काठमाडौं । फरवार्ड मारियो बालोटेली झण्डै चार वर्षपछि इटालियन टिममा फर्किएका छन् । विश्वकप प्लेअफ सेमिफाइनलका लागि घोषित टोलीमा बालोटेली इटलीको टिममा रहेका छन् ।

प्रशिक्षक रोबर्टी मानचिनीले तीन दिने क्याम्पका लागि मान्सिनीले बोलाएको ३५ खेलाडीमा बालोटेली पनि अटाएका छन् । विश्वकप छनोटको प्लेअफ अन्तर्गत नर्थ म्यासेडोनियाविरुद्धका लागि घोषणा गरेको टिममा बालोटोली अटाएका हुन् ।

म्यानचेष्टर सिटी र लिभरपुलका पूर्व खेलाडी समेत रहेका ३१ वर्षीय बालोटेलीले सन् २०१८ सेप्टेम्बरपछि इटलीको लागि खेलेका छैनन् ।

टर्कीस क्लब एडना डेमिरस्पोरबाट खेलिरहेका बालोटेलीले १८ लिग खेलमा ८ गोल गरेपछि उनले टिममा मौका पाएका छन् ।

यस्तै सन् २०१० मा इटलीका राष्ट्रिय टिममा डेब्यु गरेका बालोटोलीले इटालीका लागि ३६ खेलमा १४ गोल गरेका थिए भने,सन् २०१४ को विश्वकपपछि इटलीका लागि उनले जम्मा ३ खेल मात्र खेलेका थिए ।

बालोटेलीले यसअघि प्रशिक्षक मान्सिटीसँग इन्टर मिलान र म्यानचेष्टर सिटीमा समेत काम गरिसकेका छन् ।

The post झण्डै चार वर्षपछि फर्किय बालाटेली इटलीको टिममा appeared first on Jana Aawaj News.