चाँगुनारायण नगरपालिका वडा नम्बर १ देखि ४ सम्म उहाँहरूका साथमा बागमती प्रदेश सभा सदस्य सुरेश श्रेष्ठ, चाँगुनारायण नगरपालिकाका प्रमुख जीवन खत्री, उपप्रमुख रमेश बुढाथोकी, पूर्व सचिव मनि राम गेलाल, काठमाडौँ उपत्यका विकास प्राधिकरणका आयुक्त जानुका ढकाल, नायव आयुक्त नवराज प्याकुरेल लगायत वडा अध्यक्षहरू तथा सरोकारवालाहरूले चाँगुनारायण क्षेत्रको अवलोकन गर्नुभएको हो ।

चाँगुनारायण नगरपालिकालाई एक उच्च स्तरीय नगर बनाउनको लागि उहाँहरूले अवलोकन गर्नुभएको चाँगुनारायण नगरपालिकाका प्रमुख जीवन खत्रीले जानकारी दिनुभएको छ ।

चाँगुनारायण नगरपालिकाका विभिन्न क्षेत्र स्मार्ट सिटीका नाममा लामो समय देखि जग्गा रोक्का भएर पनि काम थालनी नभएको भन्दै गुनासो आउन थालेपछि अर्थ तथा सहरी विकास मन्त्री स्वयम चाँगुनारायणको अवलोकनमा निस्कनु भएको हो ।

उहाँहरूले चाँगुनारायण नगरपालिकाका वडा नम्बर १ दुवाकोटबाट वडा नम्बर २ अनि वडा नम्बर ३ झौखेल र चार नम्बर वडाका चाँगु क्षेत्रको अवलोकन गर्दै चाँगुनारायण मन्दिरको दर्शन गर्नुभएको थियो ।

चाँगुनारायण नगरपालिका अन्तर्गत ३५ हजार रोपनी जग्गामा स्मार्ट सिटी निर्माणका लागि कार्य अगाडी बढाइने अर्थ तथा सहरी विकास मन्त्रीले बताउनुभएको नगर प्रमुख जीवन खत्रीले बताउनुभयो । उहाँका अनुसार लामो समय देखि जग्गा रोक्का हुँदा समस्या आएको र यसको निराकरण भनेको केवल स्मार्ट सिटीलाई कार्यान्वयनको बाटो मात्र भएका कारण मन्त्रीहरूको टोली सहित नगरपालिका क्षेत्रको अवलोकन भएको उहाँले जानकारी दिनुभयो ।

चाँगुनारायण नगरपालिका क्षेत्रमा स्मार्ट सिटी कार्यान्वयन नहुँदा यहाँका जनताले विभिन्न समस्या झेल्नुपरेको तथा यसको कार्यान्वयन छिटो भन्दा छिटो गराउनु आवश्यक भएको बागमती प्रदेश सभा सदस्य सुरेश श्रेष्ठले बताउनुभयो ।

अर्थ तथा सहरी विकास मन्त्रीका साथमा उपत्यका विकास प्राधिकरणका पदाधिकारी तथा नगरका सरोकारवालाहरू बिचमा भएको उक्त अवलोकनबाट छिटो भन्दा छिटो स्मार्ट सिटी कार्यान्वयनको अवस्थामा आउनेमा आफू विस्वत भएको उहाँले बताउनुभयो ।

स्मार्ट सिटी अन्तर्गत कहाँ अस्पताल बन्ने कहाँ खेल मैदान बन्ने तथा यहाँको विकासमा के कति लागत लाग्छ साथै स्मार्ट सिटी कार्यान्वयन गर्दा यहाँ भएका बस्ती तथा विकासका मोडललाई कसरी आत्मसाथ गर्दै लैजाने भन्ने विषयमा छलफल तथा अवलोकन भएको उहाँले जानकारी दिनुभयो ।

मन्त्रीहरूका साथमा भएको उक्त अवलोकनबाट चाँगुनारायण बासीमा स्मार्ट सिटीको परिकल्पना पुरा हुने आशा जागेको छ ।

The post चाँगुनारायणमा स्मार्ट सिटी कार्यान्वयन गराउन अर्थ र सहरी विकास मन्त्रीको अनुगमन  appeared first on Jana Aawaj News.

आजको घरदैलो कार्यक्रम वडा नम्बर ३ झौखेलको काल्लारेको डिलबाट सुरु भएको हो । आसन्न निर्वाचनको लागि निर्वतमान उपप्रमुख तथा प्रत्यासी नगरप्रमुख विना बास्तोला, उपप्रमुख रमेश बुढाथोकी, नम्बर ३ का वडा अध्यक्षमा श्याम सुन्दर धिमाल खुल्ला सदस्य बिष्णु प्रसाद न्यौपाने, शिवराम सुलू टेक बहादुर लाखाजु, महिला सदस्य रमा थापा र दलित महिला सदस्य सुष्मा सुनार उम्मेद्वारी दर्ता गर्नुभएका छन् ।

कार्यक्रममा उम्मेद्वार सहित नगरप्रमुख सोम प्रसाद मिश्र, जिल्ला समन्वय समितिका प्रमुख नवराज गेलालसहित स्थानीयको उल्लेख्य सहभागिता रहेको छ ।

The post चाँगुनारायण नगरपालिका वडा नम्बर ३ झौखेलमा नेकपा एमालेको घरदैलो कार्यक्रम सुरु appeared first on Jana Aawaj News.

कार्यक्रममा उहाँले कलेजलाई कुनै पनि हाललमा प्राइभेट बनाउन नदिने बताउदैं सडकदेखि सदनसम्म लडेर भएता पनि कलेजलाई निजी हुन नदिने बताउनुभयो ।
कार्यक्रममा काठमाडौं विश्वविद्यालयका उपकुलपति प्राडा भोला थापाले २० वर्षदेखि कलेजमा सेवारत रहेका २० जना शिक्षक तथा कर्मचारीहरुलाई सम्मान तथा दोसल्ला ओढाई प्रमाणपत्र तथा नगद पुरस्कार प्रदान गरी सम्मान समेत गर्नुभएको थियो ।

उक्त कार्यक्रममा प्रमुख अतिथि प्राडा भोला थापा, जिल्ला समन्वय समिति भक्तपुरका प्रमुख नवराज गेलाल, जल तथा उर्जा आयोगका सचिव मणिराम गेलाल, भक्तपुरका सहायक प्रमुख जिल्ला अधिकारी एवं कलेज सञ्चालक समितिका सदस्य मुकेश केशरी, कलेजका संस्थापक एवं पूर्वमन्त्री हरिप्रसाद पाण्डे, विश्वविद्यालयका प्रतिनिधि उपप्राध्यापक अर्जुन गौतम, कलेजका सहायक प्राचार्य एवं स्थापना दिवस समारोह समितिका संयोजक सह प्राध्यापक दुर्गाप्रसाद भण्डारी, प्रशासन प्रमुख श्रीमा शर्मा, कर्मचारी प्रतिनिधि मनोहर खनाल, शिक्षक प्रतिनिधि उप प्राध्यापक धर्मराज बगालेलगायतले कार्यक्रममा आ–आफ्नोे धारणा राख्नुभएको थियो ।

The post नेकलाई प्राइभेट होइन विश्वविद्यालय बनाउनेछौं ˸ मेयर मिश्र appeared first on Jana Aawaj News.

संयुक्त राज्य अमेरिकाको न्युयोर्क विश्वविद्यालय स्कुल अफ इन्जिनियरिङ्ग अन्तर्गत सञ्चालित ओपन सिटी इन्क्युबेटर कार्यक्रमले यस्तो घोषणा गरेको हो ।

नगरपालिकाका तर्फबाट सूचना प्रविधि अधिकृत सिद्धान्त न्यौपाने नेपालको तर्फबाट यस कार्यक्रमको लागि सहभागिता जनाएका थिए ।

अहिले चाँगुनारायण नगरपालिकाले ओपन डाटाका लागि छुट्टै वेभसाइट निर्माण गरी सञ्चालनमा ल्याएको छ । डोमेन भएको यो साइटमार्फत सो नगर क्षेत्रका महत्वपूर्ण जानकारी हासिल गर्न सकिने भएको छ ।

यो नगरपालिकासँगै उत्कृष्ठ १० को सूचीमा अमेरिकाका ४, क्यानडा, इजरायल, अर्जेन्टिना, इक्वेटर, रोमानियाका एक÷एक शहरहरु यो सूचीमा परेका छन् । एशियाबाट उत्कृष्ठमा पर्ने यो नै एकमात्र शहर रहेको छ ।

उक्त नगरपालिकाका सूचना प्रविधि अधिकृत सिद्धान्त न्यौपानका अनुसार ओपन सिटी इन्क्युबेटर विश्वभरका शहरहरुबाट उत्कृष्ट डाटा आविष्कारहरुको सफलता र मापनलाई समर्थन गर्ने महत्वपूर्ण कार्यक्रम भएको बताउनुभयो । उहाँका अनुसार यस कार्यक्रममा छनौट हुने शहरहरुका १० अधिकारी एवं सल्लाहकारहरुलाई प्रशिक्षण एवं अन्तर्राष्ट्रियस्तरमा आफ्नो विचारहरुको लागि पहुँचको उपयोग गर्ने, विभिन्न शहरी चुनौतिको सामना गर्न, अत्याधुनिक काम सक्षम बनाउनेछ र अधिकारीहरुलाई डाटा सहयोगी, डाटा साझेदारी सम्झौता एवं अन्य प्रणालीहरु विकास गर्न सशक्त बनाउने उहाँले बताउनुभयो ।

The post भक्तपुरको चागुँनारायण विश्वकै उत्कृष्ट १० सहरमा छनौट appeared first on Jana Aawaj News.