Total views : 338336
जन आवाज न्युज/भक्तपुर । बागमती प्रदेश सरकार, स्वास्थ्य मन्त्रालय, हेटौंडाको आयोजनामा मंगलबार “एक जिल्ला एक स्वस्थ सहर कार्ययोजना निर्माणका लागि अभिमुखीकरण कार्यक्रम” सम्पन्न भएको छ ।
उक्त कार्यक्रममा बागमती प्रदेशका विभिन्न जिल्लाबाट सहभागी भएका सरोकारवाला निकायका प्रतिनिधिहरूसँग स्वस्थ, सुरक्षित र दिगो सहर निर्माणका लागि आवश्यक कार्ययोजना तयार गर्ने विषयमा महत्वपूर्ण छलफल तथा अभिमुखीकरण गरिएको थियो ।
“एक जिल्ला एक स्वस्थ सहर” अभियानमार्फत प्रत्येक जिल्लामा स्वास्थ्य-मैत्री वातावरण निर्माण गर्दै नागरिकहरूको स्वास्थ्य, सरसफाइ र जीवनस्तर अभिवृद्धि गर्ने लक्ष्य लिइएको बताइएको छ। यस अभियानलाई प्रभावकारी रूपमा अघि बढाउन सबै स्थानीय तह तथा सरोकारवाला निकायको सक्रिय सहकार्य रहेको कार्यक्रममा बताइएको थियो।
