नेपाल स्काउटका पूर्व राष्ट्रिय सचिव रामगोपाल कर्माचार्यले समाजलाई अनुशासित र स्वयंसेवी बनाउनका लागि स्काउट पाठ्यक्रमको व्यवस्था गरी उमेर अनुसार शैक्षिक क्रियाकलाप बनाएको बारे समाजलाई जानकारी दिनुपर्ने बताउनुभयो ।

भक्तपुरमा स्काउटिङ्ग गतिविधिलाई थप सक्रिय पार्ने हेतुका साथ भएको कार्यक्रममा सदस्यता वृद्धि आयुक्त पूर्ण दुवालले स्वागत तथा कार्यक्रमको औचित्यतामाथि प्रष्ट पार्दै स्काउटिङ्ग क्रियाकलापमा एकरुपता ल्याउनु आवश्यक रहेको चर्चा गर्नुभयो ।

स्काउटलाई शैक्षिक अभियानका रुपमा अगाडि लान विद्यालय व्यवस्थापन र अभिभावकलाई सचेत पार्नुपर्ने आवश्यक रहेको बताउँदै उनले दैवीप्रकोपलगायतका समयमा स्काउटले आफू पनि बचेर अरुलाई बचाउन सक्ने भएकाले यसको औचित्यताका बारेमा प्रचार अझै आवश्यक भएको धारणा राख्नुभयो ।
स्थानीय परिषद सदस्य तथा वागीश्वरी कलेज अफ म्यानेजमेन्टका प्राचार्य कृष्णप्रसाद धन्छाले विद्यालयहरुमा स्काउट शिक्षकहरु चलाक हुने गरेको र अतिरिक्त क्रियाकलापमा स्काउट मास्टर नै सक्रिय हुने गरेको दृष्टान्त प्रस्तुत गर्दै स्काउट शिक्षालाई जीवनपद्धतिसँग जोड्नु पर्ने आवश्यकता औंल्याउनुभयो ।
स्थानीय स्काउट सदस्य सचिव रामेश्वर मचामसीले नगरपालिका, विद्यालय र स्काउट कार्यालय मिलेर स्काउटको सदस्यता वृद्धि गर्दै लैजानुपर्ने बताउनुभयो । विद्यालयका प्रिन्सिपलहरुसँग छलफल गरी यसलाई थप विस्तार गर्न सके समाजमा इमान्दार र राष्ट्रभावले ओतप्रोत नागरिक उत्पादन हुने धारणा उनले राख्नुभएको थियो ।

स्थानीय स्काउट आयुक्त वालकृष्ण बनमालाको सभापतित्वमा भएको कार्यक्रममा डा. सरोजकुमार सुवाल, रविन्द्र बासुकला, राष्ट्रिय परिषद सदस्य रत्ना चवाल, राष्ट्रिय प्रशिक्षक अच्युत प्रजापति, सहायक राष्ट्रिय प्रशिक्षकहरु सीता त्वानावासु, रुविना छुस्यावाग, राजेस गाइँजु, पवनकुमार बल्ललगायतले विभिन्न रचनात्मक सुझाव कार्यक्रममा दिएका थिए ।

The post अनुशासित र कर्तव्यनिष्ठ नागरिक बनाउन स्काउटिङ्ग आवश्यक appeared first on Jana Aawaj News.

उक्त कार्यक्रमको उद्घाटन समारोहमा सुर्यविनायक नगरपालिकाका उपमेयर सरिता भट्टराईले स्काउटको ड्रेस नै महत्वपुर्ण होइन विद्यालयमा गरिने कार्यक्रम स्काउट शिक्षालाई निरन्तरता दिइरहँदा स्कार्फको व्यवस्था नगरपालिकाले गर्ने र पोशाकको बारेमा पनि नगरपालिकाले छलफल गर्ने प्रतिवद्धता जनाउनुभयो । नगरपालिकाले स्थानिय स्काउटलाई व्यवस्थित तरिकाले अघि बढाउन पहल गर्ने समेत बताउनुभयो ।

कार्यक्रममको समापन समारोहमा “स्काउट शिक्षा आजको आधारभुत आवश्यकता” भन्ने शिर्षकद्धारा आयोजना गरिएको उक्त कार्यक्रममा सुर्यविनायक नगरपालिकाका नगर प्रवक्ता वडा नं. ७ का वडा अध्यक्ष सामाजिक विकास समिति संयोजक रविन्द्र सापकोटाले ७३ औं नेपाल स्काउट स्थापना दिवसको अवसरमा शुभकामना दिनुहुँदै माध्यमिक तह स्तरीय वक्तृत्वकला प्रतियोगिता निरन्तर गर्दै जानुपर्नेमा जोड दिनुभएको थियो ।
साथै ७३ वर्ष अगाडि स्थापना भएर विभिन्न गतिविधि गर्दै असल नागरिक बनाउन जुन प्रयास स्काउटले गरेको छ, यो राम्रो पक्ष भएको बताउनुभयो । अहिले सुर्यविनायक नगरपालिकाले सबै विद्यालहरुमा स्काउटलाई व्यवस्थित रुपमा लानका लागि निति कार्यक्रम र बजेटको समेत व्यवस्थापन गरिएको जानकारी दिनुभयो । उक्त कार्यक्रममा सुर्यविनायक नगरपालिका वडा नं. ८ का वडा अध्यक्ष पुष्पराज बस्नेतको पनि उपस्थिति रहेको थियो ।

आयोजित माध्यमिक तह स्तरीय वक्तृत्वकला प्रतियोगितामा करिब ४० वटा विद्यालय मध्य १४ वटा विद्यालयका विद्यार्थीहरुको सहभागिता रहेको थियो । जसअन्र्तगत प्रथम मोर्डन बोर्डिङ स्कुल, द्धितिय महेन्द्र शान्ति माध्यामिक विद्यालय, तृतिया नोबेल एकेडमी र सात्वना पुरस्कार गणेश माध्यामिक विद्यालयले प्राप्त गरेको सुर्यविनायक नगरपालिका स्थानीय स्काउट प्रमुख आयुक्त कृष्मा थोकरले जानकारी दिनुभयो । साथै विद्यार्थी भाइबहिनीहरुको बोल्ने क्षमताको विकास गर्नका लागि उक्त कार्यक्रमको आयोजना गरिएको बताउनुभयो ।

The post ७३ औं नेपाल स्काउट स्थापना दिवसको अवसरमा स्थानीय स्काउट कार्यलय सूर्यविनायकद्वारा वक्तृत्वकला प्रतियोगिता-२०८१ सम्पन्न appeared first on Jana Aawaj News.