मंगलबार चाँगुनारायण नगरसभाको १७ औं अधिवेशनमा सभाअध्यक्ष एवं नगर प्रमुख जीवन खत्रीले आर्थिक वर्ष २०८२।०८३ को नीति तथा कार्यक्रम सार्वजनिक गर्दै छलफलका लागि समय दिएपछि उपप्रमुख रमेश बुढाथोकीले बजेट सार्वजनिक गर्नु भएको हो ।

नगरपालिकाले प्रत्येक वडा कार्यालयसंग पक्कि सडक सञ्जालले जोड्ने गरि सडक सञ्जाल बिस्तार गर्ने भएको छ । बजेटले सबै वडा कार्यालयबाट नगरपालिका जोड्ने सडक कालेपत्रे गर्ने नगर प्रमुखको नीति तथा कार्यक्रमलाई पूर्णता दिन बजेट विनियोजन गरेको छ । १६ औं नगरसभाले बहुवर्षीय ठेक्का आह्वान गरेका योजना सम्पन्न गर्न आगामी आ.ब.का लागि रु. २८ करोड ३८ लाख १३ हजार विनियोजन गरिएको हो ।

नगर सभामा प्रत्येक वडा कार्यालयबाटै विनियोजन एवं खर्च गर्ने गरि प्रत्येक वडा कार्यालयलाई दुई करोडको दरले ९ वटा वडा कार्यालयमा रु। १८ करोड बजेट विनियोजन गरेको छ । नगरपालिकाले संघीय र प्रदेश सरकारसँगको समन्वयनमा समपुरक योजना सञ्चालन गर्न ९ करोड ५८ लाख, संघीय र प्रदेश सरकारसँगको समन्वयनमा सशर्तमा संघीय सरकारबाट ४७ करोड ९८ लाख, प्रदेश सरकारबाट ३ करोड ४३ लाख ६३ हजार विनियोजन गरिएको छ ।

नगरबासीलाई खानेपानीको सुविधामा पहुँच बृद्धि गर्न काठमाडौं उपत्यका खानेपानी विकास लिमिटेडलाई खानेपानी योजना संचालन गर्नका लागि २ करोड बजेट छुट्याइएको छ । नगरपालिकाको स्पोर्टस एकेडेमी हल निर्माण गर्न २ करोड, श्रीकृष्ण बहुमुखी क्याम्पस, प्राविधिक विद्यालय तथा विद्यालयको भौतीक तथा शैक्षीक विकास लागि १ करोड बजेट विनियोजन गरिएको छ ।

वडा नंं ५ स्थित दोवान हुँदै सिमल डाँडा जाने सडक निर्माणको लागि १ करोड, वडा नंं ६ को बर्सपार्कबाट पसल डाँडा जाने सडकको लागि १ करोड बजेट र विपद व्यवस्थापन कोषमा १ करोड विनियोजन गरिएको छ । उद्यमशीलता कार्यक्रमको लागि ५ करोड बजेट छुट्याइएको छ । त्यस्तैगरि, नगरपालिका र सो अन्तर्गतका कार्यालयबाट सेवा प्रवाह र विकास ब्यवस्थापन तथा प्रशासनीक खर्च ब्यवस्थापनका लागि ३६ करोड ९९ लाख बजेट विनियोजन गरिएको छ ।

नगरपालिकाले आगामी आर्थिक वर्षको लागि ३० करोड ५५ लाख १० हजार आन्तरिक आय र नगरपालिकाको सञ्चित कोषको मौज्जाद रकम ४ करोड अनुमान गरिएको छ । अधिवेशनको दोस्रो बैठक आगामी २८ गते बस्ने तय भएको छ ।

The post चाँगुनारायण नगरपालिकाको बजेट एक अर्ब ८४ करोड ५६ लाख २० हजार appeared first on Jana Aawaj News.

कमलविनायक केभी लजमा आयोजना गरिएको पत्रकार सम्मेलनमा चाँगुनारायण नगरपालिकाका नगर प्रवक्ता जीवन खत्रीले पत्रकार सम्मेलको विसयमा प्रकाश पार्नुभएको थियो । प्रवक्ता खत्रीले नगरकाेट भ्रमण बर्षकाे अवसरमा धार्मिक पर्यटन बृद्दि गर्ने तथा चाँगुनारायण नगरपालिका वडा नं ८ मा निर्माणाधीन १०८ फिट अग्लाे शिव मुर्ति निर्माण सम्पन्न गर्ने उद्देश्यले आयाेजना गर्न लागिएकाे शिव पुराणमा सम्पुर्ण खर्च मुल समारोह समितिले गर्ने र शिव पुराणबाट भएको आम्दानी सबै १०८ फिट अग्लाे शिव मुर्ति निर्माणमा खर्च गरिने स्पष्ट पार्नुभयो ।

नगरकोट भ्रमण वर्ष २०८२ को अवसरमा धार्मिक पर्यटनलाइ संगसंगै लैजाने उद्देश्य अनुरुप नगरकोट भ्यू टावरबाट नजिकै रहेको, पर्यटकहरुको चाप रहिरहने बोजिनी ड्याम नजिकै रहेको तथा काठमाण्डौ उपत्यका लगायत नाल बनेपा धुलिखेल सम्मको दृश्य अवलोकन गर्न सकिने उच्च स्थानमा रहेको प्रसिद्द कलमसी क्षेत्रमा अवस्थित १०८ फिट कल्पेश्वर महादेव निर्माणाधिन स्थल भक्तपुर जिल्ला चाँगुनारायण नगरपालिका वडा नं ८, ९ र बनेपा नगरपालिका वडा नं १ को संगम स्थल कलमसी कालिका कल्पेश्वर धाम भक्तपुर जिल्लाको उत्तर पुर्वी स्थानमा रहेको एक धार्मिक पर्यटकीय स्थलको रुपमा रहेको छ ।

उक्त स्थानमा निर्माणाधीन १०८ फिट अग्लो बसेको महादेवको मुर्ति, नाग कुण्ड, गोसाइ कुण्ड, २७ धारा, नारायण कुण्ड लगायतका धार्मिक संरचनाहरु रहेका छन् । उक्त क्षेत्रको वरीपरि रहेका धार्मिक महत्वका क्षेत्रहरुमा पुर्वमा पुण्यवती नदि, सपनेश्वर महादेव मन्दिर, दक्षिणमा ठुली ब्रम्हायणी मन्दिर, बालकुमारी मन्दिर, पश्चिममा सरस्वती मन्दिर, मणिकर्णिका धाम, बाल्मिकेश्वर महादेव, बागेहिणी महादेव, थाकलमोठ स्थित लोकेश्वर महादेव मन्दिर र उत्तरमा रत्नचुडेश्वर महादेव विराजमान रहेका छन् । परापूर्व कालमा सुडालमा रहेको ठुली ब्रम्हायणी मन्दिरबाट सेतो रडको बाघ राती कल्पेश्वर महादेव रहेको स्थानमा रहेको स्थान हुदै गणेश ढुङ्गा सम्म ओहोरदोहोर गर्ने गरेको किंबदन्ती रहेको छ । त्यसै गरी उक्त स्थानमा अक्क्ष्य श्री महाराज १०८ ले समेत बिभिन्न कार्यक्रम गरी तपस्याका साथ शक्ति प्राप्त गर्नुभएको र शिवतान्त्रिक गुरु बुद्दिकुमार खङ्गीले तान्त्रिक विधिबाट हेर्दा यस पुण्य भूमिमा धार्मिक शक्ति रहेकोले उक्त स्थानमा १०८ फिट कल्पेश्चर महादेवको मुर्ति स्थापना गर्ने सोचका साथ स्थानिय समुदाय एवं सरकारी निकायहरुको सहकार्यमा अगाडी बढाउनु भएको काम हालको अबस्थासम्म आइपुग्दा निर्माणाधीन १०८ फिट अग्लो बसेको महादेवको मुर्ति, नाग कुण्ड, गोसाइ कुण्ड, २७ धारा, नारायण कुण्ड लगायतका धार्मिक संरचनाहरु निर्माण भइसकेका छन् । हालको अबस्थामा कल्पेश्वर महादेबको मुर्ती निर्माणाधिन नै रहेकोले उक्त मुर्ति निर्माण सम्पन्न गर्ने उद्देश्यका साथ कल्पेश्वर महादेव तथा कालिका देवी मन्दिर संरक्षण समाजको मिति २०८१ /११/०३ गतेको बैठकको निर्णय अनुसार शिव पुराण लगाउने र उक्त कार्यको संयोजकको रुपमा चाँगुनारायण नगरपालिका वडा नं ८ का अध्यक्ष जनक खत्रीलाई कार्यक्रमको संयोजकको रुपमा जिम्मेवारी दिइएको छ ।

विभिन्न चरणमा विभिन्न सरोकारवालहरुसंग बैठक बसि पहिलो चरणमा ३३ सदस्य मुल समारोह समित निर्माण गरी विभिन्न उपसमितिहरु समेत निर्माण गरी १०८ फिट अग्लो महादेबको मुर्ति निर्माण गर्ने पवित्र उद्देश्यका साथ नगरकोट भ्रमण वर्ष २०८२ को अबसरमा मिति २०८२/०१/०२ देखि १३ गते सम्म शिव पुराण संचालन गर्न लागिएको पत्रकार सम्मेलनमा जानकारी गराइएको थियो ।

The post नगरकोट भ्रमण वर्ष २०८२ को अवसरमा शिव पुराणको आयोजना appeared first on Jana Aawaj News.

नगरपालिकाद्वारा जारी सुचना:

The post चाँगुनारायण नगरपालिकामा बुधबार शोक विदा appeared first on Jana Aawaj News.

चालु आ.व. को कुल विनियोजित बजेट रु. २ अर्ब १२ करोड ३० लाख ९३ हजार ६ सय रहेकोमा हाल सम्म जम्मा रु. ३४ करोड ७७ लाख ३० हजार खर्च भएको छ जुन कुल बजेटको १६.३७ प्रतिशत रहेको छ ।
नगरसभाको १६ औं  अधिबेसनमा पेश हुने अर्थ वार्सिक प्रगति प्रतिवेदन निम्न अनुसार रहेको छ :

The post चाँगुनारायण नपाको कुल बजेटमा १६.३७ प्रतिशत खर्च appeared first on Jana Aawaj News.

‘हामीले निर्वाचित भएर आएबाट नै जनहितका लागि कार्यहरु गर्दै आएका छौं । भौतिक पूर्वाधारको विकास सँगसँगै सामाजिक र मानवीय विकासलाई पनि प्राथमिकतामा राखेर अगाडि बढिरहेका छौं । तर, प्रचारप्रसार खासै नभएका कारण हामीले नगर र वडा स्तरबाट गरेको काम नगरबासीहरुसमक्ष पुगेको भने छैन ।’, नगरप्रमुख खत्रीले भने ।

चाँगुनारायण नगरपालिका सरसफाइको तालिम दिने र वायुगुणस्तरको सुधार लागि कार्यविधि नै बनाएर अघि बढ्ने पहिलो नगरसमेत रहेको उनले बताए ।

कार्यक्रममा नगरप्रमुख खत्रीले आफूहरु शासकका रुपमा नभइ सेवकका रुपमा रहेर सबैमा समान सेवा दिइरहेको दाबी गरे । कानुनले नै तोकेको ऐन नियमको दायरामा बसेर पारदर्शी ढंगले कार्यहरु गरिरहेको उनले बताए । नगरपालिकामा काम लिएर आउने सेवाग्राहीलाई ‘मुस्कानसहितको सेवा’ दिइरहेकोसमेत उनले दाबी गरे ।

नगरपालिकाले आगामी वर्ष २०८२ लाई ‘नगरकोट भ्रमण वर्ष २०८२’ का रुपमा मनाउने तयारी गरेको छ । त्यसका लागि धार्मिक, ऐतिहासिक र पर्यटकीय क्षेत्रको मर्मतसम्भार, स्तरोन्नति आदिका कार्यहरुका लागि याजना बनाइरहेको जानकारी दिए । तर, संघीय सरकारको कार्यक्षेत्र अन्तर्गत रहेको नगरकोट–कमलविनायक सडकखण्डको समयमै मर्मत नहुनाले भने पर्यटकको आगमनमा केही असहजता हुनसक्ने उनले बताए ।

यही असोज ११ र १२ गतेको अविरल वर्षाका कारण चाँगुनारायण नगरपालिकामा विभिन्न क्षेत्रमा असर गरेको छ । मानवीय क्षति नभएको भएतापनि भौतिक क्षति धेरै भएको बताउँदै उनले पूर्वाधार निर्माणका लागि छुट्याइएको बजेटको १० प्रतिशत रकम कटाएर विपद् व्यवस्थापनका लागि कोष खडा गरेको उनले जानकारी दिए ।

अन्तरक्रियाका क्रममा नगरपालिकाका उपप्रमुख रमेश बुढाथोकीले आफ्नो नगरको भौगोलिक बनावटका कारण यातायातको समस्या भने रहेको बताए । तर, त्यसको समाधानका लागि कार्यविधि नै बनाएर पास गराइएको उनले जानकारी दिए । साथै, बस नलाग्ने स्थानमा ‘अटो’ र दशैंको समयबाट ईभी गाडी चलाउन सुरु गरिएकोसमेत उनले जानकारी दिए ।

हाल नगरपालिकाले चाँगुनारायण नगर अस्पताल सञ्चालन गरेको तर त्यसले हालसम्म सरकारबाट स्वीकृति भने नपाएको उनले जानकारी दिए । नगरपालिकाले तोकिएका सबै मापदण्ड पुरा गरेको भएतापनि सरकारले नै स्वीकृति दिन ढिलाई गरिरहेको उनले जानकारी दिए ।

नगरपालिकाले हाल स्वास्थ्य र खेलकुदलाई सँगैसँगै लैजान नगरपालिकाले नै प्रशिक्षक राखेर खेलकुदको तालिम दिइरहेको उनले जानकारी दिए । खेलकुदले स्वस्थ रहन मद्दत गर्ने र उत्कृष्ठ प्रदर्शन गर्दै गएमा देशकै नाम राख्न समेत सक्ने बताउँदै स्वास्थ्य र खेलकुदलाई साथसाथै लैजाने गरी कार्यहरु गरिएको उपप्रमुख बुढाथोकीले जानकारी दिए ।

शिक्षा क्षेत्रमा पनि नगरपालिकाले विभिन्न आवश्यक सहयोग गर्दै आएको उनले दाबी गरे । आवश्यक पूर्वाधारदेखि लिएर शिक्षकरुको व्यवस्थापनसमेतमा सहयोग पुर्याउँदै आएर शैक्षिक गुणस्तर उकास्न सहयोग गरिरहेको उनले बताए ।

चाँगुनारायण नगरपालिकाका प्रायः वडामा ग्रामिण बस्ती छन् र मानिसहरुको आम्दानीको प्रमुख स्रोत कृषि छ । नगरभित्रका ८० प्रतिशत जमिनमा कृषि उत्पादन गरिँदै आएको छ । तर, मानिसहरुले कृषियोग्य जमिनलाई आवासयोग्य भन्दै दर्ता गराउनाले नगरपालिकालाई पर्याप्त मात्रामा रासायनिक मल ल्याउन भने समस्या परेको उपप्रमुख रमेश बुढाथोकीले जानकारी दिए । तर, नगरपालिकाले पशुपालनमा भने उल्लेख्य प्रगति गरेको उनले दाबी गरे ।

नगरपालिकाले फोहोरमैला व्यवस्थापन र खानेपानीको क्षेत्रमा पनि कार्य गरिरहेको उनले बताए । एक घर एक धाराको नीति अनुसार सबै नगरबासीलाई आवश्यकता अनुसार पानीको वितरण गर्नका लागि बजेट विनियोजन गरिएको र कार्यान्वयन समेत गरिरहेको उनले जानकारी दिए । तर, चाँगुनारायण मन्दिर नजिकैको फोहोर भने हटाउन नसकिएको स्वीकार गरे । २०५४ सालदेखि नै त्यहाँ फोहोर फाल्न नदिने भनिएको र विभिन्न प्रयास गर्दै आइएको भएतापनि नसकिएको उनले बताए । अब, त्यसका लागि स्थानीयलाई नै सचेतनामूलक तालिम दिन आवश्यक रहेको र चाँडै नै दिइने प्रतिवद्धता उनले व्यक्त गरे ।

हालैको बाढी पहिरोले ‘डोजरे विकास’ भएका क्षेत्रमा बढी क्षति भएको भनेर मानिसहरुको गुनासो आएको उनले बताए । तर, प्रक्रिया अनुसार नै नगरपालिकाको स्वीकृति लिएर भएका कार्यहरुमा अवरोध गर्न नमिल्ने उनले बताए । मनलाग्दी जथाभावी तरिकाले डोजर लगाएको खण्डमा भन जरिवाना लगाइएको उनले बताए ।

कार्यक्रममा नगरपालिकाका अधिकृत सुरज पौडेलले सडक लगायतका पूर्वाधारको क्षेत्रमा उल्लेख्य कार्यहरु भइरहेको दाबी गरे । वडा कार्यालयको भवन निर्माण भइरहेको साथै, बाढीपहिरोले बिगारेको सडकहरुको पुनःनिर्माणका कार्यहरु पनि सँगसँगै लगिएको उनले बताए ।

नगरपालिकाले भौतिक पूर्वाधार र मानवीय विकासलाई सँगसँगै लैजाने उद्देश्यले विभिन्न तालिम, गोष्ठी आदिको आयोजनासमेत गर्दै आएको पौडेलले बताए । साथै, नगरपालिकाले निःशुल्क रगत र अक्सिजनको व्यवस्था समेत गर्ने उनले बताए ।

अन्तरक्रित्मक कार्यक्रममा नगरपालिकाका २ नं वडाका सोम प्रधान ६ नं वडाका वडाध्यक्ष धन बहादुर लामा, ७ नं वडाका वडाध्यक्ष श्याम श्रेष्ठ, साथै विभिन्न शाखाका प्रतिनिधिहरुको उपस्थिति रहेको थियो ।

कार्यक्रममा बोल्दै २ नं वडाका वडाध्यक्ष सोम प्रधानले शिक्षा क्षेत्रमा आफ्नो वडा अब्बल रहेको दाबी गरे । हालैको एसईईको नतिजामा पनि नगरभरिमै सबैभन्दा धेरै अंक ल्याउने विद्यार्थी सोही वडाको सामुदायिक विद्यालयको रहेको उनले बताए । तर, सामुदायिक विद्यालय पढाउने शिक्षकले आफ्ना बालबालिकाहरु भने निजी विद्यालयमा पढाउँदा विश्वसनियतामाथि प्रश्न उठ्ने गरेको उनले बताए । वडा बासीलाई घरघरममै स्वास्थ्य सेवा दिनका लागि ‘वडाध्यक्ष जनता स्वास्थ् कार्यक्रम’ लागू गराउने उनले जानकारी दिए । तर, हाल वडाको स्वास्थ्य चौकीमा सेवा लिन आउने संख्या भने निकै नै कम रहेको उनले बताए ।

६ नं वडाका अध्यक्ष धन बहादुर लामाले हरेक आवश्यकता पुरा गर्ने प्रयास गरिएको दाबी गरे । वडाले आफ्नै क्यालेण्डर निर्माण गरेर त्यसै अनुसारका कार्यक्रमहरु सञ्चालन गर्दै आएकोसमेत उनले जानकारी दिए । तर नगरपालिकाकै आम्दानीको सा्रेतमा रहेको पर्यटकहरुको आकर्षणको केन्द्र मानिने नगरकोटमा हाल पर्यटकहरुको आगमनमा कमी आएको उनले बताए । भूकम्पका कारण थलिएको अर्थतनत्त र त्यसपछिको कोरोना महामारीका कारणले भएको आर्थिक मन्दिका कारण पर्यटक घट्दै गएको र हालको समयमा सडकको अवस्था पनि निकै नै खराब रहेका कारण पर्यटकको संख्या घट्दै गएको उनले बताए । त्यसका लागि नगरकोटलाई सूर्योदय, सूर्यास्त र हिमशृङ्खला अवलोकन गर्ने ठाउँका रुपमा मात्र नहेरी ऐतिहासिक र धार्मिक महत्वको स्थान भनेर ‘रि-ब्राण्डिङ’ गर्न आवश्यक रहेको उनले बताए । हिन्दु धर्मको स्कन्दपुराणलाई आधार बनाएर महादेवपोखरी र बौद्ध धर्मको स्वयम्भू पुराणलाई आधार मानेर महामञ्जुश्रीको प्रचारप्रसार गर्न सके विभिन्न देशका पर्यटकहरु धार्मिक पर्यटनका लागिसमेत उक्त स्थान आउन सक्ने लामाले बताए ।

कार्यक्रममा बोल्दै ७ नम्बर वडाका अध्यक्ष श्याम श्रेष्ठले आफू निर्वाचित भएर आएपछि अघिल्ला कार्यकालमा पुरा नभएका कार्यहरुलाई निरन्तरता दिएको बताए । धार्मिक तथा ऐतिहासिक क्षेत्रको संरक्षण, फल्चा निर्माण, मन्दिर पुनःनिर्माण आदिका कार्यहरु समेत गरिएको उनले जानकारी दिए ।

कार्यक्रममा राष्ट्रिय सञ्चार केन्द्रका तर्फबाट दिवस गुरागाइँले नगरपालिकालाई ८ क्षेत्रमा सुधार र नयाँ कार्यक्रमका लागि सुझाव दिएका थिए । उनले पुरातात्विक तथा सांस्कृतिक, पर्यटकीय, कृषि, स्वास्थ्य लगायतका क्षेत्रमा सुधार गर्नुपर्ने क्षेत्र औंल्याएका थिए ।

उक्त अन्तरक्रियात्मक कार्यक्रममा विभिन्न सञ्चार माध्यमका प्रतिनिधिहरुको उपस्थिति रहेको थियो । उनीहरुले विभिन्न क्षेत्रका कार्यप्रगतिबारे जिज्ञासा राखेका थिए र नगरका उपप्रमुख बुढाथोकीले प्रश्नहरुको जवाफ दिएका थिए ।

राष्ट्रिय सञ्चार केन्द्रका अध्यक्ष पेशल आचार्यको सभापतित्वमा भएको उक्त कार्यक्रममा नगरपालिकाका प्रमुख जीवन खत्री प्रमुख अतिथिका रुपमा रहेका थिए । कार्यक्रमको सुरुवातमा केन्द्रका उपाध्यक्ष पुष्कर राज बुढाथोकी र पत्रकार महासंघ भक्तपुरका अध्यक्ष जगत प्रजापतिले स्वागत मन्तब्य राखेका थिए ।

पुरा भिडियो हेर्नुहोस् :

The post चाँगुबासीको हितमा काम गरिरहेका छौं, तर प्रचारप्रसारको कमी भयो : नगरप्रमुख जीवन खत्री appeared first on Jana Aawaj News.

कार्यक्रममा नगर प्रमुख खत्रीले क्षति हुनुका मूल कारणहरु पहिचान गरी रोकथाम तथा न्यूनीकरणका उपायहरू अबलम्बन गरिने बताउनुभयो । दिगो बिकासमा ध्यान दिदै बिकास निर्माणका हरेक काममा बिपद् जोखिम न्युनीकरणलाई मूलप्रवाहीकरण गर्दै सबै सरोकारवाला निककार्यायहरुसंग हातेमालो गर्दै बिपद् जोखिम न्यूनीकरण तथा ब्यवस्थापन कार्य गरिने बताउनुभयो ।

मनसुनजन्य बिपद्बाट भएका क्षति भएका भौतिक पूर्वाधारहरुको पुर्ननिर्माण स्थानीय स्रोत साधनबाट मात्रै सम्भब नहुने भएकोले सडक, मन्दिर, बिध्यालय, पाटीपौवा लगायत सार्बजनिक तथा निजी भवन पुनर्निर्माण र कृषि क्षेत्रमा भएको क्षतिमा राहत उपलब्ध गराउन जिल्ला बिपद् व्यवस्थापन समिति मार्फत प्रदेश तथा संघिय सरकार समक्ष माग गर्ने बताउनुभयो ।

साथै उहाँले सबै निकायहरू बीच हुने प्रभाबकारी समन्वय र सहकार्यबाट मात्रै बिपद ब्यवस्थापन सम्भब हुने बताउनु हुदै मनसुनजन्य बिपद्को प्रतिकार्यमा समन्वय र सहयोग गर्नुहुने सबै सरकारी तथा गैर सरकारी निकायहरूलाई धन्यबाद दिनुभयो । यस वर्षको मनसुन अझै केही साता सम्म सक्रिय हुने भएकोले जल तथा मौसम विज्ञान विभागले जारी गर्ने सुचना अनुसारका निर्देशन अनुसरण गर्न तथा समुदायमा हुनसक्ने बाढी, पहिरो तथा डुवानका घटनाहरुमा सुरक्षा प्रथमलाई ध्यान दिई आपसी सहयोग र सहकार्य गरी प्रतिकार्यमा जुट्न समेत नगर प्रमुख खत्रीले नगरबासीलाई अनुरोध समेत गर्नुभयो ।

The post अधिक बर्षाका कारण गएको बाढी, पहिरोले गरेको क्षतिको मूल कारण पहिचान गरी रोकथाम गरिने : मेयर खत्री appeared first on Jana Aawaj News.

नगरपालिकाभित्र भएका लाभग्राहीहरुको सहजताको लागि नगरकार्यपालिकाको कार्यालयमा राष्ट्रिय परिचय पत्र विवरण दर्ता स्टेशनको स्थापना गरिएको छ । राष्ट्रिय परिचय पत्र विवरण दर्ता गर्न छुट भएका लाभग्राहीहरुले https://donidcr.gov.np मा गई राष्ट्रिय परिचयपत्रको अनलाईन आवेदन भरी सो को प्रमाण सहित राष्ट्रिय परिचय पत्र विवरण दर्ताको लागि नगरपालिका कार्यालयको दर्ता स्टेशनमा आउन आव्हान गरेको हो ।

साथै राष्ट्रिय परिचय पत्र विवरण दर्ता गरेका तर राष्ट्रिय परिचय पत्र नम्बर आफ्नो मोवाइलमा Donider बाट Message प्राप्त नभएका लाभग्राहीहरुले आ-आफ्नो राष्ट्रिय परिचय पत्र विवरण दर्ता गरेको निस्सा पत्र लिएर नगरपालिकाको राष्ट्रिय परिचयपत्र दर्ता स्टेशनमा कार्यालय समयभित्र सम्पर्क राख्नका लागि गत शुक्रबार नै सुचना निकालेको हो ।
परिचयपत्र विवरण दर्ता सहजताको लागि तोकिएका वडाका सेवाग्राहीहरुले २०८१ असार १४ र १५ गते वडा १, १६ र १७ वडा २, १८ र १९ वडा ३, २० र २१ वडा ४, २२ र २३ वडा ५, २४ र २५ वडा ६, २६ र २७ वडा ७, २८ र २९ वडा ८ र ३० र ३१ गते वडा ९ मा राष्ट्रिय परिचय पत्र विवरण दर्ता गर्न आव्हान गरेको छ ।

साथै चाँगुनारायण नगरपालिका, नगर कार्यपालिकाको कार्यालयमा राष्ट्रिय परिचयपत्र विवरण दर्ता गर्न आउने व्यक्तिहरुले देहायबमोजिमका कागजातहरु लिएर आउनुपर्ने बताएको छ । नेपाली नागरिकताको सक्कल प्रमाणपत्र, बसाइँसराई गरेको हकमा बसाइँसराईको सक्कल प्रमाणपत्र नागरिकतामा भएको ठेगाना भन्दा फरक ठेगाना भएमा, विवाहितको हकमा नागरिकतामा पति वा पत्नीको नाम खुलेको भएमा सोही प्रमाणपत्र, नभएमा विवाह दर्ता वा विवाह प्रमाणित वा नाता प्रमाणितको सक्कल प्रमाणपत्र, नागरिकताको प्रमाणपत्रमा जन्म मिति नखुलेको हकमा जन्म मिति खुल्ने आधिकारिक प्रमाण जन्म दर्ता, शैक्षिक प्रमाणपत्र, राहदानी, पेन्सन पट्टा, विवाहित एकल महिला वा एकल पुरुष भएमा पति वा पत्नीको मृत्युदर्ता गरेको सक्कल प्रमाणपत्र र विवरण पुष्टि हुने अन्य कागजातहरु लिएर आउन आव्हान गरेको छ ।

The post सामाजिक सुरक्षा भत्ता प्राप्त गर्न राष्ट्रिय परिचय पत्र विवरण दर्ता गर्नुपर्ने : चाँगुनारायण नगरपालिका appeared first on Jana Aawaj News.

सोमबार १५ औं नगरसभाको अधिबेशन समारोहमा नगर उपप्रमुख रमेश बुढाथोकीले बजेट प्रस्तुत गर्नुभएको हो । उपप्रमुख बुढाथोकीले नगरपालिकाको वडा नम्बर ४ मा चाँगुनारायण खेल मैदान निर्माणको लागि रु. २ करोड बजेट विनियोजन गरिएको बताउनुभयो ।

त्यसैगरी उपमेयर उद्यम शिलता कार्यक्रमलाई समेत २ करोड रुपैया विनियोजन गरिएको उपप्रमुख बुढाथोकीले जानकारी दिनुभयो ।

उक्त समारोहमा नगरप्रमुख जीवन खत्री, प्रमुख प्रशासकिय अधिकृत शिव प्रसाद हुमागाई, वडा अध्यक्षहरु, कार्यपालिका सदस्यहरु लगायतको उपस्थिती रहेको थियो ।

The post चाँगुनारायण वडा नम्बर ४ मा खेल मैदान बनाउन २ करोड बजेट appeared first on Jana Aawaj News.