उक्त कार्यक्रम ललितपुर, महालक्ष्मी नगरपालिकाका नगर प्रमुख हरि गोविन्द श्रेष्ठको प्रमुख आतिथ्यतमा सम्पन्न भएको हो । यस बाहेक कार्यक्रममा ललितपुर, महालक्ष्मी नगरपालिकाका उपमेयर लक्ष्मी महर्जन, गम्भीर समुन्द्र सेतु उच्च माध्यमिक विद्यालयकीप्रधानाध्यापिका निरा कुमारी श्रेष्ठ, विद्यालय व्यवस्थापन समितिका अध्यक्ष केदार के.सी लगायत व्यक्तित्वहरूको आतिथ्य रहेको थियो । कार्यक्रममा नगर प्रमुख श्रेष्ठले उच्चस्तरीय प्रविधिबाट प्रशोधन भएको शुद्ध पानी पिएर विद्यालयका शिक्षक-शिक्षिका लगायत विद्यार्थीहरूले स्वस्थ जीवन जिउन सक्ने कुरा बताउनुभयो । उप नगरप्रमुख लक्ष्मी महर्जनले विशेष गरी विपन्न वर्गका परिवारका बाल-बच्चाहरू पढ्ने यस सामुदायिक विद्यालयमा यस किसिमको सहयोगद्वारा धेरै प्रेरणा मिलेको कुरा बताउनुभयो । विद्यालयकी प्रधानाध्यापिका निरा कुमारी श्रेष्ठले बाढीले क्षतिग्रस्त भएर सरकार अनि अन्य संघ संस्थाबाट पनि कुनै सहयोग नपाइरहेको अवस्थामा यो संस्थाले गरेको कार्यद्वारा ठूलो राहत मिलेको कुरा बताउनुभयो ।

त्यसैगरी वी लभ यू फाउन्डेसन, नेपालका अध्यक्ष किशोर साम्सोहाङले वी लभ यू फाउन्डेसन आमाको मनद्वारा कार्य गर्ने संस्था हो भन्ने कुरामा जोड दिनुहुँदै जसरी आमाको मन दिने मात्र हुन्छ त्यस्तै मनद्वारा आज विद्यालयका विद्यार्थीहरू स्वच्छ र शुद्ध खानेपानी पिउनबाट वञ्चित नहोस् भन्ने हेतुले विद्यालयको आधारभूत आवश्यकता रहेको पानी शुद्धीकरण उपकरणलाई पहिलो प्राथमिकतामा राखेर हस्तान्तरण गरिएको कुरा बताउनुभयो । गत २०८१ सालको असोज महिनामा आएको बाढीले विद्यालय परिसरमा भौतिक क्षति पुर्‍याउँदा विद्यालयमा विभिन्न कुराहरूको पुनर्निर्माण आवश्यक परिरहेको अवस्थामा विद्यार्थीहरू स्वच्छ र शुद्ध खानेपानी पिउनबाट पनि वञ्चित हुँदैआएका थिए ।

यो उच्चस्तरको पानी शुद्धीकरण उपकरण जडान भएपछि विद्यालयमा अध्ययनरत करीब १,५०० विद्यार्थीहरू लाभान्वित हुने भएका छन् । उक्त विद्यालय सामुदायिक विद्यालय भएकोले देशका विभिन्न जिल्लाबाट हाल महालक्ष्मी नगरपालिकाभित्र बसोबास गर्ने विपन्न परिवारका बाल(बच्चाहरू पढ्ने गर्छन् । स्वच्छ र शुद्ध खानेपानी जुनसुकै समयमा, कुनै अभावबिना निस्शुल्क प्राप्त गर्न पाउँदा शिक्षक शिक्षिकाहरू लगायत विद्यार्थीहरूमा पनि खुशीको लहर छाएको छ । वी लभ यू फाउन्डेसनले यसअघि काठमाडौको चन्द्रागिरी नगरपालिकामा अवस्थित महादेवथानको पार्कमा आमाको उद्यान (Mom’s Garden)’ वातावरण संरक्षण प्रोजेक्टअन्तर्गत २५० वटा रूखका विरूवाहरू रोप्ने कार्य पनि सम्पन्न गरेको थियो । यसैगरी यही वर्ष देशभरि भएको रक्त अभावलाई परिपू्र्ति गर्न सातै प्रदेशमा रक्तदान कार्यक्रम पनि सम्पन्न गरेको छ ।

वी लभ यू फाउन्डेसनचाहिँ यूएनडिजिसीसँग सहकार्य गर्ने एक गैरसरकारी संस्था हो, र यसका ७९ वटा देशका १,५५,००० जना सदस्यहरूले ‘आमाको प्रेम सारा संसारमा’ भन्ने नाराअन्तर्गत विश्वभरि मानवीय गतिविधिहरू गर्दैआएका छन् । वीलभयूले वातावरण संरक्षण, आपत्कालीन राहत, खानेपानी तथा सरसफाइ, गरिबी तथा भोक उन्मूलन, स्वास्थ्य तथा कल्याण, सामुदायिक कल्याण, शैक्षिक सहयोग जस्ता विविध गतिविधिहरू करीब ४,५०० पटक आयोजना गरिसकेको छ । सो कार्यको सम्मानस्वरूप, वीलभयूले कोरियाली सम्मान पदक, अमेरिकी राष्ट्रपति स्वयंसेवा अवार्ड स्वर्ण, इक्वेडोरको राष्ट्रिय सभा पदक र कम्बोडियाको राजकीय पदक जस्ता थुप्रै अवार्डहरू विश्वभरिबाट प्राप्त गरेको छ ।

नेपालमा पनि २०७२ सालको भूकम्पका बेला भूकम्प पीडितहरूका लागि राहत कार्य, रूपन्देहीमा भारी वर्षाबाट प्रभावित परिवारका लागि नयाँ घर निर्माण, कोभिड-महामारीको सामना गर्न क्वारेन्टाइन सामग्रीहरू अनुदानमा पनि सक्रिय रूपमा सहभागी भए वीलभयूले नेपाल पर्यटन बोर्डबाट प्रशंसा पत्र, इटहरी उपमहानगरपालिकाबाट प्रशंसा पत्र, कीर्तिपुर नगरपालिकाबाट कदर-पत्र, नेपाल रेडक्रस सोसाइटीका प्रतिनिधिबाट सम्मान-पत्र जस्ता विभिन्न अवार्डहरू प्राप्त गरेको छ ।

भविष्यका कर्णधारहरूलाई समर्थन गर्ने कार्यमा पनि सरिक हुँदै वी लभ यूले यसै वर्ष भक्तपुरको मध्यपुर ठिमी वडा नं. १मा अवस्थित श्री सरस्वती विद्यालयमा साइनबोर्ड जडान गरेर घेराबार मर्मत गरिदिनुका साथै पंखाहरू पनि सहयोग गरेको छ । त्यसै गरी वी लभ यूले कोशी प्रदेशको ईटहरीस्थित श्री सेतो गुराँस बालवाटिका प्राथमिक विद्यालयमा खेल मैदान निर्माणका लागि जग्गा खरिद रकम सहयोग गरी शैक्षिक वातावरण सुधार गर्नमा पनि योगदान पुऱ्याएको छ ।

यसको अतिरिक्त वी लभ यूले पहाड, समुद्र, खोलानाला, सहरको सडक र पार्क जस्ता ठाउँहरूलाई सफा गरी सजाउने वातावरणीय कल्याण गतिविधि ‘क्लिन वर्ल्ड अभियान’का साथै विश्वव्यापी तापक्रम वृद्धिको मुख्य कारक, हरितगृह ग्याँसलाई न्यूनीकरण गर्न वृक्षारोपण गर्ने ‘आमाको उद्यान (Mom’s Garden)’ प्रोजेक्ट पनि आयोजना गरेको छ । सोही प्रोजेक्टअनुरूप वी लभ यूले बागमती कागेश्वरी मनोहराको शहीद पार्कमा ४४० वटा वृक्षहरू रोप्नुका साथै वरिपरिको वातावरण सरसफाइ गरेर छिमेकीहरूलाई दिगो जीवनको आधार उपहारस्वरूप प्रदान गरेको छ ।

The post अन्तर्राष्ट्रिय वी लभ यू फाउन्डेसनद्वारा ललितपुरमा रहेको गम्भीर समुन्द्र सेतु उच्च माध्यमिक विद्यालयमा उच्चस्तरको पानी शुद्धीकरण उपकरण हस्तान्तरण appeared first on Jana Aawaj News.

चन्द्रागिरी नगरपालिकाको सहकार्यमा आयोजना गरिएको उक्त कार्यक्रममा २०० वटा रूखका विरूवाहरू रोपिएका छन् । जसअन्तर्गत ७० वटा गोल्डेन स्क्याल्प, ३० वटा एभोगाडो, ५० वटा धूपी, १० वटा अम्बा, २० वटा बरगन्डी बेरी र ५ स्प्रस बेरी गरी विभिन्न प्रजातिका रूखका विरूवाहरू रोपिएको हो ।

कार्यक्रममा पूर्व कृषि मन्त्री तथा वागमती प्रदेश सांसद केशव पोख्रेलले भौतिक पूर्वाधार विकास साथै वातावरणलार्ई जोगाउनु पनि वर्तमान समयको आवश्यकता रहेको कुरामा जोड दिनुभयो । त्यस्तै मेयर घनश्याम गिरीले वी लभ यू फाउन्डेसनले ठाउँमा–ठाउँमा गरिरहेको यस किसिमको कार्यले समाजको विकास पनि हुने वरिपरिको वातावरण पनि स्वच्छ हुने कुरामा जोड दिँदै रोपिएका विरूवाहरूको नियमित हेरचाह र पानीको सहयोग उपलब्ध गराउने प्रतिवद्धता व्यक्त गर्नुभयो ।

यस्तै वी लभ यू फाउन्डेसन नेपालका सल्लाहकार, नारायण श्रेष्ठले जलवायु परिवर्तन र वातावरणीय प्रदूषण झन–झन गम्भीर बन्दैगएपछि हरितगृह ग्यास उत्सर्जन घटाउनुपर्ने आवश्यकता बढ्दै गएको र आमाको उद्यान परियोजना मार्फत विश्वव्यापी गाउँका सबै क्षेत्रहरूमा हरियो वन तयार पारेर भावी पुस्तालाई स्वस्थ पृथ्वी हस्तान्तरण गर्न सकौं भन्ने कुरामा जोड दिनुभयो । यस गतिविधिले पार्कलाई हरियाली बनाउन र नागरिकहरूमा वातावरणीय सचेतना जगाउन योगदान पुग्ने अपेक्षा फाउन्डेसनले गरेको छ ।

वृक्षारोपणको उक्त कार्यक्रममा ललितपुर, पुतलीसडक, चन्द्रागिरी, इमाडोल, गोदावरी, रविभवन, बालकुमारी, सुनाकोठीबाट करीब ३०० जना सदस्यहरूको सहभागिता रहेको थियो । कार्यक्रममा एकै स्वरमा वी लभ यूु भन्ने नारा लगाउँदै वातावरणलाई सुन्दर र सफा राख्न अन्य सहभागी व्यक्तिहरू र स्थानीय बासिन्दाहरूलार्ई पनि हौसला प्रदान गरिएको थियो ।

कार्यक्रममा बाग्मती प्रदेश सांसद माननीय रमा आलेमगर तथा यमुना श्रेष्ठ र चन्द्रागिरी नगरपालिकाका मेयर घनश्याम गिरीको उपस्थिति रहेको थियो ।

मानव–जातिको हितका लागि जलवायु परिवर्तनसँग लड्न र कार्बन उत्सर्जन न्यूनीकरण गर्न नेतृत्व लिइरहेको अन्तर्राष्ट्रिय वी लभ यू फाउन्डेसनले ‘आमाको उद्यान परियोजना’ मार्फत स्वदेश तथा विदेशमा वृक्षारोपण कार्यक्रमहरू गरिरहेको छ । UN DGC को सहकारी संस्था वी लभ यूले ‘‘आमाको प्रेम सारा संसारमा’’ भन्ने नाराअन्तर्गत वातावरण संरक्षण लगायत आपतकालीन राहत, गरिबी तथा भोकमरी उन्मूलन, पानी तथा सरसफाई, र चिकित्सा तथा स्वास्थ्य सहयोग जस्ता कल्याणकारी गतिविधिहरू पनि निरन्तर सञ्चालन गर्दै आइरहेको छ ।

The post वी लभ यू फाउन्डेसनद्वारा चन्द्रागिरी डाँडाको पार्कमा वृक्षारोपण appeared first on Jana Aawaj News.

कठमाडौं । ‘वी लभ यू’ फाउन्डेसन (We love U foundation) को आयोजनामा आज बुधबार विश्वभरी बढ्दै गइरहेको पर्यावरण प्रदूषण कम गराउन काठमाडौंको कागेश्वरी–मनोहरास्थित सहिद पार्कमा वृक्षारोपण गरिको छ ।

वी लभ यू फाउण्डेशनले यस किसिमको मानवहितको गतिविधिद्धारा मानवजातिको उज्ज्वल भविष्य र स्वच्छ पृथ्वीलाई बचाऔं (Save the World) नामक परियोजनाका केही अंश मात्र भएको फाउन्डेसनले जानकारी दिएको छ । यस परियोजना पुरा गर्नको निम्ति वी लभ यू फाउण्डेशनले ३ मुख्य क्याम्पेनहरू जारी गरेको छ । पृथ्वीलाई बचाउने (Saving the Earth) जीवन बचाउने (Saving lives) र मानवता बचाउने (Saving Humanity) कार्यक्रम संचालन गरिरहेको छ ।

वी लभ यू फाउण्डेशनले नेपालमा मानवहितका थुप्रै गतिविधिहरु निरन्तर रुपमा गर्दै आएको छ । यसले पिउने पानीको असुविधाले ग्रस्त विद्यालयमा सफा पानी सुविधा प्रदान गरेको छ। किशोरावस्थाका विद्यार्थीहरुमा असल चरित्र र विवेक निर्माण हुन सक्ने गरी थुप्रै विद्यालयहरुमा पुस्तकालयहरुको निर्माण गरेको छ । त्यसैगरी रक्त आपूर्तिलाई सहज पार्न समय–समयमा रक्तदान अभियान सञ्चालन अनि मौसम परिवर्तनको जोखिम न्यूनीकरण गर्न वातावरण संरक्षण गरी राष्ट्र व्यापी रूपमा सडक, पार्क तथा नदी सरसफाई क्यामपेनहरु संचालन गर्दै आईरहेको छ ।

कार्यक्रममा प्रमुख अतिथी माननिय कृष्ण राईले वी लभ यू फाउण्डेसनले लिएको’ आमाको प्रेम सारा संसारमा’ भन्ने मूल नारालाई मुक्त कण्ठले सराहना गर्नुभयो । साथै अहिलेको मानव समाज सभ्यता विकासको चौथो आयाम अर्थात् जीवन विकासको आयाममा प्रवेश गरेको अनि फाउण्डेसनद्वारा गरिँदै आएको वृक्षारोपण लगायतका यस्ता अन्य कार्यहरू प्रत्यक्ष रूपमा जीवन विकासको आयाम अन्तर्गत पर्ने भएकाले यसखाले गतिविधिको उपादेयता अन्य कुनै कार्यक्रमहरू भन्दा अत्याधिक रहेको कुरामा जोड दिनुभयो । साथै यस्ता सान्दर्भिक र बहुआयामिक गतिविधिहरूद्वारा विश्व मानव समाज बचाउन सक्रिय भूमिका निर्वाह गर्दै आएको वी लभ यू फाउण्डेशनलाई सधैं दत्तचित्त भई तदारुकताका साथ साथ र सक्दो सहयोग दिने प्रतिवद्धता गर्नुभयो ।

त्यसै गरी फाउण्डेसनका अध्यक्ष शोभाकर घिमिरेले संस्थाले सधैं मानवहितको लागि कार्य गर्नको निम्ति वी लभ यू फाउण्डेशनले पृथ्वीलाई बचाउने (Saving the Earth) जीवन बचाउने (saving lives) र मानवता बचाउने (saving humanity) गरी मुख्यतः ३ क्याम्पेन जारी गरेकोले यसबारे फाउण्डेशनका सदस्यहरू मात्र नभई वातावारण संरक्षणका अन्य अभियान्ताहरू, नागरिक समाज तथा सम्बन्धित सरोकारवालाहरू सबैमा सचेत भई सहयोग गर्न आव्हान समेत गर्नुभयो ।

यसैगरी कागेश्वरी मनोहरा नगरपालिका वडा नं–१ का वडा अध्यक्ष मुकुन्द कुमार गजुरेलले स्वयंसेवा गर्ने यूवा शक्ति अन्य संस्थामा पनि वी लभ यू फाउन्डेसनमा जस्तै सकृय रुपमा विश्व वातावरण संरक्षण गर्न सकिने र अमूल्य मानव जीवन बचाउन सकिने बताउनुभयो ।

कार्यक्रममा फाउन्डेसनका ३५० जना सदस्य र बाहिरी ५० जना भन्दा बढी स्थानीय बासिन्दाहरु गरी करिब ४०० जना भन्दा बढीको उल्लेखनीय सहभागिता रहेको थियो । कार्यक्रमका माननिय कृष्ण राईले वृक्षारोपण गरे संगै फाउण्डेसनका सबै सदस्यहरुले वृक्षारोपण गरेका थिए ।

कार्यक्रमको अन्त्यमा कार्यक्रममा उपस्थित अतिथीहरु, प्रहरी, मिडियाकर्मी र सम्पूर्ण स्वयंमसेवक ,स्थानीय बासिन्दा, र स्थान उपलब्ध गराउनुहुने सहिद पार्क संरक्षण समितिका सबैलाई वी लभ यू फाउण्डेशनका सचिव नारायण श्रेष्ठले धन्यवाद दिँदै पृथ्वीलाई बचाउने (Saving the Earth) जीवन बचाउने (saving lives) र मानवता बचाउने (saving lives) भन्ने यो हाम्रो अभियान सार्थक बनाउन सबैको सहकार्य अपरिहार्य भएको बताउनुभयो ।

उक्त वृक्षारोपण कार्यक्रममा प्रमुख अतिथिका रूपमा माननीय श्री कृष्ण राई, बागमती प्रदेश सभा सदस्य रामेश्वर फुयाल, नेकपा एमाले प्रदेश कमिटी सदस्य राम शरण ढुङ्गाना, नेकपा एमाले प्रदेश कमिटी सदस्य विश्वराज श्रेष्ठ, कागेश्वरी–मनोहरा नगरपालिका वडा नं १ का वडा अध्यक्ष मुकुन्द प्रसाद गजुरेल लगायतको उपस्थिति रहेको थियो ।

The post ‘वी लभ यू’ फाउन्डेसनद्धारा वृक्षारोपण कार्यक्रम सम्पन्न appeared first on Jana Aawaj News.