The post भक्तपुर नगरपालिकाको आ.व. २०८३-८४ का लागि बजेट सर्वसम्मतिबाट पारित appeared first on Jana Aawaj News.

The post भक्तपुर नगरपालिकाको अनुमानित बजेट रु. २ अर्ब ५५ करोड appeared first on Jana Aawaj News.

स्थानीयवासी स्व. नरबहादुर राउतको नाममा रहेको करिब एक करोड भन्दा बढी मूल्य बराबरको जग्गा वडा कार्यालय भवन निर्माणका लागि कार्यालयको नाममा नामसारी गरेर दान दिएपछि सोही जग्गामा भवन निर्माण हुने भएको हो ।
सूर्यविनायक नगरपालिका वडा न. १ का वडाध्यक्ष सानुकाजी कायस्थले राउत नरबहादुरका चार छोराबाट दान प्राप्त भएको चार आना जग्गामा अण्डरग्राउण्ड सहितको अत्याधुनिक भवन निर्माणको प्रक्रिया सुरु भएको जानकारी दिनुभयो ।
नगरपालिकाले रु. तीन करोड ४० लाखको बजेटमा ठेक्का आव्हान गरेसंगै भवन निर्माण सुरु हुन लागेको उहाँले जानकारी दिनुभयो ।

वडाध्यक्ष कायस्थले भन्नुभयो, ‘वडा कार्यालय भवन निर्माणको लागि स्व. नगरबहादुर राउतको परिवारबाट चार आना जग्गा प्राप्त गरिसक्यौ, भवन निर्माणका लागि नगरपालिकाले व्यबस्था गरेको तीन करोड ४० लाखको बजेटमा अण्डरग्राउण्ड पार्किङ्गसहितको चारतले अत्याधुनिक भवन निर्माण गर्दैछौं, असारबाट जग राखेर निर्माण काम सुरु गर्ने गरि प्रक्रिया अगाडि बढेको छ ।’

उहाँले कलात्मकता झल्किने गरि भवन निर्माण हुने र भवनमा वडा कार्यालयको प्रशासनीक कार्यसंगै बिभिन्न शाखा, स्तनपान कक्ष, अपाङ्गमैत्री, सुविधा युक्त हलसहितको भवन निर्माण हुने उहाँले बताउनुभयो ।
नगरपालिकाका प्रमुख वासुदेव थापाले सूर्यविनयक नगरपालिकाले वडा नं. २ देखि वडा नं. १० सम्म आफ््नै भवन निर्माण गरिसकेको बताउदै अब बाँकी रहेको वडा नं. १ को भवन पनि २०८३ सालभित्र निर्माण सम्पन्न गर्ने बताउनुभयो ।
उहाँले वडा नं. १ को भवन कलात्मक हुने बताउदै नयाँ बनेका भवनहरु मध्ये वडा नं. ५, वडा नं. ६, वडा नं. ९ र वडा नं. १० को भवनहरु कलात्मक शैलमा निर्माण गरेको र वडाका पुराना भवनहरुलाई पनि नयाँ स्वरुपमा कलात्मकता दिएको बताउनुभयो ।
वडा नं. १ सिरुटारको भवन निर्माणसंगै नगरपालिकाको आफ्नो प्रशासनिक भवन र नगरका १० वटै वडाको आफ्नै भवनमा रहेर सेवा प्रवाह गर्ने उहाँले बताउनुभयो ।

The post सिरुटारको वडा कार्यालय भवन निर्माण गर्न एक करोडको जग्गा दान, तीन करोड ४० लाखमा बन्दै कलात्मक सुविधा सम्पन्न भवन appeared first on Jana Aawaj News.

क्रियासिल पत्रकार मञ्च भक्तपुरको आयोजना र सूयविनायक नगरपालिकाको सहकार्यमा सोमबार आयोजना सूर्यविनायक नगरपालिका वडा नं. १ कार्यालयको सभाहलमा सम्पन्न ‘सार्वजनिक सुनुवाई’ कार्यक्रममा उहाँले २०७४ साल अगाडिसम्म खानेपानीको चरम अभाव र सडकका समस्या झेलिरहेको यहाँका बासिन्दाके अहिले घरघरमा धारा एवं दैलो दैलोमा पक्कि सडक पुर्याएको बताउनुभयो ।

२०७४ साल देखी ०७९ सालसम्म वडाको विकास र समृद्धिको लागि अत्याधिक मात्रामा बजेट तथा योजनाहरु सञ्चालनमा रहेको उल्लेख गर्दै उहाँले सो पछि वडामा धेरै योजनाहरु संघीय सरकारले कटौती गरेको भन्दै गुनोसो गर्नुभयो । अहिलेको बजेटमा संघीय सरकारबाट वडामा शुन्य रकम भएको गुनासो गर्दै उहाँले चालु योजनाहरुलाई संघले बजेट नदिएपनि प्रदेश र पालिकाबाट भएपनि सम्पन्न गर्ने प्रतिवद्धता जनाउनुभयो ।

उहाँले भन्नुभयो, ‘संघीय सरकारले बजेट नदिँदा योजनाहरु अलपत्र परेका छन् । कृषि उत्पादनको विकास र विस्तार गर्दै बजार व्यवस्थापन गर्ने जिम्मा नै म लिन तयार छु । उत्पादन गनुृस्, बजारको समस्या हुन दिन्न । त्यस्तै आध्यात्मिक कुरा वा योगाको विकास र विस्तार गर्न कुनै कन्जुस्याई हुने छैन । व्यवस्थापनमा समेत समस्या हुँदैन ।’

खेलकुददेखि शिक्षासम्म, कृषिदेखि सडकसम्मको विकासलाइ तिब्रता आएको बताउँदै उहाँले ललितपुरको सिमानाबाट कतिपय लागू पदार्थ प्रयोग कर्ता आउने गरेको बताउनुभयो । उहाँले कोठा र जग्गा भाडामा दिदाँ परिचय खुल्ने कागज लिएर मात्रै भाडामा दिन आव्हान गर्नुभयो ।

उहाँले भन्नुभयो, ‘जनताको सेवा नै हाम्रो जिम्मेवारी हो । जनताको चाहना र आवश्यकतालाई मध्यनजर गर्दै हामीले पूर्वाधार निर्माण, सामाजिक कार्य तथा लक्षित वर्गका कार्यक्रमहरु सञ्चालन गरिरहेका छौं । भौतिक विकासमात्र नभई मानवीय विकासलाई उच्च प्राथमिकता दिएका छौं । जसमा धर्मसंस्कृति, खेलकुद, मठमन्दिर निर्माण तथा संरक्षण, सडक हरियाली, सीसी क्यामेरा जडा तथा मर्मत, बालउद्यान निर्माण गर्ने कार्य अगाडी बढेको लगायतका असंख्य कार्यहरु गरिरहेका छौं ।’

सार्वजनिक सुनुवाइ कार्यक्रममा स्थानीय बासिन्दाले वडा कार्यालय तथा जनप्रतिनिधिप्रति कुनै उल्लेखनीय गुनासो नराखेपछि कार्यक्रमको वातावरण निकै सकारात्मक बनेको थियो । विकास निर्माण, सेवा प्रवाह र जनअपेक्षा सम्बोधनका विषयमा स्थानीयले सन्तुष्टि व्यक्त गरेपछि कार्यक्रममा उपस्थित पत्रकार दिवस गुरागाईंले वडा अध्यक्षलाई रोचक शैलीमा प्रश्न गर्दै भन्नुभयो, “स्थानीय नागरिकलाई यति धेरै खुसी बनाउनुभएको रहेछ, अब तपाईं स्वयं चाहिँ कतिको खुसी हुनुहुन्छ ?
जवाफमा वडा अध्यक्ष कायस्थले नागरिकको खुशी नै आफ्नो खुशी रहेको बताउदै नागरिककको सेवा नै आफ्नो खुशी रहेको बताउनुभयो ।
उहाँले यस वडाले विभिन्न बाल समुह बालमैत्री कार्यक्रम सम्पन्न गरिसकेको जानकारी दिनुभयो। जेष्ठ नागरिक सम्मान कार्यक्रम सम्पन्न गरिसकेको र युवा लक्षित कार्यक्रम केहि सम्पन्न भैसकेको र केहि बाँकी रहेको बताउनुभयो ।
खानेपानीको समस्या भैरहेको र सिरुटार खानेपानी को लागि २ लाख लिटर ट्याङकी निर्माण गरेको बताउनुभयो । भौतिक पुर्वाधारमा मात्रै होइन मठ मन्दिर मा रङगरोहन गरेको र योग क्षेत्रमा काम गरेको बताउनुभयो । कौशलटार क्षेत्रमा ५ सय २० वटा फुल रोपेको बताउनुभयो ।
वडामा सीसी क्यामेरा ३० वटा जडान गरिएको बताउदै खेलकुदमा पनि खेलमैदान पनि रहेको बताउनुभयो । थापागाउ जाने नमुना बाटो बनाउन सम्पन्न भएको बताउनुभयो । बालमैत्री खेलमैदानका लागि अबको २०८३ ८४ मा बजेट माग गरिएको बताउनुभयो ।
जनताको चासो, गुनासो र सुझाव संकलन गरी जनअपेक्षा अनुसार विकास र समृद्धिसँगै सार्वजनिक सेवा प्रवाहको कार्यसम्पादन गर्ने लक्ष्यका साथ आयोजना भएको वडास्तरीय सार्वजनिक सुनुवाईमा वडा सचिव राम श्रेष्ठले वार्षिक प्रगति प्रतिवेदन एवै सेवा प्रवाहको बिवरण प्रस्तुत गर्नु भएको थियो ।
वडा सचिव राम श्रेष्ठले वडा कार्यालयले जनताको सेवा, सुशासन, जवाफदेहिताका विषयमा जानकारी गराउदै नगर कार्यपालिकाबाट रु दुई करोड ६० लाख बराबरको चालु आर्थिक वर्षमा भौतिक पूर्वाधार तथा अन्य सामाजिक क्षेत्रहरुमा कार्यसम्पादन गरिएको बताउनुभयो ।
उहाँले उक्त रकम बराबर वडामा ६५ वटा साना तथा ठूला आयोजनाहरु सञ्चालन भएको बताउदै एक करोड चार लाख ७१ हजार ३०६ रुपैंया राजस्व संकलन भएको बताउनुभयो । उहाँले वडामा लक्षित कार्यक्रम अन्तरगत अपाङ्गता, जेष्ठ नागरिक, महिला, वालवालिका, युवा, विपद् व्यवस्थापन, धर्मसंस्कृति, शिक्षा, स्वास्थ्य लगायतका क्षेत्रहरुमा जनताको माग, आवश्यकता र चाहना अनुसार कार्य गरिएको बताउनुभयो ।
कार्यक्रममा प्रहरी वृत्त ठिमीका प्रमुख (डिएपी) निसान थापाले भक्तपुरमा लागुऔषधको प्रयोग र विक्रि बढेको प्रति चिन्ता व्यक्त गर्दै स्थानीय तहका विकृति हटाउन समुदायन नै जागरुक हुनुपर्नेमा जोड दिनुभयो । घरभाडामा बस्नेको विवरण राख्न आग्रह गर्दै उहाँले गलत कार्य रोक्न प्रहरीको मुख्य जिम्मेवारी भएको स्पष्ट पार्नुभयो । अपराध नियन्त्रण तथा शान्ति सुरक्षाको लागि हरेक चोकमा गुणस्तरीय सीसी क्यामेरा आवश्यक रहेको उहाँले औंल्याउनुभयो ।
उहाँले घरमा घरभाडामा राख्दा उसको सबै डकुमेण्ट आफुसँग राख्न अनुरोध गर्नुभयो । उहाँले कोहि आपराधिक कार्यमा संलग्न रहेको भएतापनि त्यहि डकुमेन्टका आधारमा पत्ता लगाउन सकिने र सहयोग पुग्ने बताउनुभयो । सिरुटार आफुलाई निकै सुन्दर लागेको र यहाँको विकास पनि निकै सुन्दर रहेको भन्दै प्रशंसा गर्नुभयो ।
पत्रकार पेशल आचार्यले वडा कार्यालयको भवन किन नबनेको भन्ने प्रश्नको जवाफ दिदै वडाध्यक्ष कायस्थले असार महिनामै भवन निर्माण सुरु गरिने बताउनुभयो ।
अर्का पत्रकार महेश गौतमले आइतबार विदाले विद्यार्थी, अभिभावक र अस्पतालमा कस्तो गुनासो आएको छ भन्ने जिज्ञासा राखेपछि वडाध्यक्ष कायस्थले आइतबारको बिदाले बालबालिका कुलतमा परेको गुनासो आएको बताउदै सूर्यविनायक नगर अस्पताल भने आइतबार खुल्ला गरेको बताउनुभयो ।

पत्रकार नारायण थापाले दधिकोट पधेरोदेखी परोपकार स्वास्थ्य केन्द्र सम्मको सडक कालोपत्र गर्दन आग्रह गर्नुभो ।
स्थानीय राजेन्द्र श्रेष्ठले सिरुटारको पहिचान झल्कने स्थानीयले सिरुटार प्रवेशद्वार बनाउन आग्रह गर्नुभयो । सबैठाउँमा ढल निकास भैसकेको ठाउँमा ढल निकास गर्न आग्रह गरेका छन । सडक बन्यो तर सडकमै पार्किङ जथाभावी पार्किङ हटाउन माग गरेका छन् । उहाँले वडामा भएको दुवै खोलामा करिडोर बनाउन माग गर्नुभयो ।
स्थानीय श्यामकृष्ण श्रेष्ठले मेलमिलाप सचेतनाका लागि बजेट विनियोजन गर्न माग गर्नुभयो । वडा अध्यक्ष कायस्थले जवाफमा माथि उठेका बाटो पिच गर्ने बताउनुभयो । कालोपाटी जाने बाटो पनि पिच हुने प्रतिबद्दता जनाउनुभयो ।
स्थानीय चन्द्रहरि कायस्थले स्वचेतना लागि सहयोग गरौ भनेर सचेतना जगाउन आग्रह गर्नुभयो । स्वास्थ्यको लागि श्रीहरि सेल्फ फाउन्डेसनका अध्यक्षले स्वास्थ्य नै सबैभन्दा ठुलो धन भएका कारण यसमा महत्वपुर्न काम गर्न सकिने बताउनुभयो ।
कार्यक्रममा स्थानीय दिवाकर थापाले सचेतनाको विकास, सडकमा पार्किङ हटाउनु पर्ने, नीतिमात्र नभई नियत सफा बनाउनुपर्ने, ढल तथा खानेपानीको न्युनतम आवश्यकता पुरा गर्नुपर्ने, आइतवार विदा दिनु नहुने, स्वास्थ्य विमालाई पहिलेको जस्तै बनाउनुपने बताउनुभयो ।
स्थानीय फलाम सिंह राईले किसानको लागि उर्जित गर्न के गर्नु पर्छ कसरी आयमुलक बनाउन के गर्ने भन्दै प्रश्न गर्नुभयो । किसानको समस्यालाई के गरि समाधान गर्ने के समस्या छन पहिचान गर्ने र समाधान गर्न आग्रह गर्नुभयो ।
कार्यक्रममा जनप्रतिनिधिले निर्वाचित भएपछि हालसम्म भए गरेका सार्वजनिक सेवा प्रवाहको साथै भौतिक, सामाजिक, धार्मिक, साँस्कृतिक तथा पर्यावरणीय विकासको बारेमा व्यापक छलफल तथा आगामी योजनाको बारेमा विस्तृतमा छलफल गरिएको थियो ।
पत्रकार एवं कार्यक्रम सञ्चालक पुष्कर बुढाथोकीले यस्ता सार्वजनिक सुनुवाई कार्याक्रममले जनताको सरोकारको विषय तथा समस्या उजागर हुने बताउनुभयो । उहाँले जनताले खोजेको विकासको मार्गचित्र प्रस्तुत गर्न सकिने उल्लेख गर्नुभयो ।
क्रियाशिल पत्रकार मञ्चका अध्यक्ष रमेश गिरीले सार्वजनिक काय्र्रकममा उठेका प्रश्न जिज्ञासा तथा सुझावहरु सम्बन्धित ठाउ एवं नगरपालिकामा पुर्याउने बताउनुभयो । विभिन्न स्थानीय संचारमाध्यम मार्फत उक्त जनस्तर बाट उठेका जिज्ञासा नगरपालिका पुराउने र समाधान खोज्ने बताउनुभयो ।

The post विगत नौ वर्षमा सिरुटारको विकासमा लहर आएको छ :वडा अध्यक्ष सानुकाजी कायस्थ appeared first on Jana Aawaj News.

क्रियासिल पत्रकार मञ्च भक्तपुरको आयोजना तथा सूर्यविनायक नगरपालिकाको सहकार्यमा सोमबार वडा कार्यालयमा सम्पन्न ‘सार्वजनिक सुनुवाई’ कार्यक्रममा बोल्दै उहाँले वडा नं. ६ लाई भौतिक संरचनालेबिकसित मात्रै नभई उज्यालो वडाको रुपमा अगाडि बढाएको बताउनुभयो ।
वडा नम्बर ६ मा कृषि योग्य जमिन नभएको जानकारी दिनुभयो । कृषि को बिषयमा उठेका प्रश्नको जवाफ दिदै उहाँले कृर्षकको समस्या सम्बन्धित समस्या टेबल भएको बताउनुभयो । सडकमा टागेका तारहरुको ब्यवस्थापन नहुनु दुखद कुरा भएको र यसको ब्यवस्थापन गर्न कठिन भएको बताउनुभयो ।
वडाले १०० वटा बत्ति जडान गरिसकिएको र बाँकी स्थानमा यही वर्ष बत्ति जडान गरेर उज्यालो वडाको रुपमा स्थापित गरिने उहाँले बताउनुभयो ।
विभिन्न ठाउँमा सावैजनिक शौचालय निर्माणको लागि तयारी गरेको जानकारी दिद उहाँले भएका सार्वजनिक शौचालय प्रयोग गर्ने, फोहोर गर्ने तर त्यसको सफाईमा कसैले ध्यान नदिने गर्दा समस्या भने आएको उहाँले बताउनुभयो । सार्वजनिक शौचालय सञ्चालनको जिम्मा कुनै क्ल्बले जिम्मा लिने भए त्यसको सञ्चालनको जिम्मा दिईने बताउनुभयो ।
वडामा करिब आठ करोडको योजना काम भइरहेको र ६ वटा आयोजनामा काम भइरहेको बताउँदै वडा अध्यक्ष खड्काले पेट्रोलियम पदार्थमा भएको उच्चतम मूल्यबृद्धिले एक करोडको बजेटमा हुन लागेको सडक कालोपत्र रोकिएको बताउनुभयो ।
निजी विद्यालयलले जथाभावी शुल्क असुल्दै आएको सन्दर्भमा बोल्दै उहाँले नगरपालिकाले तोकेको भन्दा बढी शुल्क लिन नपाईने बताउदै दुई महिनाको ट्युसन शुल्क बराबर मात्रै भर्ना शुल्क लिन पाउने व्यबस्था रहेको बताउनुभयो ।
सडक, ढल, खानेपानी, शिक्षा, स्वास्थ्य तथा सामाजिक विकासका क्षेत्रमा भएका गतिविधिबारे जानकारी गराउँदै उहाँले वडावासीको आवश्यकता र प्राथमिकता अनुसार विकासका काम अघि बढाइएको चर्चा गर्नुभयो ।

स्थानीय सरकारलाई नागरिकप्रति थप जवाफदेही, पारदर्शी र उत्तरदायी बनाउन सार्वजनिक सुनुवाइ महत्वपूर्ण माध्यम भएको बताउदै वडा अध्यक्ष खड्काले अध्यक्षले नागरिकबाट प्राप्त सुझाव, गुनासा र जिज्ञासालाई गम्भीरतापूर्वक ग्रहण गर्दै आगामी योजना तथा कार्यक्रम तर्जुमा गर्दा समेटिने प्रतिबद्धता व्यक्त गर्नभयो ।

उहाँले विकास निर्माणका काममा जनसहभागिता र सहकार्य अपरिहार्य रहेको चर्चा गर्दै वडा कार्यालयले आर्थिक वर्षभरि सम्पादन गरेका विकास निर्माण, सेवा प्रवाह तथा विभिन्न योजनाका बारेमा जानकारी गराउनु भएको थियो ।
कार्यक्रममा सहभागी स्थानीयवासीहरूले सडक मर्मत, सरसफाई व्यवस्थापन, सार्वजनिक सेवा प्रवाह, पूर्वाधार विकास तथा अन्य जनचासोका विषयमा आफ्ना जिज्ञासा राख्नुका साथै सहभागिहरुबाट उठेका सवालहरुको जवाफ दिनु भएको थियो ।

कार्यक्रममा वडा सचिव श्रीमिला जोन्छेले वडा कार्यालयले चालू आर्थिक वर्षमा सम्पन्न गरेको कार्यसम्पादनकाबारेमा प्रगति प्रतिवेदन प्रस्तुत गर्नु भएको थियो । उहाँले वडाको आम्दानी, खर्च, सम्पन्न योजना, चालू योजना र प्रवाहित सेवाकाबारेमा जानकारी गराउनु भएको थियो । कार्यक्रममा वडाले चालु आर्थिक वर्षमा सम्पादन गरेका विकास निर्माण, सेवा प्रवाह तथा जनहितका कार्यक्रमहरूको प्रगति विवरण प्रस्तुत गरिएको थियो ।

कार्यक्रममा स्थानीय बासिन्दा, जनप्रतिनिधि तथा सरोकारवालाहरूले वडाबाट प्रदान गरिने सेवाको प्रभावकारिता, विकास निर्माणका कार्य, पूर्वाधार, सरसफाइ, सडक तथा अन्य जनचासोका विषयमा प्रश्न तथा सुझाव प्रस्तुत गरेका थिए । सहभागीहरूले सार्वजनिक सेवा प्रवाहलाई थप प्रभावकारी, पारदर्शी र जनमुखी बनाउन सुझाव दिएका थिए ।

सार्वजनिक सुनुवाइैको अन्तरक्रियामा स्थानीय कृष्णकुमार सुवालले आयोजनाहरु सञ्चालन भएको ठाउँमा सार्वजनिक सूचनासहितको बोर्ड राख्न, ट्राफिक व्यबस्थापन गर्न, सडक किरानाको जथाचावी पार्किङ्ग हटाउनु पर्ने, ग्राबेल सडक छिटो कालो पत्र गर्नु पर्ने, सडक सिमांकन सबै ठाउँमा गर्नुपर्ने, कृषि योग्ज जमिन बाझो राख्नेलाई कारबाही गर्नुपने, जडिबुटी खेति र प्रशोधन कार्य सुरु गर्नुपर्ने सुझाब पेश गर्नु भएको थियो ।

कार्यक्रममा स्थानीय सम्राट देशेमधुले वडा नम्बर ६ का विद्यालयमा बालबालिकाहरुलाई दण्ड सजाय दिने र विद्यालयमा पढ्न जान नसक्ने स्थिति रोक्नु पर्ने गुनासो गर्नुभयो । यसतर्फ सम्बन्धित निकायको ध्यानकर्षण गराउदै विद्यायके छड्के अनुगमन गर्नुपर्ने सुझाब दिनुभयो । उहाँले जथाभावी सडक ब्यापार मौलाउदै गएकाले यसको निराकरणका साथै सार्वजनिक जग्गा अतिक्रमसण रोक्नका लागि अनुरोध गर्नुभयो ।

स्थानीय बद्रि देउजाले केष्ण मन्दिर जाने सडक निर्माण गर्नुपर्ने, नयाँ बत्ति र सडक बत्ति जडानका लागि खम्मबा नआएको, बनाचौर क्षेत्रमा सडक बत्तिको व्यबस्था गर्नुपर्ने, लथालिङ्ग रहेको केबुलको तारहरु हटाउनु पर्ने,लगायतका सुझाब दिनु भएको थियो ।
स्थानीय मधु सुदनकार्कीले टोलहरुमा भुस्या कुकुरहरुको आतंकलाई रोक्न स्थानीइ तह लाग्नु पर्ने बताउदै भस्याहा कुकुरहरुको बन्ध्याकरण गर्नुपर्ने, रेबिज बिरुद्धको खोप लगाउनु पर्ने माग राख्नुभयो ।
स्थानीय नारायणहरि गौतमले बिच बाटोमा रहेको बिद्युतको पोल हटाउनु पर्ने, खम्बा खम्बामा थुप्रिएको केबुलका तारहरु हटाउनु पर्ने, सडक बत्ति नपुगेको ठाउँमा पर्याउनु पर्ने बताउनुभयो।
पत्रकार पेशल आचार्यले यो वडामा कृर्षि योग्य जमिन छ भन्दै जिज्ञासा राख्नु भएको थियो भने अर्का पत्रकार दिवस गुरागाईले अबको योजना के छ ? र केके कुरामा बजेट बनेको छ भन्दै जिज्ञासा राख्नुभयो ।
पत्रकार नारायण थापाले भर्ना शुल्ककोे विषयमा जिज्ञासा उठाउँद २ महिनाको एकैचोटी दिने तर दुई महिनाको फी कति हो भन्दै प्रश्न गर्नुभयो ।
क्रियाशिल पत्रकार मञ्चका अध्यक्ष रमेश गिरीले सार्वजनिक काय्र्रकममा उठेका प्रश्न जिज्ञासा तथा सुझावहरु सम्बन्धित ठाउँमा पर्ुयउने बताउनुभयो । विभिन्न स्थानीय संचारमाध्यम मार्फत उक्त जनस्तर बाट उठेका जिज्ञासा नगरपालिका पुराउने र समाधान खोज्ने बताउनुभयो ।
यस्तै पत्रकार पुस्करराज बुढाथोकीले सार्वजनिक सुनुवाई कार्याक्रममले जनताको सरोकारको विषय तथा समस्या उजागर हुने बताउनुभयो । उहाँले जनताले खोजेको विकासको मार्गचित्र प्रस्तुत गर्न सकिने उल्लेख गर्नुभयो ।
सार्वजनिक सुनुवाइले स्थानीय सरकार र नागरिकबीचको सम्बन्धलाई थप सुदृढ बनाउनुका साथै सुशासन, पारदर्शिता र जवाफदेहिताको अभ्यासलाई प्रवद्र्धन गर्ने विश्वास व्यक्त गरिएको थियो ।
कार्यक्रममा जनप्रतिनिधि, नगरपालिकाका कर्मचारी, सञ्चारकर्मी तथा स्थानीयवासीहरूको उल्लेखनीय सहभागिता रहेको थियो ।

The post “जनताको प्रश्न, जनप्रतिनिधिको जवाफः सूर्यविनायकलाई उज्यालो र विकसित वडाको रुपमा विकास गर्दै अगाडि बढेको छौं  appeared first on Jana Aawaj News.

कार्यक्रममा समितिका अध्यक्ष कृष्णहरि खड्काले अध्यक्षको प्रतिवेदन प्रस्तुत गर्दै संस्थाको स्थापना पछिका उपलब्धि, खानेपानी वितरण प्रणाली विस्तार, स्रोत संरक्षण, पूर्वाधार निर्माण तथा आगामी कार्ययोजनाबारे जानकारी गराएका थिए। त्यस्तै सचिव राजन प्रजापतिले वार्षिक प्रगति प्रतिवेदन प्रस्तुत गर्दै समितिले वर्षभरि सञ्चालन गरेका कार्यक्रम, सेवा प्रवाहको अवस्था तथा संस्थागत गतिविधिबारे जानकारी दिएका थिए। कोषाध्यक्ष भरत कुमार खड्काले आर्थिक प्रतिवेदन प्रस्तुत गर्दै समितिको आय-व्यय विवरण, वित्तीय अवस्था तथा आगामी आर्थिक वर्षको अनुमानित बजेटबारे जानकारी गराएका थिए।

साधारण सभामा प्रस्तुत प्रतिवेदनहरूमाथि सहभागी उपभोक्ता तथा प्रतिनिधिहरूले छलफल गरेका थिए। छलफलका क्रममा खानेपानीको नियमित आपूर्ति, पानीको गुणस्तर परीक्षण, चुहावट नियन्त्रण, वितरण सञ्जालको स्तरोन्नति, नयाँ उपभोक्तालाई सेवा विस्तार, विद्युत् खर्च व्यवस्थापन तथा स्रोत संरक्षणका विषयमा विभिन्न सुझाव प्रस्तुत गरिएको थियो।

सभाले वार्षिक प्रगति प्रतिवेदन, आर्थिक प्रतिवेदन तथा आगामी आर्थिक वर्षका लागि प्रस्तावित कार्यक्रम र बजेट आवश्यक संशोधन तथा सुझावसहित सर्वसम्मत रूपमा अनुमोदन गरेको थियो। साथै संस्थाको आर्थिक अनुशासन, पारदर्शिता र प्रभावकारी सेवा प्रवाहलाई थप सुदृढ बनाउने प्रतिबद्धता व्यक्त गरिएको थियो।

कार्यक्रममा विगत लामो समयदेखि कार्यरत प्राविधिक एवं कर्मचारीहरुलाई नगद रकमसहित प्रशंसा पत्रले सम्मानित समेत गरिएको थियो । कार्यक्रममा समितिका पदाधिकारी, सदस्यहरू, उपभोक्ता प्रतिनिधिहरू, स्थानीय जनप्रतिनिधि, समाजसेवी तथा विभिन्न सरोकारवाला निकायका प्रतिनिधिहरूको उल्लेखनीय सहभागिता रहेको थियो। सहभागीहरूले समितिले छोटो अवधिमै हासिल गरेको प्रगतिप्रति प्रशंसा व्यक्त गर्दै आगामी दिनमा अझ प्रभावकारी, पारदर्शी र उत्तरदायी ढंगले सेवा सञ्चालन गर्न सुझाव दिएका थिए।

The post दधिकोट सहरी खानेपानी समितिको प्रथम साधारण सभा सम्पन्न appeared first on Jana Aawaj News.

सूर्यविनायक नगरपालिकाको समन्वय एवं सहयोगमा क्रियासिल पत्रकार मञ्च भक्तपुरको आयोजनामा बिहिबार वडा कार्यालयको हलमा आयोजना गरेको ‘सार्वजनिक सुनुवाई’ कार्यक्रममा बोल्दै उहाँले यस्तो बताउनुभएको हो ।
वडा अध्यक्ष राउतले भन्नुभयो, ‘वडामा १७ करोड बराबरको ६८ वटा योजनाहरु सञ्चालन भइरहेको छ, संघ र प्रदेशबाट आठ करोड रकमको पूर्वाधार विकासका कार्यहरु भइरहेको छ । पछिल्लो समय अमेरिका-इरान युद्धका कारण बिटुमिन लगायतका सामग्री अभावका कारण पूर्वाधार विकासमा केहि समस्या उत्पन्न भइरहेको छ । त्यसबाहेकका कार्यहरुमा जनताको माग, चाहना र आवश्यकताका आधारमा गरिरहेका छौं ।’

चुनावमा जनतासंग गरेको प्रतिबद्धता पुरा गरेको बताउदै उहाँले जनताको भरोसा टुट्न नदिने बताउनुभयो । उहाँले वडा कार्यालयमा जनताको लागि ढोका जहिले पनि खुला रहेको बताउदै विकासमा जनताको सहयोग अनिवार्य रहेको बताउनुभयो ।
नगरपालिका सुशासनमा कटिबद्ध रहेको बताउदै वडा अध्यक्ष राउतले भन्नुभयो, ‘जनताप्रति समर्पित भएर नै काम गर्दा सूर्यविनायक नगरपालिकामा १.०२ प्रतिशतमात्र बेरुजु देखिएको छ । उपत्यकाकै कम बेरुजु भएको नगरपालिका बनेको छ । देशकै १९सौं नम्बरमा सुशासनका पक्षमा काम गर्ने नगरपालिका बनेकोछ । तसर्थः आफु सादा जीवन उच्च विचारका साथ जनताको सेवामा समर्पित भएको छु । आफ्नो घरव्यवहार चलाउन पुर्खेउली सम्पत्ति पाँच–सात रोपनी जग्गा रहेको छ । त्यसलाई भाडामा दिएको छु । अनि छोरी क्यानडामा छिन्, उनको कमाइले आफ्नो जीवनयापनमा सहज बनेको छ ।’
उहाँले रेडक्रस सोसाईटीले चालक पाल्न गाह्रो भएको र मर्मत गर्न नसक्ने अबस्था भएको भन्दै एम्बुलेन्स चलाउने चासो नदिदाँ वडामा एम्बुलेन्स चलाउन समस्या आएको बताउदै उहाँले नगरपालिकाबाट एम्बुलेन्स सञ्चालनका लागि पहल गरिने बताउनुभयो ।
वडाका योजनाहरुको सूचना पार्टी अनिवार्य रहेको उल्लेख गर्दै उहाँले महिला लक्षित कार्यक्रमलाई थप व्यवस्थित र प्रभावकारी बनाउन आवश्यक बजेट व्यवस्थापन गर्ने, मेलमिलापकर्ताको समस्या समाधान गर्न पहल गर्ने प्रतिवद्धता जनाउनुभयो ।

कार्यक्रममा वडा सचिव कुमार राउतले राजनीतिक, प्रसाशनिक, विपद व्यवस्थापन तथा पूर्वाधार विकासको बारेमा नगर कार्यपालिका तथा वडागत रुपमा सञ्चालन भएका योजनाहरुको बारेमा जानकारी गराउनुभयो ।
उहाँले भन्नुभयो, ‘१६ वटा वडास्तरीय योजनाहरु सडक, शिक्षा, चौतारी, पार्क, बगौचालगायतका कार्यहरुमा रु एक करोड ३० लाख बजेट विनियोजन भएको थियो । जसमा १५ वटा सम्पन्न भइसकेका छन् । एउटामात्र बाँकी छ । कृषी, महिला, जेष्ठ नागरिक, एकल महिला, दलित, रोजगारमूलक कार्यक्रम, वालवालिका, युवा तथा खेलकुद, स्वास्थ्य, सरसफाई, सिकाई, अपाङ्गता लगायतका सामाजिक कार्यहरुको लागि ३० लाख बजेट विनियोजन गरिएको थियो । जसमा १२ वटा कार्य छनोट गरिएको थियो । त्यसमा आठवटा सम्पन्न भइसकेका छन् भने चारवटा बाँकी रहेका छन् ।’
कार्यक्रममा सहभागीहरुले जनप्रतिनिधिको जीवनशैली, सूचना पाटी, एम्बुलेन्स, रोजगारमुलक तालिम, सडक, मेलमिलापकर्तालाई बजेट व्यवस्थापन लगायतका विषयहरुमा प्रश्न तथा सुझावहरु राखेका थिए ।
जनताको चासो, गुनासो र सुझाव संकलन गरी जनअपेक्षा अनुसार विकास र समृद्धिसँगै सार्वजनिक सेवा प्रवाहको कार्यसम्पादन गर्ने लक्ष्यका साथ आयोजित वडास्तरीय सार्वजनिक सुनुवाईमा सार्वजनिक सेवा प्रवाहको साथै भौतिक, सामाजिक, धार्मिक, साँस्कृतिक तथा पर्यावरणीय विकासको बारेमा व्यापक छलफल तथा आगामी योजनाको बारेमा विस्तृतमा छलफल गरिएको थियो ।

कार्यक्रममा रास्वपाका वडा सभापति जनकराज कार्कीले स्थानीय विश्व कार्की, सजना कार्की, राजकुमार कार्कीले शुसासन र पारदर्शिता आवश्यक रहेको बताउनुभयो ।
संस्थाका अध्यक्ष रमेश गिरीको अध्यक्षतामा भएको कार्यक्रममा नगरकार्यपालिका सदस्य शर्मिला लम्साल बस्नेतले शुभकामना मन्तव्य राख्नुभयो । कार्यक्रममा वडा सदस्य ताराबहादुर विष्ट, विदुर देउजा, राधिका मिजारलगायतको उपस्थिती रहेको थियो ।

The post सूर्यविनायक १० मा १७ करोडको योजनाहरु सञ्चालनमा छन् : वडा अध्यक्ष राउत appeared first on Jana Aawaj News.

‘२०७४ अघिका जनप्रतिनिधि र पछिका विकास जनताले हेरेका छन् तर जनताको विकासप्रतिको तिव्र चाहना पुरा हुन सकेन,’ उहाँले भन्नुभयो, ‘भक्तपुर क्षेत्र नं. २ बाट निर्वाचित प्रतिनिधिसभाका सांसद राजिव खत्री कता हुनुहुन्छ ? सार्वजनिक कार्यक्रममा ल्याएर जनताको माझमा उभ्याउनु पर्यो, जसले गर्दा हाम्रो आवाज संघीय सरकारमा पुगोस्, जनताको मतलाई तिरस्कार गर्ने छुट उहाँलाई छैन ।’
कार्यक्रममा स्थानीय राधाकृष्ण नगरकोटीले नयाँ वर्ष मनाईने जात्रा र गणेश चतुर्थीमा मनाईने सिन्दुर जात्राका लागि बजेट व्यबस्थापन गर्नुपर्ने, गणेश पार्टी निर्माण गर्नुपर्ने, व्यायाम शाला र पार्क निर्माण गर्नुपर्ने माग राख्नुभयो ।
स्थानिय दिपेश कार्कीले मन्थलीबाट वडा कार्यालय आउने सडक सञ्जाल जोडनु पर्ने, जिप लाइन मुनीको जग्गा प्लानिङ्ग राक्नु पर्ने, जेष्ठ नागरिक भ्रमण रोकेर बजेट विकासमा लगाउनु पर्ने, प्राणी उद्यान क्षेत्रमा चलचित्र छायांकन रोक्नु पर्ने बताउनुभयो ।

तिथली गणेश भैरब समितिका अध्यक्ष सानुकाजी नगरकोटीले सडक निर्माणले ऐतिहासिक इनार पुरियो, चन्द्रसूर्य आधारभूत विद्यालय बेवास्ता गरेको गुनासो गर्नुभयो ।
स्थानीय मनोज केसीले सार्वजनिक जग्गा संरक्षणमा के गरिरहेको छ भन्दै निर्माण सुरु गरेको दुईवटै पौडी पोखी अलपत्र परेको, भिम प्राबि वरिपरि सार्वजनिक जग्गा अतिक्रमण भएको गुनासो गर्नुभयो ।
भूक्षय नियन्त्रणका लागि वडाले के गर्दैछ भन्दै कृष्णमुरारी वाग्लेले योगमय बनाउन वडा कार्यालयले व्यबस्थापन गर्नुपर्ने बताउनुभयो ।

स्थानीय शिव नगरकोटीले दधिकोट वडा नं. ४ र गुण्डु वडा नं. ७ जोड्ने बुढी गण्डकी खोलाको पुल निर्माण सम्पन्न गरेकोमा धन्यवाद भन्दै खोलामा किरियापुत्री भवन वा पार्टी निर्माण गर्न माग गर्नुभयो ।
स्थानीय रमेश नगरकोटीले सडकम घर बनाउने निर्माण सामग्री थपार्नेलाई कारबाही गर्नु पर्न माग गर्नुभयो भने रविन्द्र नगरकोटीले नयाँ बस्तीले सडकको मापदण्ड मिचेर संरचना बनाएकाले तत्काल रोक्न माग गर्नुभयो ।

स्थानीय रामकृष्ण श्रेष्ठले गुण्डुको गौ संरक्षण केन्द्र र २ करोड १३ लाख बजेट आइसकेको पाथीभरा माताको मन्दिरको जिम्मा स्थानीय सरकारले लिनुपर्ने धारणा राख्नु भयो ।
स्थानीय रिषभ खत्रीले सामुदायिक भवनमा स्थापना गरेको गुण्डु खानपानी कार्यालयले कोठा भाडामा लाउने कार्य रोक्नु पर्ने औल्याउनुभयो ।

कार्यक्रममा वडा नं. ७ का वडा अध्यक्ष रबिन्द्र सापकोटाले जेनजी आन्दोलनपछि वडाको प्रशासनिक तथा अन्य सेवा प्रभावहरुमा प्रत्यक्ष प्रभाव परेको उल्लेख गर्नुभयो ।
समस्या भएपनि छिटो र छरितो सेवा प्रभावहरुमा वडाले विशेष रणनीति बनाई १५ देखी ३० मिनेट भित्रमा सहज रुपमा सेवा प्रदान गरिरहेको बताउनुभयो ।

मूल्यवृद्धिका कारण भौतिक पूर्वाधारको कार्यहरुमा समस्या उत्पन्न भइरहेको उल्लेख गर्दै उहाँले भन्नुभयो, ‘जनताको अपेक्षा धेरै छन् तर हामीसँग स्रोत सिमित छ । त्यस्तैले अब नयाँ योजना शुरु गर्नेभन्दा पनि पुराना बाँकी रहेका योजनालाई आफ्नै कार्यकालमा सम्पन्न गर्ने तयारीका साथ लागिरहेका छौं । जसको लागि संघीय सरकारको बजेटले यसवर्ष वडालाई छोएको छैन । अब प्रदेशको बजेट कस्तो आउँछ ? त्यहि अनुसार योजना बैंक तयार गरेर नगरबाट बजेट व्यवस्थापन गरी कार्य सम्पादन गर्नेछौं ।’
केन्द्रीय सरकारले तीन करोड भन्दा तलका बहुवर्षीय आयोजनाका बजेट काट्दा गुण्डुका ६ वटा ठूला आयोजनाहरु अलपत्र परेको भन्दै उहाँले सिंहदरबारसंगको पहुँच टाढिदै गएको बताउनुभयो ।

शिक्षा, स्वास्थ्य, खानेपानी, पूर्वाधार तथा लक्षित कार्य गर्ने उल्लेख गर्दै उहाँले बालमैत्री वडा घोषणा गर्न ८० प्रतिशत कार्यहरु सम्पन्न भइसकेको जानकारी गराउनुभयो । आवेग नभई विवेक प्रयोग गरी सहज र सुलभ सेवा प्रभावहरु नै अहिले प्राथमिकता रहेको बताउनुभयो ।

धार्मिक, कला, संस्कृति तथा व्यायम केन्द्रहरु आवश्यकता अनुसार थप गर्दै लैजाने प्रतिवद्धता जनाउँदै उहाँले इतिहास मेटेर विकास नगरिने प्रतिवद्धता जनाउनुभयो । त्यस्तै उहाँले वडामा एक वटा पनि प्लानिङका स्वीकृति प्रदान नगरिएको भन्दै स्थानीयले जग्गा बिक्री गर्ने अनि किन्नेहरुले घर बनाउन खोज्दा बिरोध गर्ने कार्य गर्न नहुने बताउनुभयो । स्मार्ट सिटीका कारण आठ आनाभन्दा कम कित्ता काट नहुने भएपछि चार जनाले एक रोपनी जग्गा किन्ने र अदालतको आदेशबाट त्युलाई टुक्रा पारेर घर बनाउने कार्यलाई वडाले चाहेर पनि रोक्न नसक्ने बताउनुभयो ।

उहाँले भन्नुभयो, ‘वडाको सार्वजनिक जग्गा संरक्षण हुन्छ, भइरहेको छ । सार्वजनिक जग्गा संरक्षण गर्न नगरपालिकाकै सवैभन्दा उत्कृष्ट वडा नं. ७ हो । जीपलाईन मुनिको प्लानिङ गरेको होइन । जग्गा नापेर मात्र प्रकृया अगाडी बढाउन भनेर काम रोकेका छौं । स्वीमिङ पुल संघीय सरकारको पर्यटन मन्त्रालय अन्तरगतको बजेटबाट बनेको हो । जहाँ पार्क सहित बन्ने भनेर बहुआयामिक तरिकाले पर्यटन प्रवद्र्धन गर्ने योजना थियो । संघले बजेट नपठाउँदा अलपत्र पर्यो, वडाले सिमाङ्कन मात्र गरेको हो । अहिले संघीय सरकारको प्राथमिकतामा नपरेर अवमूल्यन भएको हो । बजेट आउँदा समन्वय, पहल र पहुँचका आधारमा हुने भएकाले राजनीतिक अस्थिरतका कारण विकासमा प्रत्यक्ष रुपमा असर परेको छ ।’

प्राणी उद्यानभित्र चलचित्र सुटिङ गर्न दिने वा नदिने भन्ने वडाको क्षेत्राधिकार नभई संघीय सरकारको भएको उल्लेख गर्दै उहाँले योग प्रवद्र्धनको लागि नगरपालिकाले नीतिगत व्यवस्था गर्ने बताउनुभयो ।
सडकमा गिटी तथा बालुवा लगायतका सामाग्रीहरु राख्न नपाउने स्पष्ट पार्दै उहाँले सो कार्य गरे कारवाही गर्नु चेतावनी दिनुभयो । घर निर्माण गर्दा सडकलाई असर पुर्याउनु नहुनेमा सचेत हुन आग्रह गर्दै उहाँले मापदण्ड पालना गर्नुपर्नेमा जोड दिनुभयो ।
धार्मिक पर्यटन प्रवद्र्धन गर्न योजनावद्ध लाग्नुपर्नेमा जोड दिँदै उहाँले सामुदायीक भवनमा खानेपानीमा काम गर्ने मजदुरलाई निर्माणको क्रममा एक महिना बस्न दिएको बताउनुभयो । घ्याम्पेडाँडाको विद्यालय विद्यार्थी नभएका कारण मर्ज गरिएको उल्लेख गर्नुभयो ।
कार्यक्रममा चालु आर्थिक वर्षभित्रमा गरेका पूर्वाधारको विकास, प्रशासनीक सेवा प्रवाह, सामाजिक कार्यलगायतका विषयहरुलाई समेटेर जनताका गुनासा, प्रश्न र सुझावहरुलाई संकलन गरिएको छ ।
कार्यक्रममा वडाका सचिव सूर्यवहादुर माकजुले वडाले आर्थिक वर्षमा गरिएका प्रशासनीक तथा सेवा प्रवाहरुको बारेमा विस्तृतमा उल्लेख गर्नुभयो ।
वडामा चालु आवमा नगरसभाबाट ५४ वटा योजनाहरु स्वीकृत भएको जानकारी गराउँदै उहाँले हालसम्म ५० वटा योजना सम्झौता भइ निर्माण कार्य भइरहेको, १४ वटा सम्पन्न, ३४ वटा चालु रहेको र दुई वटा सम्झौता भई कार्यशुभारम्भ नभएको जानकारी गराउनुभयो । त्यस्तै चार वटा योजना कोटेशनको माध्यमबाट सञ्चालन भइरहेको बताउनुभयो ।
वडामा विभिन्न प्रकारका लक्षित कार्यक्रमहरु आयोजना गरिएको जानकारी गराउँदै उहाँले भन्नुभयो, ‘वडाले जेष्ठ नागरिक, अपाङ्गता, महिला, दलित, बालवालिका लक्षित कार्यक्रमहरु सञ्चालन गरेको छ ।
त्यस्तै बालबालिकाको लागि पञ्चवर्षिय लगानी योजना तयार गरेको छ । सडकमुक्त बालबालिका, बालबालिकालाई मदिरा तथा सूर्तिजन्य सामग्री विक्रि वितरणमा रोक, बालमैत्री वडा घोषणाका लागि सचेतनामूलक कार्य, वडा बाल सञ्जाललाई ट्र्याकसुट वितरण, तेस्रो वडा स्तरीय बाल हाजिरी जवाफ प्रतियोगिता, ४४ जना कृषकलाई इलेक्ट्रिक स्प्रेयर पम्प, एसइइ उर्तीण विद्यार्थीलाई सम्मान लगायतका कार्यहरु गरेका छौं ।’
उहाँका अनुसार वडामा नगरसभाबाट कार्यक्रम तथा योजनाको लागि रु दुई करोड, ६० लाख तथा विभिन्न मितिमा नगर कार्यपालिकाबाट स्वीकृत रु चार करोड ७३ लाख रकम विनियोजन भएको छ । त्यस्तै वडामा कृषकसँगको लागत साझेदारीमा फुलको विरुवा वितरण, ५० प्रतिशत अनुदानमा प्लाष्टिक टनेल वितरण लगायतका सामाजिक कार्यहरु भएका छन् ।
कार्यक्रममा गुण्डू प्रहरी प्रभागका प्रमुख इन्द्र प्रसाद बोयजुले सडक दुर्घटना रोक्न मापसे चेकिङ गर्नु प्रहरीको जिम्मेवारी रहेको बताउदै अपराधन नियन्त्रण र जनताको सेवामा समर्पित रहेको भनाई राख्नु भयो । ट्राफिक चेकिङ आवश्यकता अनुसार हुने उल्लेख गर्दै उहाँले लिखानारायण क्षेत्रमा विदाको समयमा हुने पिकनिकमा लुटपाट हुने भएकाले विशेष फोकस गरी शान्ति सुरक्षाका कार्यहरुमा ध्यान दिइएको बताउनुभयो ।
मञ्चका अध्यक्ष रमेश गिरीको अध्यक्षतामा भएको कार्यक्रममा कोषाध्यक्ष पुस्करराज बुढाथोकीले कार्यक्रम सञ्चालन गर्नुभएको थियो । कार्यक्रममा कार्यपालिका सदस्य उमेश कार्की, समुन परियार, वडासदस्य गिता बस्नेत, सन्तोसी नेपाली, विभिन्न दलका प्रतिनिधि, विभिन्न विद्यालय तथा सामाजिक क्षेत्रका प्रतिनिधिहरुको सहभागिता रहेको थियो ।

The post गुण्डुमा सम्पन्न सार्वजनिक सुनुवाईमा स्थानीयवासीले खोजे चुनाबमा मात्रै मुख देखिएको संघीय सांसद खोई ? appeared first on Jana Aawaj News.