भक्तपुर । सुर्यविनायक नगरपालिका वडा नम्बर ७ गुण्डुदेखी नयाँ थिमीसम्म भाडाको बस संचालनमा आएको छ ।

उक्त ठाउँमा भाडाको बस संचालनमा आउन नसक्दा स्थानीयबासिलाई आवत जावत गर्न निकै कठिनाई भोग्दै आउनु परेको थियो । लामो समयदेखिको स्थानीयको माग, आवश्यकता र अपरिहार्यतालाई मध्यनजर गर्दै टोलबासीको अनुरोधलाई स्वीकार गरि  किबाचोकका यातायात व्यवसायी कृष्ण बहादुर कोजुले सुर्यविनायक नगरपालिका र वडाको समन्वयमा सू.न.पा-७ गुण्डू वडा कार्यालयबाट किबाचोकको भिम स्कुल, बक्रेश्वर चोक,ज्योति मा.वि, मोर्डन स्कुल, हर्षचोक, शंकर स्कुल देखी मध्यपुर हस्पिटल हुँदै थिमीको माइक्रो बस स्टप सम्म संचालन शुरु भएको हो । उक्त बस आदा-आदा घण्टाको अन्तरालमा आवतजावत गर्ने गरी भाडाको लोकल गाडी संचालन गरिएको हो।

टोलबासीहरुले बर्षौं देखी उक्त स्थानमा सार्वजनिक बसको आवश्यकता भएको र अहिले आएर पुरा भएको खुसियालीमा किवाचोक युवा क्लव द्वारा शनिबार ब्रकेश्वर चोकमा ड्राइभरलाई खादा माला लगाएर स्वागत गरेको किवाचोक युवा क्लवका अध्यक्ष दिनेश थापाले जानकारी दिनुभयो ।

उक्त भाडाको बस बक्रेश्वर यातायात समितिद्वारा परिक्षणको रुपमा २०८० बैशाख १५ गते देखी संचालनमा आएको हो भने, भाडा प्रति व्यक्ति रु. २० देखि २५ रुपैयाँसम्म भाडा कायम गरिएको थापाले बताउनुभयो ।

तस्बिर : दिनेश थापा ।

The post गुण्डु ७ देखि किवाचोक हुँदै नयाँ थिमिसम्म भाडाको बस संचालनमा appeared first on Jana Aawaj News.