भक्तपुर । सूर्यविनायक नगरपालिका हर्षचोकस्थित सुमधुर बचत तथा ऋण सहकारी संस्था लि.को १७ औं बार्षिक साधारण सभा सम्पन्न भएको छ । सूर्यविनायक नगरपालिकाकी उपप्रमुख सरिता तिम्सिना भट्टराईको प्रमुख आतिथ्यतामा सम्पन्न कार्यक्रममा उहाँले सहकारी एउटा महान संस्था हो । यो व्यक्तिसँग, व्यक्तिको भावनासँग, समुह, समाजसँग जोडेर सेवा दिन जन्मेको संस्था रहेको बताउँदै सहकारीको साधारण सभा शेयर सदस्यहरुको लागि एउटा पर्व हो उक्त सभाबाट शेयर सदस्यहरुले सहकारीको आर्थिक उन्नति, आर्थिक विवरण, र आफूले विश्वास गरेर जम्मापुँजी राखेको संस्थाको अवस्था बारे पनि थाहा पाउनु हुने जानकारी दिनुभयो ।

उहाँले यस सुमधुर सहकारीले शेयर सदस्यहरुको जसरी विश्वास जितेर काम गर्नुभएको छ आगामी दिनमा पनि अझ सफलता मिलोस् भनी शुभकामना व्यक्त गर्नुभयो । उहाँले सूर्यविनायक नगरपालिकाले आफ्ना स्थानीयबासीहरुको निमित्त वडा वडामा जेष्ठ नागरिक चौतारा निर्माण, बाल उद्यान निर्माण गरिरहेको जानकारी दिँदै नगरपालिकाले सहकारी संस्था एवं अन्य संस्थाहरुसँग समन्वय गरेर महिला उद्यमीका लागि तालिम र उद्यमी महिलाहरुको लागि आफूले बनाएका सरसामान बिक्रीवितरण गर्न हाटबजारको आयोजना गर्न लागेको हुँदा सम्पूर्ण महिला दिदीबहिनीहरुलाई सहभागिता जनाउन पनि आग्रह गर्नुभयो ।

कार्यक्रममा साकोसका अध्यक्ष राजकिरण खुलिमुलीले ३ जनाले देखेको सपना र उद्देश्य एवं पढेको कुरा व्यवहारमा लागु गर्न जन्माइएको संस्था जुन साथीभाइको सम्बन्धलाई सदैव कायम र सुमधुर राख्न नामाकरण गरिएको यस सुमधुर बचत तथा ऋण सहकारी संस्था लि.ले आफ्नो १७ औं बार्षिक साधारण सभा गर्न सफल भएकोमा हर्ष व्यक्त गर्दै शेयर सदस्यहरुले गर्नुभएको विश्वास र साथसहयोगप्रति सदैव आभार रहने बताउनुभयो । उहाँले यस सहकारीले दिइरहेको सेवालाई भविष्यमा अझ सहज र सरल रुपमा लैजाने क्रममा आइएमई एवं आइएमई रेमिट त्यस्तै आइएमई पे सेवा सुरु गरेको पनि जानकारी दिनुभयो । उहाँले यस संस्थाले हरेक वर्ष सामाजिक कार्यक्रम गर्दै आइरहेको छ र आ.व. ०८२।०८३ मा पनि रक्तदान, तालिम शिक्षा, स्वास्थ्य शिविर, धार्मिक तिर्थ यात्रा र अन्य कार्यक्रम गर्ने पनि जनाउनुभयो । कार्यक्रममा साकोसका कोषाध्यक्ष पुष्पराज भुजुले कोषाध्यक्षको प्रतिवेदन पेश गर्नुभएको थियो भने लेखा सुपरिवेक्षण समितिका लेखा सदस्य मुकेश राजथलाले लेखा एवं भावी योजनाको प्रतिवेदन पेश गर्नुभएको थियो ।

कार्यक्रममा उत्कृष्ट बचतकर्ता अन्तर्गत मासिक बचतकर्तामा बद्री प्रसाद बराल, मासिक बचत महिलामा शारदा दाहाल कार्की, सुपर मासिक बचतमा सरस्वती केसी, दैनिक बचतमा गंगा श्रेष्ठ, बाल बचतमा समर्पण खुलिमुली, आवधिक बचतमा शिव प्रसाद पहाडी र उत्कृष्ट कारोबारकर्तामा कुमार विश्वकर्मालाई सम्मान पत्रद्वारा सम्मान गरिएको थियो भने २८ जना ज्येष्ठ नागरिक सदस्यहरुलाई खादा र नगद दिएर सम्मान गरिएको थियो । कार्यक्रममा हिन्दु महिलाहरुको महान चाड तीजको अवसरको उपहार वितरण गर्नुको साथै चिठ्ठा कार्यक्रममा प्रथम पुरस्कार प्राप्त गर्न सफल सदस्य पुकार नगरकोटी, दोस्रो राधेश्याम माकजु र तेस्रो मिना कर्माचार्य हुनुहुन्थ्यो भने सान्त्वना पुरस्कार पाउनु हुने सदस्यहरुमा चाहिँ इन्द्रप्रसाद राजथला, इन्द्रप्रसाद वाग्ले, सुक बहादुर लोकान्ती, रञ्जना घिमिरे र ऋतु राजथला हुनुहुन्थ्यो ।

कार्यक्रममा सूर्यविनायक नगरपालिकाकी सहकारी शाखा प्रमुख कमला श्रेष्ठ, राष्ट्रिय सहकारी बैंक थिमि शाखा प्रमुख सुनिता गौतम, नेफ्स्कुन थिमि शाखा प्रमुख राजेश खड्का, बाल अधिकारकर्मी युवराज घिमिरे, जनता साकोसका महेन्द्र राजथला, एवं सम्पूर्ण अतिथिहरुले सुमधुर साकोसले दिइरहेको सेवा एउटा उदाहरणीय रहेको बताउँदै सम्पूर्ण शेयर सदस्यहरुलाई सदस्य सक्रिय भए सहकारी सक्रिय हुन्छ र सहकारीलाई सफल पार्न सहकारीका पदाधिकारीको भन्दा पनि शेयर सदस्यहरुको ठूलो हात रहने हुँदा सहकारीको बारेमा सम्पूर्ण सदस्यहरुलाई हरेक प्रतिवेदन अध्ययन गर्न पनि आग्रह गर्नुभएको थियो । कार्यक्रम लेखासुपरिवेक्षण समिति संयोजक अनिता पाण्डेले संचालन गर्नुभएको थियो ।

The post सुमधुर साकोसको १७ औं साधारण सभा सम्पन्न appeared first on Jana Aawaj News.

उहाँले यस साकोसले सरकारले ल्याएको नीति तथा ऐन कानुनअन्तर्गत रहेर दिइरहेको सेवा आगामी दिनमा पनि घरेलु, व्यवसायिक र शैक्षिकहितको लागि उपलब्धिमुलुक रहोस् भनी शुभकामना व्यक्त गर्नुभयो ।

कार्यक्रममा बागमती प्रदेशका सांसद सुरेश श्रेष्ठले शुभकामना साकोसले आफ्नो रजतवर्ष अन्तर्गत सामाजिक र शैक्षिक क्षेत्रमा सहकारीको भूमिका पनि उत्तिकै महत्वपूर्ण रहेको जानकारी यस सप्ताहव्यापी कार्यक्रमले गराएको बताउनुभयो।

कार्यक्रममा नेपाल बचत तथा ऋण सहकारी संघका केन्द्रीय अध्यक्ष चन्द्र प्रसाद ढकालले शुभकामना बचत तथा ऋण सहकारी संस्था लि.ले आफ्ना शेयरसदस्यहरुमाझ सामाजिक, शैक्षिक एवं व्यवसायिक रुपले साथ र सहयोगमा जुन विश्वास कायम राख्न सफल हुनभएको छ यो अरु सहकारीहरुलाई एउटा सिक र उदाहरणको विषय रहेको बताउनुभयो । उहाँले हाल सहकारीहरुमा देखिएका समस्याबारे चर्चा गर्दै भक्तपुरमा नागरिक र समाजमा सहकारी शिक्षामा बढी सचेत भएको र जिल्ला बचत संघको अभिभावकीय भूमिकाका कारण भक्तपुरका स्थानीय सहकारीहरुमा अरु सहकारीको तुलनामा त्यति समस्या नदेखिएको पनि जानकारी दिनुभयो ।

कार्यक्रममा शुभकामना बचत तथा ऋण सहकारी संस्था लि.का अध्यक्ष रामप्रसाद कासुलाले यस रजत वर्षमा गरेका हरेक कार्यक्रममा आफ्ना संचालक, पदाधिकारी, कर्मचारी र शेयरसदस्यहरुले दिनुभएको साथसहयोगको लागि आभार व्यक्त गर्दै यस सहकारीले सदैव सहकारीको ऐनअन्तर्गत रहेर सेवा दिने पनि प्रतिबद्धता जनाउनुभयो। कार्यक्रममा जिल्ला सहकारी संघ भक्तपुरका अध्यक्ष ध्रुबबहादुर रायमाझी, भक्तपुर जिल्ला बचत संघका अध्यक्ष कृष्णगोविन्द लाखाजूलगायतले पनि जिल्लाका सहकारीहरुको अवस्थाबारे चर्चा गर्नुभएको थियो भने राष्ट्रिय सहकारी बैंकका सञ्चालक ध्रुबराज विष्ट, प्रोस्कुन बागमतीका महासचिव गोविन्द काफ्लेलगायतले शुभकामना मन्तव्य व्यक्त गर्नुभएको थियो।

कार्यक्रममा सम्पूर्ण व्यक्तित्वहरुलाई संस्थाकी उपाध्यक्ष एवं रजत वर्ष व्यवस्थापन उपसमितिका संयोजक निर्मला सुवालले स्वागत मन्तव्यसहित स्वागत गर्नुभएको थियो । उक्त समारोहमा रजत वर्ष स्मारिकाको पनि विमोचन गरिएको थियो। त्यस्तै कार्यक्रममा रजत वर्षको अवसरमा आयोजित बाँंसुरी बाजाका प्रशिक्षार्थीहरुलाई प्रमाणपत्र, ब्याडमिन्टन प्रतियोगिताका विजयीहरुलाई पुरस्कार तथा प्रमाणपत्र र निबन्ध प्रतियोगिताबाट उत्कृष्ट हुनसफल भाइबहिनीहरुलाई नगदसहित प्रमाणपत्र वितरण गरिएको थियो। साथै दश जना असल ऋणीहरुलाई पनि सम्मान गरिएको थियो ।

The post शुभकामना साकोसको रजत वर्ष समापन समारोह appeared first on Jana Aawaj News.

यस साकोसले आफ्नो रजतवर्ष अन्तर्गत विभिन्न कार्यक्रम बाँसुरी बाजा प्रशिक्षण, बालबालिका तथा अभिभावकको मानसिक स्वास्थ्य सम्बन्धी अभिमुखीकरण, स्ट्रोकसम्बन्धी सचेतना कार्यक्रम, शुभकामना साकोसद्वारा नेपाल रेडक्रस सोसाइटी भक्तपुरलाई आर्थिक सहयोग, महिला कानुनी साक्षरता कार्यक्रम, साकोसको सहकारी अवलोकन भ्रमण, समाज परिवर्तनका लागि सहकारीको भूमिका भन्ने शिर्षकमा निबन्ध लेखन प्रतियोगिता जस्ता थुप्रै सहकारी अन्तर्गत र सामाजिक कार्यक्रम जात्रामा पानी वितरण, ऐतिहासिक मठमन्दिर सरसफाई, वडाअन्तर्गत फोहोर व्यवस्थापनका लागि बाल्टिन वितरण गरेको छ । यस साकोसले आफ्नो संस्थाका शेयर सदस्यलाई प्राथमिकता दिँदै वित्तिय सेवा र मनोवल विकासका निमित्त रहेर काम गर्दै रजतवर्ष पार गर्न लागेको साकोसका अध्यक्ष रामप्रसाद कासुला बताउनुभयो ।

साकोसले रजतवर्षअन्तर्गत गरेका कार्यहरुलाई आगामी दिनमा पनि निरन्तरता दिँदै संस्थाले “रजत स्मारिका २०८२” प्रकाशन गरेको पनि उहाँले जानकारी दिनुभएको छ साथै साकोसले रजतवर्ष अन्तर्गत नै यही मिति २०८२ साल जेठ महिनाभरि विभिन्न कार्य योजना बनाएर कार्यक्रम गर्ने र रजतवर्ष २०८२ को स्मारिका पनि विमोचन गर्ने संस्थाकी व्यवस्थापक रेश्मी श्रेष्ठले जानकारी दिनुभएको छ । त्यसअन्तर्गत २०८२ जेष्ठ १७ गते बालमनोविज्ञान अभिमुखीकरण, १९ गते जेष्ठ सदस्य तीर्थ भ्रमण, २० गते रक्तदान तथा स्वास्थ्य शिविर, २१ गते व्याडमिन्टन प्रतियोगिता, २२ ऐतिहासिक क्षेत्रको सरसफाई कार्यक्रम, २३ गते शुभकामना प्रभातफेरी ¥याली र २४ गते समापन कार्यक्रम रहेको छ ।

The post शुभकामना साकोसको रजत वर्षको यात्रा appeared first on Jana Aawaj News.

बुधबार मध्यपुर थिमि नगरपालिकाद्वारा कमेरोटार खेल मैदानमा आयोजित मुल समारोह कार्यक्रममा वडा नं. १,२ र ३ को सानोठिमीबाट, वडा नं. ४ को शंखधर चोकबाट, वडा नं. ५ र ६ भुलांखेल, वडा नं. ७ को नगदेश बाट र वडा नं. ८ र ९ को बोडेबाट साँस्कृतिक झाँकीसहित प्रभातफेरि र्याली आयोजना गरिएको थियो ।

कार्यक्रममा नगरभित्रका करिव १ सय २८ वटा सहकारी संस्था मध्ये ९६ वटा सहकारी संस्थाबाट करिव ४ हजार सहकारीकर्मीहरुको सहभागीता रहेको थियो ।

र्यालीमा सहभागी संस्थाका विजेताहरुमा मध्यमा प्रथम हुन सफल सिद्विकाली साकोस, दोस्रो उपकार साकोस, तेस्रो श्री महालक्ष्मी साकोस र सान्त्वना पुरस्कार बालकुमारी साकोसले प्राप्त गरेको छ ।

उक्त कार्यक्रम मध्यपुर थिमि नगरपालिकाका मेयर सुरेन्द्र श्रेष्ठको प्रमुख आतिथ्यतामा सम्पन्न भएको थियो ।

The post मध्यपुर थिमि नपाद्धारा ६८ औ सहकारी दिवसको अवसरमा प्रभातफेरी कार्यक्रम सम्पन्न (तस्बिरमा हेरौं) appeared first on Jana Aawaj News.

प्रधानमन्त्री निवास, बालुवाटारमा एमालेको सो विभागका प्रमुख खगराज अधिकारी र महासङ्का अध्यक्ष ओमदेवी मल्लले आज बेग्लाबेग्लै पत्र हस्तान्तरण गरी अर्थतन्त्रको सुदृढीकरणमा महत्वपूर्ण हिस्सा रहेको सहकारी क्षेत्रलाई व्यवस्थित गर्न अध्यादेशमार्फत लिइएको कदम सकारात्मक भए पनि कतिपय व्यवस्था परिवर्तनयोग्य विषयहरुबारे ध्यानाकर्षण गराउनुभएको हो ।

कुनै व्यक्ति बचत तथा ऋणको मुख्य कारोबार गर्ने सहकारी संस्थाको सञ्चालकमा दुई कार्यकाल भन्दा बढी अवधिका लागि निर्वाचित हुन नपाउने र बहाल रहन नसक्ने अध्यादेशको व्यवस्थालाई संशोधन गरी एकै पदमा लगातार दुई कार्यकाल भन्दा बढी अवधिका लागि निर्वाचित हुन नपाउने व्यवस्था गर्न माग गरिएको छ ।
सुुझाव ग्रहण गर्दै प्रधानमन्त्री ओलीले प्रतिस्थापन विधेयक ल्याउँदा यी विषयमा छलफल गरिने र संयुक्त सरकार भएकाले राजनीतिक दलसँग पनि परामर्श गर्नुपर्ने बताउनुभयो ।

The post प्रधानमन्त्रीसमक्ष सहकारीसम्बन्धी अध्यादेशमा सुुझाव हस्तान्तरण appeared first on Jana Aawaj News.

हिजो न्यायाधीश नीतिज राईको इजलासमा भइरहेको बयानमा लामिछानेले सोधिएका सबै प्रश्नमा इन्कारी बयान दिएका थिए भने, आज रविको मात्रै बयान हुने र बाँकीको बयान आइतबारबाट मात्र सुरु हुने बताइएको छ । यसैगरी प्रहरीले आइतबार रवि सहित गोर्खा मिडियाका पूर्वउपाध्यक्ष छविलाल जोशी, जीबी राईका साझेदार नेचर हब्र्सका रामबहादुर खनाल, लिला पछाइँ र सूर्यदर्शन सहकारीका सञ्चालक कृष्ण गुरूङ सहितका ३१ जना विरुद्ध सहकारी ठगी सङ्गठित अपराध र सम्पत्ति शुद्धीकरणको मुद्दा दायर भएकोमा बयान सक्न एक दुई दिन लाग्ने र त्यसपछि थुनछेकको बहस हुने जिल्ला अदालतले बताएको छ ।

यसैगरी रविमाथि सहकारी ठगी सँगै सङ्गठित अपराध र सम्पत्ति शुद्धीकरण कसुरमा समेत मुद्दा दायर भएकोमा रवि सहित १९ जना विरुद्ध सङ्गठित अपराधम समेत मुद्दा चलाइएको छ । उक्त बहसपछि न्यायाधीशले थुनामा राख्ने, धरौटी माग्ने वा सामान्य तारिखमा छाड्ने भन्ने विकल्पमध्ये एउटा निर्णय हुने बताइएको छ ।

The post रवि लामिछानेको बयान हिजो आधा भएकोले आज पनि निरन्तर appeared first on Jana Aawaj News.

आज सूर्यविनायक नगरपालिका वडा नंं ४ गाम्चा चोक स्थित अरनिको उच्च माध्यमिक विद्यालयको प्राण्ङ्गणमा आयोजित एक विशेष कार्यक्रमका बिच साधारण सभा सम्पन्न भएको हो । ‘गाउँ गाउँमा सहकारी, घरघरमा रोजगारी’ भन्ने अभियानका साथ शुरु भएको सहकारी संस्थाहरु मध्येमा जिल्लाको उत्कृष्ट गाम्चा बचत तथा ऋण सहकारीको १६औं वार्षिक साधारण सभा जिल्ला सहकारी संघ भक्तपुरका अध्यक्ष ध्रुव बहादुर रायमाझीको प्रमुख आतिथ्यतामा आयोजना गरिएको थियो । शेयर सदस्यको विश्वास र वित्तीय कारोवारका कारण हाल ३५ सय ५४ सदस्य संख्या रहेको सहकारीको शेयर पुँजी ३ करोड ७२ लाख ९० हजार पाँच सय रहेको छ भने १९ करोड ५७ लाख ९२ हजार एक सय ९० रुपैंया बचत तथा २८ करोड ५३ लाख ९२ हजार आठ सय ७८ रुपैंया ऋण लगानी गरिएको संस्थाका अध्यक्ष विकास खड्काले जानकारी दिनुभयो ।

उहाँले भन्नुभयो, ‘स्थानीय शेयरधनीहरुको रु २८ हजारको शेयरपुँजीमा शुरु भएको गाम्चा बचत तथा ऋण सहकारी संस्थाले हाल करोडौंँको कारोवार गरिरहेको छ । संस्थाले आफ्ना सदस्यहरुलाई आत्मनिर्भरको लागि स्वआर्जन, सामाजिक, सांस्कृतिक र आर्थिक कार्यक्रमहरु सञ्चालन गर्दै आइरहेको छ । हामीले सदस्यहरुलाई व्यापार व्यवसायमा लगानी गर्न सहयोग पुगोस भन्ने हेतुले विभिन्न बैंक तथा वित्तीय संस्थाहरुबाट बाह्य ऋण लिई लगानी गरिरहेका छौं ।’ सहकारीको माध्यमबाट हुने खानेको रकमबाट हुँदा खाने सदस्यहरुलाई व्यापार, कृषि तथा उद्यमी बनाउने कार्यहरु गरिरहेको उल्लेख गर्दैै सहकारीलाई सदस्यहरुको साझा चौतारीको रुपमा विकास गरेको उल्लेख गर्नुभयो ।

जिल्ला सहकारी संघका अध्यक्ष रायमाझीले सदस्यको भावना अनुसार भावी कार्ययोजना बनाउनुपर्नेमा जोड दिनुभयो । सदस्यहरु नै सहकारीको मालिक भएकाले कार्यक्षेत्रभित्र उत्पादनमूलक क्षेत्रमा लगानी गर्नुपर्ने धारणा राख्नुभयो । ‘कमाउनु ठूलो कुरा हैन, बचत गर्न सक्नुपर्छ’, उहाँले भन्नुभयो, ‘सहकारीमा पारदर्शिता र जवाफदेहिता हुनुपर्छ, लामो समयको बचतलाई प्राथमिकता दिनुपर्छ ।’

नेपाल बचत तथा ऋया सहकारी संस्थाको सञ्चालक मन्दिरा मिश्रले सहकारी नै जनताको सारथी भएको बताउनुभयो । समाज परिवर्तनको मेरुदण्ड नै सहकारी रहेको बताउँदै उहाँले भन्नुभयो, ‘सहकारी आफुले आफैलाई आश्रीत गर्ने तथा सुख–दुःखको साथी हो । तर केही अराजक व्यक्तिका कारण सहकारीमा समस्या आएको छ । ८७ अरवभन्दा बढी सहकारीको रकम ठगी भएको संसदीय समितिले प्रतिवेदनमा उल्लेख गरेको छ । तसर्थः सञ्चालक समितिले सहकारी सञ्चालनमा विशेष ध्यान दिनुपर्छ । शेयरधनी वा सदस्यले खवरदारी गरिरहनुपर्छ ।’

संस्थाका सचिव विदुर खड्काले सञ्चालन गर्नुभएको कार्यक्रममा राष्ट्रिय सहकारी वैंकका सञ्चालक सदस्य ध्रुबराज विष्ट, वडा नं. ७ का वडाध्यक्ष रविन्द्र सापकोटा, वडा नं. ४ का वडाध्यक्ष लक्षुराम न्यौपाने, भक्तपुर जिल्ला बचत तथा ऋण सहकारी संघका अध्यक्ष पञ्चकृष्ण श्रेष्ठ, सूर्यविनायक नगरपालिका सहकारी शाखाका कर्मचारी राजेन्द्र कुमार श्रेष्ठ, रिद्धिसिद्धी साकोसका अध्यक्ष नातीकाजी बस्नेतलगायतले शुभकामना मन्तव्य राख्नुभएको थियो ।

विभिन्न विधामा सम्मान

साधारण सभाले जेष्ठ सदस्य चन्द्रबहादुर श्रेष्ठ (पुरुष), विष्णुकुमारी प्रधानलाई सम्मान गरेको छ । त्यस्तै संस्थाका सदस्यहरुको परिवारबाट सर्वोत्कृष्ट अंक ल्याई सी परीक्षा पास गर्ने आर्जन कस्पाल, तपस्वीया प्रजापति तथा रिदिमा थापा सम्मान गरेको छ । त्यस्तै अरनिको माध्यमिक विद्यालयलाई छात्रवृद्धिको लागि रु १५ हजार प्रदान गरिएको छ । त्यस्तै संस्थाका शेयर सदस्य अष्ट्रेलिया निवासी विनोद खड्का तथा परिवारको तर्फबाट प्रदान गरिने छात्रवृद्धि बापतको रु ३० हजार ६ जनालाई दामासायी रुपमा प्रदान गरिएको छ । जसमा सुरेन्द्र भट्टराई, निसु गाईसी रोशना खुलीमुली, मुसरफ प्रवेज ओस्ता लगायतका रहनुभएको छ ।

The post गाम्चा बचत तथा ऋण सहकारीको १६औं वार्षिक साधारण सभा सम्पन्न(तस्बिरमा हेर्नुहोस) appeared first on Jana Aawaj News.

सहकारीको मुख्य उद्धेश्य आफ्ना सदस्यहरुलाई आर्थिक रुपमा सबल र सक्षम बनाउनु नै रहने र श्री युवा सहकारी उक्त उद्धेश्य प्राप्तीमा सफल रहेको नगरप्रमुख खत्रीले बताउनुभयो । ‘सहकारीको मुख्य उद्धेश्य समुदायको आर्थिक उत्थान हो, कानुनी परिधिमा रहेर आर्थिक समृद्धितर्फ अग्रसर गराउने उद्धेश्यलाई श्री युवा सहकारीले कार्यान्वयनमा ल्याएको छ ।’, उहाँले भन्नुभयो।

कार्यक्रममा सहकारीका अध्यक्ष प्रकाश बास्तोलाले सहकारीले स्थापनाकालदेखि नै समाजलाई आत्मनिर्भर बनाउनका लागि विभिन्न योजना बनाएर अगाडि बढीरहेको दाबी गर्नुभयो। समाज र आफ्ना वचतकर्ताप्रति सधैं वफादार रहेर अघि बढ्दा चाँगुनारायण र भक्तपुर मात्र नभएर बागमती प्रदेशमै उत्कृष्ठ बन्न सफल भएको उहाँले दाबी गर्नुभयो। सुरुदेखि नै हामी हरेक पक्षलाई सक्नेसम्मको वित्तिय टेवा दिनका लागि लागिपरेका छौं । हरेक क्रियाकलाप समाज र वचतकर्ताको हितमा नै गर्दै आएका छौं । स्थापनाको २५ औं वर्षमा आइपुग्दा हामी बागमती प्रदेशकै उत्कृष्ट समेत बन्न सफल भएका छौं ।’, अध्यक्ष बास्तोलाले भन्नुभयो ।

साधारणसभामा सहकारीका सचिव जयराम बास्तोलाले गत आर्थिक वर्षमा सहकारीमा २२ पटक सञ्चालक समितिको वैठक र ३ पटक लेखा सुपरिवेक्षण समितिको वैठक बसेको जानकारी गराउनुभयो । त्यस्तै, ऋण लगानी तथा असुली उप–समितिको १७ पटक, महिला उप-समितिको ३ जना, शिक्षा उप-समितिको ३ पटक र युवा तथा बालिबालिका उपसमितिको वैठक दुईपटक बसेको बास्तोलाले जानकारी दिनुभयो ।

गत आर्थिक वर्षमा सहकारीले २ करोड ३४ लाख रुपैयाँ नाफा गरेको कोषध्यक्ष सुरेन्द्र मुनंकर्मीले जानकारी दिए । सहकारीले गत आर्थिक वर्षमा ऋण परिचालन मार्फत् १५ करोड ६६ लाख रुपैयाँ आम्दानी गरेको छ र बचतको ब्याजमा १२ करोड २८ लाख रुपैयाँ खर्च गरेको उहाँले बताउनुभयो ।

गत आर्थिक वर्षको अन्तिम सम्ममा सहकारीको ऋण लगानी १ अर्ब १० करोड रुपैयाँ रहेको मुनंकर्मीले बताए । उक्त समयसम्म पुग्दा सहकारीले १ अर्ब १५ करोड रुपैयाँको कारोवार गरेको उहाँले बताउनुभयो । चालू आर्थिक वर्षमा १९ करोड रुपैयाँ आम्दानी गर्ने लक्ष्य लिएको सहकारीले बताएकोछ ।

The post नगरबासीको आर्थिक उत्थानमा सहकारीको योगदान महत्वपूर्ण छ : जीवन खत्री appeared first on Jana Aawaj News.