Total views : 378413
काठमाडौं । स्वास्थ्य तथा जनसंख्या मन्त्रालयले आजदेखि काठमाडौंका चार स्थानमा कोरोना विरुद्धको खोप लगाउने अभियान थालेको छ । काठमाडौंको गोंगबु बसपार्क, कोटेश्वर चोक, बल्खु चोक र कलंकी चोकमा खोप लगाउने व्यवस्था गरिएको बताइएको छ ।
यस्तै तिहार मनाउन काठमाडौंबाट घर जाने यात्रुलाई लक्षित गरि खोप लगाउने व्यवस्था गरिएको स्वास्थ्य मन्त्रालयले जानकारी गराएको छ । घर जान लागेका यात्रुलाई आफ्नो परिचय खुल्ने कागजपत्र बोकेर खोप लगाउन स्वास्थ्य मन्त्रालयले अनुरोध समेत गरेको छ ।
यसैगरी आज बिहानैदेखि चारै ठाउँमा खोप लगाउन शुरु गरिएको छ । उक्त खोप बिहान ७˸३० देखि अपराह्न ४ बजेसम्म खोप लगाइने बताइएको छ । १८ वर्षभन्दा माथिका सबैले खोप लगाउन थालिएको दुई दिने खोप अभियान अन्तर्गत भोलि पनि चारै स्थानमा खोप लगाइने स्वास्थ्य मन्त्रालयले जानकारी गराएको छ ।
