भक्तपुर । भक्तपुर जिल्लामा रहेको सुर्यविनायक नगरपालिकाको विभिन्न वडामध्य वडा नं. २ मा यतिबेला विकास निर्माणको कामलाई द्रुत गतिमा अगाडि बढाएको छ । भौतिक साथसाथै आर्थिक र सामाजिक विकासलाई समेत प्राथमिकतामा राख्दै अगाडि बढिरहेको र देशकै लागि एक उदाहरणीय नगरपालिका बन्न सफल भएको छ ।

नगरपालिकाको २ नम्बर वडाले ‘एक वडा एक फल्चा’ नीतिअनुसार गणेश मन्दिरमा फल्चा निर्माण गरेको वडा अध्यक्ष प्रदिप कार्कीले जानकारी दिनुभयो । गत आर्थिक वर्ष र चालू आर्थिक वर्षमा १३ लाख र १७ लाख रुपैयाँ गरि जम्मा ३० लाख बजेटमा फल्चा, चौतारी आदि निर्माण गरिएको उहाँले बताउनुभयो ।

उक्त फल्चा रहेको स्थानमा पहिले पनि फल्चा रहेको र विभिन्न कारणले जीर्ण भइ भत्किएका कारण हाल निर्माण भएको फल्चा त्यसैको स्मारकको रुपमा समेत रहेको कार्कीले बताउनुभयो । फल्चाको निर्माण सकिइएको छ, तर रङरोगन लगायतका फिनिसिङका कार्यहरु बाँकी रहेको कार्कीले जानकारी दिनुभयो ।

The post ‘एक वडा एक फल्चा’ नीतिअनुसार द्रुत गतिमा निर्माण कार्य हुँदै छ : वडा अध्यक्ष कार्की appeared first on Jana Aawaj News.