जन आवाज न्युज/ललितपुर साउन, ५ गते । परमेश्वरको मण्डली विश्व सुसमाचार समाज विश्वविद्यालयमा अध्ययनरत
अन्तर्राष्ट्रिय स्वयंसेवक समूह ASEZ ले आज ललितपुरको पाटन बहुमुखी क्याम्पसमा सरसफाइ कार्यक्रम सम्पन्न गरेको छ ।

ASEZ भनेको परमेश्वरको मण्डली विश्व सुसमाचार समाजको विश्वविद्यालय विद्यार्थी स्वयंसेवक समूह हो । यस पटकको गतिविधिचाहिँ सन् २०४० सम्म प्लास्टिक प्रदूषण समाप्त गर्न विश्वव्यापी सहकार्यको लागि आह्वान गर्ने ‘जिरो प्लास्टिक २०४०’ अभियानको एक हिस्सा हो । प्लास्टिक समस्या समाधान गर्ने अन्तर्राष्ट्रिय समुदायको लक्ष्यसँग मिल्दोजुल्दो छ । आर्थिक सहयोग तथा विकास सङ्गठन (OECD) द्वारा गत वर्ष प्रकाशित गरिएको ‘सन् २०४० सम्म प्लास्टिक प्रदूषण अन्त्यका लागि नीति परिदृश्य’अनुसार, जीवनको सम्पूर्ण अवधिमा उत्पादनदेखि लिएर विसर्जन र रिसाइक्लिङसम्म विश्वले प्लास्टिकलाई कम गर्न उच्चस्तरीय प्रयासहरू गर्नुपर्छ । तब मात्र प्लास्टिक प्रदूषण अन्त्यको नजिक पुग्ने अनुमान गरिएको छ ।

ASEZ सदस्यहरू लगायत करिब २५ जना क्याम्पस विद्यार्थीहरूले सरसफाइ गतिविधिमार्फत प्लास्टिकका फोहोरहरू सङ्कलन गर्नुका साथै प्लानल प्रदर्शनीमार्फत प्लास्टिक समस्याको गम्भीरताबारे जागरुकता जगाउँदै प्लास्टिकको प्रयोग कम गर्ने गतिविधिहरूमा सहभागी हुन प्रोत्साहित गरेका थिए । यसअघि प्लास्टिकका हानिकारक प्रभावहरू प्रकाश पारी त्यसका दिगो समाधानबारे सुझाव दिने क्याम्पस विद्यार्थीहरुले प्रस्तुति दिएका थिए ।

ASEZ का एक अधिकारीले भने, “प्लास्टिक प्रदूषण उन्मूलन गर्न भावी पुस्ता क्याम्पस विद्यार्थीहरू सँगै एकजुट भएका छन् । आफ्नो दैनिक जीवनमा प्लास्टिकको प्रयोग घटाउन र उपेक्षित फोहोरहरू सङ्कलन गर्न सबैले सहकार्य गर्न जरुरी छ ।  हामी सँगै मिलेर दिगो पृथ्वी बनाऔं ।”
स्वयंसेवकहरूले क्याम्पस वरिपरिबाट एकल-प्रयोग प्लास्टिक कप, स्ट्र, पानीको बोतल र खानेकुराको खोल जस्ता प्लास्टिकजन्य फोहोरहरू साथै अन्य फोहोरहरू पनि सङ्कलन गरे । बिहान ७:३० बजेदेखि सुरु भएर आधा घण्टासम्म जारी भएको कार्यक्रममा करिब २५ किलो फोहोर सङ्कलन गरिएको थियो ।

कार्यक्रममा सहभागी भएका विद्यार्थी सङ्घका कोषाध्यक्ष तिलक कुमालले यो कार्य एकदमै उत्कृष्ट कार्य हो र यस्तो जनचेतनामूलक कार्यक्रमको सधैं समर्थन गर्नेछु भन्दै क्याम्पस सरसफाइका लागि स्वेच्छाले सरिक भएका क्याम्पस विद्यार्थीहरूको सराहना गरे । साथै पाटन बहुमुखी क्याम्पसको तर्फबाट पनि प्रत्यक्ष फोहोर संकल्न गर्दै समर्थन जनाइएको थियो ।

ASEZ भनेको ‘Save the Earth from A to Z(पृथ्वीलाई सुरुदेखि अन्त्यसम्म बचाऔं)को छोटकरी रूप हो, जसमा ‘क्याम्पस विद्यार्थीहरूले विश्वलाई परिवर्तन गर्नेछन्’ भन्ने अर्थ समावेश छ ।  यी क्याम्पस विद्यार्थीहरूले विश्वभरि जलवायु परिवर्तनको प्रतिरोध, अपराध रोकथाम, सामुदायिक सेवा जस्ता विभिन्न गतिविधिहरू गर्दैआएका छन् । नेपालमा चाहिँ ललितपुरको यूएन पार्क, भक्तपुरको गट्ठाघर मार्ग जस्ता क्षेत्रमा सरसफाइ गरेर वातावरण संरक्षणको लागि प्रयास गर्दै मञ्जुश्री वृद्धाश्रममा ज्येष्ठ नागरिकहरूलाई स्वास्थ्य जाँच तथा भोजन उपलब्ध गराउँदै छिमेकीमाझ प्रेम बाँड्ने कार्यमा पनि अग्रसर भइरहेका छन् ।

दिगो समाज र वातावरणको लागि ASEZ ले गर्दैआएको विश्वव्यापी प्रयासको अन्तर्राष्ट्रिय समुदायले प्रशंसा गर्दछ । हालसम्म ASEZले संयुक्त राष्ट्रसंघको मरुभूमिकरण विरुद्धको महासन्धि(UNCCD) महासचिव अवार्ड, अमेरिकी राष्ट्रपति स्वयंसेवा स्वर्ण अवार्ड, अन्तर्राष्ट्रिय वातावरण अवार्ड रहेको ग्रीन एप्पल अवार्ड र ग्रीन वर्ल्ड अवार्ड, पेरु राष्ट्रिय सभाका अध्यक्षबाट प्रशंसा-पत्र जस्ता ४७० वटा अवार्डहरू प्राप्त गरिसकेको छ ।

ASEZ आबद्ध रहेको परमेश्वरको मण्डलीचाहिँ १७५ वटा देशहरूमा ७,८०० वटाभन्दा बढी ठाउँहरूमा भएको विश्वव्यापी मण्डली हो । मण्डलीका करीब ३९ लाख २० हजार सदस्यहरूले बाइबलअनुसार पिता परमेश्वर र माता परमेश्वरमा विश्वास गर्छन् र “आफ्नो छिमेकीलाई आफूलाई झैँ प्रेम गर्नू” भन्ने ख्रीष्टको शिक्षालाई कार्यान्वयन गरिरहेका छन् । नेपालमा गत मार्च महिनासम्म ५४,१५३ जनाले ९४१ वटा विभिन्न सामाजिक योगदानका गतिविधिहरू गरेका छन् । विश्वव्यापी रूपमा, वातावरण संरक्षण, प्रकोप राहत, छिमेकीलाई सहयोग, रक्तदान अभियान, र सांस्कृतिक आदानप्रदान जस्ता गतिविधिहरू ३०,००० पटकभन्दा बढी गरिएको छ ।  परमेश्वरको मण्डलीले संयुक्त राज्य अमेरिकाबाट तीन वटा राष्ट्रपति स्वयंसेवा अवार्ड, बेलायती महारानी स्वयंसेवा अवार्ड, कोरियाबाट तीन वटा राष्ट्रपति अवार्ड, पेरुको सर्वोत्कृष्ट वातावरण अवार्ड, राष्ट्रिय सम्मान पदक, ब्राजिलको विधायिकी पदक जस्ता ५,००० भन्दा बढी अवार्डहरू प्राप्त गरिसकेको छ ।

The post ASEZ द्वारा पाटन बहुमुखी क्याम्पसमा ‘जिरो प्लास्टिक २०४०’ अभियान सम्पन्न appeared first on Jana Aawaj News.

सोमबार ललितपुर परमेश्वरको मण्डलीमा विशेष कन्सर्टको आयोजना गरिएको हो । उक्त कार्यक्रममा नेपाल परमेश्वरको मण्डली विश्व सुसमाचार समाज विश्वविद्यालय विद्यार्थी स्वंयमसेवक संगठन आसेजका निम्ति कार्यक्रम सभाध्यक्ष अधिवक्ता गणेश कुमार खनालले “विश्वविद्यालय विद्यार्थीहरूले दिगो विश्व वातावरण र मानव-जातिको खुशीलाई प्रवद्र्धन गर्ने ASEZ को परिचय दिँदै, ASEZ द्वारा सञ्चालित विभिन्न क्याम्पेनहरूमा सबैको सहभागितालाई सक्रिय पार्न सुन्दर प्रदर्शनी र गायनहरू प्रस्तुत गर्न निकै मेहनत गरेका विद्यार्थीहरूको प्रशंसा गर्नुभयो । आगामी दिनहरूमा विश्वव्यापी गाउँको उज्वल भविष्यको निम्ति यस कार्यक्रमले सबैको मनलाई एकजुट गराउनेछ भन्ने आशा व्यक्त गर्नुभयो ।”

उक्त कार्यक्रममा काठमाडौं, पुतलीसडक, भक्तपुर, जोरपाटी, गोदावरी इत्यादि विभिन्न क्षेत्रबाट आएका ASEZ सदस्य र सहकर्मीहरू, सिनियर र जुनियर विद्यार्थीहरू करीब ४५० जनाको उपस्थिति रहेको थियो । कार्यक्रममा ललितपुर महानगरपालिकाका उपमेयर मञ्जली शाक्यले “आसेजले कुरामा मात्र होइन काममा पनि अनवरत रुपले लागि परेर वातावरण संरक्षण परोपकार अनि स्वयंसेवामा उदाहरणीय बन्न सकेको छ” भन्दै ASEZ लाई प्रोत्साहन दिनुभयो । वन तथा वातावरण राज्य मन्त्री रूपा वि.क.ले यस्तो खालको कार्यक्रम नागरिक स्तरमा विद्यार्थीहरूबाट हुनु भनेको आफैमा अद्वितीय र अत्यन्तै सराहनीय भएको बताउनुभयो । यस्तो गतिविधिले व्यक्तिवाद हावी हुँदै गएको समाजमा अरुको निम्ति बाँचिदिने सोचिदिने छिमेकीहरु पनि छन् भन्ने कुराको आभाष दिलाएर समाजमा अनि मुलुक परिवर्तनमा अत्यन्तै ठूलो गुण लगाएको भन्दै प्रशंसा गर्नुभयो । त्यति मात्र नभएर आशेषका स्वयंसेवक विद्यार्थीहरूको स्वरूप अत्यन्तै अनुकरणीय र उदाहरणीय छ जसले भोलिको दिनमा भोलिको दिनमा प्रकृति संरक्षण सम्बर्धन र मानव सेवामा कोसे ढुङ्गो साबित हुन्छ । अनि नीतिनिर्माण गर्ने तह तप्कासम्म सकारात्मक पहलकदमी गर्न सक्ने कुरा व्यक्त गर्नुभयो । त्यसै गरी काठमाडौँ विश्वविद्यालयका वातावरण विभागका डिन डाक्टर बिमप्रसाद श्रेष्ठले यस्तो खालको गतिविधि नेपालमा आसेजले विगत एक दशकदेखि गर्दै आएकोमा यो अनवरत प्रयासको निम्ति जति तारिफ गरे पनि कम हुने उल्लेख गर्नुभयो ।

त्यसैगरी बागमती प्रदेश सभा सदस्य माननीय उर्मिला लामाले कार्यक्रममा आफ्नो समर्थन दिदै आफूले यस्तो खालको अनुशासित सुव्यवस्थित अनि अर्थपूर्ण कार्यक्रम कहिले पनि नदेखेको भन्दै आश्चर्यचकित भएको बताउनुभयो । साथै कार्यक्रम गर्दा सबै संस्थाहरुले केवल आफ्नो मात्रै प्रोमोसन गर्ने गरेको तर यो संगठनले भने वास्तविक अर्थमा काम गरेर व्यवहारमा नि परिवर्तन ल्याएको देखेर अत्यन्तै प्रभावित भएको बताउनुभयो ।

कार्यक्रममा बोल्दै संघीय सांसद माननीय रन्जु झाले युवाहरूबाट यस्तो किसिमको कार्यक्रम हुनु भनेको आफूले कल्पना समेत नगरेको बताउनुभयो । अनि यो मण्डलीले जाति धर्म र आफ्नो परम्परा भन्दा माथि उठेर साँचो मनले मानव सेवा गरेको कार्य आफ्नो जीवनमै पहिलो पल्ट देखेको र यस्तो संगठन अनि यहाँका मानिसहरु अत्यन्तै मिलनसार सहयोगी र सेवामुखी भएको बताउनुभयो । साथै दिनहरूमा आफ्नो क्षेत्रमा रहेका युवाहरूलाई पनि परमेश्वरको मण्डलीका स्वयंसेवक विद्यार्थी युवा आसेजहरूसँग भेट गराएर जलवायु जोखिम Climate Risk को बारेमा सचेतना फैलाउन चाहेको इच्छा व्यक्त गर्नुभयो ।

यसका अलावा कार्यक्रममा प्रतिनिधि सभा सदस्य माननीय लिलादेवी बोखिम, ललितपुर जिल्ला समन्वय समितिका उपप्रमुख रामलाल थिङ, त्रिभुवन विश्वविद्यालय त्रिचन्द्र क्याम्पसका सहायक क्याम्पस प्रमुख डाक्टर दयानिधि छठकुली, भर्खरै विश्वका ८००० मिटरभन्दा अग्ला १४ वटा हिमालहरूको सफल आरोहण गरेका किर्तिमानी आरोही निमा रिन्जी शेर्पा, सगरमाथाको चुचुरोमा कफी बनाएर विश्व रेकर्ड बनाउन सफल महिला आरोही दाबुटी शेर्पा, चित्रकार भरत राई, भूतपूर्व प्रमुख जिल्ला अधिकारी टंक पोखरेल, ललितपुर महानगरपालिका वडा नम्बर ५ का अध्यक्ष विकासमान श्रेष्ठ तथा वडा सदस्यहरू लगायत थुप्रै प्रतिष्ठित सामाजिक व्यक्तित्वहरूको उल्लेखनीय सहभागिता थियो ।

कन्सर्टचाहिँ परमेश्वरको मण्डली विश्वविद्यालय विद्यार्थीहरूको चेम्बर अर्केस्ट्रा र गायन टोलीको सम्मिश्रणमा गरिएको थियो । सुरुमा भायलिन र पियानोको मिश्रित सुमधुर धुनमा १९७४ AD ब्याण्डको प्रसिद्ध गीत “यो मन त मेरो नेपाली हो” प्रस्तुत गरिएको थियो । यसलाई भायलिनतर्फ विजय महर्जन र पियानोतर्फ प्रभात महर्जनले प्रस्तुत गरेका थिए । त्यसैगरी चेलो, भिओला, भायलिन र पियानोको मिश्रित धूनमा ‘मनैदेखि चाहेको’ र ‘अति सुन्दर यो दिन’, प्रस्तुत गरियो । लडविग विथोभनको “फर एलिस”चाहिँ पियानोको एकल सुमधुर धूनमा दर्शकमाझ प्रस्तुत गरियो । एकल प्रस्तुतिलाई पियानोवादक प्रभात महर्जनले प्रस्तुत गरेका थिए । त्यसैगरी चारजना पुरुष र चारजना स्त्रीको गायन टोलीले आशापूर्ण शब्द र धूनले भरिएको ऊर्जाप्रदायक गीत  When you Believe’ आदिद्वारा दर्शक–दीर्घालाई प्रभावित तुल्याए । त्यसका साथै पृथ्वीको वातावरणलाई बचाउनको लागि ‘अहिलेदेखि, यहीँदेखि थालौं’ भन्ने सन्देश बोकेको ‘Right Now, Right Here’ ’ गीत मार्फत सबैलाई एकजुट भएर सहरलाई बचाउँदै पुरै पृथ्वीलाई बचाउन अभिप्रेरित गरे ।

कन्सर्टको बीचमा १६ जना विद्यार्थी छात्राहरूको संयुक्त टोलीबाट कोरियाको परम्परागत पङ्खा नृत्य प्रस्तुत गरिएको थियो, र यसले दर्शकहरूबाट अत्यन्तै राम्रो प्रतिक्रिया पाएको थियो । अन्तर्राष्ट्रिय स्वयंसेवक सङ्गठन ASEZ का गतिविधि र त्यसमध्ये पनि ‘पृथ्वी पु‍र्नस्थापना परियोजना’ जस्ता हरियाली वातावरण क्याम्पेनको परिचय दिँदा यसले सम्पूर्ण सहभागीहरूको मन जित्यो । कार्यक्रममा सहभागी अधिवक्ता निपेश श्रेष्ठलेले “कन्सर्ट भनेको त यस्तो पो हुनुपर्छ त” भन्दै समर्थन जनाए । त्यसैगरी मञ्जुश्री वृद्धाश्रमकी संस्थापक मञ्जु थापा मगरले “अस्ति हाम्रो वृद्धाश्रममा आएर सबैले बिर्सिएका अनि समाजबाट अपहेलित भएका बुवाआमालाई यहाँहरुले आशा दिनुभएको थियो । आज चाहिँ थकित हाम्रो मनलाई नसोचेको राहत र सान्त्वना मिल्यो” भन्दै जोडले ताली बजाइदिए ।

त्यसैगरी कार्यक्रमका अर्का सहभागी नेपाल टेलिभिजनका भूतपूर्व कार्यक्रम प्रस्तोता मनहरी सापकोटाले “नेपालीहरूले पनि विद्यार्थी स्तरबाट यस्तो खालको उत्कृष्ट कार्यक्रम गर्नु भनेको सोच्नै नसकेको कुरा हो । एकदमै प्रभावित भएँ” भने । कार्यक्रमका अर्का सहभागी चित्रकार भरत राईले आफूले अहिले सम्म संसारमा रहेको पीडाबाट ग्रसित समाजको भावनालाई आफ्नो कूचि मार्फत क्यानभासमा उतार्ने गरेको तर यहाँहरूले भने आफ्नो सुन्दर प्रस्तुतिद्वारा मेरो दुखाइलाई अनि मनको त्यो रित्तोपनलाई पनि भरिदिनुभएर मेरो मनलाई न्यानोपना दिनुभयो । मलाई यो कार्यक्रममा बोलाइदिनु भएकोमा धन्यवाद दिदै आगामी दिनहरूमा पनि बोलाइदिन आग्रह” गर्नुभयो ।

यसरी थकित मनहरूलाई सान्त्वना र आशा दिलाएर संगीतको माध्यमद्वारा जनचेतना अभिवृद्धि गर्दै समाजका सबै वर्गहरूमा सकारात्मक परिवर्तन ल्याउन पहल गरेको यो कार्यक्रम आगामी दिनहरूमा पनि आयोजना गरिने अपेक्षाका साथ सफलतापूर्वक सम्पन्न भएको थियो ।

The post परमेश्वरको मण्डली विश्वविद्यालय विद्यार्थी स्वयंसेवक सङ्गठन ASEZ द्धारा ASEZ ग्लोबल समिट तथा विशेष कन्सर्ट सम्पन्न appeared first on Jana Aawaj News.

आज ८,१७४ औं विश्वव्यापी वातावरण सरसफाइ अभियान ASEZ परमेश्वरको मण्डली विश्व सुसमाचार समाजका विश्वविद्यालय विद्यार्थी स्वयंसेवक समुहले भक्तपुरको मध्यपुर ठिमी नगरपालिका वडा नं. ३ स्थित चार दोबाटोदेखि गठ्ठाघर चोकसम्म सडक र सडक किनारामा रहेको सम्पूर्ण फोहोरहरु संकलन गरेका छन् ।

सरसफाइ कार्यक्रममा विश्व विद्यालयमा अध्ययनरत आसेजकाविद्यार्थीहरू कुल १ सय जना भन्दा बढीको प्रत्यक्ष रुपमा सहभागिता रहेको थियो ।

आजको कार्यक्रममा परमेश्वरको मण्डली विश्व सुसमाचार समाज आसेजका संयोजक सुरज उप्रेदी, उपत्यकामा रहेको पोखरा विश्व विद्यालय अन्र्तगत भक्तपुरका आसेजका अध्यक्ष ओम प्रकाश जंग शाह, कोटेश्वर मल्टिपल क्याम्पसका अध्यक्ष रितु कुमाल र भक्तपुर मल्टिपल क्याम्पसका अध्यक्ष उसा गदाल तथा आसेजका सदस्यहरुको साथै प्रहरी वृत्त ठिमीका प्रहरी हवल्दारमा यज्ञ बहादुर भुजेल र महेश खंग, प्रहरी जवानमा सतेन्द्र यादब र जीवन खत्रीको उपस्थिति रहेको थियो ।

कार्यक्रममा परमेश्वरको मण्डली विश्व सुसमाचार समाज भक्तपुरको शाखामा औपचारिक कार्यक्रम आयोजना गरी सहभागीहरूलाई परमेश्वरको मण्डली विश्व सुसमाचार समाज विश्वविद्यालय विद्यार्थीहरूको स्वयंसेवक संगठन आसेजले विश्वभर गरिरहेको विभिन्न क्रियाकलापको परिचय गराइनुका साथै आयोजित कार्यक्रमको महत्व र आवश्यकताका विषयमा जानकारी गराइएको थियो । हरियो टिसर्ट धारी जोशीला युवाहरूले फटाफट सडकमा र सडक छेउछाउ वरपर जथाभावी फ्याँकिएका गुट्काका खोलहरू, फोहोर खाली बोटलहरु, सिसीहरू, प्लाष्टिकहरु लगायत थुप्रै जैविक तथा अजैविक फोहोरहरु संकलन गरी कुल ३० बोरा फोहोरहरू सङ्कलन गरेका थिए ।

८,१७४ औं पटक गरिएको विश्वव्यापी वातावरण सरसफाई यो अभियान संयुक्त राष्ट्रसंघको दिगो विकास लक्ष्य प्राप्तिका निमित्त आसेजले गर्ने विश्वव्यापी वातावरण सरसफाईको एउटा भाग हो । परमेश्वरको मण्डली विश्व सुसमाचार समाज विश्वविद्यालय विद्यार्र्थी स्वयंसेवक संगठन आसेजले संयुक्त राष्ट्रसंघको दिगो विकास लक्ष्य प्राप्तिका निम्ति दिगो विकास लक्ष्यका लक्ष्य नम्बर ११, १२, १५, १६ र १७ मा विशेषत आधारित रहेर ए बि सी मोभ्मेन्ट, जनचेतना अभिवृद्धि वृक्षारोपण अपराध न्यूनीकरण, विपत्तिमा राहत प्रकोप उद्धार जस्ता थुप्रै विविध गतिविधिहरु गर्दै आइरहेको छ ।

परमेश्वरको मण्डली विश्व सुसमाचार समाज बाइबलमा गवाही दिइएको पिता परमेश्वर अनि माता परमेश्वरमाथि विश्वास गर्ने एकमात्र मण्डली हो । यो मण्डली हाल विश्वभरि कुल ३७ लाख दर्जित सदस्यसहित १७५ वटा राष्ट्रहरूका ७,५०० वटा भन्दा बढी क्षेत्रमा विस्तार भएको एकमात्र वैधानिक मण्डली हो । परमेश्वरको मण्डली बाइबलमा उल्लेखित शबाथ दिन, निस्तार चाड लगायत नयाँ करारका तीन चरणका सातवटा चाडहरू पालन गर्ने संसारको एकमात्र वैधानिक मण्डली पनि हो ।

The post आसेजद्धारा ८,१७४ औं विश्वव्यापी वातावरण सरसफाइ अभियान चार दोबाटोमा सम्पन्न (फोटो फिचर) appeared first on Jana Aawaj News.

कार्यक्रम ललितपूर जिल्लाको ललितपूर उपमहानगरपालिका वडा नं १५ स्थित मञ्जुश्री वृद्धाश्रमा सान्त्वनादायक भ्रमण गरि उक्त आश्रममा रहेका ९ जना बृद्धाहरूलाई खाद्यान्न, उपहार र मनोरञ्जन प्रदान गरिएको हो । छोराछोरीको प्रेमबाट वञ्चित वृद्धाश्रमका आमाहरूलाई सान्त्वना दिन उक्त कार्यक्रमको आयोजना गरिएको थियो ।

Asian College of Higher Studies को ASEZ क्लबमा आवद्ध विद्यार्थीहरूको अग्रसरतामा आयोजित कार्यक्रमको प्रमुख अतिथि नेपाल महिला संघ भक्तपूरकी जिल्ला सभापति सरू बानियाँले ASEZ का युवाहरूको यो स्वयंसेवा कार्यबाट आफू अन्यन्तै प्रभावित भएको बताउँदै सबै युवाहरूले यो उदाहरणिय कार्यलाई सिक्दै गएमा समाजमा ठूलो परिवर्तन आउने बताउनुभयो ।

ASEZ को परिचयात्मक भिडियोबाट शुरू भएको कार्यक्रम आमाको महान प्रेम र स्नेह सम्बन्धी गित प्रस्तुति गर्दै आमाहरूलाई सान्त्वनादायक उपहार हस्तान्तरण गरि आमाहरूलाई कपाल कोरिदने, नङ पालिस गरिदिने विभिन्न सान्त्वनादायक गतिविधीहरू गरिएको थियो ।

संस्थाका सदस्यहरु मध्ये एक जना नर्सद्वारा आमाहरूको समान्य स्वास्थ्य जाँच समेत गरिएको थियो । विभिन्न मानसकि तथा शारीरिक रोगबाट ग्रसित आमाहरूले युवाहरुले गरेको स्वयं सेवा, न्यायो प्रेम, साथ र सहयोग गरेकोले खुशीको आँशु झार्नुभएको थियो ।

वृद्धाश्रमकी सञ्चालिका मञ्जु थापा मगरले एकल ब्क्भ्श् का स्वयंसेवकहरूको सान्त्वनादायक भ्रमणको निम्ति आभार व्यक्त गर्नुहुँदै आफूलाई ठूलो बल प्राप्त भएको बताउनुभयो ।

कार्यक्रममा ASEZ का नेपाल संयोजक किशोर साम्होहाङज्यूले विश्वका १७५ राष्ट्रहरूमा विस्तार भएको परमेश्वरको मण्डली विश्व सुसमाचार समाजमा आवद्ध विश्वविद्यालय विद्यार्थीहरूले वातावरण संरक्षण, जनचेतना मूलक कार्यक्रम, प्राकृतिक प्रकोपमा उद्धार कार्य र Mother’s School र Mother’s Street जस्ता विभिन्न अभियानहरू निरन्तर सञ्चालन गर्दै आएको अवगत गराउनुभयो । उहाँले माता परमेश्वरबाट पाएको प्रेम र शिक्षा संसारमा बाँड्ने उद्देश्यका साथ यो कार्यक्रमको आयोजना गरिएको बताउँदै परमेश्वरको मण्डली विश्व सुसमाचार समाजका ब्क्भ्श् का सदस्यहरू विश्व भरि आमाको प्रेम बाँड्ने कार्यमा विभिन्न संघसंस्थाहरुसगँ सहकार्य गर्दै निरन्तर स्वयं सेवाको कार्य गरिरहने बताउनुभयो ।

उक्त कार्यक्रममा युवा राजनितिज्ञ सरोज राना र मोडेल भिबा थापाको पनि सहभागिता रहेको थियो । सो कार्यक्रममा २० जना ASEZ सदस्यहरूको सहभागिता थियो ।

The post ASEZ द्वारा वृद्धाश्रममा स्वयं सेवा appeared first on Jana Aawaj News.