तालिमको उद्घाटन नगर उप-प्रमुख कमरुद्दीन राईले तालिमका विषयवस्तुमा ध्यान दिएर सीप सिकाइमा केन्द्रित रहन सहभागीहरूलाई सुझाव समेत दिनुभएको थियो । उक्त कार्यक्रममा सहायक प्रमुख जिल्ला अधिकारी उमाकान्त अधिकारीले विपद्लाई युद्धको अवस्थासँग तुलना गर्नुहुँदै त्यसको लागि स्वयंसेवीहरूले ज्ञान, सीप र रणनीति हासिल गर्नुपर्ने बताउनुभयो ।

तालिमका संयोजक तथा भूकम्प प्रविधि राष्ट्रिय समाज, नेपालका विज्ञ डा. गणेश कुमार जिमीले तालिमले समुदाय स्तरमा विपद्को सामना गर्न सघाउ पुग्ने बताउनुभयो । राष्ट्रिय विपद् जोखिम न्यूनीकरण तथा व्यवस्थापन प्राधिकरणको आयोजना, नेपालगञ्ज उप-महानगरपालिकासको समन्वय र भूकम्प प्रविधि राष्ट्रिय समाज-नेपालको प्राविधिक सहायता एवं युएनडिपि, युनिसेफ, युएन वुमन, एचआइ र सिडिएमसँगको सहकार्यमा सुरु भएको तालिम साउन १६ गतेसम्म सञ्चालन हुने बताइएको छ ।

विपद् स्वयंसेवक परिचालन आधारभूत तालिम पाठ्यक्रम, २०८१ बमोजिम सञ्चालित तालिममा नेपालगञ्ज उप-महानगरपालिका, कोहलपुर नगरपालिका, डुडुवा गाउँपालिकाका नगर प्रहरी, दमकल कर्मचारी र समुदायमा क्रियाशील स्वयंसेवीहरू गरी ९ महिला सहित २४ जनाको सहभागिता रहेको छ ।

The post बाँकेमा ७ दिने विपद् स्वयंसेवक परिचालन आधारभूत तालिम सुरू appeared first on Jana Aawaj News.