भक्तपुर । आज नेकपा एमाले केन्द्रीय सचिवालय र संसदीय दलको छुट्टाछुट्टै बैठक बोलाएको छ । सचिवालयको बैठक ११ बजे र दलको बैठक १२ बजे बस्नेगरी बोलाएको नेताहरूले जानकारी दिएका हुन् ।

सचिवालय बैठक सिंहदरबार नजिकै रहेको बसेरा होटलमा बस्नेगरी बोलाएको एमाले केन्द्रीय कार्र्यालयले जनाएको छ । गत शनिबार आएको बाढीका कारण केन्द्रीय कार्यालयमा क्षति भएपछि सचिवालय बैठक बसेरा होटलमा बस्नेगरी बोलाएको बताइएको छ । त्यसैगरी संसदीय दलको बैठक सिहंदरबारमा बस्नेगरी बोलाइएको छ ।

दुवै बैठकमा प्रधानमन्त्री समेत रहेका अध्यक्ष ओलीले आफ्नो अमेरिका भ्रमण, बाढी पहिरो लगायतबाट मुलुकमा भएको क्षति, राहत, उद्धार तथा पुनर्निर्माण लगायतका विषयमा आवश्यक निर्देशन दिने बताइएको छ । दलको बैठकमार्फत बाढीपहिरो तथा डुवान पीडितलाई सांसदहरूको पारिश्रमिकबाट केही रकम राहत कोषमा जम्मा गर्ने निर्णय गर्नसक्ने समेत बताइएको छ ।

The post आज संसदीय दलको बैठक बस्दै appeared first on Jana Aawaj News.

भक्तपुर । आज शनिबार निजामती सेवा दिवसका अवसरमा प्रधानमन्त्री केपी शर्मा ओलीले जनतालाई सहजरुपमा सेवा दिँदै नेपाललाई ‘ननकरप्ट’ राष्ट्रको पहिचान दिन निजामती कर्मचारीहरुलाई आग्रह गर्नुभएको छ।

कार्यक्रममा उहाँले निजामती कर्मचारीका कारण नेपाल करप्ट मुलुकमको रुपमा गठिएको बताउदै भ्रष्टाचार गर्नु भनेको देशभरका जनताको एकैपटक पकेट मारेसरह हुने भएकाले त्यस्तो दुुष्कर्ममा सम्लग्न नहुन समेत आग्रह गर्नुभयो ।

उहाँले संविधान र कानुनका व्यवस्थाका साथै इमान, कर्तव्य र नैतिकताको बन्धनलाई ध्यानमा राखेर काम गर्न आग्रह गदै हालको सरकार मुलुकमा परिवर्तनका लागि नेतृत्व लिएका पार्टीहरुको सुविधाजनक बहुमतको सरकार भएकाले यसले निजामती सेवा विधेयकलगायत महत्वपूर्ण विधेयकलाई छिटो पारितका लागि छलफल अघि बढाउने विश्वास समेत दिलाउनुभयो । अधिकार छ भन्दैमा दुुई-चार जना गएर तालाबन्दी गर्ने, सेवा प्रभावित पार्ने, अत्यावश्यक क्षेत्रमा हड्ताल गर्ने जस्ता काम उचित नभएको बताउदै अहिले नियोजित र प्रयोजितरुपमा अराजकता सृजना गर्ने र सरकारविरुद्ध हल्ला चलाएको बताउनुभयो ।

कार्यक्रममा ओलीले विगतमा कर्मचारीको उत्साह थप्नका लागि आफूूले एकै पटक २५ प्रतिशत तलब वृद्धि गरेता पनि हाल मुलुकको आर्थिक अवस्था कमजोर भएकाले आर्थिक सबलीकरणका लागि सबै आ-आफ्नो क्षे त्रबाट लाग्नुपर्ने बताउनुभयो ।

The post म आफूू पनि भ्रष्टाचार गर्दिन, अरुलाई पनि गर्न दिन्न : प्रम ओलि appeared first on Jana Aawaj News.

भक्तपुर । प्रधानमन्त्री केपी शर्मा ओलीले प्रकाश तामाङलाई नागरिकता उपलब्ध गराउने बताउनुभएको छ ।
हेर्ने कथा मार्फत पत्रकार विद्या चापागाइँले तयार पारेको कार्यक्रम यतिबेला चर्चामा आएका प्रकाशलाई नागरिकताको आवश्यकता महसुस गरी प्रधानमन्त्री ओलीले गएराति नै गृह सचिव एकनारायण अर्याललाई व्यवस्था मिलाउन निर्देशन दिनुभएको छ ।

प्रधानमन्त्री ओलीले आज बिहान सामाजिक सञ्जाल फेसबुकमार्फत प्रकाशलाई तत्कालका लागि नागरिकताको आवश्यकता देखिएकाले दुई–चार दिनमै नागरिकता दिलाउन सहजीकरणको व्यवस्था मिलाउन गृह मन्त्रालयलाई निर्देशन दिनुभएको छ ।

प्रधानमन्त्री ओलीले भन्नुएको छ, ‘प्रकाशलाई तत्कालको आवश्यकता नागरिकता नै रहेको बुझियो । नागरिकता भए मात्र उहाँको बैंक खाता खोल्न सकिने र सहयोग गर्न चाहनेहरुले सहयोग गर्न मिल्ने हुन्छ ।’

The post प्रकाश तामाङले नागरिकता पाउने : प्रधानमन्त्री ओली appeared first on Jana Aawaj News.

काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले आइतबार वीपी कोइराला राष्ट्रिय पुरस्कार २०८०, समर्पण समारोहलाई सम्बोधन गर्दै वीपी कोइरालाले नेपाली राजनीति र साहित्यलाई अहिलेको अवस्थामा पुर्याउन महत्वपूर्ण योगदान रहेको बताउनुभयो ।

यसैगरी बीपी कोइरालाले राजनीतिक दर्शन, समाज परिवर्तन र साहित्यको क्षेत्रमा आफ्ना छापहरु छोड्न सफल हुनुभएको बताउनुभयो ।
राजनीतिक दर्शनको पाटोमा, साहित्यिक दर्शनको पाटोमा वीपी कोइरालाले नेपाली राजनीति, समाज परिवर्तनका क्षेत्रमा आफ्ना छापहरु छोड्ने सफल व्यक्तित्व भएको जानकारी गराउनुभयो । राजनीतिलाई र साहित्यलाई एउटा उचाईमा पुर्याएको बताउनुभयो ।

दर्शन, साहित्य र राजनीतिको बारेमा विवादहरु रहेपनि वीपी कोइरालाले खोजेको व्यवस्था र प्रणालीमा आफू सहमत रहेको बताउनुभयो । उहाँले वीपी कोइरालाले दुरदर्शी तथा परिवर्तनका लागि आफ्नो जीवन समर्पित गरेको उल्लेख गर्दै अहिलेको नेतृत्वले उनीबाट पाठ सिक्नुपर्ने समेत जानकारी दिनुभयो ।

The post वीपी कोइरालाबाट अहिलेको नेतृत्वले पाठ सिक्नुपर्ने : प्रधानमन्त्री ओली appeared first on Jana Aawaj News.