ASEZ WAO का प्रतिनिधि शम्भु श्रेष्ठले जलवायु परिवर्तनले निम्त्याउने असरलाई न्यूनीकरण गर्न, कार्बन उत्सर्जन कम गर्न र प्लास्टिक प्रदूषण रोक्न यो कार्यक्रम आयोजना गरिएको बताउनुभयो ।

त्यसैगरी वडा अध्यक्ष शेखर न्यौपानेले कान्ति लोकपथको प्रवेशद्वार रहेको चापागाउँ क्षेत्रमा दिनहुँ हजारौं मानिसहरूको आवत-जावत हुनेभएकोले फोहोर व्यवस्थापनको समस्या पनि उत्ति नै रहेकोले विभिन्न निकायकाहरूले यसलाई व्यवस्थापन गर्न सहयोग गर्दैआएको कुरा बताउनुहुँदै आज ASEZ WAO ले पनि यस क्षेत्रलाई रोजेर सरसफाइ कार्यक्रम आयोजना गरेकोमा कृतज्ञता व्यक्त गर्नुभयो ।

बिहान ७:३० बजे सुरु भएको १ घण्टाको सरसफाइ गतिविधिमा प्याङगाउँ बसपार्कदेखि टाहाखेल चौतारासम्मका सडकमा फ्याँकिएका प्लास्टिकका झोलाहरू, बोटलहरू, जुसका बट्टाहरू, गुट्खाका खोलहरू, चुरोटका ठुटाहरू, चाउचाउका खोलहरू र अन्य खाद्यवस्तुका खोलहरू गरी ३१ बोरा फोहोर संकलन गरिएको थियो । गतिविधिमा जावलाखेल, गोदावरी, भैंसेपाटी, लुभु र सुनाकोठी क्षेत्रका करिब ५० जना ASEZ WAO का सदस्यहरू साथै प्रहरीहरूको सहभागिता थियो ।

ASEZ WAO भनेको परमेश्वरको मण्डली विश्व सुसमाचार समाजका जागिरे युवाहरूको स्वयंसेवक समूह हो । ASEZ WAO भन्ने नाममा ‘हामी एउटै परिवार भएर पृथ्वीलाई सुरुदेखि अन्त्यसम्म बचाऔं (Save the Earth from A to Z, We Are One Family) भन्ने अर्थ रहेको छ । ASEZ WAO द्वारा ‘Mother’s Forest’ (वृक्षारोपण) सँगसँगै ‘Green Earth (सहर तथा सडक सरसफाइ)’ ‘Blue Ocean (नदी खोला तथा समुद्र सरसफाइ’ ‘No More GPGP (प्लास्टिक फोहोरको टापू रोकथाम गतिविधि)’ जस्ता वातावरण संरक्षणका लागि विभिन्न पहलहरू थुप्रै देशहरूमा सञ्चालन भइरहेका छन् । यसको अतिरिक्त, ‘Green Workplace (पानी बचत, ऊर्जा बचत, स्रोत बचत)’ प्रोजेक्टको एक हिस्साको रूपमा, ‘इमेल इनबक्स खाली गर्ने’, ‘कम्प्युटरको मनिटर र मल्टिप्लगहरू बन्द गर्ने’ जस्ता च्यालेन्जहरू पनि लगातार जारी भइरहेका छन् ।प्लास्टिक प्रदूषण समाप्त गर्ने अन्तर्राष्ट्रिय समुदायको प्रयासअनुरूप, विश्वभरि विभिन्न ‘प्लास्टिकमुक्त २०४०’ गतिविधिहरू पनि भइरहेका छन् । नेपालमा पनि ललितपुर, काठमाडौं, लुम्बिनी, नेपालगन्ज जस्ता विभिन्न ठाउँहरूमा सरसफाइ गतिविधि गरिएको छ । सरकारी तथा अन्तर्राष्ट्रिय संस्थाहरूबाट युवाहरूको परोपकारी कार्यको मान्यतास्वरूप ६०० वटाभन्दा बढी अवार्डहरू प्रदान गरिएको छ, जसमा अमेरिकी राष्ट्रपति स्वयंसेवा अवार्ड, पेरुको राष्ट्रिय सभाका अध्यक्षबाट प्रशंसा-पत्र, अन्तर्राष्ट्रिय वातावरण अवार्ड रहेको ग्रीन वर्ल्ड अवार्ड र ग्रीन एप्पल अवार्ड इत्यादि छन् ।

ASEZ WAO आबद्ध रहेको परमेश्वरको मण्डलीचाहिँ १७५ वटा देशहरूमा ७,८०० वटाभन्दा बढी ठाउँहरूमा भएको विश्वव्यापी मण्डली हो । मण्डलीका करीब ३९ लाख २० हजार सदस्यहरूले बाइबलअनुसार पिता परमेश्वर र माता परमेश्वरमा विश्वास गर्छन् र “आफ्नो छिमेकीलाई आफूलाई झैँ प्रेम गर्नू” भन्ने ख्रीष्टको शिक्षालाई कार्यान्वयन गरिरहेका छन् । नेपालमा गत जुन महिनासम्म ५७,४३७ जनाले ९५८ पटकसम्म विभिन्न स्वयंसेवा गतिविधिहरू गरेका छन् । विश्वव्यापी रूपमा वातावरण संरक्षण, प्रकोप राहत, छिमेकीलाई सहयोग, रक्तदान अभियान, र सांस्कृतिक आदानप्रदान जस्ता गतिविधिहरू ४४,००० पटकभन्दा बढी गरिएको छ । परमेश्वरको मण्डलीले संयुक्त राष्ट्रिय अमेरिकाबाट तीन वटा राष्ट्रपति स्वयंसेवा अवार्ड, बेलायती महारानी स्वयंसेवा अवार्ड, कोरियाबाट तीन वटा राष्ट्रपति अवार्ड, ब्राजिलको विधायिकी योग्यता पदक, पेरुको सर्वोत्कृष्ट वातावरण अवार्ड, राष्ट्रिय सभाबाट सम्मान पदक जस्ता ५,४०० भन्दा बढी अवार्डहरू प्राप्त गरिसकेको छ ।

The post ASEZ WAO द्वारा ललितपुरको चापागाउँमा सरसफाइ गतिविधि सम्पन्न appeared first on Jana Aawaj News.

​कार्यक्रममा वातावरणीय सन्तुलन कायम राख्न दैनिक जीवनमा प्लास्टिकको प्रयोग घटाउने र सन् २०४० सम्ममा प्लास्टिकमुक्त समाज निर्माण गर्ने अवधारणाबारे गहन छलफल गरिएको थियो।
​सेमिनारमा प्रस्तुत अवधारणाप्रति ऐक्यबद्धता जनाउँदै प्रमुख अतिथि डंगोल तथा अन्य अतिथिहरूले ASEZ को अभियानको उच्च प्रशंसा गर्नुभयो। वातावरण संरक्षणका लागि चालिएको यो कदम उदाहरणीय रहेको उल्लेख गर्दै उहाँहरूले आगामी दिनहरूमा पनि यस्ता सकारात्मक कार्यहरूमा संस्थासँग निरन्तर सहकार्य र सहयोग गर्ने प्रतिबद्धता व्यक्त गर्नुभयो।

The post शान्ति आदर्श कलेजमा ASEZ द्वारा ‘जिरो प्लास्टिक २०४०’ सेमिनार सम्पन्न appeared first on Jana Aawaj News.

परमेश्वरको मण्डली विश्व सुसमाचार समाजका जागिरे स्वयंसेवक समूह (ASEZ WAO) को आयोजनामा टोखा नगरपालिका वडा नम्बर १, झोरमा उक्त कार्यक्रम सफलतापूर्वक सञ्चालन गरिएको हो।
​कार्यक्रममा टोखा नगरपालिका वडा नम्बर १ का अध्यक्ष रमेश कुमार लामिछाने प्रमुख अतिथिका रूपमा हुनुहुन्थ्यो। साथै, स्थानीय विभिन्न विद्यालयका प्रधानाध्यापकहरू तथा प्रतिनिधिहरूको समेत कार्यक्रममा बाक्लो उपस्थिति रहेको थियो।
​प्रमुख अतिथि र सहभागीको प्रतिबद्धता
सेमिनारमा वातावरणीय सन्तुलन कायम राख्न प्लास्टिकको प्रयोग घटाउने र सन् २०४० सम्म प्लास्टिकमुक्त समाज निर्माण गर्ने अवधारणामाथि छलफल गरिएको थियो। कार्यक्रमबाट प्रभावित भई प्रमुख अतिथि लामिछाने तथा उपस्थित प्रधानाध्यापकहरूले ASEZ WAO को यो कदमको उच्च प्रशंसा गर्नुभयो। उहाँहरूले आगामी दिनहरूमा पनि वातावरण संरक्षणका यस्ता उदाहरणीय कार्यहरूमा संस्थासँग निरन्तर सहकार्य र सहयोग गर्ने प्रतिबद्धता व्यक्त गर्नुभयो।

​५० बोरा फोहोर सङ्कलन
सेमिनारको समापनपछि स्वयंसेवकहरू तथा स्थानीय सहभागीहरू मिलेर झोर क्षेत्रको करिब एक किलोमिटर सडक खण्डमा सरसफाइ अभियान चलाएका थिए। उक्त सरसफाइका क्रममा सडक र वरपर फालिएका प्लास्टिक तथा अन्य अवाञ्छित फोहोर सङ्कलन गरी करिब ५० बोरा फोहोर व्यवस्थापनका लागि एकत्र गरिएको थियो।
​युवा स्वयंसेवकहरूको यो सक्रियताले स्थानीय समुदायमा वातावरण स्वच्छ राख्न र प्लास्टिकको प्रयोग घटाउन ठूलो सकारात्मक सन्देश दिएको छ।

The post टोखामा ASEZ WAO द्वारा ‘जिरो प्लास्टिक २०४०’ सेमिनार र सरसफाइ कार्यक्रम सम्पन्न appeared first on Jana Aawaj News.

नगर प्रमुख बासुदेव थापाको अध्यक्षतामा आइतबार बसेको नगर कार्यपालिकाको २१५औँ आकस्मिक बैठकले नगरपालिकाको विपद् व्यवस्थापन कोषबाट उक्त रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो।

त्यस्तै, जनप्रतिनिधिहरूले आफ्नो साउन महिनाको सेवा सुविधाबाट समेत सहयोग गर्ने भएका छन्। नगर प्रमुखले रु. ३५ हजार, नगर उपप्रमुखले रु. १५ हजार, वडा अध्यक्षहरूले प्रतिव्यक्ति रु. १० हजार, कार्यपालिका सदस्यहरूले प्रतिव्यक्ति रु. ६ हजार तथा वडा सदस्यहरूले प्रतिव्यक्ति रु. २ हजार ५ सय सहयोग गर्ने निर्णय भएको नगरपालिकाले जनाएको छ।

नगरपालिकाले बाढीमा परी बेपत्ता भएकाहरूको खोजी तथा उद्धार, घाइतेको उपचार र प्रभावित नागरिकको सुरक्षित पुनर्स्थापनाका लागि आवश्यक सहयोगमा सक्रिय रहने जनाएको छ।

साथै, विपद्को यस कठिन घडीमा नागरिक समाज, निजी क्षेत्र, संघ-संस्था तथा शुभेच्छुकहरूलाई आ-आफ्नो क्षेत्रबाट सम्भव सहयोग गर्न नगरपालिकाले अपिल गरेको छ।

The post सूर्यविनायक नगरपालिकाद्वारा भोटेकोशी बाढीपीडितका लागि ५५ लाख ५५ हजार ५५५ रुपैयाँ सहयोग गर्ने  appeared first on Jana Aawaj News.

आइतबार कल्याणकारी संस्था अन्तर्राष्ट्रिय वी लभ यू फाउन्फेसनले भरतपुर वडा नं. १० स्थित भरतपुर महानगरपालिकाको भवनमा ९४२ औँ विश्वव्यापी रक्तदान कार्यक्रममा वीलभयूका सदस्यहरू र छिमेकीहरू गरी करिब २६० जना सहभागी भएका थिए ।

यस कार्यक्रमको उद्देश्य स्थानीय समुदायमा स्वैच्छिक रक्तदानको संस्कृति फैलाउनुका साथै रगतको आपूर्तिमा सहयोग पुऱ्याउनु थियो । एक व्यक्तिको रक्तदानले अर्को व्यक्तिको सहभागितालाई प्रेरित गर्दै जीवन बचाउने सहयोगको सकारात्मक चक्र निर्माण होस् भन्ने उद्देश्यले वीलभयूले ‘विश्वव्यापी रक्तदान कार्यक्रम’ सञ्चालन गर्दैआएको छ ।

वी लभ यू का एक प्रतिनिधिले भने, “रक्तदानका लागि आफ्नो अमूल्य समय निकालेर सहभागी हुनुभएका सबैप्रति हामी आभारी छौं । धेरै नागरिकहरू एउटै उद्देश्यका लागि एकजुट हुनुभएकोले यो कार्यक्रम स्थानीय समुदायका लागि न्यानो शक्ति बनोस् भन्ने आशा गर्दछौं । अनि अहिले नेपालमा आएको आकस्मिक, कहालीलाग्दो बाढीमा परि ज्यान गुमाएकाहरू प्रति समावेदना व्यक्त गर्नुका साथै शोकमा डुबेका परिवारहरूप्रति दुःख व्यक्त गर्नुभयो । घाइते अवस्थामा रहेकाहरूको सहज उपचार हुन भन्ने उद्देश्यका साथ यो रक्तदान कार्यक्रम आयोजना गरिएको बताउनुभयो । साथै विपतमा परेकाहरूलाई आवश्यकता अनुसार स्वयंसेवा गर्न तयार रहेको बताउनुभयो ।”

कार्यक्रम बिहान ११ बजेदेखि ४ बजेसम्म जारी रहेको थियो । सहभागीहरूले रक्तदानको प्रक्रियाअनुसार पालैपालो जीवन बचाउने कार्यमा सहभागिता जनाएका थिए। तीमध्ये कुल १६२ जनाले रक्तदान गरी ७२ हजार ९ सय एम.एल. रगत दान गरेका थिए । नेपाल रेडक्रस सोसाइटी चितवन जिल्ला शाखाले रक्तदानको सम्पूर्ण प्रक्रियामा सहयोग गर्दै कार्यक्रमलाई साथ दिएको थियो ।

कार्यक्रमका प्रमुख अतिथि भरतपुर महानगरपालिकाका मेयर चित्रसेन अधिकारीले “बाढिको विपतको बेला, राष्ट्र रोइरहेको बेला, असंख्या घाईतेहरूलाई उपचार सहज हुने गरी यहाँहरूले महान र पवित्र कार्य गर्नुभएको छ । रक्तदान भनेको दान मध्येको उच्च दान, रक्तदान हो । किनकी यसले एउटा जोखिमा परेको जीवन बचाउँछ । आगामि दिनहरूमा पनि यस्तै महान कार्य गर्दै सहयोग गर्नुहोला ” भन्दै सहभागीहरूलाई प्रोत्साहन दिनुभयो ।

रक्तदान सम्पन्न गरेका निशा बगालेले “रक्तदान धेरै पटक गरेको भए पनि यो पटकको रक्तदान विशेष लाग्यो । कारण भरतपुर महानगरपालिकाले आफ्नै भवनमा स्वतन्त्र पूर्वक आयोजना गर्न दिएकोले आफ्नै भवनमा गरेजस्तै अपनत्वको भाव आयो । आकस्मिक आएको रसुवाको बाढिका कारण, देश विषम परिस्थितिमा रहेको बेला धेरैले ज्यान गुमाइकेको र धेरैलाइ रगत चाहिने भएकोले मैले दिएको रगतले कोहि न कोहि एकजनाको जीवन बाँच्नेछ भन्ने लागेको छ भन्दै आफ्नो अनुभव सुनाएका थिए ।

यस महिनामा वी लभ यू का रक्तदान कार्यक्रमहरू १९ तारिख किर्तिपुरमा, २० तारिख टीकापुरमा, २३ तारिख काठमाडौं र नेपालगन्जमा, २६ तारिख पोखराको लेखनाथमा, २७ तारिख भक्तपुरको चाँगुनारायणमा पनि आयोजना गरेको छ ।

वी लभ यू ले रक्तदान मात्र होइन, नेपालका विभिन्न स्थानमा वातावरण सरसफाइ, शिक्षा सहयोग तथा जोखिममा रहेका वर्गलाई सहायता प्रदान गर्ने जस्ता विविध कल्याणकारी गतिविधिहरू सञ्चालन गर्दैआएको छ । गण्डकी प्रदेशको गोरखा तथा बागमती प्रदेशको भक्तपुर मध्यपुर ठिमी लगायत क्षेत्रका विद्यालयहरूमा शैक्षिक प्रयोजनका लागि टेलिभिजन, स्कुल ब्याग, कपडा र पङ्खाजस्ता सामग्री सहयोग गर्नुका साथै विद्यालयको साइनबोर्ड जडान र पर्खाल मर्मत गरेर शैक्षिक वातावरण सुधार गर्नमा पनि योगदान पुऱ्याएको छ । त्यसैगरी वातावरणीय कल्याणकारी गतिविधि रहेको ‘क्लिक वर्ल्ड अभियान’ र वृक्षारोपण गरेर हरितगृह ग्याँस न्यूनीकरण गर्ने ‘आमाको उद्यान (Mom’s Garden)’ परियोजनामार्फत दिगो जिउने वातावरण निर्माण गर्दै आएको वीलभयूले विपद्का समयमा राहत तथा पुनर्स्थापना कार्यमा पनि सहयोग पुऱ्याउँदै आएको छ । सन् २०१५ को महाभूकम्पका पीडितहरूका लागि राहत, भारी वर्षाबाट प्रभावित परिवारका लागि नयाँ घर निर्माण सहयोग तथा कोभिड-१९ महामारीका समयमा संक्रमण रोकथाम सामग्री प्रदान गर्ने जस्ता गतिविधिहरू सञ्चालन गरिएको थियो ।

वी लभ यू ले सन् २००४ मा कोरियाबाट ‘विश्वव्यापी रक्तदान अभियान’ सुरु गरेर २० वर्षभन्दा बढी समयदेखि विश्वका विभिन्न देशहरूमा निरन्तर रक्तदान कार्यक्रम सञ्चालन गर्दैआएको छ । कोरिया सहित ६७ देशमा कुल १ लाख ५१ हजार ३७ जना सहभागी भएका छन् र ६७ हजार ८४८ जनाले रक्तदान गरेका छन् । एक पटकको रक्तदानले अधिकतम तीन जनाको जीवन बचाउन सकिने कुरालाई विचार गर्दा, करिब २ लाख मानिसको जीवन बचाउन योगदान पुऱ्याएको मान्न सकिन्छ (सन् २०२६ जुनसम्मको तथ्याङ्कको आधारमा) ।

संयुक्त राष्ट्रसंघको DGC (सार्वजनिक सूचना विभाग)सँग सहकार्य गर्ने एक गैरसरकारी संस्था अन्तर्राष्ट्रिय वीलभयूले ‘आमाको प्रेम सारा संसारमा’ भन्ने नाराअन्तर्गत मानवीय गतिविधिहरू सञ्चालन गर्दछ । वीलभयूले १०२ देशमा वातावरण संरक्षण, आपत्कालीन राहत, पानी तथा सरसफाइको प्रत्याभूति, गरिबी तथा भोकमरी न्यूनीकरण, स्वास्थ्य सेवा, स्थानीय समुदाय कल्याण र शिक्षा सहयोग लगायत विभिन्न क्षेत्रमा ११,१०० पटक भन्दा बढी गतिविधि सञ्चालन गरिसकेको छ । यस्ता निःस्वार्थ गतिविधिहरूको कदरस्वरूप, वीलभयूले अमेरिकी राष्ट्रपति स्वयंसेवा अवार्ड स्वर्ण, गणतन्त्र कोरियाको पदक, इक्वेडरको राष्ट्रिय सभा पदक र कम्बोडियाको राजकीय पदक जस्ता १,१०० वटाभन्दा बढी अवार्डहरू प्राप्त गरेको छ । नेपालमा पनि काठमाडौं र कीर्तिपुरका मेयरहरूबाट प्रशंसा-पत्र तथा नेपाल रेडक्रस सोसाइटीका प्रतिनिधिबाट प्रशंसा-पत्र प्राप्त गरेको छ ।

The post अन्तर्राष्ट्रिय वी लभ यू फाउन्डेसनद्वारा भरतपुरमा ९४२ औँ रक्तदान कार्यक्रम सम्पन्न appeared first on Jana Aawaj News.

चाँगुनारायण नगरपालिका र तिलगंगा आँखा अस्पतालको सहकार्यमा सुरु गरिएको अभियानअन्तर्गत पहिलो चरणमा पाँच जना ज्येष्ठ नागरिकको सफलतापूर्वक मोतियाबिन्दुको शल्यक्रिया गरिएको हो । शल्यक्रियापछि नयाँ दृश्य अनुभव गर्न पाउँदा ज्येष्ठ नागरिकहरूमा उत्साह र खुसी देखिएको थियो ।

चाँगुनारायण नगरपालिकाका नगर प्रमुख जीवन खत्रीले नगरवासी ज्येष्ठ नागरिकको स्वास्थ्यप्रति स्थानीय सरकारको जिम्मेवारीलाई आत्मसात् गर्दै चरणबद्ध रूपमा नगरका मोतियाबिन्दु भएका सम्पुर्ण ज्येष्ठ नागरिकको निःशुल्क शल्यक्रिया गरिने बताउनुभएको छ ।

अभियानलाई क्रमशः नगरका सबै वडासम्म विस्तार गरिने वडा नं. २ का वडाध्यक्ष सोमप्रसाद प्रधानले जानकारी दिनुभयो । उहाँका अनुसार अब अन्य वडामा रहेका मोतियाबिन्दु भएका ज्येष्ठ नागरिकलाई समेत पहिचान गरी निःशुल्क शल्यक्रियाको पहुँचमा ल्याइनेछ ।

शल्यक्रियापछि ज्येष्ठ नागरिकको आँखामा देखिएको परिवर्तन र उनीहरूको खुसीले दुवाकोटमा तिलगंगा आँखा सेवाको विस्तार सार्थक भएको तिलगंगा आँखा अस्पताल भक्तपुरका प्रमुख धिरज अधिकारीले बताउनुभयो । उहाँले उपचारपछि ज्येष्ठ नागरिकले पुनः स्पष्ट रूपमा संसार देख्न पाउनु नै सेवाको सबैभन्दा ठूलो उपलब्धि भएको उल्लेख गर्नुभयो ।

मोतियाबिन्दुको सफल शल्यक्रियापछि ज्येष्ठ नागरिकले पुनः स्पष्ट दृश्य पाउन थालेका छन् । लामो समयदेखि आँखाको समस्याका कारण दैनिक जीवनमा भोग्दै आएको कठिनाइ कम हुने आशाले उनीहरू थप उत्साहित बनेका छन् ।

ज्येष्ठ नागरिकको आँखामा फर्किएको उज्यालोलाई सामाजिक सेवाको महत्वपूर्ण उपलब्धिका रूपमा लिँदै स्थानीय सामाजिक अभियन्ता नवराज काफ्लेले यस अभियानमा सहकार्य गर्ने चाँगुनारायण नगरपालिका, तिलगंगा आँखा अस्पताल तथा सम्बन्धित सबै पक्षप्रति विशेष धन्यवाद व्यक्त गर्नुभएको छ ।

काफ्लेले स्वास्थ्य सेवा केवल उपचारमा सीमित नभई नागरिकको जीवनमा आत्मविश्वास, सहजता र नयाँ आशा फर्काउने माध्यम बन्नुपर्ने बताउँदै यस्ता जनमुखी कार्यक्रमलाई निरन्तरता दिनुपर्नेमा जोड दिनुभयो ।

The post चाँगुनारायणमा निःशुल्क मोतियाबिन्दु शल्यक्रिया सुरु, पहिलो चरणमा ५ जनाको सफल अप्रेसन appeared first on Jana Aawaj News.

ग्रीन अर्थ प्रोजेक्ट आयोजना स्वच्छ वातावरण सिर्जना गर्दै हालै सडक मर्मत सम्पन्न भएको कोशी प्रदेशको त्रियुगा नगरपालिकास्थित संगम टोलदेखि गाईघाट चोकसम्मको सडक खण्ड स्वयंसेवकहरूको प्रयासले अझ स्वच्छ र व्यवस्थित बनेको छ।

कार्यक्रममा ASEZ WAO का सदस्यहरू सहकर्मीहरू र उनीहरूका चिनाजान गरी करिब ४५ जना सहभागी भएका थिए । Green Earth भनेको प्रदुसित सहर सडक तथा पार्कहरू सरसफाई गरी स्वास्थ्य स्थलीय पारिस्थितिक प्रणाली निर्माण गर्ने ASEZ WAO को विश्वव्यापी वातावरणीय परियोजना हो।

स्वयंसेवकहरूले बिहान ६:३० बजेदेखि ८ बजेसम्म करिब २ घण्टा सडक किनारका विभिन्न स्थानहरू सरसफाई गरेका थिए । उनीहरुले सडक किनारमा फालिएका प्लास्टिकका कप फोर प्लास्टिक चुरोटका ठुटा कागजका बाकस लगायत विभिन्न प्रकारका १५ बोरा फोहोर संकलन गरेका थिए । मर्मत गरिएको सडकलाई सफा र व्यवस्थित राख्न तथा सही फोहोर व्यवस्थापन संस्कृतिको विकास करिब १५ वटा डस्टबिन स्थानीय समुदायलाई हस्तान्तरण गराइयो ।

त्रियुगा नगरपालिकाले संकलित फोहोरको ढुवानी र व्यवस्थापनमा सहयोग गर्दै भियानलाई समर्थन गरेको थियो । कार्यक्रम स्थलमा त्रियुगा नगरपालिका वडा नम्बर ११ का वडा अध्यक्ष सुमन्त कोइराला पनि सहभागी हुनुभएर युवाहरुलाई अझ भविष्यको कार्यको निम्ति उत्साह प्रदान गर्नुभयो। नगर प्रहरीका प्रतिनिधि पनि सहभागी हुनुभयो। ASEZ WAO का एक प्रतिनिधिले भने स्वच्छ वातावरणलाई निरन्तर कायम राख्न नागरिकहरूको चासो र सहभागिता महत्वपूर्ण हुन्छ। यस सरसफाई अभियानले दैनिक जीवनमा उचित तरिकाले फोहोर फाल्ने संस्कृतिलाई विस्तार गर्न र प्रदर्शित सहरलाई स्वास्थ्य जीवन वातावरणका रुपमा विकास गर्ने अवसर प्रदान गरोस् भन्ने हाम्रो आशा छ।

आगामी दिनमा पनि स्थानीय समुदायसँग सहकार्य गर्दै मानिस र प्रकृतिबीच सामान्जस्य कायम हुने स्वच्छ तथा सुखद वातावरण निर्माण गर्ने गतिविधिलाई निरन्तरता दिनेछ।

ASEZ WAO भन्ने नाममा हामी एउटै परिवार भएर पृथ्वीलाई सुरुदेखि अन्त्यसम्म बचाउ save the earth from a to z we are one family भन्ने अर्थ रहेको छ (नदी खोला तथा समुद्र सरसफाई) mothers forest (वृक्षारोपण) जस्ता वातावरण संरक्षणका लागि विभिन्न गतिविधिहरू सञ्चालन गर्दै आएको छ। यस्तो परोपकारी कार्यको मान्यता स्वरूप सरकारी तथा अन्तर्राष्ट्रिय संस्थाहरूबाट ८०० वटा भन्दा बढी अवार्डहरू पनि प्राप्त गरेको छ। जसमा अमेरिकी राष्ट्रपति स्वयंसेवा अवार्ड को राष्ट्रिय सभाका अध्यक्षबाट अन्तर्राष्ट्रिय वातावरण अवार्ड रहेको ग्रीन वल्ड अवार्ड र ग्रीन एप्पल अवार्ड इत्यादि छन् ।

संगठनले नेपालमा पनि स्थानीय वातावरण सुधारका लागि निरन्तर गतिविधिहरू सञ्चालन गर्दै आएको छ। उदयपुर काठमाडौँ ललितपुर र नेपालगञ्ज लगायत देशका विभिन्न स्थानमा गोकर्णेश्वरमा Zero plaatic २०४० सेमिनार आयोजना गरी प्लास्टिक प्रदूषणको गम्भीरताबारे जानकारी गराउनुका साथै त्यसलाई न्यूनीकरण गर्न आवश्यक व्यावहारिक कदम र सहकार्यका उपायहरु प्रस्तुत गरेको थियो।

ASEZ WAO आबद्ध रहेको परमेश्वरको मण्डली चाहिँ १७५ वटा देशहरूमा ७,८०० वटा भन्दा बढी ठाउँहरूमा अवस्थित विश्वव्यापी मण्डली हो। मण्डलीका करिब ४० लाख विश्वासीहरूले बाइबल अनुसार पिता परमेश्वर र माता परमेश्वरमा विश्वास गर्दछन् । आफ्नो छिमेकीलाई आफूलाईझै प्रेम गर्नु भन्ने ख्रिस्टको शिक्षालाई कार्यान्वयन गरिरहेका छन्।

नेपालमा हालसम्म मण्डलीका ७२ हजार ६८८ जना सदस्यहरूले १०८४ पटक विभिन्न स्वयंसेवका गतिविधिहरु गरेका छन् । विश्वव्यापी रूपमा वातावरण संरक्षण प्रकोप राहत छिमेकीलाई सहयोग रक्तदान अभियान र संस्कृति आदानप्रदान जस्ता गतिविधिहरू करिब ५० हजार पटकभन्दा बढी गरिएको छ। परमेश्वरको मण्डलीले चार अमेरिकी सरकारबाट राष्ट्रपति स्वयंसेवा अवार्ड बेलायती महारानी स्वयंसेवा अवार्ड ३ कोरियाली सरकारबाट राष्ट्रपति अवार्ड ब्राजिलको विधायकी योग्यता पदक सर्वोत्कृष्ट वातावरण अवार्ड राष्ट्रिय सभाबाट ६ हजार २ सय भन्दा बढी अवार्डहरु प्राप्त गरिसकेको छ ।

The post ASEZ WAO द्वारा त्रियुगामा सरसफाई कार्यक्रम सम्पन्न appeared first on Jana Aawaj News.

जन आवाज न्युज/भक्तपुर भदौ ११ गते । विश्वव्यापी कल्याणकारी संस्था अन्तर्राष्ट्रिय वी लभ यू फाउन्डेसनद्वारा भक्तपुरको चागुनारायण नगरपालिकाको सभाहलमा रसुवामा आएको बाढिबाट घाइते भएकाहरुको लागि रगतको अभाव नहोस भन्ने हेतुले आकस्मिक रुपमा ९४० औँ विश्वव्यापी रक्तदान कार्यक्रम सम्पन्न गरेको छ ।

कार्यक्रममा दस्यहरू तथा स्थानीय बासिन्दाहरूसहित करिब ३५० जनाको सहभागीता रहेको थियो । रक्तदान कार्यक्रममा १६४ जनाले रक्तदान गरेका थिए । आजको रक्तदान कार्यक्रमको संचालन वी लभ यू का सदस्य सुरज उप्रेतीले गर्नुभएको थियो ।

यस कार्यक्रमको उद्देश्य स्थानीय समुदायमा स्वैच्छिक रक्तदानको संस्कृति फैलाउनुका साथै रगतको आपूर्तिमा सहयोग पुऱ्याउनु थियो । एक व्यक्तिको रक्तदानले अर्को व्यक्तिको सहभागितालाई प्रेरित गर्दै जीवन बचाउने सहयोगको सकारात्मक चक्र निर्माण होस् भन्ने उद्देश्यले वी लभ यू ले ‘विश्वव्यापी रक्तदान कार्यक्रम’ सञ्चालन गर्दैआएको छ ।

वी लभ यू का लागि नेपालका अध्यक्ष किशोर साम्सोहाङले रक्तदानका लागि आफ्नो अमूल्य समय निकालेर सहभागी हुनुभएका सबैप्रति हामी आभार व्यक्त गर्नुहुँदै धेरै नागरिकहरू एउटै उद्देश्यका लागि एकजुट हुनुभएकोले यो कार्यक्रम स्थानीय समुदायका लागि न्यानो शक्ति बनोस् भन्ने आशा व्यक्त गर्नुभयो । रगतको कुनै जात, धर्म र भूगोल हुँदैन तर यो केवल मानवतासँग जोडिएको हुन्छ । नेपालमा पनि कुनै व्यक्तिले रगतको अभावले जीवन गुमाउन नपरोस् भन्ने उद्देश्यले वीलभयूले हरेक वर्ष सातै प्रदेशको विभिन्न स्थानहरूमा रक्तदान कार्यक्रम सञ्चालन गर्दैआएको कुरा बताउनुभयो साथै रक्तदाताहरूले दान गर्ने रगत थोरै तरल पदार्थ मात्र नभएर रक्त अभावमा छट्पटाइरहेका बिरामीहरूको  निम्त जीवनको आशा हुने भएकोले स्वयंसेवी रक्तदाताहरूलाई स्व:स्फूर्तले रक्तदान गर्न हौसला प्रदान गर्नुभयो । कार्यक्रम बिहान १० बजेदेखि दिउँसो २ बजेसम्म जारी रहेको थियो । सहभागीहरूले रक्तदानको प्रक्रियाअनुसार पालैपालो जीवन बचाउने कार्यमा सहभागिता जनाएका थिए ।  नेपाल रेडक्रस सोसाइटी भक्तपुरले रक्तदानको सम्पूर्ण प्रक्रियामा प्राविधिक सहयोग गर्दै कार्यक्रमलाई साथ दिएका थिए ।

कार्यक्रममा प्रमुख अतिथी चागुनारायण नगरपालिकाका प्रमुख जीवन खत्रीले हिजो रसुवा हुँदै आएको बाढीमा घाइते हुनुभएकाहरुको लागि यो रगतले जीवन बचाउने काम गर्नेछ । वी लभ यू ले आज गरेको यो कार्ययले सबैलाई सचेत गराएको छ । हामी सबैले सामुहिक भावनाद्वारा कार्य गर्दै समाज र देशमा भएका नागरिकहरुको ज्यान बचाउन आयोजना गरिएको यो कार्यक्रमले ठूलो सहयो पुग्ने बताउनुभएको । वी लभ यू ले लगातार सरसफाइ, रक्तदान लगाएतको स्वयंसेवाको कार्य गर्दै आएकोले यस्तो रचनात्मक र सिर्जनात्मक कार्यमा आफ्नो नगरपालिकाको तर्फबाट सधैँ साथ समर्थन रहने कुरा बताउनुहुँदै रक्तदान गरेर जीवनदान गर्ने कार्य गरेको वी लभ यू फाउन्डेसनप्रति कृतज्ञता व्यक्त गर्नुभयो ।

यसैगरी कार्यक्रममा चागुनारायण नगरपालिकाका वडा नम्बर २ का वडाअध्यक्ष तथा रक्त संचार केन्द्र भक्तपुरका संयोजक सोम प्रधानले आज वी लभ यू ले यो ठाउँमा भेला भएर रक्तदान गर्न उपस्थित हुनुभएको छ, यो मानविय कार्यमा सहभागी हुनुभएका सबै सदस्यहरुलाई धन्यवाद दिदै म आफै पनि लामो समयदेखी वी लभ यू संगै जोडिदै कार्यक्रमहरुमा निरन्तरता दिइरहेको बताउनुभयो । संसार अहिले प्रविधिमैत्री बनेको छ तर रगतको विकल्प भने बन्न नसकेको यो अवस्थामा रगतको विकल्प रगत नै भएकोले रक्तदान गर्ने कार्य मानवीय कार्य भएकोले हामी सबै मिलेर जीवन बचाउने कार्यमा सहभागी हुनुपर्ने कुरामा जोड दिनुभयो ।

रक्तदान सम्पन्न गरेका एक जना सहभागीले आफ्नो रगत अरू कसैको जीवन बचाउने कार्यमा प्रयोग हुन्छ भने योभन्दा पुण्य कार्य अरू के हुन्छ होला र ? भन्दै खुशीसाथ रक्तदान गरेको कुरा बताउनुभयो । अर्का एक सहभागीले रगतचाहिँ  कृत्रिम रूपमा उत्पादन गर्न नमिल्ने तर भौतिक उपस्थितिमा कसैको शरीरबाट रगत निकालेर नै दान गर्नुपर्ने तत्त्व भएकोले आफू पनि व्यस्तताको बाबजूद रक्तदान गर्न आएको कुरा बताउनुभयो । वी लभ यू ले यही अगस्ट महिनामा कैलालीको टिकापुर, काठमाडौंको किर्तिपुरमा, बाँकेको नेपालगञ्जमा रक्तदान कार्यक्रम सम्पन्न गरिसकेको छ भने आगामी साता भरतपुर र पोखरामा लगाएत नेपालको विभिन्न ठाउँहरुमा रक्तदान कार्यक्रम आयोजना गर्न लागिरहेको छ । वी लभ यू ले रक्तदान मात्र होइन, नेपालका विभिन्न स्थानमा वातावरण सरसफाइ, शिक्षा सहयोग तथा जोखिममा रहेका वर्गलाई सहायता प्रदान गर्ने जस्ता विविध कल्याणकारी गतिविधिहरू सञ्चालन गर्दैआएको छ । गण्डकी प्रदेशको गोरखा तथा बागमती प्रदेशको भक्तपुर मध्यपुर ठिमी लगायत क्षेत्रका विद्यालयहरूमा शैक्षिक प्रयोजनका लागि टेलिभिजन, स्कुल ब्याग, कपडा र पङ्खाजस्ता सामग्री सहयोग गर्नुका साथै विद्यालयको साइनबोर्ड जडान र पर्खाल मर्मत गरेर शैक्षिक वातावरण सुधार गर्नमा पनि योगदान पुऱ्याएको छ ।

त्यसैगरी वातावरणीय कल्याणकारी गतिविधि रहेको ‘क्लिक वर्ल्ड अभियान’ र वृक्षारोपण गरेर हरितगृह ग्याँस न्यूनीकरण गर्ने ‘आमाको उद्यान (Mom’s Garden)’ परियोजनामार्फत दिगो जिउने वातावरण निर्माण गर्दै आएको वी लभ यू ले विपद्का समयमा राहत तथा पुनर्स्थापना कार्यमा पनि सहयोग पुऱ्याउँदै आएको छ । सन् २०१५ को महाभूकम्पका पीडितहरूका लागि राहत, भारी वर्षाबाट प्रभावित परिवारका लागि नयाँ घर निर्माण सहयोग तथा कोभिड-१९ महामारीका समयमा संक्रमण रोकथाम सामग्री प्रदान गर्ने जस्ता गतिविधिहरू सञ्चालन गरिएको थियो ।

वी लभ यू ले सन् २००४ मा कोरियाबाट ‘विश्वव्यापी रक्तदान अभियान’ सुरु गरेर २० वर्षभन्दा बढी समयदेखि विश्वका विभिन्न देशहरूमा निरन्तर रक्तदान कार्यक्रम सञ्चालन गर्दैआएको छ । कोरियासहित ६७ देशमा कुल १ लाख ५१ हजार ३७ जना सहभागी भएका छन् र ६७ हजार ८४८ जनाले रक्तदान गरेका छन् । एक पटकको रक्तदानले अधिकतम तीन जनाको जीवन बचाउन सकिने कुरालाई विचार गर्दा, करिब २ लाख मानिसको जीवन बचाउन योगदान पुऱ्याएको मान्न सकिन्छ (सन् २०२६ जुनसम्मको तथ्याङ्कको आधारमा) ।

संयुक्त राष्ट्रसंघको DGC (सार्वजनिक सूचना विभाग) सँग सहकार्य गर्ने एक गैरसरकारी संस्था अन्तर्राष्ट्रिय वीलभयूले ‘आमाको प्रेम सारा संसारमा’ भन्ने नाराअन्तर्गत मानवीय गतिविधिहरू सञ्चालन गर्दछ । वीलभयूले १०२ देशमा वातावरण संरक्षण, आपत्कालीन राहत, पानी तथा सरसफाइको प्रत्याभूति, गरिबी तथा भोकमरी न्यूनीकरण, स्वास्थ्य सेवा, स्थानीय समुदाय कल्याण र शिक्षा सहयोग लगायत विभिन्न क्षेत्रमा ११,१०० पटक भन्दा बढी गतिविधि सञ्चालन गरिसकेको छ । यस्ता निःस्वार्थ गतिविधिहरूको कदरस्वरूप, वीलभयूले अमेरिकी राष्ट्रपति स्वयंसेवा अवार्ड स्वर्ण, गणतन्त्र कोरियाको पदक, इक्वेडरको राष्ट्रिय सभा पदक र कम्बोडियाको राजकीय पदक जस्ता १,१०० वटाभन्दा बढी अवार्डहरू प्राप्त गरेको छ । नेपालमा पनि काठमाडौं र कीर्तिपुरका मेयरहरूबाट प्रशंसा-पत्र तथा नेपाल रेडक्रस सोसाइटीका प्रतिनिधिबाट प्रशंसा-पत्र प्राप्त गरेको छ ।

oplus_2

oplus_2

oplus_2

The post अन्तर्राष्ट्रिय वी लभ यू फाउन्डेसनद्वारा रसुवामा आएको बाढिबाट घाइते भएकाहरुको लागि भक्तपुरमा आकस्मिक रक्तदान कार्यक्रम सम्पन्न appeared first on Jana Aawaj News.