कार्यक्रममा वी लभ यू का सदस्यहरू तथा स्थानीय बासिन्दाहरूसहित करिब २५० जनाको सहभागीता रहेको थियो । आज काठमाडौ महानगरपालिका वडा नं. ३२, सुविधानगर, तीनकुने स्थित कौटिल्य ग्लोबल स्कूलको प्राङ्गणमा आयोजना गरिएको रक्तदान कार्यक्रममा १११ जनाले रक्तदान गरी ४९ हजार ९ सय ५० मिलिलिटर रगत दान गरेका थिए ।

यस कार्यक्रमको उद्देश्य स्थानीय समुदायमा स्वैच्छिक रक्तदानको संस्कृति फैलाउनुका साथै रगतको आपूर्तिमा सहयोग पुऱ्याउनु थियो । एक व्यक्तिको रक्तदानले अर्को व्यक्तिको सहभागितालाई प्रेरित गर्दै जीवन बचाउने सहयोगको सकारात्मक चक्र निर्माण होस् भन्ने उद्देश्यले वी लभ यू ले ‘विश्वव्यापी रक्तदान कार्यक्रम’ सञ्चालन गर्दैआएको छ ।

वी लभ यू का लागि नेपालका अध्यक्ष किशोर साम्सोहाङले रक्तदानका लागि आफ्नो अमूल्य समय निकालेर सहभागी हुनुभएका सबैप्रति हामी आभार व्यक्त गर्नुहुँदै धेरै नागरिकहरू एउटै उद्देश्यका लागि एकजुट हुनुभएकोले यो कार्यक्रम स्थानीय समुदायका लागि न्यानो शक्ति बनोस् भन्ने आशा व्यक्त गर्नुभयो । रगतको कुनै जात, धर्म र भूगोल हुँदैन तर यो केवल मानवतासँग जोडिएको हुन्छ । नेपालमा पनि कुनै व्यक्तिले रगतको अभावले जीवन गुमाउन नपरोस् भन्ने उद्देश्यले वीलभयूले हरेक वर्ष सातै प्रदेशको विभिन्न स्थानहरूमा रक्तदान कार्यक्रम सञ्चालन गर्दैआएको कुरा बताउनुभयो साथै रक्तदाताहरूले दान गर्ने रगत थोरै तरल पदार्थ मात्र नभएर रक्त अभावमा छट्पटाइरहेका बिरामीहरूको  निम्त जीवनको आशा हुने भएकोले स्वयंसेवी रक्तदाताहरूलाई स्व:स्फूर्तले रक्तदान गर्न हौसला प्रदान गर्नुभयो ।

कार्यक्रम बिहान १० बजेदेखि दिउँसो २ बजेसम्म जारी रहेको थियो । सहभागीहरूले रक्तदानको प्रक्रियाअनुसार पालैपालो जीवन बचाउने कार्यमा सहभागिता जनाएका थिए ।  नेपाल रेडक्रस सोसाइटी, केन्द्रीय रक्त सञ्चार सेवा, भृकुटी मण्डपले रक्तदानको सम्पूर्ण प्रक्रियामा प्राविधिक सहयोग गर्दै कार्यक्रमलाई साथ दिएका थिए ।

कार्यक्रममा काठमाडौं महानगरपालिका वडा नं. ३१ का वडा अध्यक्ष सरोज ढकालले वी लभ यू ले गर्ने हरेक रचनात्मक र सिर्जनात्मक कार्यमा आफ्नो वडाको तर्फबाट सधैँ साथ समर्थन रहने कुरा बताउनुहुँदै रक्तदान गरेर जीवनदान गर्ने कार्य गरेको वी लभ यू फाउन्डेसनप्रति कृतज्ञता व्यक्त गर्नुभयो ।

रक्तदान सम्पन्न गरेका एक जना सहभागीले आफ्नो रगत अरू कसैको जीवन बचाउने कार्यमा प्रयोग हुन्छ भने योभन्दा पुण्य कार्य अरू के हुन्छ होला र ? भन्दै खुशीसाथ रक्तदान गरेको कुरा बताउनुभयो । अर्का एक सहभागीले रगतचाहिँ  कृत्रिम रूपमा उत्पादन गर्न नमिल्ने तर भौतिक उपस्थितिमा कसैको शरीरबाट रगत निकालेर नै दान गर्नुपर्ने तत्त्व भएकोले आफू पनि व्यस्तताको बाबजूद रक्तदान गर्न आएको कुरा बताउनुभयो ।

वी लभ यू ले यही अगस्ट महिनामा कैलालीको टिकापुर, काठमाडौंको किर्तिपुरमा, बाँकेको नेपालगञ्जमा रक्तदान कार्यक्रम सम्पन्न गरिसकेको छ भने आगामी साता भक्तपुर, भरतपुर र पोखरामा पनि रक्तदान कार्यक्रम आयोजना गर्न लागिरहेको छ ।

वी लभ यू ले रक्तदान मात्र होइन, नेपालका विभिन्न स्थानमा वातावरण सरसफाइ, शिक्षा सहयोग तथा जोखिममा रहेका वर्गलाई सहायता प्रदान गर्ने जस्ता विविध कल्याणकारी गतिविधिहरू सञ्चालन गर्दैआएको छ ।

गण्डकी प्रदेशको गोरखा तथा बागमती प्रदेशको भक्तपुर मध्यपुर ठिमी लगायत क्षेत्रका विद्यालयहरूमा शैक्षिक प्रयोजनका लागि टेलिभिजन, स्कुल ब्याग, कपडा र पङ्खाजस्ता सामग्री सहयोग गर्नुका साथै विद्यालयको साइनबोर्ड जडान र पर्खाल मर्मत गरेर शैक्षिक वातावरण सुधार गर्नमा पनि योगदान पुऱ्याएको छ । त्यसै गरी वातावरणीय कल्याणकारी गतिविधि रहेको ‘क्लिक वर्ल्ड अभियान’ र वृक्षारोपण गरेर हरितगृह ग्याँस न्यूनीकरण गर्ने ‘आमाको उद्यान (Mom’s Garden)’ परियोजनामार्फत दिगो जिउने वातावरण निर्माण गर्दै आएको वीलभयूले विपद्का समयमा राहत तथा पुनर्स्थापना कार्यमा पनि सहयोग पुऱ्याउँदै आएको छ । सन् २०१५ को महाभूकम्पका पीडितहरूका लागि राहत, भारी वर्षाबाट प्रभावित परिवारका लागि नयाँ घर निर्माण सहयोग तथा कोभिड-१९ महामारीका समयमा संक्रमण रोकथाम सामग्री प्रदान गर्ने जस्ता गतिविधिहरू सञ्चालन गरिएको थियो ।

वीलभयूले सन् २००४ मा कोरियाबाट ‘विश्वव्यापी रक्तदान अभियान’ सुरु गरेर २० वर्षभन्दा बढी समयदेखि विश्वका विभिन्न देशहरूमा निरन्तर रक्तदान कार्यक्रम सञ्चालन गर्दैआएको छ । कोरियासहित ६७ देशमा कुल १ लाख ५१ हजार ३७ जना सहभागी भएका छन् र ६७ हजार ८४८ जनाले रक्तदान गरेका छन् । एक पटकको रक्तदानले अधिकतम तीन जनाको जीवन बचाउन सकिने कुरालाई विचार गर्दा, करिब २ लाख मानिसको जीवन बचाउन योगदान पुऱ्याएको मान्न सकिन्छ (सन् २०२६ जुनसम्मको तथ्याङ्कको आधारमा) ।

संयुक्त राष्ट्रसंघको DGC (सार्वजनिक सूचना विभाग) सँग सहकार्य गर्ने एक गैरसरकारी संस्था अन्तर्राष्ट्रिय वीलभयूले ‘आमाको प्रेम सारा संसारमा’ भन्ने नाराअन्तर्गत मानवीय गतिविधिहरू सञ्चालन गर्दछ । वीलभयूले १०२ देशमा वातावरण संरक्षण, आपत्कालीन राहत, पानी तथा सरसफाइको प्रत्याभूति, गरिबी तथा भोकमरी न्यूनीकरण, स्वास्थ्य सेवा, स्थानीय समुदाय कल्याण र शिक्षा सहयोग लगायत विभिन्न क्षेत्रमा ११,१०० पटक भन्दा बढी गतिविधि सञ्चालन गरिसकेको छ । यस्ता निःस्वार्थ गतिविधिहरूको कदरस्वरूप, वीलभयूले अमेरिकी राष्ट्रपति स्वयंसेवा अवार्ड स्वर्ण, गणतन्त्र कोरियाको पदक, इक्वेडरको राष्ट्रिय सभा पदक र कम्बोडियाको राजकीय पदक जस्ता १,१०० वटाभन्दा बढी अवार्डहरू प्राप्त गरेको छ । नेपालमा पनि काठमाडौं र कीर्तिपुरका मेयरहरूबाट प्रशंसा-पत्र तथा नेपाल रेडक्रस सोसाइटीका प्रतिनिधिबाट प्रशंसा-पत्र प्राप्त गरेको छ ।

The post अन्तर्राष्ट्रिय वीलभयूद्वारा काठमाडौंमा ‘९३४औँ विश्वव्यापी रक्तदान कार्यक्रम सम्पन्न appeared first on Jana Aawaj News.

जन आवाज न्युज/भक्तपुर , भाद्र ७ गते । हार्टस् फर नेपाल फाउण्डेशनको आयोजनामा सञ्चालन भएको “लिडरसिप कन्फ्रेन्स २०२६” भक्तपुरस्थित जर्मन होम्स होटलमा सम्पन्न भएको छ। आज बिहान ८ः३० बजेदेखि सुरु भएको सम्मेलन साँझ ४ बजेसम्म सञ्चालन भएको थियो। सम्मेलनमा विभिन्न क्षेत्रका तीन सयभन्दा बढी युवा व्यवसायी, उद्यमी, नेतृत्वकर्ता तथा सामाजिक क्षेत्रका प्रतिनिधिहरूको सहभागिता रहेको आयोजकले जनाएको छ।

सम्मेलनमा अन्तर्राष्ट्रिय नेतृत्वकर्ता तथा व्यवसायी डेनिस कमिन्स प्रमुख वक्ताका रूपमा सहभागी हुनुभएको थियो। उहाँले सहभागीहरूलाई प्रभावकारी तथा जिम्मेवार नेतृत्वका विभिन्न आयामबारे प्रशिक्षण दिनुभएको थियो। नेतृत्व भनेको केवल पद, प्रभाव वा लोकप्रियताको विषय नभई जिम्मेवारी, अनुशासन, सही निर्णय र जवाफदेहितासँग जोडिएको विषय भएको उहाँले बताउनुभयो।

सम्मेलनका क्रममा सहभागीहरूलाई वास्तविक नेतृत्व सीपको विकास, विवेकपूर्ण निर्णय क्षमता, चुनौतीपूर्ण परिस्थितिमा नेतृत्व गर्ने तरिका, संस्थागत विकास तथा नेतृत्वमा आवश्यक अनुशासन र जवाफदेहिता लगायतका विषयमा व्यावहारिक प्रशिक्षण प्रदान गरिएको थियो। त्यस्तै, पछिल्लो समय तीव्र रूपमा विकास भइरहेको कृत्रिम बुद्धिमत्ता (एआई) प्रविधिलाई आफ्नो संस्था, व्यवसाय तथा सेवामा प्रभावकारी रूपमा कसरी प्रयोग गर्न सकिन्छ भन्ने विषयमा समेत प्रशिक्षण दिइएको आयोजकले जनाएको छ।

कार्यक्रममा नेतृत्वका सैद्धान्तिक पक्षसँगै व्यवहारिक अनुभवलाई समेत प्राथमिकता दिइएको थियो। सहभागीहरूले विभिन्न क्षेत्रका नेतृत्वकर्तासँग अनुभव आदान–प्रदान गर्नुका साथै आफूले सामना गरिरहेका नेतृत्वसम्बन्धी चुनौती र त्यसका सम्भावित समाधानबारे सिक्ने अवसर प्राप्त गरेका थिए।

‘बिल्ट ओर ब्रोकन’ पुस्तक विमोचन

लिडरसिप कन्फ्रेन्सकै क्रममा प्रमुख वक्ता डेनिस कमिन्सद्वारा लिखित ‘बिल्ट ओर ब्रोकन’ (Built or Broken) पुस्तकसमेत विमोचन गरिएको छ। पत्रकार सम्मेलनमार्फत पुस्तकबारे जानकारी दिँदै लेखक कमिन्सले नेतृत्वले कुनै संस्था, समाज वा राष्ट्रलाई निर्माणको दिशामा लैजान पनि सक्ने र गलत नेतृत्वका कारण विघटन तथा कमजोर बन्ने अवस्थामा पुर्‍याउन पनि सक्ने बताउनुभयो।

उहाँका अनुसार पुस्तकले नेतृत्वका सकारात्मक तथा नकारात्मक प्रभावलाई विभिन्न दृष्टिकोणबाट प्रस्तुत गरेको छ। नेतृत्व केवल मानिसहरूलाई प्रभाव पार्ने वा लोकप्रिय बन्ने माध्यम मात्र नभई व्यवस्थित संरचना निर्माण, जिम्मेवारी निर्धारण, अनुशासन कायम र जवाफदेहिता सुनिश्चित गर्ने प्रक्रिया भएको उहाँको भनाइ थियो।

लेखक कमिन्सले विशेषगरी युवा पुस्ताले नेतृत्वका विषयमा गहिरो बुझाइ विकास गर्न आवश्यक रहेको बताउँदै ‘बिल्ट ओर ब्रोकन’ पुस्तक नेतृत्व क्षमता अभिवृद्धि गर्न चाहनेहरूका लागि उपयोगी हुने दाबी गर्नुभयो। उहाँले नेतृत्वको जिम्मेवारी लिने प्रत्येक व्यक्तिले आफ्नो नेतृत्वले संस्था, समुदाय र समाजमा कस्तो प्रभाव पारिरहेको छ भन्ने विषयमा निरन्तर आत्ममूल्याङ्कन गर्नुपर्नेमा जोड दिनुभयो।

सम्मेलनमा प्रभावकारी नेतृत्व, नेतृत्वका चुनौती, निर्णय क्षमता, जिम्मेवारी, अनुशासन, संस्थागत विकास तथा आधुनिक प्रविधिको प्रयोग लगायतका विषयमा प्रशिक्षण तथा अनुभव आदान-प्रदान गरिएको थियो।

कार्यक्रममा सहभागीहरूले सम्मेलनबाट नेतृत्वसम्बन्धी नयाँ ज्ञान, सीप र प्रेरणा प्राप्त भएको बताएका छन्। नेतृत्वका विभिन्न पक्षलाई व्यवहारिक रूपमा बुझ्ने अवसर प्राप्त भएको तथा आगामी दिनमा आफूलाई थप जिम्मेवार र प्रभावकारी नेतृत्वका लागि तयार गर्न सम्मेलन उपयोगी बनेको सहभागीहरूको भनाइ थियो।

आयोजक हार्टस् फर नेपाल फाउण्डेशनले विभिन्न क्षेत्रका नेतृत्वकर्तालाई एउटै मञ्चमा ल्याएर असल, जिम्मेवार, अनुशासित र प्रभावकारी नेतृत्व विकासमा योगदान पुर्‍याउने उद्देश्यले सम्मेलन आयोजना गरिएको जनाएको छ। चार सयभन्दा बढी नेतृत्वकर्ताको सहभागिताले सम्मेलनको उद्देश्य र नेतृत्व विकासप्रतिको चासोलाई थप उत्साहजनक बनाएको आयोजकको भनाइ छ।

एकदिने सम्मेलनबाट सहभागीहरू नेतृत्वका नयाँ अवधारणा, व्यावहारिक ज्ञान र सकारात्मक सोच लिएर फर्किएको आयोजकले जनाएको छ।

The post लिडरसिप कन्फ्रेन्स २०२६ सम्पन्नः ‘बिल्ट ओर ब्रोकन’ पुस्तक विमोचन appeared first on Jana Aawaj News.

वी लभ यू का एक प्रतिनिधिले भने, “रक्तदानका लागि आफ्नो अमूल्य समय निकालेर सहभागी हुनुभएका सबैप्रति हामी आभारी छौं । धेरै नागरिकहरू एउटै उद्देश्यका लागि एकजुट हुनुभएकोले यो कार्यक्रम स्थानीय समुदायका लागि न्यानो शक्ति बनोस् भन्ने आशा गर्दछौं ।”
कार्यक्रम बिहान ११ बजेदेखि अपरान्ह ३ बजेसम्म जारी रहेको थियो । रक्तदान कार्यक्रममा ६० जनाले रक्तदान गरी २७ हजार एम.एल रगत दान गरेका थिएल । नेपाल रेडक्रस सोसाइटी नेपालगन्ज शाखाले रक्तदानको सम्पूर्ण प्रक्रियामा सहयोग गर्दै कार्यक्रमलाई साथ दिएको थियो ।
लुम्बिनी प्रदेश सरकारका, आन्तरिक मामिला, कानुन, उधोग तथा यातायात मान्त्री माननिय भण्डरीलाल यादबले “यहाँहरूले ठूलो पुन्यको काम गर्नुभएको छ, यहाँहरूलाई लुम्बिनी प्रदेश र मेरो तर्फबाट धेरै धेरै धन्यबाद भन्न चाहन्छु, आगामी समयमा यस्तो कार्य निरन्तर शहर साथै गाउ गाउमा गर्नुहुन अनुरोध गर्दछु ”, भन्दै सहभागीहरूलाई प्रोत्साहन दिएका थिए ।

रक्तदान गरेका मिन बहादुर पुनले “वी लभ यु फाउण्डेशले आयोजना गरेको ‘९२१ औँ विश्वव्यापी रक्तदान कार्यक्रम’ मा सहभागी भइ रक्तदान गर्न पाउँदा असाध्यै गौरववान महुसुस भएको छ । एउटी आमाले सन्तानलाइ आफ्नो रगत बगाएर जीवन दिए जस्तै मैले पनि १ पोइन्ट रगत दिएर १ जना व्यक्तिलाई बचाउन पाएको छु, उत्कृष्ट प्रेरणा दिनुहुने फाउण्डेसनकी अध्यक्ष जाङ गिल जा ज्यूलाई धन्यवाद व्यक्त गर्दछु ।”
यस महिनामा वी लभ यू का रक्तदान कार्यक्रमहरू भदौ ३ गते टीकापुरमा सम्पन्न भएको छ, भदौ ७ गते काठमाडौंमा सम्पन्न भएको छ तथा भदौ १० गते पोखराको लेखनाथमा पनि निरन्तर आयोजना गर्ने योजना रहेको छ ।

वी लभ यू ले रक्तदान मात्र होइन, नेपालका विभिन्न स्थानमा वातावरण सरसफाइ, शिक्षा सहयोग तथा जोखिममा रहेका वर्गलाई सहायता प्रदान गर्ने जस्ता विविध कल्याणकारी गतिविधिहरू सञ्चालन गर्दैआएको छ । गण्डकी प्रदेशको गोरखा तथा बागमती प्रदेशको भक्तपुर मध्यपुर ठिमी लगायत क्षेत्रका विद्यालयहरूमा शैक्षिक प्रयोजनका लागि टेलिभिजन, स्कुल ब्याग, कपडा र पङ्खाजस्ता सामग्री सहयोग गर्नुका साथै विद्यालयको साइनबोर्ड जडान र पर्खाल मर्मत गरेर शैक्षिक वातावरण सुधार गर्नमा पनि योगदान पुर्याएको छ । त्यसैगरी वातावरणीय कल्याणकारी गतिविधि रहेको ‘क्लिक वर्ल्ड अभियान’ र वृक्षारोपण गरेर हरितगृह ग्याँस न्यूनीकरण गर्ने ‘आमाको उद्यान Mom’s Garden परियोजनामार्फत दिगो जिउने वातावरण निर्माण गर्दै आएको वी लभ यू ले विपद्का समयमा राहत तथा पुनर्स्थापना कार्यमा पनि सहयोग पुरर्याउँदै आएको छ । सन् २०१५ को महाभूकम्पका पीडितहरूका लागि राहत, भारी वर्षाबाट प्रभावित परिवारका लागि नयाँ घर निर्माण सहयोग तथा कोभिड-१९ महामारीका समयमा संक्रमण रोकथाम सामग्री प्रदान गर्ने जस्ता गतिविधिहरू सञ्चालन गरिएको थियो । वी लभ यू ले सन् २००४ मा कोरियाबाट ‘विश्वव्यापी रक्तदान अभियान’ सुरु गरेर २० वर्षभन्दा बढी समयदेखि विश्वका विभिन्न देशहरूमा निरन्तर रक्तदान कार्यक्रम सञ्चालन गर्दैआएको छ । कोरियासहित ६७ देशमा कुल १ लाख ५१ हजार ३७ जना सहभागी भएका छन् र ६७ हजार ८४८ जनाले रक्तदान गरेका छन् । एक पटकको रक्तदानले अधिकतम तीन जनाको जीवन बचाउन सकिने कुरालाई विचार गर्दा, करिब २ लाख मानिसको जीवन बचाउन योगदान पुर्याएको मान्न सकिन्छ (सन् २०२६ जुनसम्मको तथ्याङ्कको आधारमा) ।

संयुक्त राष्ट्रसंघको DGC (सार्वजनिक सूचना विभाग) सँग सहकार्य गर्ने एक गैरसरकारी संस्था अन्तर्राष्ट्रिय वीलभयूले ‘आमाको प्रेम सारा संसारमा’ भन्ने नाराअन्तर्गत मानवीय गतिविधिहरू सञ्चालन गर्दछ । वी लभ यू ले १०२ देशमा वातावरण संरक्षण, आपत्कालीन राहत, पानी तथा सरसफाइको प्रत्याभूति, गरिबी तथा भोकमरी न्यूनीकरण, स्वास्थ्य सेवा, स्थानीय समुदाय कल्याण र शिक्षा सहयोग लगायत विभिन्न क्षेत्रमा ११,१०० पटक भन्दा बढी गतिविधि सञ्चालन गरिसकेको छ । यस्ता निःस्वार्थ गतिविधिहरूको कदरस्वरूप, वी लभ यू ले अमेरिकी राष्ट्रपति स्वयंसेवा अवार्ड स्वर्ण, गणतन्त्र कोरियाको पदक, इक्वेडरको राष्ट्रिय सभा पदक र कम्बोडियाको राजकीय पदक जस्ता १,१०० वटाभन्दा बढी अवार्डहरू प्राप्त गरेको छ । नेपालमा पनि काठमाडौं र कीर्तिपुरका मेयरहरूबाट प्रशंसा-पत्र तथा नेपाल रेडक्रस सोसाइटीका प्रतिनिधिबाट प्रशंसा-पत्र प्राप्त गरेको छ ।

The post वी लभ यू फाउन्डेसनद्धारा नेपालगन्जमा ९२१ औँ विश्वव्यापी रक्तदान कार्यक्रम सम्पन्न appeared first on Jana Aawaj News.

भक्तपुर,भाद्र ७ गते । “सम्मानित ज्येष्ठ नागरिक, समुन्नत समाज” भन्ने आदर्श वाक्यलाई आत्मसात् गर्दै भक्तपुरमा ज्येष्ठ नागरिक सेवा समाजको औपचारिक विधिवत उद्घाटन समारोह सुसम्पन्न भएको छ । भक्तपुर स्थित शुभकामना पार्टी प्यालेस परिसरमा भव्य रुपमा सम्पन्न उक्त कार्यक्रमले संस्था दर्ता पश्चात औपचारिक रूपमा ज्येष्ठ नागरिकको हकहित, सम्मान र सामाजिक सहभागिताको नयाँ अध्यायको थालनी गरेको छ ।

कार्यक्रमको औचित्यसहित अध्यक्षता ग्रहण गर्दै ज्येष्ठ नागरिक सेवा समाजका अध्यक्ष बालमुकुन्द सुवालले ज्येष्ठ नागरिकलाई बोझका रूपमा नभई समाजको अनुभवी शक्तिका रूपमा हेरिनुपर्ने बताउनुभयो । उहाँले परिवार भत्किँदो र सहरीकरण बढ्दो वर्तमान परिवेशमा एक्लोपनमा धकेलिएका ज्येष्ठ नागरिकहरुका लागि सामूहिक सहारा र संस्थागत आडभरोसा जरुरी भइसकेको उल्लेख गर्दै संस्थालाई कुनै एक व्यक्ति वा समूहको नभई सम्पूर्ण भक्तपुरवासीको साझा अभियानका रूपमा अगाडि बढाउने प्रतिबद्धता जनाउनुभयो । समाजका उपाध्यक्ष कृष्णेश्वरी हाडाले स्वागत मन्तव्य राख्दै ज्येष्ठ नागरिकले दिएको ज्ञान र संस्कारकै जगमा वर्तमान पुस्ता उभिएको स्मरण गराउनुभयो । उहाँले सम्मान भन्नु कुनै एक दिनको समारोहमा सीमित नरही दैनिक व्यवहार र सेवामा प्रतिविम्बित हुनुपर्ने बताउँदै संस्थाले महिला र ज्येष्ठ नागरिकबीचको अन्तरपुस्ता सहकार्यलाई प्राथमिकतामा राख्ने बताउनुभयो । उपस्थित दाता, समाजसेवी र सहयोगी संघसंस्थाप्रति उहाँले हार्दिक आभार समेत व्यक्त गर्नुभयो ।

कार्यक्रमकै क्रममा मानव कल्याण समाज सेवा घरकी अध्यक्ष सुमी मानवले अध्यक्ष सुवाललाई खादा ओढाई यस क्षेत्रमा पुर्‍याएको योगदानका लागि विशेष सम्मान गर्नुभयो, जसले समारोहलाई अझ भावुक तुल्यायो । संस्थाप्रति समाजका सामाजिक मनका धनीहरुको उत्साहजनक सहभागिता उद्घाटन कार्यक्रमकै दिन देखिन पुग्यो । ५० हजार रुपैयाँ तिरेर ८ जना संरक्षक सदस्य, २५ हजार तिरेर १ जना विशिष्ट सदस्य र ५ हजार तिरेर ४५ जना आजीवन सदस्य बन्नुभयो, जसबाट सबै प्रकारका सदस्यता बापत कुल ६ लाख ५० हजार रुपैयाँ आर्थिक संकलन भएको थियो । प्रमुख आतिथ्यता ग्रहण गर्दै नेपाल भाषाका सुपरिचित साहित्यकार तथा योग साधक तिलक प्रकाश कायस्थले ज्येष्ठ नागरिकलाई समाजको जीवित धरोहरका रूपमा व्याख्या गर्दै उनीहरूको ज्ञान र अनुभवलाई पुस्तान्तरण गर्नुपर्ने आवश्यकतामा जोड दिनुभयो ।

विशिष्ट अतिथि तथा ज्येष्ठ नागरिक अभियन्ता हस्त बहादुर लामाले दशकौंदेखि यस क्षेत्रमा गरिरहेको आफ्नो अनुभवका आधारमा ज्येष्ठ नागरिकको हकहितका लागि दिगो र संस्थागत संरचना अपरिहार्य रहेको बताउनुभयो । पातञ्जल योग समिति नेपालका अध्यक्ष सुदर्शन सुवेदीले योग र ध्यानलाई ज्येष्ठ अवस्थाको स्वस्थ जीवनशैलीसँग जोड्दै यस्ता संस्थाहरुले स्वास्थ्य सचेतना फैलाउनुपर्ने धारणा राख्नुभयो । ज्येष्ठ नागरिक केयरिङ्ग विशेषज्ञ रति पक्वानले हेरचाहको वैज्ञानिक र मानवीय पक्षमा प्रकाश पार्नुभयो भने सामाजिक व्यक्तित्व केदार खड्काले समुदायस्तरीय सहकार्यको महत्त्वबारे आफ्ना धारणा राख्नुभयो । योग ध्यान आरोग्य सञ्जाल नेपालका महासचिव एवं योग जिल्ला समन्वय समिति भक्तपुरका सचिव नबराज काफ्लेले आफ्नो मन्तव्यमा नेपालको जनसांख्यिक संरचना क्रमशः बुढ्यौलीतर्फ उन्मुख हुँदै गएको यथार्थलाई औंल्याउनुभयो ।

राष्ट्रिय जनगणना २०७८ अनुसार नेपालमा ज्येष्ठ नागरिकको जनसंख्या १०.२१ प्रतिशत पुगिसकेको छ, जुन २०४८ सालमा जम्मा ५.७ प्रतिशत मात्र थियो  । यसरी दुई दशकमै झन्डै दोब्बर वृद्धि भएको यथार्थलाई काफ्लेले औंल्याउँदै यस्तो संरचनागत परिवर्तनले परिवार र राज्य दुवैतर्फबाट थप जिम्मेवार, संगठित र दिगो हेरचाह संयन्त्रको माग गरिरहेको बताउनुभयो । उहाँले योग, ध्यान र सामुदायिक स्वास्थ्य सञ्जालको अनुभवका आधारमा ज्येष्ठ नागरिकहरुलाई केवल सहायताको पात्र नभई ज्ञान, सीप र अनुभवको जीवित स्रोतका रूपमा समाजले पुनः चिन्नुपर्ने र यस्ता संस्थाहरुले त्यही कडी बनेर काम गर्नुपर्ने धारणा राख्नुभयो ।

नवयुग मातृधाम एकता समाजका अध्यक्ष जिज्ञासु हरिचरण दासले आफ्नो संस्था पनि ज्येष्ठ नागरिक सेवा समाजसँग आबद्ध हुँदै आवश्यक परेको बखत सामाजिक सत्सङ्ग सेवा उपलब्ध गराउने प्रतिबद्धता जनाउनुभयो । कार्यक्रमको अन्त्यमा समाजका सचिव विजेन्द्र ध्वजुले धन्यवाद ज्ञापनसहित विशेष मन्तव्य राख्नुभयो । उहाँले संस्था स्थापना केवल एउटा प्रारम्भ मात्र भएको र यसलाई निरन्तरता दिन सबैको दीर्घकालीन सहकार्य अपरिहार्य रहेको बताउँदै उपस्थित दाता, अतिथि र सहयोगी सबैप्रति हार्दिक कृतज्ञता व्यक्त गर्दै कार्यक्रम समापन गर्नुभयो । ज्येष्ठ नागरिकसम्बन्धी ऐन, २०६३ ले ज्येष्ठ नागरिकको पालनपोषण, हेरचाह, सम्मान र सामाजिक सुरक्षालाई राज्य र परिवार दुवैको साझा दायित्वका रूपमा परिभाषित गरेको छ । तर व्यवहारमा हेर्ने हो भने आर्थिक सर्वेक्षण २०८२-८३ अनुसार देशभर हाल ज्येष्ठ नागरिक दिवा सेवा केन्द्रको संख्या मात्र ३६८ पुगेको छ, जुन बढ्दो जनसंख्याको अनुपातमा अझै अपर्याप्त देखिन्छ । यस्तो अवस्थामा भक्तपुरका सामाजिक मनका धनीहरु मिलेर स्थापना गरेको ज्येष्ठ नागरिक सेवा समाज जस्ता संस्थाहरु ज्येष्ठ नागरिकको उत्तराद्ध जीवनलाई सम्मानित, सुरक्षित र आत्मीय बनाउने दिशामा स्थानीय स्तरबाटै थालिएको सार्थक पहलका रूपमा हेरिन थालेको छ । संस्थाले अपनाएको दृष्टि र ध्येयअनुसार स्वास्थ्य परीक्षण, स्वास्थ्य परामर्श, दैनिक सहयोग अभियान र सामाजिक सुरक्षा कोषजस्ता कार्यक्रमहरु आगामी दिनमा कार्यान्वयनमा ल्याइने संस्थापक पदाधिकारीहरुले जनाएका छन् ।

The post भक्तपुरमा ज्येष्ठ नागरिक सेवा समाजको भव्य उद्घाटन, ६ लाख ५० हजार संकलन appeared first on Jana Aawaj News.

The post सुन्दरहरैँचाको खोर्सानी बजार क्षेत्रमा सरसफाइ कार्यक्रम सम्पन्न appeared first on Jana Aawaj News.

कार्यक्रम सम्पन्न गर्न दुवाकोट स्वास्थ्य चौकी, प्रहरी प्रभाग दुवाकोट, मित्रश्री पाठशाला, नेपाल रेडक्रस सोसाइटी दुवाकोट उपशाखा, प्राज्ञ आदर्श समाज, पातञ्जल योग समिति नेपाल र सुखी घरेलु उद्योगबीच सहकार्य रहेको थियो ।

कार्यक्रमको परिकल्पनाकार एवं चाँगुनारायण नगरपालिका वडा नं.२ का वडाअध्यक्ष सोमप्रसाद प्रधानले वडाभित्रको हरेक टोल र घरघरसम्म स्वास्थ्य सेवा पुर्‍याउने प्रतिबद्धता व्यक्त गर्नुभयो । उहाँले यस कार्यक्रमलाई साप्ताहिक रूपमा निरन्तरता दिइने बताउनुभयो ।

दुवाकोट स्वास्थ्य चौकीका प्रमुख कुमार केसीले आफ्नो संस्थाबाट स्वास्थ्य परीक्षणका लागि आवश्यक दक्ष जनशक्ति उपलब्ध गराई कार्यक्रम व्यवस्थापनमा सहयोग पुर्‍याएको जानकारी दिनुभयो । नेपाल रेडक्रस सोसाइटी चाँगुनगर समितिका संयोजक मन्दिरा कार्कीले पनि कार्यक्रमको सफलतामा शुभकामना व्यक्त गर्नुभयो । प्रहरी प्रभाग दुवाकोटका प्रमुख खिलबहादुर दुलाल र मित्रश्री पाठशालाका प्रधानाध्यापक दीपक बिष्टले पनि कार्यक्रमप्रति आआफ्ना धारणा राख्नुभयो ।

नेपाल रेडक्रस सोसाइटी दुवाकोट उपशाखाकी कार्यवाहक सभापति प्रमिला प्रधानले वडाअध्यक्ष स्वास्थ्य कार्यक्रमकै अवसरमा मित्रश्री पाठशाला र राधाकृष्ण सत्संग भवनमा रक्तदान कार्यक्रम आयोजना गरिएको र सोमा ३३ जना स्वयंसेवी रक्तदाताले रक्तदान गरेको जानकारी दिनुभयो ।

प्राज्ञ आदर्श समाजका अध्यक्ष नबराज काफ्लेले पनि कार्यक्रममा आफ्नो धारणा राख्दै यसलाई सामुदायिक स्वास्थ्य सेवाको उदाहरणीय पहलका रूपमा उल्लेख गर्नुभयो । कार्यक्रमको अन्त्यमा प्राज्ञटोल सुधार समितिका अध्यक्ष कपिल कार्कीले सबैप्रति धन्यवाद ज्ञापन गर्नुभयो ।

The post चाँगुमा वडाअध्यक्ष स्वास्थ्य कार्यक्रम शुभारम्भ appeared first on Jana Aawaj News.

कार्यक्रममा ASEZ WAO का सदस्यहरू, सहकर्मीहरू र उनीहरूका चिनाजाना गरी करीब २५ जना सहभागी भएका थिए । ‘Green Earth’ भनेको प्रदूषित सहरी सडक तथा पार्कहरू सरसफाइ गरी स्वस्थ स्थलीय पारिस्थितिक प्रणाली निर्माण गर्ने ASEZ WAO को विश्वव्यापी वातावरणीय परियोजना हो ।

स्वयंसेवकहरूले बिहान ७ बजेदेखि करिब डेढ घण्टासम्म बाल उद्यानदेखि बस पार्कसम्मको १ किलोमिटर क्षेत्रमा सरसफाइ गरेका थिए । उनीहरूले सडक किनारमा फालिएका प्लास्टिकका कप, फोहोर प्लास्टिक, चुरोटका ठुटा, कागज लगायत विभिन्न प्रकारका फोहोर संकलन गरे । संकलित फोहोरको परिमाण १५ वटा झोलाको बराबर थियो ।

४ नं. वडा कार्यालयले संकलित फोहोरको ढुवानी र व्यवस्थापनमा सहयोग गर्दै अभियानलाई समर्थन गऱ्यो । कार्यक्रमस्थलमा वडा नं. ४ का पुर्व वडाध्यक्ष राम कुमार श्रेष्ठ र कार्यवाहक वडाध्यक्ष रङ्ग बहादुर राई पनि सहभागी हुनुभएको थियो । उहाँहरुले “सबैको निम्ति उदाहरणीय कार्य हो” भन्दै युवाहरूलाई प्रोत्साहन दिनुभएको थियो ।

ASEZ WAO का एक प्रतिनिधिले जोड दिँदै भने, “स्वच्छ वातावरणलाई निरन्तर कायम राख्न नागरिकहरूको चासो र सहभागिता महत्त्वपूर्ण छ ।” उनले भने, “यस सरसफाइ अभियानले प्रदूषित सहरी क्षेत्रलाई स्वस्थ जीवनयापनका लागि उपयुक्त वातावरणमा रूपान्तरण गर्ने अवसर प्रदान गरोस् भन्ने आशा गर्दछौं । आगामी दिनमा पनि स्थानीय समुदायसँग सहकार्य गर्दै मानिस र प्रकृतिबीच सामञ्जस्य कायम हुने स्वच्छ र सुखद वातावरण निर्माण गर्दै जानेछौं ।” स्थानियहरु पनि यो कार्यबाट प्रवाभित गराएको भन्दै सफाई कार्यको खुलेर प्रशंसा गर्नुभयो।

ASEZ WAO भन्ने नाममा ‘हामी एउटै परिवार भएर पृथ्वीलाई सुरुदेखि अन्त्यसम्म बचाऔं (Save the Earth from A to Z, We Are One Family)’ भन्ने अर्थ रहेको छ । यस सङ्गठनले विश्वभरिका देशहरूमा ‘Green Earth’ बाट सुरु गरेर ‘Blue Ocean (नदी, खोला तथा समुद्र सरसफाइ)’ ‘Mother’s Forest (वृक्षारोपण)’ जस्ता वातावरण संरक्षणका लागि विभिन्न गतिविधिहरू सञ्चालन गर्दैआएको छ । यस्तो परोपकारी कार्यको मान्यतास्वरूप सरकारी तथा अन्तर्राष्ट्रिय संस्थाहरूबाट ८०० वटाभन्दा बढी अवार्डहरू पनि प्राप्त गरिएको छ, जसमा अमेरिकी राष्ट्रपति स्वयंसेवा अवार्ड, पेरुको राष्ट्रिय सभाका अध्यक्षबाट प्रशंसा-पत्र, अन्तर्राष्ट्रिय वातावरण अवार्ड रहेको ग्रीन वर्ल्ड अवार्ड र ग्रीन एप्पल अवार्ड इत्यादि छन् ।

सङ्गठनले नेपालमा पनि स्थानीय वातावरण सुधारका लागि निरन्तर गतिविधिहरू सञ्चालन गर्दैआएको छ । उदयपुर, काठमाडौं, ललितपुर र नेपालगन्ज लगायत देशका विभिन्न स्थानमा सरसफाइ अभियान सञ्चालन गरी वातावरणलाई स्वच्छ र सुखद बनाइएको छ । गत जुन महिनामा गोकर्णेश्वरमा ‘Zero Plastic 2040’ सेमिनार आयोजना गरी प्लास्टिक प्रदूषणको गम्भीरताबारे जानकारी गराउनुका साथै त्यसलाई न्यूनीकरण गर्न आवश्यक व्यावहारिक कदम र सहकार्यका उपायहरू प्रस्तुत गरिएको थियो ।

ASEZ WAO आबद्ध रहेको परमेश्वरको मण्डलीचाहिँ १७५ वटा देशहरूमा ७,८०० वटाभन्दा बढी ठाउँहरूमा अवस्थित विश्वव्यापी मण्डली हो । मण्डलीका करिब ४० लाख विश्वासीहरूले बाइबलअनुसार पिता परमेश्वर र माता परमेश्वरमा विश्वास गर्छन् र “आफ्नो छिमेकीलाई आफूलाई झैँ प्रेम गर्नू’ भन्ने ख्रीष्टको शिक्षालाई कार्यान्वयन गरिरहेका छन् । नेपालमा हालसम्म मण्डलीका ७२,६८८ जना सदस्यहरूले १,०८४ पटक विभिन्न स्वयंसेवाका गतिविधिहरू गरेका छन् । विश्वव्यापी रूपमा वातावरण संरक्षण, प्रकोप राहत, छिमेकीलाई सहयोग, रक्तदान अभियान र संस्कृति आदानप्रदान जस्ता गतिविधिहरू करिब ५०,००० पटकभन्दा बढी गरिएको छ (सन् २०२६ जुनसम्म) । परमेश्वरको मण्डलीले चार अमेरिकी सरकारबाट राष्ट्रपति स्वयंसेवा अवार्ड, बेलायती महारानी स्वयंसेवा अवार्ड, तीन कोरियाली सरकारबाट राष्ट्रपति अवार्ड, ब्राजिलको विधायिकी योग्यता पदक, पेरुको सर्वोत्कृष्ट वातावरण अवार्ड, राष्ट्रिय सभाबाट सम्मान पदक जस्ता ६२०० भन्दा बढी अवार्डहरू प्राप्त गरिसकेको छ ।

The post ASEZ WAO द्वारा लेटाङमा सरसफाई कार्यक्रम सम्पन्न appeared first on Jana Aawaj News.

काठमाडौंको टोखामा बिहिवार आयोजना गरिएको उक्त सरसफाइ कार्यक्रम २०४० प्लास्टिक फ्री परियोजना अन्तर्गत सडक सरसफाइ कार्यक्रम आयोजना गरिएको हो ।
यो परियोजनाचाहिँ २०४० सम्ममा प्लाष्टिक प्रदूषण अन्त्य गर्ने अन्तर्राष्ट्रिय समाजको प्रयाससँग कदम मिलाएर ASEZ WAO ले सञ्चालन गरिरहेको एक विश्वव्यापी वातावरणीय अभियान हो। कार्यक्षेत्र र दैनिक जीवनमा प्लाष्टिकको प्रयोग घटाउने, सही तरिकाले छुट्याएर व्यवस्थापन गर्ने मात्र नभई समुदायका विभिन्न ठाउँमा सरसफाइ कार्यक्रम सञ्चालन गरी प्लाष्टिकजन्य फोहोर सङ्कलन गरिन्छ।

​ASEZ WAO का सदस्यहरू, उनीहरूका परिवार र छिमेकीहरू गरी करिब १२० जना स्वयंसेवकहरूले टोखाको बसुन्धारा चोकदेखि चौकीसम्म १ कि.मी. क्षेत्रमा विभिन्न किसिमका प्लाष्टिक फोहोरहरू सङ्कलन गरे। बिहान ७ बजेदेखि ९ बजेसम्म चलेको सरसफाइ अभियानबाट २० किलो क्षमताका ११८ बोरा फोहोर सङ्कलन गरेका थिए ।
​टोखा नगरपालिका वडा नं. ५ को कार्यालयले फोहोर व्यवस्थापनमा सहयोग गरेको थियो । कार्यक्रममा वडा अध्यक्ष मदन गुरुङले “ASEZ WAO का भाइबहिनीहरूले गर्नुभएको यस्तो जनचेतनामूलक कार्यक्रमले वडाका बासिन्दाहरूमा जनचेतना जगाउँनेछ र हाम्रो सहर सफा हुनेछ भन्ने आशा गर्दछु” भन्नुहुँदै  युवाहरूलाई प्रोत्साहन दिनुभयो।

​ASEZ WAO का एक प्रतिनिधिले भन्नुभयो, “प्लाष्टिक प्रदूषणको समस्या समाधान गर्न दैनिक जीवनमा निरन्तरको अभ्यास र स्थानीय समुदायको सहभागिता महत्त्वपूर्ण हुन्छ। युवाहरूको स्वतःस्फूर्त कार्यले वरपरका मानिसहरूमाझ सहानुभूति र सहभागिता जगाई सकारात्मक परिवर्तनलाई फैलाउनेछ भन्ने आशा छ।”
सरसफाई अभियानमा साथीको निमन्त्रणामा सहभागी हुनुभएकी डाक्टर कबिता ढकालले “ASEZ WAO का युवाहरू सँगै सरसफाई गर्दा एकदमै गौरवान्वित महसुस गरे र यस्ता कार्यक्रममा लगातार सहभागी हुनेछु” भन्दै गर्व महसुस गर्नुभयो ।

ASEZ WAO को नाममा ‘हामी सबै जना एउटै परिवार भएर सुरुदेखि अन्त्यसम्म पृथ्वीलाई बचाऔं (Save the Earth from A to Z, We Are One Family)’ भन्ने अर्थ लुकेको छ। विश्वका विभिन्न देशहरूमा वातावरण सरसफाइ, वृक्षारोपण, प्लाष्टिक प्रदूषण न्यूनीकरण जस्ता वातावरणीय अभियान र कल्याणकारी गतिविधिहरू सञ्चालन गर्दै आएको छ। यस्ता निस्वार्थ कार्यहरूका लागि अमेरिकी राष्ट्रपतीय स्वयंसेवा पदक, पेरुको संसद अध्यक्षको प्रशंसापत्र, अन्तर्राष्ट्रिय वातावरणीय पुरस्कार ग्रीन वर्ल्ड अवार्ड र ग्रीन एप्पल अवार्ड लगायत विभिन्न देशका सरकार तथा अन्तर्राष्ट्रिय संघ-संस्थाहरूबाट ८०० भन्दा बढी पुरस्कार प्राप्त भइसकेका छन्।

​नेपालमा पनि स्थानीय वातावरण सुधारका लागि निरन्तर गतिविधिहरू सञ्चालन गरिँदै आएको छ। काठमाडौँ, उदयपुर, ललितपुर, नेपालगञ्ज लगायत देशका विभिन्न ठाउँमा सरसफाइ कार्यक्रम सञ्चालन गरी वातावरणलाई स्वच्छ बनाइएको छ। यही अगस्टमा चन्द्रागिरिमा ‘ २०४० Plastic Free’ सेमिनार आयोजना गरी प्लाष्टिक प्रदूषणको गम्भीरताप्रति सजग गराइयो र यसलाई घटाउनका लागि व्यावहारिक अभ्यास तथा सहकार्यका उपायहरू खोजियो। यस्ता विभिन्न गतिविधिहरूमार्फत टोखा र बासगढीका उपमेयरको प्रशंसापत्र, ललितपुर वडा नं. ८ र हेटौंडा वडा नं. १९ का वडाध्यक्षहरूको प्रशंसापत्र आदि प्राप्त भएका छन्।

ASEZ WAO आबद्ध रहेको परमेश्वरको मण्डली १७५ वटा देशका ७,८०० भन्दा बढी क्षेत्रहरूमा स्थापना भएको एक विश्वव्यापी मण्डली हो। ४० लाख विश्वासीहरूले बाइबलअनुसार पिता परमेश्वर र आमा परमेश्वरमाथि विश्वास गर्दै ‘आफ्नो छिमेकीलाई आफूलाई जस्तै प्रेम गर’ भन्ने बाइबलको शिक्षालाई विभिन्न क्षेत्रमा लागू गरिरहेका छन्। नेपालमा मात्रै ७२,६८८ जनाले १,०८४ पटकभन्दा बढी विविध स्वयंसेवा गतिविधिहरू सञ्चालन गरेका छन्। वातावरणीय संरक्षण, विपद् राहत, छिमेकीलाई सहयोग, रक्तदान र सांस्कृतिक आदानप्रदान जस्ता विश्वव्यापी रूपमा ५०,००० भन्दा बढी (जुन २०२६ सम्मको तथ्याङ्कअनुसार) सेवा कार्यहरू गरिएका छन्। परमेश्वरको मण्डलीले अमेरिकाको ४ वटा राष्ट्रपतीय स्वयंसेवा पदक, बेलायती महारानी स्वयंसेवा पदक, दक्षिण कोरियाको ३ वटा राष्ट्रपतीय पुरस्कार, ब्राजिलको विधायिकी योग्यता पदक, र पेरुको राष्ट्रिय सभाबाट सम्मान पदक तथा सर्वोत्कृष्ट वातावरण पुरस्कारसहित ६,२०० भन्दा बढी सम्मानहरू प्राप्त गरिसकेको छ।

The post ASEZ WAO द्वारा काठमाडौंको टोखामा सरसफाइ कार्यक्रम सम्पन्न appeared first on Jana Aawaj News.