Total views : 355274
भक्तपुर । चाँगुनारायण नगरपालिकाका मेयर सोमप्रसाद मिश्रले नेपाल इन्जिनियरिङ कलेज नेकलाई प्राइभेट कलेज कुनै पनि हालतमा बनाउन नदिने बताउदैं यसलाई विश्वविद्यालय बनाउने बताउनुभएको छ ।
नेक कलेजको २७ औं स्थापना दिवसको अवसरमा कलेज व्यवस्थापन समितिका अध्यक्ष समेत रहनुभएका मिश्रले दुवाकोटमा रहेको यो कलेजलाई केहि वर्षभित्र नै विश्वविद्यालय बनाउने बताउनुभएको हो ।
कार्यक्रममा उहाँले कलेजलाई कुनै पनि हाललमा प्राइभेट बनाउन नदिने बताउदैं सडकदेखि सदनसम्म लडेर भएता पनि कलेजलाई निजी हुन नदिने बताउनुभयो ।
कार्यक्रममा काठमाडौं विश्वविद्यालयका उपकुलपति प्राडा भोला थापाले २० वर्षदेखि कलेजमा सेवारत रहेका २० जना शिक्षक तथा कर्मचारीहरुलाई सम्मान तथा दोसल्ला ओढाई प्रमाणपत्र तथा नगद पुरस्कार प्रदान गरी सम्मान समेत गर्नुभएको थियो ।
उक्त कार्यक्रममा प्रमुख अतिथि प्राडा भोला थापा, जिल्ला समन्वय समिति भक्तपुरका प्रमुख नवराज गेलाल, जल तथा उर्जा आयोगका सचिव मणिराम गेलाल, भक्तपुरका सहायक प्रमुख जिल्ला अधिकारी एवं कलेज सञ्चालक समितिका सदस्य मुकेश केशरी, कलेजका संस्थापक एवं पूर्वमन्त्री हरिप्रसाद पाण्डे, विश्वविद्यालयका प्रतिनिधि उपप्राध्यापक अर्जुन गौतम, कलेजका सहायक प्राचार्य एवं स्थापना दिवस समारोह समितिका संयोजक सह प्राध्यापक दुर्गाप्रसाद भण्डारी, प्रशासन प्रमुख श्रीमा शर्मा, कर्मचारी प्रतिनिधि मनोहर खनाल, शिक्षक प्रतिनिधि उप प्राध्यापक धर्मराज बगालेलगायतले कार्यक्रममा आ–आफ्नोे धारणा राख्नुभएको थियो ।
