इपिएल – Jana Aawaj News

आज तय भएको काठमाडौं र भैरहवाबीचको खेल रद्द

Jana Aawaj — Tue, 05 Oct 2021 11:35:25 +0000

काठमाडौं । एभरेष्ट प्रिमियर लिग इपिएल अन्तर्गत आज तय भएको काठमाडौँ किंग्स–११ र भैरहवा ग्लाडिएटर्सबी भएको लिगको अन्तिम खेल रद्द भएको छ ।
आज कीर्तिपुरस्थित त्रिवि क्रिकेट मैदानको आउटफिल्ड भिजेका कारण खेल खेल्न मैदान तयार नभएपछि खेल रद्द भएको हो ।

सन्दीप लामिछानेको कप्तानीमा रहेको काठमाडौँ किङ्स–११ प्ले अफमा प्रवेश गर्न सफल भएको छ । यस्तै काठमाडौँ चौथो स्थानमा रहँदै प्ले अफमा पुगेको छ । काठमाडौँले ५ खेलमा ३ अङ्क जोड्यो भने, ललितपुर प्याट्रियट्सले समान ३ अङ्क जोडे पनि काठमाडौँ नेट रन रेटका आधारमा प्ले अफमा पुगेको हो ।

आजको खेल रद्द भएसँगै दुवै टोलीले एक–एक अङ्क बाँडेका छन् । लिगमा आठ अङ्क जोडेको चितवन टाइगर्स पहिलो स्थानमा छ भने सात अङ्क जोडेको पोखरा दोस्रो स्थानमा रहेको छ ।

यता समान सात अङ्क जोडेको भैरहवा नेट रन रेटका आधारमा तेस्रो स्थानमा छ । साबिक विजेता ललितपुरसँगै दोस्रो संस्करणको विजेता विराटनगर वारियर्स भने प्रतियोगिताको लिग चरणबाटै बाहिरिएका छ ।

यस्तै भोलि बिहान ९ः१५ बजे चितवन टाइगर्स र पोखराबीच पहिलो क्वालिफायर खेल हुने बताइएको छ । काठमाडौँले भैरहवासँग इलिमिनेटर खेल भोलि दिउँसो १ः३० बजे खेल्ने बताइएको छ ।

उक्त खेलमा विजेता टोलीले रु. ५० लाख तथा उपविजेताले टोलिले रु. १५ लाख पाउने भएका छन् ।

The post आज तय भएको काठमाडौं र भैरहवाबीचको खेल रद्द appeared first on Jana Aawaj News.

इपिएल अन्तर्गत आज दुई खेल हुँदै

Jana Aawaj — Sun, 03 Oct 2021 02:56:42 +0000

काठमाडौं । एभरेस्ट प्रिमियर लिग चौंथो संस्करणको इपिएलमा आइतबार दुई खेल हुने भएका छन् ।

आज हुने खेलमा विराटनगर वारियर्स र काठमाडौं किङ्स ११ बीच कीर्तिपुरस्थित त्रिवि क्रिकेट मैदानमो पहिलो प्रतिस्पर्धा हुने भएको छ ।

आइतबार हुने उक्त खेलमा सन्दीप लामिछानेको कप्तानी रहेको काठमाडौं दोस्रो जित निकाल्दै प्ले अफको सम्भावनालाई कायम राख्न कोसिस गर्ने छ भने, काठमाडौं २ खेलमा २ अङ्क जोडेर पाँचौं स्थानमा रहेको छ ।

उता करण केसी कप्तानीमा रहेको विराटनगर लगातार ४ पराजय बेहोर्दै प्रतियोगिताबाट नै बाहिरिएको छ ।

आज दिउँसो साढे १ बजे सुरु हुने दोस्रो खेलमा चितवन टाईगर्स र ललितपुर प्याट्रियट्स एक अर्कासँग भिड्ने भएका छन् ।

प्ले अफमा पुगिसकेको सोमपाल कामी कप्तान रहेको चितवन आफ्नो अपराजित यात्रालाई कायम राख्दै लगातार तेस्रो जित निकाल्दै ६ अंकका साथ शीर्ष स्थानमा रहेको छ ।

यता ललितपुर प्ले अफको सम्भावना जीवित राख्न आजको खेल जित्नै पर्ने दबाबमा रहेको छ भने, कुशल भुर्तेलको कप्तानीमा रहेको सो टोलिले ४ खेलमा ३ अंक जोड्दै चौंथो स्थानमा रहेको छ ।

The post इपिएल अन्तर्गत आज दुई खेल हुँदै appeared first on Jana Aawaj News.

लगातारको वर्षाका कारण इपिएलकोे तेस्रो खेल पनि रोकियो

Jana Aawaj — Mon, 27 Sep 2021 09:46:41 +0000

काठमाडौं । लगातारको वर्षाले एभरेष्ट प्रिमियर लिगका खेलहरु ल्गातार स्थगित भईरहेका छन् । यस्तै बर्षाका कारण तेस्रो खेल समेत प्रभावित हुन पुगेको छ ।
आइतबार पनि भारी बर्षाका कारण पोखरा राइनोज र भैरहवा ग्लाडियटर्सको खेल रोकिएको थियो । आज सोमबार विहान तय भएको काठमाडौं किंग्स ११ र बिराटनगर वारियर्सको खेल पनि रोकिन पुगेको छ ।

कीर्तिपुर मैदानको आउटफिल्ड भिजेकाले आइतबारको खेल हुन नसकेको हो भने, बर्षाकै कारण भन्दै दुई घण्टा कुरेर अन्तिममा स्थगित नै भएको थियो । यो खेल अर्र्को दिन डे अफमा खेलाइने बताइएको भएता पनि खेल भने हुन सकेन ।

सो खेलमा टसका लागि अम्पायरले मैदानको निरिक्षण गर्दा अन्तिममा साँढे २ बजेको समय तोकिएको बेला फेरि बिचमा भारी बर्षा भएर मैदानमा पानी जमेपछि खेल रद्द नै भयो ।

सोमबार पुन पानीकै कारण खेल नहँुदा झन दबाब बढेको छ । यता पहिलो खेलमा समेत जितका लागि ठूलो संभावना बोकेको भैरहवाको खेल स्थगित हुँदा टिमलाई घाटा भएको छ ।

The post लगातारको वर्षाका कारण इपिएलकोे तेस्रो खेल पनि रोकियो appeared first on Jana Aawaj News.