शुक्रबार आस्था महिला विद्यालय, नागरिक सामुदायिक अस्पताल, लायन्स क्लब अफ भक्तपुर नागरिक र लायन्स क्लब अफ भक्तपुर निलकण्ठेश्वरको आयोजनामा भएको उक्त शिविरबाट ३८ जना लाभान्वित भएका विद्यालयकी प्रधानाध्यापक बिना देउजाले जानकारी दिनुभयो ।

शिविरमा पाठेघरको मुखको क्यान्सरको चेकजाँच, रोकथाम तथा स्त्रीरोग सम्बन्धी सम्पूर्ण परामर्श तथा उपचार सेवा निःशुल्क प्रदान गरिएको देउजाले जानकारी दिनुभयो । त्यस्तै, शिविरमा निःशुल्क आँखा जाँच र सुगर परीक्षणसमेत गरिएको उहाँले बताउनुभयो ।

शिविरमा उपचार गरिएका बिरामीहरुलाई निःशुल्क औषधि वितरण गरिएको प्रधानाध्यापक देउजाले बताउनुभयो । ईसीजी, ईको, यूएसजी, एक्सरे लगायतका सेवामा भने २० प्रतिशत छुट दिइएको उहाँले बताउनुभयो ।

शिविरमा वृहत् रक्तदान कार्यक्रम पनि आयोजना गरिएको देउजाले जानकारी दिनुभयो।

The post आस्था महिला विद्यालयमा आयोजित स्वास्थ्य शिविरबाट २२५ जना लाभान्वित appeared first on Jana Aawaj News.