उक्त अधिवेशन नगरप्रमुख वासुदेव थापाको अध्यक्षतामा प्रथम र दोस्रो गरी दुई चरणमा भएको उक्त अधिवेशनले विभिन्न समितिको प्रतिवेदन एवं बजेट कार्यान्वयनको अवस्थाबारे प्रस्तुत प्रतिवेदनमाथि बृहत छलफल गरी विधेयक पारित गरेको छ ।
नगरसभाका सभाध्यक्ष थापाले निर्णायार्थ प्रस्तुत गरेको नगरपालिकाको संस्था दर्ता प्रथम संशोधन विधेयक २०८१, आर्थिक कार्यविधि नियमित गर्ने विधेयक २०८१, आर्थिक ऐन २०८१ को प्रथम संशोधन विधेयक २०८१ र नगरपालिका तथा अन्तर्गतको सङ्गठन तथा व्यवस्थापन सर्वेक्षण प्रतिवेदन २०८१ पारित गरेको हो ।

नगरसभामा नगरप्रमुख एवं सभाअध्यक्ष थापाले चालु आर्थिक वर्ष २०८१–८२ को ६ महिनाको अवधिमा कूल बजेटको १६ दशमलव ०१ प्रतिशत बजेट खर्च भएको बताउनुभयो । उहाँले नगरपालिकाको चालु आर्थिक वर्षको कुल बजेट रु एक अर्ब ४० करोड ३७ लाख २२ हजार पारित गरेकामा छ महिनामा नगरको कुल बजेटको रु ३५ करोड ८६ लाख ५० हजारमात्र खर्च भएको बताउनुभयो । नगरपालिकाको चालु खर्चतर्फ रु २३ करोड ४१ लाख ९१ हजार र पुँजीगततर्फ रु १२ करोड ४४ लाख ५९ हजार खर्च भएको उहाँले बताउनुभयो ।

नगरप्रमुख थापाले चालु आवको दुई महिना वर्षालगत्तै चाडपर्व सुरु भएकाले अपेक्षाकृत रूपमा बजेट खर्च हुन नसकेको बताउँदै चालु आवको बाँकी छ महिना योजना कार्यान्वयनमा जाने चरणमा रहेको बताउनुभयो । उनले बाँकी छ महिनामा बजेट खर्चको अवस्था सुधार हुने र आवको अन्त्यसम्ममा ९० प्रतिशतभन्दा बढी बजेट खर्च गर्दै नगरपालिकाले लक्ष्य हासिल गर्ने बताउनुभयो । नगरपालिकले सबैभन्दा बढी बजेट भौतिक पूर्वाधारमा छुट्याएको छ । यसैगरी, नगरपालिकाले चालु आवको छ महिनामा रु ११ करोड ८८ लाख पाँच हजार सात सय तीन राजस्व सङ्कलन गरेको नगर अधिवेशनमा उपप्रमख सरिता तिम्सिना भट्टराईले बताउनुभयो । नगरपालिकाले गत आवको सोही अवधिको तुलनामा पाँच दशमलव ६० प्रतिशत रकम बढी राजस्व सङ्कलन गरेको थियो ।

यस्तै गत आवको छ महिनामा नगरपालिकाले रु. ११ करोड २४ लाख ९० हजार राजस्व सङ्कलन गरेको उल्लेख गर्दै उहाँले नगरपालिकाले चालु आवमा रु ४३ करोड ६० लाख सात हजार पाँच सय राजस्व सङ्कलन गर्ने लक्ष्य राखेको बताउनुभयो । उपप्रमुख भट्टराईले चालु आव २०८१–८२ मा नगरसभाबाट स्वीकृत तीन सय तीन, नगर कार्यपालिकाबाट स्वीकृत ३५, सङ्घ–प्रदेशबाट अख्तियार प्राप्त ३१ र विपद् व्यवस्थापनका लागि नगर कार्यपालिकाबाट स्वीकृत २१ गरी जम्मा तीन सय ९० योजना रहेकामा हालसम्म एक सय २० योजना सम्झौता भई योजना अनुगमन गरी ३४ योजना फरफारक गरिएको बताउनुभयो । नगरसभामा विधायन समितिका संयोजक प्रदीप कार्र्कीले आचारसंहिता वाचन, नगरपालिकाको विधायन समितिको प्रतिवेदन, आर्थिक कार्यविधि नियमित गर्ने विधेयक २०८१ पेश गर्नुभएको थियो । नगरउपप्रमुख एवं राजस्व परार्श समिति संयोजक एवं न्यायिक समिति संयोजक सरिता तिम्सिना भट्टराईले नगरपालिकाको न्यायिक समितिको र नगरस्तरीय अनुगमन तथा सुपरीवेक्षण तिवेदन सभामा प्रस्तुत गर्नुभएको थियो ।

The post सूर्यविनायक नगरपालिकाकोे १७ औँ नगर अधिवेशन सम्पन्न appeared first on Jana Aawaj News.

बैठकमा नगर प्रमुख बासुदेव थापाले आगामी आर्थिक वर्ष २०८१ /०८१ को वार्षिक नीति तथा कार्यक्रम प्रस्तुत गर्नुभयो । नगर प्रमुख थापाले २ सय २२ बुँदा समेटिएको नीति तथा कार्यक्रम प्रस्ततु गर्नु भएको थियो ।

नीति तथा कार्यक्रम प्रस्तुत गर्नुहुँदै नगर प्रमुख थापाले नगरभित्रको बढ्दो बेरोजगारी दर कम गर्न स्वदेशमै रोजागरी सृजना गरी युवा वर्गमा देखिएको नैराश्यता अन्त्य गर्न दक्ष जनशक्ति उत्पादन गर्ने अभिप्रायले नगर क्षेत्रमा मागका आधारित सीपमूलक, रोजगारमूलक र आयमूलक तालिमहरु संचालन गर्नका लागि वडा नंं ७ को घ्याम्पेडाँडामा नगर प्रशिक्षण केन्द्रको स्थापना गरी नवप्रवर्तनका कार्यको शुभारम्भ गर्ने घोषण गर्नुभयो ।

साथै नगर क्षेत्रका कम्तिमा २५ जना नागरिकलाई रोजगारी उपलब्ध गराउन उद्यम, ब्यवसायको ब्यवसाय नवीकरण शुल्कमा छुट सहुलियत प्रदान गर्ने नीति अवलम्वन गरिएको नगर प्रमुख थापाले बताउनुभयो ।

नीति तथा कार्यक्रममा अनिवार्य आधारभूत, नि:शुल्क र जीवनोपयोगी माध्यमिक शिक्षाः सामाजिक पूँजीको विकास र विस्तार गर्ने सूर्यविनायकको इच्छा भन्ने नारालाई सार्थकता प्रदान गर्न सामुदायिक शिक्षाको गुणस्तर प्रर्वधन महाअभियान संचालन गरिने उल्लेख गर्नुभयो । अनिवार्य स्वास्थ्य बीमा कार्यक्रम संचालन गरी नगरबासीलाई स्वास्थ्य बीमामा पुहँचको लागि नागरपालिकाको तर्फबाट बीमा गर्न बीमा सहयोग कोषको स्थापना गरिने नीति पनि लिइएको बताइएको छ ।

यसैगरी, गुणस्तरीय र सर्वसुलभ स्वास्थ्य सेवामा सबै नागरिकको सरल र सहज पहुँच सुनीश्चित गर्न मेयरसँग नागरिक स्वास्थ्य कार्यक्रम मार्फत प्रत्येक वडामा मासिक रुपमा १ जना चिकित्सक सहित मोबाइल क्लिनिक उपलब्ध गराई टेलिमेडिसिनलाई प्रोत्साहन गरिने भएको छ । साथै बहिरंग ओपिडी सेवाको विस्तार गरिने र नगर अस्पतालमा सघन प्रसुति सेवाको विस्तार गर्ने नीति लिइएको छ ।

खानेपानीको सहज र सरल पहुँच सुनिश्चित गर्न एक घर एक धारा अभियानको सफलताका लागि विद्यमान पानीका स्रोतहरुको नक्सांकन गरी अधिकतम उपयोगको नीति अवलम्बन गरिने भएको छ । नगरपालिकामा शूरु गरिएको घर लम्बरिगं गर्ने कार्यलाई थप ब्यवस्थित गरी सबैमा वडाहरुमा विस्तार गर्ने नीति समेत लिइएको छ ।

अधिवेशनमा नगर उपप्रमुख सरिता तिमिल्सिना भट्टराई, सदस्य सचिव तारानाथ लुइँटेल, विषयगत समितिका संयोजकहरु सानुकाजी कायस्थ, रविन्द्र सापकोटा, प्रदीप कार्कीले विभिन्न प्रस्तावहरु पेश गर्नु भएको थियो ।

नगर अधिवेशनको अर्को बैठक आगामी जेष्ठ १० गते सोमबार बोलाइएको छ । सो बैठकमा आगामी आर्थिक वर्षको बजेट सार्वजनीक गरिनेछ भने छलफल पश्चात नीति तथा कार्यक्रम र बजेट समेत पारित गरिने जानकारी गराइएको छ ।

The post सूर्यविनायक नगर सभाको १६ औं अधिवेशन शूरु, सोमबार आर्थिक वर्षको बजेट सार्वजनीक गरिने (तस्विरमा हेर्नुहोस) appeared first on Jana Aawaj News.