Total views : 295479
भक्तपुर । मध्यपुरथिमि न.पा लोकन्थलीस्थित रहेको शिक्षालय कलेजले सार्क एजुकेशन अवार्ड अन्तर्गत “एजुकेशन भिजन अवार्ड” प्राप्त गरेको छ ।
यस कलेजले करिब २ वर्षदेखि भक्तपुरको स्थानीय विद्यार्थीदेखि लिएर अन्य जिल्लाका विद्यार्थीहरुलाई आइटी, बिबिए र एमबिए विषयमा सुलभ र राम्रो शिक्षा दिँदै आइरहेको छ ।
लोकन्थलीअवस्थित नै रहेको समृद्धि कलेजका फाउण्डरहरु मिलेर स्थापना गरिएको यस कलेजमा भक्तपुर जिल्लामा आइटीमा राम्रो शिक्षा र परिक्षाफलमा राम्रो परिणाम हासिल गरेसँगै भक्तपुरका अन्य निजी कलेजहरुमा बिबिए र एमबिए कमै पढाइ हुने भएको हुनाले व्यवस्थापन संकायअन्तर्गत बिबिए र एमबिए पढ्ने विद्यार्थीहरुलाई काठमाडौंसम्म जानु नपर्ने हिसाबले राम्रो शिक्षा दिन यो शिक्षालय कलेजको स्थापना भएको कलेजका प्रबन्ध निर्देशक सन्दिप श्रेष्ठले बताउनुभयो ।
उहाँले यस कलेजले यस अघिपनि नयाँ धार नयाँ सोचको आधारमा नेशनल अवार्ड अन्तर्गत “इमर्जिङ कलेज अवार्ड” प्राप्त गर्न पनि सफल भएको बताउँदै विद्यार्थी र अभिभावकले दिनुभएको साथ र विश्वासले अब यस शिक्षालय कलेजमा चाँडै कानुनमा स्नातक पनि ल्याउने तयारी भएको जानकारी दिनुभयो ।
