उक्त खेल सुरु भएको पहिलो मिनेटमै सालेर्निटानाका लागि चुकुबुकेम इकुमेसीले गोल गरेका थिए । खेलमा सुरुआती अग्रता सालेर्निटानाले लिएता पनि त्यसपछि खेलमा उत्कृष्ट पुनरागमन गरेको युभेन्ट्सले लगातार ६ गोल फर्काएको थियो । युभेन्ट्सका लागि भने पहिलो गोल १२ औँ मिनेटमा फाबियो मिरेट्टीले गर्न सफल भए । त्यस्तै ३४ औँ मिनेटमा आन्द्रे काम्बियासोले दोस्रो गोल गरे । उक्त गोलका कारण खेलको पहिलो हाफमा युभेन्ट्स २–१ ले अगाडि रहन सफल भयो ।

युभेन्ट्सले खेलको दोस्रो हाफमा चार गोल थपेको थियो । ५४ औँ मिनेटमा युभेन्ट्सका लागि ड्यानियल रुगानीले तेस्रो गोल गरेका थिए । ७५ औँ मिनेटमा सालेर्निटानाका डायलन ब्रोनबाट आत्मघाति गोल भएपछि युभेन्ट्स ४–१ ले अगाडि बढेको थियो ।

खेलको ८८ औँ मिनेटमा युभेन्ट्सका लागि केनन यिल्डिजले पाँचौँ गोल थपेका थिए । युभेन्ट्सका लागि छैटौँ गोल भने इन्जुरी समयको पहिलो मिनेटमा टिमोथी वेहले गर्दै युभेन्ट्स क्वार्टरफाइनलमा पुग्न सफल सफल भएको छ ।

The post युभेन्ट्सद्धारा गोलको वर्षा इटालियन कपको क्वार्टरफाइनलमा प्रवेश appeared first on Jana Aawaj News.