प्रचण्ड मोहन वैद्यको स्वास्थ्य स्थिति बुझ्न अस्पतालमा
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड मोहन वैद्य किरणको स्वास्थ्य स्थिति बारे जानकारी लिन अस्पताल जानुभएको छ । हाल नेपाल कम्युनिस्ट पार्टी क्रान्तिकारी माओवादीका महासचिव मोहन वैद्य किरणलाई स्वास्थ्यमा समस्या आएपछि नर्भिक अस्पतालमा उपचार भइरहेको छ ।

आज प्रचण्ड वैद्यको स्वास्थ्य अवस्था बारे जानकारी लिन थापाथलीस्थित नर्भिक अस्पताल पुगेको अध्यक्ष प्रचण्डका प्रेस संयोजक विष्णु सापकोटा जुगलले जानकारी गराएका छन् । महासचिव वैद्यको स्वास्थ्यमा समस्या देखिएपछि आइतबार नर्भिक अस्पताल भर्ना गरिएको वैद्यलाई दम बढेपछि अस्पताल लगिएको बताइएको छ ।

The post appeared first on Jana Aawaj News.

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आजै मन्त्रिपरिषद विस्तार हुन सक्ने बताउनुभएको छ ।

आज माओवादी केन्द्रको केन्द्रीय कार्यालय पेरिसडाँडामा आयोजित नेपाल बुद्धिजीवी संगठनको राष्ट्रिय भेलालाई सम्बोधन गर्दै अध्यक्ष प्रचण्डले आजै मन्त्रिपरिषद विस्तार गर्ने तयारीमा रहेको बताउनुभएको हो ।

मन्त्रिपरिषद विस्तारको काम नभएता पनि मन्त्रालयको भागबण्डा टुंग्याउने बताउनुभएको छ ।

The post आजै मन्त्रिपरिषद विस्तार हुन सक्ने प्रचण्डको भनाई appeared first on Jana Aawaj News.

काठमाडौं । नेकपा माओवादी केन्द्रका अध्यक्ष पुष्पकमल दाहालले सत्ता गठबन्धनको बैठक भोलि बिहीबार बस्ने बताउनुभएको छ ।
आज पार्टी कार्यालय पेरिसडाँडामा बसेको स्थायी कमिटी बैठकमा बोल्दै अध्यक्ष प्रचण्डले मन्त्रिमण्डल विस्तारमा केहि ढिलाई भएको भन्दै अहिले केहि कानुनी समस्याहरुको समाधान गर्दै बिहीबार गठबन्धनको बैठक बसेर मन्त्रिमण्डललाई पूर्णता दिने तयारी भएको जानकारी गराउनुभएको हो ।

भोलि बस्ने भनिएको सत्ता गठबन्धनको बैठकमा सरकारलाई पूर्णता दिने तयारी भईरहेकाले भोलिको बैठकले मन्त्रालयको पूर्ण रुपमा भागबण्डा लगाएर शुक्रबारसम्ममा मन्त्रिमण्डलले पूर्णता पाउने देखिएको छ ।
बैठकमा उपस्थित भएका स्थायी कमिटी सदस्य देव गुरुङले मन्त्रालयको भागबण्डा मिलेपछि मात्रै पार्टीबाट मन्त्री हुनेको नाम टुंगो लाग्ने जानकारी गराउनुभएको छ ।

The post सत्ता गठबन्धनको बैठक भोलि बस्छ ˸ प्रचण्ड appeared first on Jana Aawaj News.