बन्दको समयमा सार्वजनिक यातायातका साधन न्युन मात्र चलेका छन् । अत्यावश्यक दूध, पानी, तरकारी र एम्बुलेन्स र निजी सवारी साधनहरु चलेका छन् ।

नेकपाका महासचिव रहेका विप्लवले गत बिहीबार नै वक्तव्य जारी गर्दै पेट्रोलियम पदार्थमा गरिएको मूल्य वृद्धि विरुद्ध कार्तिक ३० गते आज नेपाल बन्द गर्ने घोषणा गरेको थियो । उक्त वक्तव्यमा पेट्रोलियम पदार्थको मूल्य वृद्धि तत्काल खारेज गर्न माग समेत गरिएको छ ।

The post आज विप्लवद्धारा नेपाल बन्द उपत्यकामा आंशिक असर appeared first on Jana Aawaj News.

नेकपाका महासचिव रहेका विप्लवले बिहीबार वक्तव्य जारी गर्दै पेट्रोलियम पदार्थमा गरिएको मूल्य वृद्धि विरुद्ध कार्तिक ३० गते नेपाल बन्द गर्ने घोषणा गरिएको छ । उक्त वक्तव्यमा पेट्रोलियम पदार्थको मूल्य वृद्धि तत्काल खारेज गर्न माग समेत गरिएको छ । आजे घोषणा गरिएको विरोधका कार्यक्रमअनुसार आज देशव्यापी विरोध गर्ने, २६ गते मसाल जुलुस, २७ गते दिउँसो १ देखि २ बजेसम्म देशव्यापी प्रदर्शन गरिनेछ ।

त्यस्तै कार्तिक २८ गते बिहान १० देखि ११ बजेसम्म चक्काजाम, २९ गते दिउँसो सिट्ठी जुलुस र साँझ मसाल जुलुस निकाल्दै कार्तिक ३० गते नेपाल बन्द गर्ने घोषणा गरिएको छ ।

यसैगरी बुटवलमा पेट्रोलियम पदार्थको मूल्यवृद्धि विरूद्ध विद्यार्थीहरुले चक्काजाम गरेका छन् । बुधबार रातिदेखि लागू हुनेगरी नेपाल आयल निगमले पेट्रोलियम पदार्थ तथा ग्याँसमा गरेको मूल्यवृद्धिको विरोध गर्दै नेकपा एमाले निकट अनेरास्ववियु रूपन्देहीले बिहीबार बिहानै बुटवलमा चक्काजाम गरेका हुन् ।

निगमले डिजेल, पेट्रोल र मट्टितेलको मुल्य प्रतिलिटर ३ रुपैयाँले बढाएको छ । मूल्य वृद्धि भएसँगै पेट्रोलको मूल्य प्रतिलिटर १ सय ३६ रुपैयाँ पुगेको छ । त्यस्तै मट्टीतेल र डिजेलको मुल्य १ सय १९ रुपैयाँ प्रतिलिटर पुगेको छ । अनेरास्ववियू रूपन्देहीका विद्यार्थीहरुले इन्धनको मूल्य बढाएर सरकारले जनताको ढाड सेक्ने काम गरेकोले मूल्यवृद्धि तुरुन्त फिर्ता लिन माग गर्दै आन्दोलनमा उत्रिएको बताएका छन् ।

यसैगरी पहिलो दिन बिहिवार बिहान ९ बजेदेखि राजमार्ग बन्द गरेको र मुल्यवृद्धी फिर्ता नलिए थप आन्दोलनका कार्यक्रम गर्ने बताएका छन् । यसअघि पनि निगमले गत कात्तिक १२ गते डिजेल, पेट्रोल र मट्टितेलको मूल्य बढाएको थियो ।

The post पेट्रोलियमको मूल्यवृद्धिविरुद्ध नेत्रविक्रम चन्द विप्लव नेतृत्वद्धारा ३० गते नेपाल बन्द गर्ने घोषणा appeared first on Jana Aawaj News.