अत्तरियादेखि धनगढीसम्मको सडकमा ‘इन्टरनेसनल वी लभ यू फाउन्डेसन’को बृहत् सरसफाइ अभियान | Jana Aawaj News

Bhaktapur Hospital

अत्तरियादेखि धनगढीसम्मको सडकमा ‘इन्टरनेसनल वी लभ यू फाउन्डेसन’को बृहत् सरसफाइ अभियान

४३ बोरा फोहोर संकलन

पढ्न लाग्ने समयः 3 मिनेट
अत्तरियादेखि धनगढीसम्मको सडकमा ‘इन्टरनेसनल वी लभ यू फाउन्डेसन’को बृहत् सरसफाइ अभियान : Jana Aawaj News

  • ​२०६ जना स्वयंसेवकको सहभागितामा करिब ३ किलोमिटर सडक सरसफाइ
  • ​जनप्रतिनिधि, नेपाल प्रहरी र नगर प्रहरीको समेत सक्रिय साथ

​अत्तरिया (कैलाली), मङ्सिर ३ गते । वातावरण संरक्षण तथा स्वच्छ समाज निर्माण गर्ने उद्देश्यले ‘इन्टरनेसनल वी लभ यू फाउन्डेसन’ (International We Love You Foundation) को आयोजनामा कैलालीको गोदावरी नगरपालिका-२ स्थित अत्तरिया बसपार्क क्षेत्रदेखि धनगढीतर्फ जाने सडकखण्डमा बृहत् सरसफाइ अभियान सम्पन्न भएको छ।

अभियानअन्तर्गत अत्तरिया बसपार्क क्षेत्रबाट सुरु गरिएको सरसफाइ कार्यक्रम करिब ३ किलोमिटर सडकखण्ड पार गर्दै गोदावरी नगरपालिका वडा नम्बर १ को कार्यालयसम्म सञ्चालन गरिएको थियो। सरसफाइका क्रममा सडक छेउछाउमा छरिएका प्लास्टिकजन्य तथा अन्य अव्यवस्थित फोहोर संकलन गरी विभिन्न स्थानमा व्यवस्थित रूपमा जम्मा गरिएको थियो। उक्त अभियानबाट कुल ४३ बोरा फोहोर संकलन गरिएको आयोजक संस्थाले जनाएको छ।

कार्यक्रममा फाउन्डेसनका स्वयंसेवकसहित विभिन्न क्षेत्रका गरी कुल २०६ जनाको उत्साहजनक सहभागिता रहेको थियो। अभियानमा गोदावरी नगरपालिका वडा नम्बर १ का वडाध्यक्ष एवं नगर प्रवक्ता गोपाल दत्त भट्टको विशेष उपस्थिति रहेको थियो।

त्यसैगरी, इलाका प्रहरी कार्यालय मालाखेती, अत्तरियाका प्रहरी सहायक निरीक्षक पदम कार्कीको नेतृत्वमा ६ जना प्रहरी कर्मचारी र पछि गोदावरी नगरपालिकाका नगर प्रहरीहरूले समेत सरसफाइमा सक्रिय सहभागिता जनाएका थिए।

कार्यक्रममा बोल्दै वडाध्यक्ष एवं नगर प्रवक्ता गोपाल दत्त भट्टले वातावरण संरक्षणमा फाउन्डेसनले पुर्‍याएको योगदानको प्रशंसा गर्दै आयोजक तथा सहभागीहरूलाई धन्यवाद व्यक्त गर्नुभयो। उहाँले भन्नुभयो, “आजको यो कार्य सानो प्रयासजस्तो देखिए पनि वातावरण संरक्षणका लागि यसको महत्त्व निकै ठूलो छ। हामी प्रत्येकले आफ्नो तर्फबाट सानो योगदान गर्न सकेमा समाज र वातावरणमा सकारात्मक परिवर्तन ल्याउन सकिन्छ।” फोहोर जथाभावी फाल्ने प्रवृत्तिको अन्त्य गर्दै घर, टोल र सार्वजनिक स्थान स्वच्छ राख्नु सबै नागरिकको साझा जिम्मेवारी भएको उल्लेख गर्दै उहाँले यसका लागि स्थानीय सरकार, संघसंस्था र आम नागरिकबीच सहकार्य आवश्यक रहेको बताउनुभयो।

फाउन्डेसनले विश्वव्यापी रूपमा सञ्चालन गर्दै आएको स्वयंसेवा तथा वातावरण संरक्षण अभियानकै निरन्तरतास्वरूप स्थानीयस्तरमा आयोजित यस कार्यक्रमले सार्वजनिक स्थलको सरसफाइसँगै नागरिकमा वातावरणीय चेतना अभिवृद्धि गर्न महत्त्वपूर्ण भूमिका खेल्ने विश्वास लिइएको छ। स्वच्छ वातावरण निर्माण गर्नु सरकार वा कुनै एक संस्थाको मात्र नभई सम्पूर्ण नागरिकको साझा दायित्व हो भन्ने सन्देशसहित अभियान सम्पन्न भएको हो।

 

 

Subscribe
Notify of
guest
0 Comments
Oldest
Newest Most Voted
ताजा
1 अत्तरियादेखि धनगढीसम्मको सडकमा ‘इन्टरनेसनल वी लभ यू फाउन्डेसन’को बृहत् सरसफाइ अभियान
2 नेकपा एमालेको राष्ट्रिय भेला आजदेखि काठमाडौंमा सुरु हुँदै
3 योगमार्फत स्वस्थ र समृद्ध प्रदेशको खाका: १३ जिल्लालाई योगमय बनाउन प्रदेश सरकार प्रतिबद्ध, डोलेश्वरमा मुख्यमन्त्रीको प्रतिबद्धता
4 दिगो र प्रविधियुक्त खानेपानीका लागि ‘ब्लुप्रिन्ट’ ढाँचामा चाँगुनारायण नगरपालिकामा दुई दिने समीक्षा कार्यशाला सम्पन्न
ट्रेन्डिङ
1 निस्तार–चाडको प्रेम, जीवन बचाउने प्रेम, विश्वव्यापी १,१६४ औं रक्तदान अभियान सम्पन्न (तस्बिरमा हेर्नुहोस्)
2 परमेश्वरको मण्डली विश्व सुसमाचार समाजद्वारा शैक्षिक सामाग्री हस्तान्तरण
3 परमेश्वरको मण्डलीद्वारा १,३२४ औं विश्वव्यापी रक्तदान अभियान सम्पन्न
4 भक्तपुरमा परमेश्वरको मण्डलीद्वारा १२७९ औं रक्तदान सम्पन्न
0
Would love your thoughts, please comment.x
()
x