The post शिक्षा नीतिको मुहानै धमिलो, समाधानका लागि आजको छलफल कोसेढुङ्गा : शिक्षामन्त्री पोखरेल appeared first on Jana Aawaj News.

जन आवाज न्युज/भक्तपुर , भाद्र ७ गते । हार्टस् फर नेपाल फाउण्डेशनको आयोजनामा सञ्चालन भएको “लिडरसिप कन्फ्रेन्स २०२६” भक्तपुरस्थित जर्मन होम्स होटलमा सम्पन्न भएको छ। आज बिहान ८ः३० बजेदेखि सुरु भएको सम्मेलन साँझ ४ बजेसम्म सञ्चालन भएको थियो। सम्मेलनमा विभिन्न क्षेत्रका तीन सयभन्दा बढी युवा व्यवसायी, उद्यमी, नेतृत्वकर्ता तथा सामाजिक क्षेत्रका प्रतिनिधिहरूको सहभागिता रहेको आयोजकले जनाएको छ।

सम्मेलनमा अन्तर्राष्ट्रिय नेतृत्वकर्ता तथा व्यवसायी डेनिस कमिन्स प्रमुख वक्ताका रूपमा सहभागी हुनुभएको थियो। उहाँले सहभागीहरूलाई प्रभावकारी तथा जिम्मेवार नेतृत्वका विभिन्न आयामबारे प्रशिक्षण दिनुभएको थियो। नेतृत्व भनेको केवल पद, प्रभाव वा लोकप्रियताको विषय नभई जिम्मेवारी, अनुशासन, सही निर्णय र जवाफदेहितासँग जोडिएको विषय भएको उहाँले बताउनुभयो।

सम्मेलनका क्रममा सहभागीहरूलाई वास्तविक नेतृत्व सीपको विकास, विवेकपूर्ण निर्णय क्षमता, चुनौतीपूर्ण परिस्थितिमा नेतृत्व गर्ने तरिका, संस्थागत विकास तथा नेतृत्वमा आवश्यक अनुशासन र जवाफदेहिता लगायतका विषयमा व्यावहारिक प्रशिक्षण प्रदान गरिएको थियो। त्यस्तै, पछिल्लो समय तीव्र रूपमा विकास भइरहेको कृत्रिम बुद्धिमत्ता (एआई) प्रविधिलाई आफ्नो संस्था, व्यवसाय तथा सेवामा प्रभावकारी रूपमा कसरी प्रयोग गर्न सकिन्छ भन्ने विषयमा समेत प्रशिक्षण दिइएको आयोजकले जनाएको छ।

कार्यक्रममा नेतृत्वका सैद्धान्तिक पक्षसँगै व्यवहारिक अनुभवलाई समेत प्राथमिकता दिइएको थियो। सहभागीहरूले विभिन्न क्षेत्रका नेतृत्वकर्तासँग अनुभव आदान–प्रदान गर्नुका साथै आफूले सामना गरिरहेका नेतृत्वसम्बन्धी चुनौती र त्यसका सम्भावित समाधानबारे सिक्ने अवसर प्राप्त गरेका थिए।

‘बिल्ट ओर ब्रोकन’ पुस्तक विमोचन

लिडरसिप कन्फ्रेन्सकै क्रममा प्रमुख वक्ता डेनिस कमिन्सद्वारा लिखित ‘बिल्ट ओर ब्रोकन’ (Built or Broken) पुस्तकसमेत विमोचन गरिएको छ। पत्रकार सम्मेलनमार्फत पुस्तकबारे जानकारी दिँदै लेखक कमिन्सले नेतृत्वले कुनै संस्था, समाज वा राष्ट्रलाई निर्माणको दिशामा लैजान पनि सक्ने र गलत नेतृत्वका कारण विघटन तथा कमजोर बन्ने अवस्थामा पुर्‍याउन पनि सक्ने बताउनुभयो।

उहाँका अनुसार पुस्तकले नेतृत्वका सकारात्मक तथा नकारात्मक प्रभावलाई विभिन्न दृष्टिकोणबाट प्रस्तुत गरेको छ। नेतृत्व केवल मानिसहरूलाई प्रभाव पार्ने वा लोकप्रिय बन्ने माध्यम मात्र नभई व्यवस्थित संरचना निर्माण, जिम्मेवारी निर्धारण, अनुशासन कायम र जवाफदेहिता सुनिश्चित गर्ने प्रक्रिया भएको उहाँको भनाइ थियो।

लेखक कमिन्सले विशेषगरी युवा पुस्ताले नेतृत्वका विषयमा गहिरो बुझाइ विकास गर्न आवश्यक रहेको बताउँदै ‘बिल्ट ओर ब्रोकन’ पुस्तक नेतृत्व क्षमता अभिवृद्धि गर्न चाहनेहरूका लागि उपयोगी हुने दाबी गर्नुभयो। उहाँले नेतृत्वको जिम्मेवारी लिने प्रत्येक व्यक्तिले आफ्नो नेतृत्वले संस्था, समुदाय र समाजमा कस्तो प्रभाव पारिरहेको छ भन्ने विषयमा निरन्तर आत्ममूल्याङ्कन गर्नुपर्नेमा जोड दिनुभयो।

सम्मेलनमा प्रभावकारी नेतृत्व, नेतृत्वका चुनौती, निर्णय क्षमता, जिम्मेवारी, अनुशासन, संस्थागत विकास तथा आधुनिक प्रविधिको प्रयोग लगायतका विषयमा प्रशिक्षण तथा अनुभव आदान-प्रदान गरिएको थियो।

कार्यक्रममा सहभागीहरूले सम्मेलनबाट नेतृत्वसम्बन्धी नयाँ ज्ञान, सीप र प्रेरणा प्राप्त भएको बताएका छन्। नेतृत्वका विभिन्न पक्षलाई व्यवहारिक रूपमा बुझ्ने अवसर प्राप्त भएको तथा आगामी दिनमा आफूलाई थप जिम्मेवार र प्रभावकारी नेतृत्वका लागि तयार गर्न सम्मेलन उपयोगी बनेको सहभागीहरूको भनाइ थियो।

आयोजक हार्टस् फर नेपाल फाउण्डेशनले विभिन्न क्षेत्रका नेतृत्वकर्तालाई एउटै मञ्चमा ल्याएर असल, जिम्मेवार, अनुशासित र प्रभावकारी नेतृत्व विकासमा योगदान पुर्‍याउने उद्देश्यले सम्मेलन आयोजना गरिएको जनाएको छ। चार सयभन्दा बढी नेतृत्वकर्ताको सहभागिताले सम्मेलनको उद्देश्य र नेतृत्व विकासप्रतिको चासोलाई थप उत्साहजनक बनाएको आयोजकको भनाइ छ।

एकदिने सम्मेलनबाट सहभागीहरू नेतृत्वका नयाँ अवधारणा, व्यावहारिक ज्ञान र सकारात्मक सोच लिएर फर्किएको आयोजकले जनाएको छ।

The post लिडरसिप कन्फ्रेन्स २०२६ सम्पन्नः ‘बिल्ट ओर ब्रोकन’ पुस्तक विमोचन appeared first on Jana Aawaj News.

विद्यालयका सहायक प्रिन्सिपल प्रेमप्रसाद निरौलाले स्वागत मन्तव्य राख्नुभएको उक्त कार्यक्रममा विशेष अतिथि मध्यपुर ठिमी नगरपालिका शिक्षा शाखा प्रमुख सुरेश अधिकारी, अतिथिहरू गणेश खतिवडा, धनागिरी, महेश प्रजापति ,उषा प्रजापति विनोदबाबु बज्राचार्य एवं सानुबाबु बज्राचार्य रहनुभएको थियो। विद्यार्थीहरूद्वारा विविध सांस्कृतिक कार्यक्रम आयोजना गरिएको उक्त समारोहमा सहयोगी एवं शुभचिन्तक सानुबाबु बज्राचार्यलाई सम्मान गरिएको थियो भने शैक्षिक सत्र २०८३ सालको एसएलसी (प्लस टु) प्रथम हुन सफल विद्यार्थी टेक प्रसाद गौतमलाई तुइकाजी- तुइल माया शिक्षा पुरस्कार २०८३ द्वारा सम्मान गरिएको थियो।

कार्यक्रममा बोल्दै विद्यालयका संस्थापक प्रिन्सिपल सुरेन्द्रविक्रम प्रजापतिले आधुनिक एवं समयानुकूल स्तरीय शिक्षाका लागि स्थापनाकालदेखि नै विद्यालयले जोड दिँदै आएको र भोलिका विश्व नागरिकका रूपमा चिनिएका आजका विद्यार्थीहरू आत्मनिर्भर र स्वावलम्बी बन्नका लागि विदेश गइरहनु नपर्ने र नेपालमा नै उत्कृष्ट शिक्षा प्राप्त गर्न सकिने कुरामा जोड दिनुभयो साथै यो अभियानका लागि विद्यालय प्रयत्नशील रहेको कुरामा समेत जोड दिनुभयो।

The post विनायकमा स्वागत तथा विदाई कार्यक्रम सम्पन्न appeared first on Jana Aawaj News.

संस्कार गुरूकूलको प्रागंणमा सम्पन्न उक्त हिज्जे प्रतियोगिताको प्रथम स्थान ईडेन गार्डेन स्कुल, द्धितीय स्थान मदरल्याण्ड स्कुल, तृतीय स्थान यूनिटी स्कुल र सान्त्वना स्थान क्वालिटी स्कुलले प्राप्त गर्न सफल भएका थिए ।

नेसनल प्याव्सन भक्तपुरका अध्यक्ष संजय खड्काको प्रमुख आतिथ्यतामा सम्पन्न अंग्रेजी हिज्जे प्रतियोगिताको सभाध्यक्ष एवं संस्कार गुरूकूलका प्रिन्सिपल अमन हितागंले विद्यार्थीको क्षमता अभिवृद्धि गर्ने यस्तो कार्यक्रम आयोजना गर्ने अवसर प्रदान गरेकोमा नेसनल प्याव्सन भक्तपुरलाई आभार व्यक्त गर्नु भएको थियो । कार्यक्रममा नेसनल प्याव्सनका सल्लाहकार जिबी खड्काले विजेता विद्यार्थीहरुलाई पुरस्कार वितरण गर्दै शुभकामना व्यक्त गर्नु भएको थियो ।

The post संस्कारको आयोजनामा नेसनल प्याव्सनको हिज्जे सम्पन्न appeared first on Jana Aawaj News.

वान डे क्रिकेट एकेडेमी परिसरमा हरेक आइतबार इन्डोर र आउटडोर क्रिकेट प्रशिक्षण गरी विद्यार्थीहरुलाई क्रिकेट खेलमा पारङ्गत गराउने सो सम्झौताको उद्देश्य रहेको बताइएको छ। सम्झौता अनुसार विनायक शिक्षा निकेतन ठिमीमा अध्ययन गर्ने विद्यार्थीहरू हरेक आइतबार सो एकेडेमीमा प्रशिक्षण गर्नेछन् र प्रशिक्षणका क्रममा प्रयोग हुने सम्पूर्ण सामग्री क्रिकेट एकेडेमीले विद्यार्थीहरुलाई प्रदान गर्नेछ।

सम्झौता पत्रमा हस्ताक्षर पश्चात् विद्यार्थीहरूलाई प्रशिक्षण दिँदै विद्यालयका संस्थापक प्रिन्सिपल सुरेन्द्रविक्रम प्रजापतिले हाल विश्वका अधिकांश मानिसहरूका बीचमा लोकप्रिय हुँदै आएको क्रिकेट खेल लाई विकास गर्न र क्रिकेट प्रतिको विद्यार्थीहरूको रुचिलाई मध्यनजर गरी राष्ट्रिय र अन्तर्राष्ट्रिय स्तरका क्रिकेट खेलाडी उत्पादन गर्दै व्यावसायिकतातर्फ सम्पूर्ण विद्यार्थीहरू लम्कन सकुन् भनी शुभकामना दिनुभयो।

The post वान डे क्रिकेट एकेडेमीसँग विनायकको सहकार्य appeared first on Jana Aawaj News.

प्लास्टिक प्रदूषणको गम्भीरताबारे सचेतना फैलाउन तथा भावी पुस्तामा वातावरण संरक्षणसम्बन्धी व्यवहारलाई विस्तार गर्ने उद्देश्यले एक कार्यक्रम आयोजना गरिएको थियो ।सतुंगल,परमेश्वरको मण्डली विश्व सुसमाचार समाजको जागिरे युवा स्वयंसेवक समूह ASEZ WAO ले ६ तारिख बिहिबारको दिन बाग्मती प्रदेशको चन्द्रागिरिस्थित मङगलोदय माध्यमिक विद्यालयको सेमिनार हलमा ‘प्लास्टिकमुक्त २०४० सेमिनार’ आयोजना गरेको हो ।

ASEZ WAO ले सन् २०४० सम्म प्लास्टिक प्रदूषणको अन्त्य गर्ने लक्ष्यसहित विश्वका विभिन्न स्थानहरूमा फोरम, सेमिनार, वातावरणीय सरसफाइ अभियान तथा जनचेतना अभिवृद्धि कार्यक्रमहरू सञ्चालन गर्दैआएको छ । यस कार्यक्रममा विशेष गरी युवापुस्तासँग प्लास्टिक प्रदूषणसम्बन्धी साझा समझदारी विस्तार गर्नुका साथै स्थानीय समुदायको सहभागितालाई प्रोत्साहित गरेको थियो ।

कार्यक्रममा ४६ जना विद्यार्थीसहित करिब ६३ जनाको सहभागिता रहेको थियो । मङगलोदय माध्यमिक विद्यालयका प्रधानाध्यापक कबिन्द्र गोपालीले “ASEZ WAO का सम्पूर्ण सदस्यहरूलार्इ यो मङ्गलोदय माध्यमिक विद्यालयको तर्फबाट हार्दिक स्वागत साथै धन्यवाद ज्ञापन गर्न चाहन्छु भन्नुभयो।उपस्थित हुनुभएका सम्पूर्ण विद्यार्थीहरूलाई प्लास्टिक कति धेरै खतराजन्य वस्तु हो जुन कुहिनको लागि ५०० वर्ष लाग्छ ।प्लास्टिकले गर्दाखेरि छरछिमेकी, विद्यालयमा र यो पृथ्वीमा जुन असर परेको छ,अब हामी आफ्नो टोल छिमेकीमा पनि यसलाई कसरी न्यूनीकरण गर्न सकिन्छ भन्ने कुरा जसरी आज सिकेका छौं,ती कुराहरु आफूभित्र मात्र नराखिकन त्यसलाई विद्यालयमा,टोल छिमेकमा प्रयोग गरौँ भन्नुहुँदै प्लास्टिक फ्री २०४० अभियानलाई  हामी एकजुट भर्इ पूरा गर्न सक्छौं ” भन्दै कार्यक्रमको उद्देश्यप्रति आफ्नो समर्थन व्यक्त गरे र मङगलोदय माध्यमिक विद्यालयका तर्फबाट ASEZ WAO का सदस्यहरूलार्इ प्रशंसा पत्र प्रदान गर्नुभयो।

सेमिनारको पहिलो चरणमा ‘प्लास्टिकमुक्त २०४०’ अभियानको परिचय दिने प्रस्तुति गरियो ।  प्रस्तुतिमार्फत ASEZ WAO ले, प्लास्टिक प्रदूषणले वातावरण र मानवजातिमा पार्ने प्रभावका साथै विश्वका विभिन्न स्थानहरूमा प्लास्टिक प्रदूषण न्यूनीकरणका लागि सञ्चालन गरिएका अभियानहरूको उद्देश्य र उदाहरणहरू प्रस्तुत गऱ्यो ।  सहभागीहरूले प्लास्टिकको प्रयोग घटाउन व्यक्तिगत तथा स्थानीय समुदायले निर्वाह गर्नुपर्ने भूमिकाबारे पनि सँगै छलफल गरे । कार्यक्रमको अन्त्यमा ASEZ WAO को गायन समूहले वातावरण संरक्षणको प्रतिबद्धता व्यक्त गर्ने आफ्नै सिर्जनाको गीत प्रस्तुत गर्दै सहभागीहरूको उत्साहजनक प्रतिक्रिया प्राप्त गऱ्यो ।

ASEZ WAO का एक प्रतिनिधिले भने, “यस सेमिनारमार्फत भावी पुस्ताले प्लास्टिक प्रदूषणको समस्याबारे सचेत भई दैनिक जीवनमा वातावरण संरक्षणलाई व्यवहारमा उतार्ने अवसर मिलोस् भन्ने हाम्रो अपेक्षा छ । आगामी दिनमा पनि स्थानीय समुदायसँग सहकार्य गर्दै प्लास्टिक प्रदूषणरहित पृथ्वी निर्माणका लागि निरन्तर प्रयास गर्नेछौं ।” भन्नुभयो ।

कार्यक्रममा सहभागी ४६ जना विद्यार्थीहरूले खुशी हुँदै “प्लास्टिकमुक्त २०४०-हामी सँगै मिलेर पूरा गर्नेछौं” भने । ASEZ WAO का सदस्यहरू ले पनि, “हामीले प्लास्टिकमूक्त २०४० सपना मात्रै देखेका होइनौँ तर यसलार्इ पूरा गर्न हामी आमाको जस्तै मन लिएर अघि बढिरहेका छौं” भन्दै वातावरण संरक्षणसम्बन्धी गतिविधिलाई निरन्तर अघि बढाउने आफ्नो प्रतिबद्धता व्यक्त गरे ।

ASEZ WAO भन्ने नाममा ‘हामी एउटै परिवार भएर पृथ्वीलाई सुरुदेखि अन्त्यसम्म बचाऔं(Save the Earth from A to Z, We Are One Family)’ भन्ने अर्थ रहेको छ । यस सङ्गठनले विश्वभरिका देशहरूमा ‘Green Earth(सडक तथा पार्क सरसफाइ)’बाट सुरु गरेर ‘Blue Ocean(नदी, खोला तथा समुद्र सरसफाइ)’ ‘Mother’s Forest(वृक्षारोपण)’ जस्ता वातावरण संरक्षणका लागि विभिन्न गतिविधिहरू सञ्चालन गर्दैआएको छ । यसको मान्यतास्वरूप सरकारी तथा अन्तर्राष्ट्रिय संस्थाहरूबाट ८०० वटाभन्दा बढी अवार्डहरू पनि प्राप्त गरिएको छ, जसमा अमेरिकी राष्ट्रपति स्वयंसेवा अवार्ड, पेरुको राष्ट्रिय सभाका अध्यक्षबाट प्रशंसा-पत्र, अन्तर्राष्ट्रिय वातावरण अवार्ड रहेको ग्रीन वर्ल्ड अवार्ड र ग्रीन एप्पल अवार्ड इत्यादि छन् ।

सङ्गठनले नेपालमा पनि स्थानीय वातावरण सुधारका लागि निरन्तर गतिविधिहरू सञ्चालन गर्दैआएको छ । ललितपुर, काठमाडौं, उदयपुर, नेपालगन्ज लगायत देशका विभिन्न स्थानमा सरसफाइ अभियान सञ्चालन गरी वातावरणलाई स्वच्छ र सुन्दर बनाइएको छ । यसका लागि टोखा नगरपालिकाका उपप्रमुखबाट प्रशंसा-पत्र, ललितपुर महानगरपालिका वडा नं. ८ का वडाध्यक्षबाट प्रशंसा-पत्र तथा हेटौँडा उपमहानगरपालिका वडा नं. १९ का वडाध्यक्षबाट प्रशंसा-पत्र लगायतका सम्मानहरू प्राप्त भएको छ ।

The post ASEZ WAO द्वारा थानकोटको मङ्गलोदय माध्यामिक विद्यालयमा ‘प्लास्टिकमुक्त २०४०’ सेमिनार सम्पन्न appeared first on Jana Aawaj News.

जन आवाज न्युज/भक्तपुर । चाँगुनारायण नगरपालिका, वडा नं. १ स्थित दुबुलापेश्वर योग साधना केन्द्रमा शनिबार पातञ्जल योग समिति नेपालको ८ औं वार्षिक साधारणसभा तथा साधना केन्द्र पुनर्गठन कार्यक्रम भव्यताका साथ सम्पन्न भएको छ ।

कार्यक्रममा योग गुरु सुरक्षामल्ल ठकुरीको अध्यक्षतामा सल्लाहकार सहित ९ सदस्यीय नयाँ कार्यसमिति सर्वसम्मत रूपमा चयन गरिएको आयोजक संस्थाकी प्रतिनिधि चन्दा खत्रीले जानकारी दिइन् । उपाध्यक्षमा जानुका न्यौपाने, सचिवमा सुशिला आचार्य र कोषाध्यक्षमा विना श्रेष्ठ चयन भएका छन् भने पद्मा न्यौपाने, सुनिता सुवाल, मिना गौतम, विनीता न्यौपाने र शोभा पौड्याल भण्डारी सदस्यमा चयन भएका छन् । सल्लाहकार समितिमा प्रधुम्न पोख्रेल, दधिराम गेलाल, भरत प्रसाद न्यौपाने र डम्बर धिताल रहेका छन् ।

कार्यक्रमको सुरुवातमा आयोजक संस्थाका कलाकारहरूद्वारा सांस्कृतिक नृत्यसहितको सांगीतिक प्रस्तुति दिइएको थियो । यसैगरी दुबुलापेश्वर योग साधना केन्द्र व्यवस्थापन समितिकी सनिता लामिछानेले साधारणसभा समक्ष सँस्थाको आयव्ययसहितको वार्षिक प्रगति प्रतिवेदन र आगामी ३ वर्षे कार्ययोजना प्रस्ताव प्रस्तुत गरेकोमा सभाले सर्वसम्मत अनुमोदन गरेको थियो । पातञ्जल योग समिति नेपालका केन्द्रीय योग तथा खेलकुद विभागका सदस्य एवं योग गुरु राममणी तिमल्सिनाले कार्यक्रममा सहभागी सबैलाई योग साधना गराउनुभएको थियो ।

कार्यक्रमका प्रमुख अतिथि वागमती प्रदेश सरकारका उद्योग, पर्यटन, श्रम तथा यातायातमन्त्री सुरेश श्रेष्ठले संघीय सरकारले आगामी एक दशकभित्र नेपाललाई आरोग्य पर्यटन गन्तव्यको रूपमा स्थापित गर्ने अभिप्रायले आरोग्य पर्यटन वर्ष घोषणा गरिसकेको स्मरण गराउँदै प्रदेश सरकारले पनि सोही राष्ट्रिय कार्यदिशा अनुरूप योग पर्यटनको विस्तार र प्रवर्द्धनका लागि ठोस कार्ययोजना तर्जुमा गरिसकेको जानकारी दिनुभयो । उहाँले चाँगुनारायण नगरपालिकाले एकैपटक कम्तीमा ५ हजार जना अटाउने अत्याधुनिक नगरस्तरीय योग साधना हल निर्माण गर्न लागेको विषयमा खुशी व्यक्त गर्दै सो को लागि प्रदेश सरकारबाट आवश्यक बजेट व्यवस्थापन गर्न आफु पुर्ण प्रतिबद्ध रहेको जानकारी गराउनुभयो ।

विशिष्ट अतिथि तथा चाँगुनारायण नगरपालिकाका नगरप्रमुख जीवन खत्रीले योगको अपरिहार्यतालाई मनन गर्दै नगरबासीको दीर्घकालीन चाहना अनुरूप नगरपालिकालाई “योग नगर” घोषणा गरिएको र यसको मापदण्ड कार्यान्वयनमा नगरपालिका निरन्तर क्रियाशील रहेको बताउनुभयो । उहाँले वागमती प्रदेश सरकारको समेत सहकार्यमा आगामी भदौ महिनादेखि नै कम्तीमा ५ हजार जनाले एकैसाथ साधना गर्न सक्ने अत्याधुनिक नगरस्तरीय योग साधना हलको निर्माण कार्य थालनी गरिने योजना तय गरिएको उद्घोष गर्नुभयो,साथै नगरप्रमुख खत्रीले यस कार्यले चाँगुनारायणलाई योग पर्यटनको केन्द्रविन्दुका रूपमा स्थापित गर्ने दिशामा कोसेढुंगा साबित हुने विश्वास व्यक्त गर्नुभयो ।

पातञ्जल योग समिति नेपालका संरक्षक बालमुकुन्द सुवालले योगलाई मानवजीवन र प्रकृतिबीचको सामिप्य स्थापित गर्ने सनातन ऋषि-परम्पराको ज्ञानसूत्रका रूपमा परिभाषित गर्दै यसलाई नेपालको हरेक घरआँगनसम्म पुर्‍याउनमा प्रदेश र स्थानीय सरकारको भूमिका निर्णायक रहेको धारणा राख्नुभयो र सम्बद्ध निकायहरूलाई यस दिशामा दूरदर्शी योजना निर्माण गरी अघि बढ्न आह्वान समेत गर्नुभयो । साथै उहाँले साधारणसभामार्फत निर्वाचित नवगठित कार्यसमितिलाई हार्दिक बधाई तथा शुभकामना समेत व्यक्त गर्नुभयो ।

पातञ्जल योग समिति नेपालका केन्द्रीय अध्यक्ष सुदर्शन सुवेदीले राष्ट्रियता, स्वाधीनता, स्वतन्त्रता, वैधानिकता र पारदर्शिता- यी पञ्च आधारभूत सिद्धान्तलाई मार्गदर्शक बनाई सञ्चालित यस संस्थाले ४० जिल्ला र सातै प्रदेशमा आफ्नो संगठनात्मक उपस्थिति विस्तार गरी योग प्रवर्द्धनमा ठोस योगदान पुर्‍याइरहेको उल्लेख गर्नुभयो ।

पातञ्जल योग समिति नेपालका सल्लाहकार एवं चाँगुनारायण नगरपालिका वडा नं. २ का वडाअध्यक्ष सोमप्रसाद प्रधानले आफ्नै वडाबाट सुरुवात भएको यस संस्थाले देशभरि योग प्रवर्द्धन र विस्तारमा उल्लेख्य योगदान पुर्‍याइरहेकोमा सन्तोष व्यक्त गर्दै आफ्नो वडालाई देशकै अनुकरणीय योगयुक्त नमूना वडाका रूपमा स्थापित गर्ने प्रतिबद्धता दोहोर्‍याउनुभयो ।

पातञ्जल योग समिति नेपालका महासचिव नबराज काफ्लेले साधारणसभाबाट सर्वसम्मत निर्वाचित सल्लाहकारसहितका कार्यसमिति पदाधिकारीहरूलाई शपथ ग्रहण गराउनुभयो र नवगठित कार्यसमिति साधारणसभाले तय गरेको कार्ययोजनालाई सफलतापूर्वक कार्यान्वयन गर्न पूर्णतः सक्षम रहेको दृढ विश्वास व्यक्त गर्नुभयो ।

चाँगुनारायण नगरपालिकाकी पूर्वनगर उपप्रमुख विना वास्तोलाले वर्तमान द्रुत जीवनशैलीमा मानवजीवनलाई सुख-शान्तिको मार्गमा डोर्‍याउन योगको कुनै विकल्प नरहेको औंल्याउनुभयो ।

कार्यक्रम सहजीकरण गर्दै पातञ्जल योग समिति नेपालकी महिला उपाध्यक्ष श्रृजनामल्ल ठकुरीले नेपालभरको योग साधना गतिविधिमा ७० प्रतिशतभन्दा बढी सहभागिता महिलाहरूको मात्र रहेको तथ्यगत विवरण प्रस्तुत गर्दै पुरुष सहभागिता न्यून रहेकोमा चिन्ता व्यक्त गर्नुभयो र यसको मूल कारण पहिचान गरी सबैको समानुपातिक सहभागिता सुनिश्चित हुने गरी ठोस योजना निर्माण गरी अघि बढ्नुपर्ने आवश्यकतामा जोड दिनुभयो ।

चाँगुनारायण नगरपालिका उच्च मावीका प्रधानाध्यापक दधिराम गेलालले हालसम्म रोग लागेपछि वा वृद्धावस्थामा पुगेपछि मात्र योगसँग जोडिने प्रवृत्ति देखिएकोमा असन्तुष्टि व्यक्त गर्दै योग बालक, युवा र वृद्ध- सबैको लागि समान रूपमा अपरिहार्य रहेको जनचेतना फैलाउनुपर्ने आवश्यकतामा बल दिनुभयो । उहाँले आफ्नो विद्यालयमा दक्ष योग शिक्षकको व्यवस्था गरी नियमित योग शिक्षण कार्यक्रम सञ्चालनमा रहेको जानकारी समेत दिनुभयो ।

पातञ्जल योग समिति नेपाल अन्तर्गतको दुबुलापेश्वर योग साधना केन्द्रकी नवनिर्वाचित अध्यक्ष सुरक्षा मल्ल ठकुरीले साधारणसभाबाट पारित कार्ययोजनाअनुसार साधना केन्द्र व्यवस्थापन समितिले सक्रिय रूपमा कार्य गर्दै साधना केन्द्र सञ्चालन भइरहेको वडाका प्रत्येक टोल–समुदायसम्म पुगेर सम्पूर्ण वडावासीलाई योगको सूत्रमा आबद्ध गराउने प्रतिबद्धता व्यक्त गर्नुभयो । उहाँले योगलाई स्वस्थ, अनुशासित र सकारात्मक समाज निर्माणको आधारका रूपमा स्थापित गर्दै प्रत्येक घरपरिवारसम्म योगको पहुँच विस्तार गर्न सम्पूर्ण टिम एकताबद्ध भएर अघि बढ्ने उद्घोष गर्नुभयो । साथै, उक्त अभियानलाई सफल बनाउन साधना केन्द्रका सम्पूर्ण पदाधिकारी, सदस्य, प्रशिक्षक तथा शुभेच्छुकहरूबाट पूर्ण साथ, सहयोग र सक्रिय सहभागिताको हार्दिक अपिल समेत गर्नुभयो ।

पातञ्जल योग समिति नेपाल जिल्ला शाखा भक्तपुरकी अध्यक्ष एवं केन्द्रीय सदस्य रीता पाख्रीनले भक्तपुर जिल्लाभित्र योग प्रवर्द्धन र विस्तारको संस्थागत योजनालाई साझा सहयोग र सहकार्यमार्फत अघि बढाउन जिल्लाभित्रका सरोकारवाला निकायहरूलाई विशेष आग्रह गर्नुभयो ।

कार्यक्रमका सभापति तथा साधना केन्द्रका अध्यक्ष योग गुरु सन्ध्या गेलाल तिमिल्सिनाले आफ्नो कार्यकाललाई सफल बनाउन अहोरात्र खटिने साधना केन्द्र व्यवस्थापन समितिप्रति हार्दिक कृतज्ञता व्यक्त गर्नुभयो। उहाँले साधारणसभालाई भव्य, सभ्य र ऐतिहासिक रूपमा सम्पन्न बनाउन प्रत्यक्ष तथा अप्रत्यक्ष रूपमा योगदान पुर्‍याउने सम्पूर्ण सदस्य, योगसाधक, स्वयंसेवक तथा सहयोगीहरूलाई धन्यवाद ज्ञापन गर्दै आगामी दिनमा पनि योग, स्वास्थ्य र सामाजिक सेवाका अभियानलाई अझ प्रभावकारी ढंगले अघि बढाउने प्रतिबद्धता व्यक्त गर्नुभयो। अन्त्यमा उहाँले सम्पूर्ण सहभागीहरूप्रति आभार प्रकट गर्दै साधारणसभाको औपचारिक समापन गर्नुभयो ।

कार्यक्रममा पातञ्जल योग समिति नेपालका वरिष्ठ उपाध्यक्ष राजभक्त श्रेष्ठ, उपाध्यक्षहरू होमप्रसाद गौतम, योगप्रसाद आचार्य र गीताप्रसाद नेपाल, कोषाध्यक्ष सुर्वण हमाल, केन्द्रीय सचिव बालकृष्ण प्रधान, केन्द्रीय सल्लाहकार लिलानाथ निरौला, केन्द्रीय सदस्यहरू हेमा प्रजापति, सुरेश थापा र उमेशमान मधिकर्मी, लायन्स क्लब अफ चाँगुनारायणका अध्यक्ष एवं पूर्व वडाअध्यक्ष शिवहरि केसी, चाँगुनारायण झौखेल दुवाकोट खानेपानी उपभोक्ता समितिका अध्यक्ष प्रधुम्न पोख्रेल, योग गुरु गोर्कण पुरी लगायत जिल्ला, नगर र साधना केन्द्रका पदाधिकारी, योग साधकसाधिका, आमन्त्रित बुद्धिजीवि तथा समाजसेवीहरूको विशेष उपस्थिति रहेको थियो ।

The post मन्त्री र नगरप्रमुखले गरे घोषणा : चाँगुनारायण नगरपालिकामा ५ हजार क्षमताको अत्याधुनिक योग साधना हल निर्माण गरिने appeared first on Jana Aawaj News.

ASEZ WAO चाहिँ परमेश्वरको मण्डली विश्व सुसमाचार समाजको जागिरे युवाहरूको स्वयंसेवक समूह हो ।  ASEZ WAO भन्ने नाममा ‘हामी एउटै परिवार भएर पृथ्वीलाई सुरुदेखि अन्त्यसम्म बचाऔं (Save the Earth from A to Z, We Are One Family) भन्ने अर्थ रहेको छ ।

यस पटकको कार्यक्रम ASEZ WAO ले विश्वभर सञ्चालन गरिरहेको ‘Mother’s Forest (आमाको वन)’ वृक्षारोपण परियोजनाको एक हिस्सा हो ।  आमाले आफ्ना सन्तानको हेरचाह गर्ने हृदयका साथ हरियाली वन सिर्जना गरी पृथ्वीलाई स्वस्थ जीवनको आधारभूमिका रूपमा पुनर्स्थापित गर्ने उद्देश्यले यो परियोजना सञ्चालन भइरहेको छ । यसका साथै ASEZ WAO ले प्लास्टिकको प्रयोग घटाउने ‘No More GPGP’, कार्यस्थलमा वातावरणमैत्री अभ्यास प्रवर्द्धन गर्ने ‘Green Workplace’ लगायत विभिन्न वातावरणीय परियोजनाहरू पनि सञ्चालन गर्दैआएको छ ।

ASEZ WAO का एक प्रतिनिधिले भने, “विद्यार्थीहरूले अध्ययन गर्ने र दैनिक जीवन बिताउने स्थानमा रूख रोप्नु भनेको विद्यालयको वातावरण सुधार गर्नुका साथै भावी पुस्तालाई वातावरण संरक्षणको महत्त्व बुझाउने कार्य पनि हो । आज रोपिएका यी रूखहरू स्वस्थ रूपमा हुर्किएर विद्यार्थीहरूका लागि आरामदायी विश्रामस्थल बनून् र कार्बन अवशोषण तथा जलवायु परिवर्तनको सामना गर्न पनि सहयोग मिलोस् भन्ने हाम्रो अपेक्षा छ ।”

कार्यक्रममा ASEZ WAO का सदस्यहरू परिवार र उनीहरूका चिनाजाना गरी करीब २५ जना सहभागी भएका थिए । सहभागीहरूले विद्यालय परिसरमा उपयुक्त स्थान छनोट गरी खाल्डा खनेर १० वटा विरुवा रोपेका थिए । त्यसपछि माटोलाई राम्रोसँग मिलाएर पानी हाल्दै बिरुवाहरूले सुरक्षित रूपमा जरा फैलाउन सकून् भनेर सावधानीपूर्वक हेरचाह गरे र बाहिरी सुरक्षाको निम्ति सुरक्षा बारजाली समेत राखिदिएका थिए ।

फूल्चोकी माध्यमिक विद्यालयले यस कार्यक्रमलाई स्वागत गर्दै वृक्षारोपणका लागि बिरुवाहरू उपलब्ध गराएको थियो । विद्यालयका प्रधानाध्यापक गोपाल कुमार पाण्डेले “ ASEZ WAO को गतिविधि साह्रै उत्कृष्ट लाग्यो र हामी एउटै परिवार भएर पृथ्वीलाई सुरुदेखि अन्त्यसम्म बचाऔँ भन्ने नारा नै धेरै राम्रो लाग्यो भन्नुहुँदै ASEZ WAO क‍ो प्रशंसा गर्नुभयो अनि यस्तो किसिमको कार्यक्रम चाहिँ नेपालमा मात्र नभएर विश्वभरि नै व्यापक रुपमा भइरहेको देखेर एकदमै प्रभावित भएको कुरा समेत बताउनुभयो।

फूल्चोकी माध्यमिक विद्यालयका शिक्षक नवराज सन्जेलले “ASEZ WAO ले दिगो विकासको लक्ष्य राखेको छ ।पृथ्वीलाई बचाउ भन्ने मुख्य लक्ष्यको साथ अघि बढेको कुरा असाध्यै राम्रो लाग्यो। हाम्रो विद्यालयमा पनि वातावरण संरक्षण गर्न विद्यालय प्राङ्गणभित्र हराभरा बनाउन वृक्षरोपण गर्नुभएको छ। यो कार्य हाम्रो विद्यालयको निम्ति अति नै राम्रो कार्य हो। हाम्रो विद्यालय प्राङ्गणभित्र रोपिएका बिरुवाहरूलाई संरक्षण गर्नेछौं हजुरहरूले हामी एउटै परिवार हौँ भनेर लागिपर्नुभएको छ मलाई साह्रै राम्रो लाग्यो” भन्नुहुदै ASEZ WAO लाइ हौसला प्रदान गर्नुभयो।

ASEZ WAO ले स्थानीय समुदायको हितका लागि निरन्तर प्रयास गर्दैआएको छ । ललितपुर, काठमाडौं, उदयपुर, नेपालगञ्ज लगायत देशका विभिन्न स्थानमा सरसफाइ अभियान सञ्चालन गरी स्थानीय वातावरणलाई स्वच्छ र सुन्दर बनाउन योगदान दिएको छ ।  गत जनवरीमा ‘Green Workplace’ वातावरणीय सेमिनार आयोजना गरी दैनिक जीवन तथा कार्यस्थलमा अपनाउन सकिने वातावरण संरक्षणका उपायहरूबारे छलफल गरियो । साथै गोदावरी र टोखामा रहेका वृद्धाश्रमहरूको भ्रमण गरी ज्येष्ठ नागरिकहरूलाई सान्त्वना दिने तथा भरतपुरमा रहेको बालगृहमा खाद्यान्न सहयोग प्रदान गर्ने जस्ता छिमेकीहरूका लागि विविध सेवामूलक गतिविधिहरू पनि सञ्चालन गरिरहेको छ ।

ASEZ WAO आबद्ध रहेको परमेश्वरको मण्डलीचाहिँ १७५ वटा देशहरूमा ७,८०० वटाभन्दा बढी ठाउँहरूमा भएको विश्वव्यापी मण्डली हो । मण्डलीका करिब ४० लाख विश्वासीहरूले बाइबलअनुसार पिता परमेश्वर र माता परमेश्वरमा विश्वास गर्छन् र “आफ्नो छिमेकीलाई आफूलाई झैँ प्रेम गर्नू’ भन्ने ख्रीष्टको शिक्षालाई कार्यान्वयन गरिरहेका छन् । विश्वव्यापी रूपमा वातावरण संरक्षण, प्रकोप राहत, छिमेकीलाई सहयोग, रक्तदान अभियान र संस्कृति आदानप्रदान जस्ता गतिविधिहरू करिब ५०,००० पटकभन्दा बढी गरिएको छ (सन् २०२६ जुनसम्म) । परमेश्वरको मण्डलीले चार अमेरिकी सरकारबाट राष्ट्रपति स्वयंसेवा अवार्ड, बेलायती महारानी स्वयंसेवा अवार्ड, तीन कोरियाली सरकारबाट राष्ट्रपति अवार्ड, ब्राजिलको विधायिकी योग्यता पदक, पेरुको सर्वोत्कृष्ट वातावरण अवार्ड, राष्ट्रिय सभाबाट सम्मान पदक जस्ता अन्तर्राष्ट्रिय संस्थाहरूबाट ६,२०० भन्दा बढी अवार्डहरू प्राप्त गरिसकेको छ ।

The post ASEZ WAO द्वारा ललितपुरको फूल्चोकी माध्यमिक विद्यालयमा वृक्षारोपण कार्यक्रम सम्पन्न appeared first on Jana Aawaj News.