाई सेवा दिदै आएको बताउदै उहाँले बिमा सेवा बन्द हुँदा समस्या परेकाले उक्त सेवा सूचारु गरिदिन आग्रह समेत गर्नुभयो ।

उक्त अनुगमनमा नेकपा एकीकृत समाजवादीका वाग्मती प्रदेश सदस्य एवं भक्तपुर जिल्ला कमिटी अध्यक्ष श्यामसुन्दर बस्नेतले जस्तोसुकै कठिन अवस्थामा पनि देशभरीका विरामीलाई गुणनस्तरीय सेवा दिन सफल भएको यो अस्पतालमा बिमा सेवा लिन आउँनेको भीड लाग्ने गरेकाले बन्द सेवा सूचारु नहुँदा बिरामीलाई समस्या परेको बताउनुभयो । उहाँले अन्य अस्पताल भन्दा यो अस्पतालले गुणस्तरीय सेवा दिइरहेको भन्दै मन्त्री खतिवडालाई बिमा बोर्डको बैठक छिटो बस्न लगाएर भए पनि बिमा स्वास्थ्य सेवा सूचारु गराइदिन आग्रह गर्नुभयो ।

मन्त्री खतिवडाले अस्पतालको अनुगमन र नगर प्रमुखबाट जानकारी पश्चात ३०० शैयामा अस्पताल बिस्तार गर्ने भएपछि मन्त्रालयमा स्वीकृत लिन आउन आग्रह समेत गर्नुभएको छ । उहाँले यस अस्पतालको बिमा वापतको बाँकी दुई करोड रकम पनि छिटो नै निकासा हुने बताउदै अन्य अस्पतालमा पनि आएका यस्ता समस्याहरुको पनि अन्त्य हुने बताउनुभयो ।

The post स्वास्थ्य मन्त्री खतिवडाद्धारा नेपाल कोरिया मैत्री अस्पतालको अनुगमन, बिमा सेवा सूचारु गराइदिन नगर प्रमुखको आग्रह appeared first on Jana Aawaj News.