टीआइले सन् २०२० मा संसारभरका १८० देशको भ्रष्टाचारको स्थिति नियालेको थियो । जसमा ३३ अंक हासिल गरेर नेपालले ११७ औं स्थान बनाएको छ । गत वर्ष पनि टीआइले संसारभरका १८० देशको भ्रष्टाचारको स्थिति निकालेको थियो । जसमा नेपाल अहिलेजस्तै ३३ अंक पाएर ११७ औं स्थानमा परेको थियो ।

भ्रष्टाचारको अवस्था हेर्न कुल १०० पूर्णाकं दिएर टीआइले अवस्था हेर्दै आएको छ । जुन मुलुकमा कम भ्रष्टाचार छ, त्यसलाई बढी अंक र बढी हुनेलाई कम अंक दिइन्छ । जसमा ३० भन्दा कम स्कोर आउनेलाई अति भ्रष्ट र त्यसभन्दा बढी ल्याउनेलाई भ्रष्ट मुलुकमा वर्गीकरण गरिएको छ ।
टीआइले देशहरूले पाएका अंकका आधारमा बढी ल्याउनेबाट क्रमशः कम अंक ल्याउनेको नम्बरिङ गर्ने गरेको छ । जसमा ३३ अंक ल्याएर नेपालले ११७ औं स्थान प्राप्त गरेको हो ।

टीआईको रिपोर्टअनुसार, डेनमार्कमा सबैभन्दा कम भ्रष्टाचार छ । उसले कुल १०० मा ८८ अंक पाएको छ । डेनमार्क सँगै फिनल्याण्ड र न्युजल्यान्डको पनि समान ८८ र ८८ अंक रहेको छ । तर यी मुलुकलाई र्याङ्किमा डेनमार्क भन्दा पछाडि राखिएको छ । यस्तै साउथ सुडान अति भ्रष्ट मुलुक बनेको छ । उसले ११ अंक बटुलेको छ ।

The post नेपालले भ्रष्टाचारमा पून ३३ अंक प्राप्त गर्दै ११७ औं स्थानमा appeared first on Jana Aawaj News.