विहिबारदेखि शुरु भएको महोत्सवमा चाँगुनारायण नगरपालिकाकाप मेयर जीवन खत्रीले एक समारोहकाबीच उद्घघाटन गर्नुभएको छ । औद्योगिक शान्ति नेपाल संस्था र मध्यपुर ब्वाइज ब्यान्डले आयोजना गरेको महोत्सव सल्लाघारीस्थित तीनकुने चौरमा ११ दिनसम्म संचालन हुने सस्थाले जानकारी गराएको छ ।

११ दिनसम्म चल्ने महोत्सवमा नयाँ  वर्ष र विस्काः जात्राको अवसर पारेर विगतका वर्षदेखि नै यस्तो महोत्सव आयोजना हुने गरेको औद्योगिक शान्ति नेपालका अध्यक्ष सन्दिप महतले बताउदै बैशाख २ गतेसम्म महोत्सव आयोजना हुने र ३ गते नेपाली भाषी भारतीय गायक विपुल क्षेत्रीको विशेष सांगीतिक कार्यक्रम हुने जानाकारी दिनुभयो ।

आजबाट शुरु भएको महोत्स्मा कृषि, पर्यटन, दैनिक जीवनका उपभोग्य सामाग्री, लत्ताकपडा, जुत्ता, हस्तकलाका सामाग्री लगायतको करिव २ सय स्टल रहेको मेला आयोजक समितिका संयोजक दीपक थापाले बताउनुभयो ।

कपडा, भान्सामा प्रयोग गरिने सामाग्री, स्थानीय उत्पादन, खानाका परिकारसहितका स्टल राखिएका छन् ।

महोत्सवको आकर्षणमा बालबालिकाको मनोरञ्जनका लागि रोटेपिङ, ब्रेकडान्स लगायत विभिन्न खेलहरु रहने छन् । त्यसै क्रममा दैनिक राष्ट्रिय स्तरका कलाकारको उपस्थितमा विभिन्न साँस्कृतिक कार्यक्रम समेत हुने आायोजकले जानकारी गराएको छ ।

यस्तै ज्येष्ठ नागरिकलाई प्रवेश शुल्क नलाग्ने र महोत्सवमा विद्यार्थीलाई रु. ५० र सर्वसाधरणलाई भने रु.७० को टिकट लाग्ने संयोजक थापाले बताउदै महोत्सवमा करिब ५ लाखले अवलोकन गर्ने आयोजकले अपेक्षा गरेको बताएको छ ।

The post आजदेखि आठौं भक्तपुर औद्योगिक साँस्कृतिक पर्यटन तथा व्यापार महोत्सव सुरु appeared first on Jana Aawaj News.