Total views : 377843
जन आवाज न्युज/भक्तपुर । सुर्यविनायक नगरपालिकाको योजनामा आइतबार म्हिलाहरुको लागि प्रजनन् स्वास्थ्य, मनोपोज तथा मनोपरामर्श सम्बन्धि अभिमुखी कार्यक्रम सम्पन्न भएको छ ।
नगरपालिकाको हलमा भएको कार्यक्रममा मरमेनोपजका कारण हुनसक्ने मानसिक तनाव तथा हर्मोनल गडबडी देखिने असर सम्बन्धी अभिमुखीकरण कार्य भएको हो ।
कार्यक्रममा मनोपरामर्शदाता रेखा शर्मा तथा डा.कोपिला राईले मेनोपजका क्रममा देखिन सक्ने मानसिक तनाव, हर्मोनल परिवर्तन, स्वास्थ्यमा पर्ने प्रभाव तथा त्यसको व्यवस्थापनका व्यावहारिक उपायबारे उपयोगी सहजीकरण गर्नुभएको थियो ।
४० बर्ष उमेर कटेका महिलाहरूमा महिनावारी सुक्न पुर्व सामान्यतया देखिन सक्ने केहि सिम्टमहरु बारे छलफल गर्दै मेनोपोज कुनै रोग नभई महिलाको जीवनको प्राकृतिक अवस्था हो । यस अवधिमा सही जानकारी, समयमै परामर्श, स्वस्थ जीवनशैली र परिवारको सकारात्मक साथले महिलाको शारीरिक तथा मानसिक स्वास्थ्यलाई थप सुदृढ बनाउन महत्वपूर्ण भूमिका खेल्दछ भन्ने बारे जानकारी गराइएको थियो ।
नगरपालिकाले संचालन गरेको यस प्रकारको जनचेतनामूलक कार्यक्रमले महिलाहरुको उलेख्य सहभागितम भएको थियो भने, शारीरिक र मानसिक स्वास्थ्य, सम्मानजनक जीवन तथा सशक्तीकरणलाई सदैव प्राथमिकतामा राख्दै महिलालाई आफ्नो स्वास्थ्यप्रति सचेत, आत्मविश्वासी र सशक्त बनाउन उक्त कार्यक्रमले सहयोग गरेको छ ।
