काठमाडौँ, जेठ ८ गते । टोखा नगरपालिकाले फोहोरबाट मोहोरब बनाउने योजनालाई कार्यान्वयन गर्ने भएको छ । नगरपालिकाले फोहोरमैला व्यवस्थापन, दिगो विकास, वातावरण संरक्षण र हरियाली प्रवर्द्धनका लागि नगरपालिकाले विभिन्न कार्यक्रमहरू गर्दै आएको र उक्त कार्यबाट फोहोरबाट मोहोर बन्ने लक्ष्यमा पुगिने टोखा नगरपालिकाले जनाएको छ ।

फोहोरमैला व्यवस्थापनका लागि आवश्यक कानुन निर्माण भएका छन् । नगरपालिकामा कति फोहोर उत्पादन हुन्छ ? र त्यसको प्रवृत्तिगत विश्लेषणका लागि अध्ययन भइरहेको छ । समग्र नगरपालिकामा कुन कुन प्रकारको फोहोर उत्सर्जन हुन्छ ? सड्ने खालको र नसड्ने खालको फोहोर कति उत्सर्जन हुन्छ ? लगायत सबै प्रकारका फोहोरबारे तथ्याङ्कगत अध्ययन गर्न लागिएको नगरपालिकाका प्रमुख प्रशासकीय अधिकृत शेरबहादुर विसीले जानकारी दिनुभयो ।

उहाँका अनुसार उक्त अध्ययनपछि फोहोर व्यवस्थापनका लागि आवश्यक स्रोत र साधनको व्यवस्थापन गर्न सहज हुनेछ । नगरपालिकामै प्लान्ट जडान गर्ने योजना छ । वातावरण संरक्षणका लागि विभिन्न मापदण्डहरूसँगै रणनीतिक कार्य योजना बन्दै छ । नगरपालिकाकै वातावरण संरक्षण ऐन, वातावरण संरक्षणको प्रारूप लगायतका विभिन्न कानुनहरू निर्माणको क्रममा छन् । वातावरण संरक्षणका लागि वृक्षारोपण अभियान सञ्चालन भइरहेको छ । सडकको दुवैतर्फ बिरुवा रोपेर हरियाली प्रवर्द्धन गर्ने काम गरेको उहाँले स्पष्ट पार्नुभयो ।

The post टोखा नगरपालिकाले व्यवस्थित रुपमा फोहोर व्यवस्थापन गर्दै appeared first on Jana Aawaj News.

क्लोथ एन्ड फुड बैंक नामक गैरसरकारी संस्थाको आव्हान र टोखा नगरपालिकको विषेश आर्थिक सहयोगमा पुरानो कपडा पुनः प्रयोग गर्ने उद्देश्यले कपडा बैंक सञ्चालन गरिएको हो ।
‘आवश्यक पर्ने हामी सबैका लागी भन्ने’ सन्देश प्रवाहका साथ कार्यक्रम सुभारम्भ गरिएको टोखा नगरपालिकाले जनाएको छ । टोखाको सोभिनियर बोडिङ स्कुल अगाडी राखिएको बाकसमा पुनः प्रयोग गर्न सकिने कपडा, जुत्ता तथा झोलाहरु संकलन कार्यको शुक्रबार नै प्रमुख प्रकाश अधिकारीले सुभारम्भ गर्नुभयो ।

कार्यक्रमा टोखा प्रमुख प्रशासयिक अधिकृत शेरबहादुर बिसीले काठमाडौं उपत्यकामा नै टोखा नगरपालिकाले पहिलोपटक प्रयोग नभएका कपडलाई रिसाइक्लीन गरेर आवश्यक परेको स्थानमा वितरण गर्ने पवित्र कार्यको शुभारम्भ गरिएको बताउनुभयो । उहाँले प्रयोग नभएका कपडाहरुलाई रिसाइक्लीन गरेर आवश्यक परेको ठाउँमा वितरण गर्ने अवसर जुटाइदिएकोमा क्लोथ एण्ड फुड बैंकका अध्यक्ष कमल जिसीप्रति लगायतलाई विशेष धन्यवाद प्रदान गर्नुभयो ।

कार्यक्रममा उपप्रमुख मुरारी तामाङ, कलाकार राजेश हमालले सम्बोधन गर्नुभएको थियोे । वडाअध्यक्षहरु, कार्यपालिका सदस्यहरु, नगरसभा सदस्यहरु र कर्मचारीहरुको बाक्लो सहभागिता व्यापक सहभागिता रहेको थियो ।

The post टोखा पुराना कपडाको पुनः प्रयोग गर्न सकिने गरी कपडा बैंकको शुभारम्भ appeared first on Jana Aawaj News.

टोखा नगरपालिकाले विष्णुमति नदी करिडोरलाई सुन्दर र व्यवस्थित बनाउनका लागि त्यस आसपासमा निर्माण गरिएका अस्थायी संरचना हटाउन मंगलबार बिहान डोजर चलाइएको टोखा नगरपालिकाले जानकारी गराएको छ ।
नगरपालिकाका प्रमुख प्रशासकीय अधिकृत शेरबहादुर विसीको अथक प्रयास र मेहनतमा उक्त कार्यको सुरुवात भएको हो । उहाँले सार्वजनिक जग्गा मिचेर नदीको किनारामा निर्माण गरिएका संरचना डोजर लगाएर हटाएको बताउनुभयो ।

उहाँका अनुसार टोखाले सार्वजनिक जग्गा संरक्षण गर्नका लागि वडा नं ४ का वडा अध्यक्ष धर्मेन्द्र श्रेष्ठको संयोजकत्वमा ‘सार्वजनिक जग्गा संरक्षण समिति’ निर्माण गरी सार्वजनिक जग्गा मिचेर अवैध रुपमा निर्माण गरिएका संरचना हटाएको हो ।
नगरपालिकाका प्रमुख प्रकाश अधिकारीले टोखा वासीलाई विष्णुमति करिडोरबाट आवतजावतका लागि सहज गर्न उक्त क्षेत्रमा अवैध रुपमा निर्माण भएका टहराहरुमा डोजर लगाइएको बताउनुभयो । अधिकारीका अनुसार नगरपालिकाले यस अगाडि पटक पटक घर टहरा हटाउन आग्रह गर्दा पनि वेवास्ता गरेपछि नगरपालिका डोजर चलाउन बाध्य भएको बताउनुभयो ।

टोखाभित्र एक हजार रोपनी भन्दा बढी सार्वजनिक जग्गा अतिक्रमण भएको भन्दै यसलाई संरक्षण गर्न नगरपालिका सक्रिय हुँदै आएको हो ।
उक्त समितिले आज टोखा नगरपालिका–८ स्थित फ्लोरोसेन्ट स्कुल अगाडि निर्माण गरिएका संरचना हटाएको नगरपालिकाका उपप्रमुख मुरारी तामाङले बताउनुभयो । उहाँले टोखाभित्रको सार्वजनिक सम्पत्ति संरक्षणका लागि नगरपालिकाले काम गरिरहेको स्पष्ट पार्नुभयो ।

नगरपालिकाले पहिलो चरणमा मनोरथ तीर्थदेखि टोखा प्रहरी चौकीसम्म विष्णुमणि करिडोर आसपासमा निर्माण गरिएका संरचना हटाउने छ ।
संरचना हटाउने क्रममा स्थानीयले अवरोधसमेत गरेका थिए । फ्लोरोसेन्ट स्कुल आसपासमा नदीको किनारा आसपासमा घर बनाएर बस्दै आएका स्थानीयले नगरपालिका र प्रहरीलाई अभद्र व्यवहार गरेका थिए ।

नगरपालिकाले केही दिन अघि सूचना जारी गरेर सार्वजनिक जग्गामा बनेका संरचना हटाउन नगरवासीलाई यस अगाडि देखि नै आग्रह गर्दै आएको थियो ।

The post सार्वजनिक जग्गा मिचेर बनेका संरचना appeared first on Jana Aawaj News.