दुई महिनादेखि उपचाररत प्रजापतिको उपचारमा सघाउ पुर्‍याउन शाखाले संकलन गरेको २९ हजार रुपैयाँ आज हस्तान्तरण गरिएको हो ।

प्रजापतिको निवास पुगेर सो शाखाका अध्यक्ष सुन्दर सिल्पकारले सहयोग रकम हस्तान्तरण गरेका हुन् ।

लामो समय पत्रकारिता गर्दै आएका पत्रकार प्रजापतिलाई सहयोग गर्न शाखाको मातहतमा रहेको पत्रकार कल्याण कोषबाट १० हजार तथा विभिन्न सञ्चारकर्मीबाट १९ हजार गरी कूल २९ हजार हस्तान्तरण गरिएको अध्यक्ष सिल्पकारले जानकारी दिनुभयो । साथै अझ उठेका रकम आगामी दिनहरुमा हस्तान्तरण गर्दै जाने उहाँले बताउनुभयो । नेपाल पत्रकार महासंघ केन्द्र र प्रदेश कार्यालयमा पनि प्रजापतिको उपचारका लागि आर्थिक सहयोगको माग गरिएको समेत उहाँले जानाकरी दिनुभयो ।

प्रजापतिको हालसम्म लाखौं रुपैयाँ खर्च भइसकेको र आगामी दिनमा पनि उपचार खर्च लाग्ने उनकी श्रीमतीले जानकारी गराइन् । उपचारका लागि खर्च रकम परिवार, आफन्त र पत्रकारहरुबाट जुटेको उनले बताइन् । केही रकम उपलब्ध गराएमा जिल्ला शाखालाई धन्यबाद ज्ञापन समेत व्यक्त गरिन् ।

दुई महिना अघि हृदयघात भई मुटुको शल्यक्रिया गरेका प्रजापति हाल भने निवासमै आराम गरी रहेका छन् । उनको माघ ४ गते शल्यक्रिया गरिएको उनकी श्रीमतीले जानकारी दिइन् ।

The post पत्रकार प्रजापतिको उपचारका लागि पत्रकार महासंघ भक्तपुरको आर्थिक सहयोग appeared first on Jana Aawaj News.

पत्रकार महासंघ भक्तपुरको शपथ ग्रहण नयाँ थिमीस्थित यचु पार्टी प्यालेसमा आयोजित एक कार्यक्रमका बीच निर्वाचन समिति सम्योजक केदार खड्का, निर्वाचन समिती सदस्य रविन्द्र प्रधान र बालमुकुन्द सुवालले उनीहरुलाई पद तथा सपथ ग्रहण गराएका हुन ।

गत मङसिर २८ गते सम्पन्न भएको महासंघ भक्तपुरको निर्वाचनमा एक जना अध्यक्ष सहित १८ जना पदाधिकारी निर्वाचित भएका थिए ।

निर्वाचित सबैजना आज पद तथा गोपनीयताको शपथ लिँदै पदभार सम्हालेका छन्। निर्वाचित पत्रकार महासंघ भक्तपुरको अध्यक्ष सुन्दर शिल्पकारले आजदेखि पदभार ग्रहण गरेका छन्।
नवनिर्वाचित अध्यक्ष शिल्पकारसँगै निर्वाचित भएका उपाध्यक्षमा हेमराज ढकाल, महिला उपाध्यक्षमा नबिना खर्बुजा, सचिवमा दीपक ढुङ्गाना, सहसचिवमा दिनेश कार्की  राजल छुँका हरिसुन्दर , कोषाध्यक्षमा राम गोपाल तमखुले शपथ ग्रहण गर्दै  बुधबारदेखि पदभार सम्हालेका छन्।

त्यस्तै केन्द्रीय परिषद् सदस्यहरूमा भने पेशल आचार्य, पूर्णभक्त दुवाल, जीवन ढुङ्गाना र रमेश गिरी र महिला सदस्यमा सिर्जना खतिवडा, सदस्यहरूमा नारायण थापा,मणिराम लामिछाने, मनोज कुमार फुयाँल, पुष्पाकुमारी साउद, सुदर्शन आचार्य, केशव प्रसाद तिमिल्सिना, राम सुन्दर खाइजु र राज कुमार लामिछाने चमत्कारले सपथ ग्रहण गरेका छन् ।

कार्यक्रममा प्रमुख अथिती धर्भेन्द्र झा, नेपाल पत्रकार  महासंघ उपत्यका प्रदेश अध्यक्ष टेनिस रोका, नेपाल पत्रकार महासंघ भक्तपुरका निवर्तमान अध्यक्ष जगत प्रजापती नव निर्वाचित अध्यक्ष सुन्दर शिल्पकार आदिको उपस्थिति रहेको थियो ।

The post पत्रकार महासंघ भक्तपुरका पदाधिकारीहरुले गरे शपथ ग्रहण appeared first on Jana Aawaj News.