प्रतियोगितामा सामूहिक लोक नृत्यतर्फ प्रथम : इडेन गार्डेन स्कुल, द्वितीय : बिमल मेमोरियल विद्यापीठ, तृतीय : पाथिभरा एकेडेमी र सान्त्वना : प्रसादी पाठशाला विद्यालहरु पुरस्कृत भएका थिए । साथै एकल लोक नृत्यतर्फ प्रथम : इडेन गार्डेन स्कुल, द्वितीय : प्रसादी पाठशाला, तृतीय : मदरल्याण्ड स्कुल र सान्त्वना : क्वालिटी स्कुलले क्रमश विजेता भएका थिए ।

सामूहिक र एकल गरी दुई विधामा सञ्चालन गरिएको प्रतियोगितामा सहभागी विभिन्न विद्यालयका विद्यार्थीहरूले नेपाली मौलिक लोककला, संस्कृति र परम्परा झल्कने आकर्षक नृत्य प्रस्तुत गर्दै आफ्नो प्रतिभा प्रदर्शन गरेका थिए।

विद्यालय व्यवस्थापन समितिका अध्यक्ष रणबहादुर गुमान्जुको अध्यक्षतामा सम्पन्न कार्यक्रममा सूर्यविनायक नगरपालिका–५, कटुञ्जेका वडा अध्यक्ष राजकुमार जोशी प्रमुख अतिथि थिए । प्रमुख अतिथि जोशीले प्रतियोगितामा विद्यार्थीहरूले नृत्यमार्फत आफ्नो कला, सीप र संस्कारलाई अभिव्यक्त गरेको बताउँदै कार्यक्रम निकै उत्साहजनक रहेको उल्लेख गर्नुभयो। यस्ता कार्यक्रमले विद्यार्थीको प्रतिभा प्रस्फुटनसँगै नेपाली कला, संस्कृति र परम्पराको संरक्षणमा महत्वपूर्ण योगदान पुग्ने कुरा व्यक्त गर्नु भयो ।

कार्यक्रमका विशेष अतिथि तथा नेशनल प्याब्सन भक्तपुरका प्रमुख सल्लाहकार जी.बी. खड्काले युनिटी इङ्ग्लिस स्कुलले आयोजना गरेको प्रतियोगिताले नेशनल प्याब्सन भक्तपुरअन्तर्गतका विद्यालयहरूबीच एकता र सहकार्यको सन्देश दिएको बताउनुभयो। “एकतामै बल हुन्छ” भन्ने भावनालाई यस्ता कार्यक्रमले थप मजबुत बनाउने उल्लेख गर्नु भयो ।

त्यस्तै, नेशनल प्याब्सन भक्तपुरका अध्यक्ष सञ्जय खड्काले प्रतियोगिताको व्यवस्थापकीय पक्ष सबल रहेको उल्लेख गर्दै कार्यक्रमलाई उत्कृष्ट रूपमा सम्पन्न गरेकोमा आयोजक यूनिटी स्कुल र प्रिन्सिपल विपिन गुमान्जूलाई विशेष आभार व्यक्त गर्नुभयो। नेशनल प्याब्सन भक्तपुरका आगामी बोर्ड कार्यक्रमहरू पनि आपसी सहकार्य र एकताका साथ अझ प्रभावकारी रूपमा सञ्चालनमा सबैको सहभागिता आवश्यक रहेको बताउनु भयो ।

विद्यालयका प्रधानाध्यापक बिपिन गुमान्जुले प्रतियोगितालाई केवल जित–हारको रूपमा मात्र नहेरी कला, सिर्जना र अनुशासनको अभ्यासका रूपमा लिनुपर्ने बताउनुभयो। प्रतियोगिता निष्पक्ष र व्यवस्थित रूपमा सम्पन्न गराउन भूमिका निर्वाह गर्ने निर्णायकहरू तथा कार्यक्रमको सफल व्यवस्थापनमा निरन्तर साथ र सहयोग गर्ने बोर्ड सदस्यहरूप्रति उहाँले विशेष धन्यवाद व्यक्त गर्नुभयो । विद्यालयस्तरबाटै यस्ता कार्यक्रमलाई निरन्तरता दिँदा नयाँ पुस्तामा आफ्नो मौलिक संस्कृति र लोककलाप्रति रुचि तथा अपनत्व बढाउन सहयोग पुग्ने आयोजकको विश्वास रहेको छ ।

The post यूनिटीको आयोजनामा नेसनल प्याव्सनको लोकनृत्यमा ईडेन विजेता appeared first on Jana Aawaj News.

अभिनन्दन पत्रमा भक्तपुर साहित्यिक समाजको विशिष्ट सदस्यका रूपमा रहँदै समाजको उन्नयनका लागि मार्गदर्शन प्रदान गर्दै आएकोमा आभार व्यक्त गरिएको छ। साथै, हाल नेपाल प्रज्ञा-प्रतिष्ठानको प्राज्ञ भई लोक साहित्य र नारी लेखन विभागको प्रमुखको महत्त्वपूर्ण जिम्मेवारी सम्हाल्नुभएकोमा बधाई ज्ञापन गर्दै प्रतिष्ठानको मूल उद्देश्य प्राप्तिमा पूर्ण सफलताको कामना समेत गरिएको छ।

​कार्यक्रममा अध्यक्ष राजुराम मुनंकर्मी र सल्लाहकार काशिराम विरसले बधाई मन्तव्य व्यक्त गर्नुभएको थियो भने कार्यसमिति सदस्य वसन्त नकर्मीले अभिनन्दन पत्र वाचन गर्दै कार्यक्रम सञ्चालन गर्नुभएको थियो। सो टोलीमा समाजका कोषाध्यक्ष गुहेश्वरी शाक्य तथा कार्यसमिति सदस्यहरू सुलोचना सैंजु र सूर्यलक्ष्मी भोमीको समेत उपस्थिति रहेको थियो। ​बधाई तथा सम्मान ग्रहण गर्दै सम्मानित प्राज्ञ कवि प्रतिसरा सायमीले साहित्यिक क्षेत्रको विकासमा भक्तपुर साहित्यिक समाजले गर्दै आएका गतिविधिहरू अत्यन्त प्रशंसनीय रहेको बताउनुभयो। साथै, प्रतिष्ठानको समुन्नत विकासका साथै देशका विविध भाषा, साहित्य, कला र संस्कृतिको स्तरोन्नति एवं प्रवर्द्धनका लागि वर्तमान टिम विशेष योजना बनाएर अघि बढिरहेको जानकारी दिनुभयो।

The post कवि प्रतिसरा सायमीलाई भक्तपुर साहित्यिक समाजद्वारा अभिनन्दन appeared first on Jana Aawaj News.

यस्तै यस्तै विषयलाई समेटेर व्यङ्ग्य, राेदन, हाँसाे अनि आँसुले भरिएकाे समसामयिक विषयलाई आफ्नाे शव्दमा बुनेर कनिष्ठ देखि वरिष्ठसम्मका स्रष्टा/सर्जकहरूले आफ्नाे चाेटिलाे, रसिलाे अनि कसिलाे प्रस्तुति पस्के भक्तपुरकाे कमलविनायकस्थित राेम्बस इङ्गलिश स्कूलमा भएकाे गाइजात्रे विशेष अङ्ककाे भसासकाे नियमित घुमन्ते साहित्यिक श्रृङ्खलाकाे ८२ औं संस्करणमा ।
भसासकाे परम्परा अनुसार याे पटक स्व. भैरव अर्यालकाे रचनालाई सभापति बनाई आयाेजना गरेकाे उक्त श्रृङ्खलामा स्रष्टा/ सर्जक अनि श्राेताहरू गरी ७६ जनाकाे उपस्थितिमा ३१ जना स्रष्टा/ सर्जकले रचना वाचन गरेका थिए । यसरी रचना वाचन गर्नेहरूमा क्रमश: नारायण तिवारी ( लघुकथा- पारखी), ललिता दाेषी (कविता-घरकाे चाला), मानिक बाबु ग्वंग:(कविता- गाई नै गाईकाे जात्रा), राजुराम मुनंकर्मी (व्यङ्ग्य गीत), डा. राजेन्द्र काेजू (कविता – कतै युद्ध चल्या जस्ताे छ ) , पवित्रा दहाल ( छन्द कविता- हिमाल र यात्री) ,काशिराम विरस ( मुक्तक), सुलाेचना सैंजु ( लघुकथा – आँशुले भिजेकाे मैनबत्ती), गुहेश्वरी शाक्य ( गीत), मानन्धर अभागी (गजल), मिमला शर्मा राजाेपाध्याय (कविता-चाेटकाे हाजमाेला), सुरेश राजभण्डारी (कविता-समावेशिता), याेगेन्द्र मुनंकर्मी (कविता – न्याय हराएकाे देश), सुनिल मूल (गीत), धनेश राजाेपाध्याय (कविता- शव्द शव्दबाट कविता बन्दछ), विनाेद खड्का ( व्यङ्ग्य – हजुर त असाध्य ठूलाे मान्छे), कृष्ण प्रजापति (शव्दचित्र), रविन्द्र न्हेमाफुकी ( गजल), ईश्वर थाेकर ( गीत), बिनु बाबा घिमिरे (कविता – म गर्भमा छु), राज बहादुर कुँवर (आँसुकाे अभिलेख), निरन्जन मल्ल ठकुरी (लघुकथा- झमेला), सुधा बासकाेटा ढकाल (कविता -चिप्लेकिरा), कुशल बाेगटी ( कविता – मुसाहरू), शिक्षिकाहरू क्रमश: ममता श्रेष्ठ ( कविता – छाेरी मान्छे) , सृष्टि कार्की (कविता- छाेरी सुरक्षित छाै र ?), सीता बुढा (मुक्तक), गाेमा भट्टराई (गजल) र विद्यार्थीहरू क्रमश: सुविना गिरी -१२ (कविता-आमा बुबा), दिपिका मानन्धर -११ (कविता-मेरी आमा), सुनिता श्रेष्ठ-११ (कविता – बाबा) रहेका छन् ।

भक्तपुर साहित्यिक समाजका अध्यक्ष राजुराम मुनंकर्मीले पानसमा दीप बाली उद्घाटन गर्नुका साथै राेम्बस इङ्गलिश स्कूलका प्रिन्सिपल डा.राजेन्द्र काेजूले स्व. भैरव अर्यालकाे तसविरमा माल्यार्पण गर्नुभएकाे थियाे ।

भसासका आजीवन सदस्य पवित्रा दहालले कार्यक्रमलाई सहजिकरण गर्नुहुँदै स्व. भैरव अर्यालकाे जीवनी र रचनाबारे प्रकाश पार्नुभएकाे थियाे ।

कार्यक्रमकाे अन्तमा भसासका अध्यक्ष राजुराम मुनंकर्मीले सबैलाई धन्यबाद ज्ञापन गर्नुहुँदै राेम्बस इङ्गलिश स्कूलका प्रिन्सिपल डा. राजेन्द्र काेजूलाई कदरपत्र प्रदान गर्नुभएकाे थियाे ।

The post गाईजात्राकाे पूर्व सन्ध्यामा भसासकाे गाईजात्रे श्रृङ्खला appeared first on Jana Aawaj News.

ललितपुरकाे तलाछें टाेलमा आयाेजित उक्त एकल वाचन कार्यक्रममा साँखु निवासी स्रष्टा रामेश श्रेष्ठका विविध परिवेशलाई समेटिएर विविध थरीका स्वाद सहितका नेपालभाषाका १५ वटा लघुकथाहरू पस्किएका थिए । ३ चरणमा बाँडिएकाे उक्त वाचित लघुकथाहरूमा पहिलाे चरणमा ५ वटा लघुकथाहरू क्रमश: “पित्या प्वाया आतङ्क” , “सिना याय मा:गु ज्या सिनाज्या” , ” चिबाखँ”, ” प्रतिगमनया हिस्सेदार जि, छि अले झी ” र “स्वम्हेसिया बाखँ” रहेका छन् भने दाेस्राे चरणका ५ वटा लघुकथाहरूमा क्रमश: “झसुका: आगतया ” , अले बाैम्ह झसङ्ग वन ” , “वा या दुने जाकी दु” ,”पश्चाताप ” र “हिउपा” रहेका छन् । त्यसैगरी तेस्राे चरणका ५ वटा लघुकथाहरूमा क्रमश: “काय् या म्हगस” , ” चेतना” ” काय् यात अंश, म्हयाय् यात हंश ” ” धेंधेंबल्ला” र ” चि या धर्म” रहेका छन् ।

वर्तमान समय, परिस्थिति, सामाजिक परिवेश, विकृति विसङ्गतिलाई उजागर गर्दै तयार पारिएका लघुकथाहरू सुन्दर, समय सान्दर्भिक र चेतनामूलक देखिन्छन् ।
छाेटाे मिठाे कार्यक्रम अन्तर्गत स: दबू साहित्यका कविन्द्र लाल प्रधानले स्रष्टा रामेशलाई माला लगाई स्वागत गर्नुभयाे भने सुधिर ख्वविले सबैलाई धन्यबाद ज्ञापन गर्दै स्रष्टा रामेशलाई मायाकाे चिनाे प्रदान गर्नुभएकाे थियाे । त्यसैगरी स: दबू साहित्यका समा श्रीले स्रष्टा रामेशकाे संक्षिप्त परिचय सहित कार्यक्रमकाे सहजिकरण गर्नुभएकाे थियाे ।

स्मरणिय छ, स दबू साहित्यले यसअघि हालसम्म सञ्चालन गरिसकेका ४ वटा संस्करणहरूमध्ये पहिलाे संस्करण स्रष्टा पूर्णराम मुनंकर्मी, दाेस्राे संस्करण स्रष्टा राजेश्वरी राजाेपाध्याय, तेस्राे संस्करण स्रष्टा अमृत रत्न शाक्य र चाैथाे संस्करण स्रष्टा अन्जना ताम्राकारकाे एकल लघुकथा वाचन रहेकाे थियाे ।

The post स: दबू साहित्यमा स्रष्टा रामेश श्रेष्ठकाे एकल लघुकथा वाचन appeared first on Jana Aawaj News.

सेन्टर प्लाजा इटहरीमा खुलेको यस सिनेमामा वयस्क मानिस एकै पटक १२ जनाले मनोरंञ्जन गर्न सक्ने र बालबालिकाहरु भने १५ जनासम्मले एकै पटक खेलको अनुभव लिन सकनेछन् ।

टिकट शुल्क रु.३५० रहेको संचालक उमेश घोरासाइनेले बताउनुभयो । “यसमा जंगल यात्राको अनुभव, रोबटको दुनियाँ, माछाको संसार, डरलाग्दो अनुभव, डाइनोसरको दुनियाँलगायतको विभिन्न १७ प्रकारका खेलहरुको मज्जा लिन सकिन्छ,” संचालक घोरासाइने भन्नुभयो । हरेक दिन बिहान ८ बजेदेखि राती ९ बजेसम्म संचालन हुने यस सिनेमा पाँच वर्षभन्दा माथीका बालबालिकाले हेर्न सक्नेछन् ।

कम्पनिले आगामी दिनमा पूर्वकै विर्तामोड, इलाममा समेत उक्त सिनेमा संचालनगर्ने तयारी गरिरहेको समेत घोरासाइले जानकारी दिनुभयो ।

The post नेपालकै पहिलो एटिन डी सिनेमा अब इटहरीमा appeared first on Jana Aawaj News.

उक्त चलचित्रका निर्देशिक लक्ष्मण रिजाल हुन भने चलचित्रमा विपिन र केकीसँगै गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मि भट्ट, हिउँवाला गौतमलगायतको अभिनय रहेको छ ।

The post ‘काजी’ को पोस्टर सार्वजनिक appeared first on Jana Aawaj News.

भक्तपुर औद्योगिक साँस्कृतिक पर्यटन तथा व्यापार महोत्सवका अवसरमा साँझ भक्तपुर वाइल्ड फायर नाइट हुन लागेको हो । आयोजक औद्योगिक शान्ति नेपालका अध्यक्ष सन्दिप महतका अनुसार, कन्सर्टमा दुश्मन हेरेको हेरैलगायतका दर्जनौ चर्चित गीत गाएका थापाको प्रस्तुति रहने भएको छ । त्यसैगरी कन्सटमा खरेल एण्ड परम्परा ब्याण्डको विशेष प्रस्तुति रहनेछ ।

अध्यक्ष महतका अनुसार, दुर्गश र प्रमोद खरेलले पहिलो पटक एउटै कन्सर्टमा देखिने छन् । चर्चित जोडि एकै स्थानमा हेर्ने मौका भक्तपुर लगायतका स्थानीयवासीलाई उपलव्ध हुन लागेको अध्यक्ष महतले बताए । कन्सर्टमा खरेलले झ्यालबाट हेरलगायतका चर्चित गीत सुन्न सकिने छ ।

कन्सर्ट हेर्न चाहनेले खल्ती लगायतका एप्स प्रयोग गरी दुई सय ५० र पाँच सय रुपैयाँको टिकट लिन सक्ने व्यवस्था मिलाइएको अध्यक्ष महतको भनाई छ । विगत १२ वर्षदेखि आयोजना हुंदै आएको दशौं भक्तपुर औद्योगिक साँस्कृतिक पर्यटन तथा व्यापार महोत्सव करिव एक लाख दर्शकले अवलोकन गरिसकेका छन् ।

The post भोली शनिबार भक्तपुरमा प्रमोद र दुर्गेशले तहल्का मच्चाउने appeared first on Jana Aawaj News.

औद्योगिक शान्ति नेपाल संस्थाले आजबाट भक्तपुरको सल्लाघारीमा आयोजना गरेको महोत्सवमा १८० वटा बिभिन्न स्टलहरु रहेको सथाका अध्यक्षसन्दीप महतले जानकारी दिनुभयो । उहाँले उपभोक्तालाई एकै स्थानमा दैनिक उपभोग्य तथा सम्पूर्ण सामान उपलब्ध गराउने उद्देश्यले नयाँवर्षको अवसरमा बृहत् औद्योगिक तथा व्यापार महोत्सव आयोजना गरेको बताउनुभयो ।

महोत्सवमा मानवीय दैनिक जीवनमा प्रयोगमा आउने दैनिक उपभोग्य सामाग्रीहरु, खाद्यान्नका सामाग्रीहरु, बिभिन्न्न प्रकारका लत्ताकपडाहरु, जुत्ताहरु, कृषि तथा हस्तकलाका सामाग्रीहरु प्रर्दशनी एवं बिक्रीका लागि राखिएको उहाँले बताउनुभयो । औधोगिक उत्पादनको प्रर्दशनी, हस्तकलाका प्रदर्शनी, काष्टठकला, माटोका भाडा, स्थानीय घरेलु उत्पादन, सूचना तथा बिज्ञान प्रबिधिको प्रर्दशनी, प्रबिधि सम्बन्धी गतिबिधि, अटो मोवाइल प्रर्दशनी, विद्युतीय मेशिन कृषि औजार प्रर्दशनी, मोवाईल तथा ईलेक्ट्रोनिक्स सामानको प्रर्दशनी, व्यापार तथा पर्यटकीय प्रर्दशनी, लत्ताकपडा तथा भाडाकुडाको प्रर्दशनी एवं बिक्रीका लागि राखिएको उहाँले बताउनुभयो ।

स्थानीय उत्पादनलाई बजार प्रबद्र्धन गर्ने, राष्ट्रिय तथा अन्तर्राष्ट्रिय ब्राण्डका बिभिन्न सामानहरु एकै थलोमा सुपथ मुल्यमा उपलब्ध गराउने, भक्तपरको कला, संस्कृति, उत्पादन र साँस्कृतिक परम्परालाई कै थलोमा प्रर्दशन गर्दै प्रचार गर्ने उदेश्यले नयाँ वर्षको अवसरमा महोत्सवको आयोजना गरेको जानकारी दिनुभयो । महोत्सवको संयोजक दीपक थापाले करिब पाँच लाख भन्दा बढी उपभोक्ताको आगमन एवं अवलोकन गर्ने ल्यका साथ आयोजना गरेको महोत्सवमा बिक्री गरिने सामानहरुमा २० देखि ५० प्रतिशतसम्म छुटको व्यबस्था गरिएको जानकारी दिनुभयो । भक्तपुर, काठमाण्डौ, ललितपुर, काभ्रेदेखि आसपासका जिल्लाका वासिन्दाले समेत यसबाट लाभ लिन सक्ने बताउदै महोत्सवमा जेष्ठ नागरिक, अपाङ्ग र पाँचवर्ष मुनिका बालबालिकालाई प्रवेश निःशुल्क गरिएकोे बताउनुभयो ।

लण्डन ब्रिज र चर्चित गायकगायिकाको सांसगीतिक प्रस्तुती विशेष आकर्षण : महोत्सवमा मुख्य आकर्षणको रुपमा ‘लन्डन ब्रिज’ देखि दैनिक राष्ट्रियस्तरका चर्चित गायकगायिकाका. सांगीतिक प्रस्तुती रहने छ । उत्कृष्ठ बाल उद्यान, रोटी पिङ्ग, ड्रागन ट्रेन, नाउ तथा बच्चाको खेलौना, बिभिन्न प्रकारका खाना महोत्सव रहनेछ ।

दैनिक रुपमा राष्ट्रियस्तरका ख्याती प्राप्त कलाकारहरुको गीत, संगीतसहितको सांगीतिक प्रस्तुती, हाँस्य व्यङ्ग्य फेशन शो, नृत्य प्रतियोगिताले महोत्सवलाई थप आकर्षण बनाउने अध्यक्ष महत बताउनहुन्छ । महोत्सव बैशाख ६ गते सम्पन्न हुनेछ । मेला बिहानबाट सुरु भएपनि उद्घाटन भने आज दिउँसो ४ बजे वागमति प्रदेशका स्वास्थ्य मन्त्री किरण थाबाट हुने भएको छ ।

The post ‘दशौं भक्तपुर औद्योगिक, सांस्कृतिक, पर्यटन, कृषि तथा व्यापार महोत्सव आजबाट सुरु appeared first on Jana Aawaj News.