Total views : 371622
जन आवाज न्युज/भक्तपुर । सूर्यविनायक नगरपालिकामा एच.पि.भी खोप अभियान २०८१ को तयारी पुरा भएको छ । सोमबार सूर्यविनायक नगरपालिकाका नगर प्रमुख एवं नगरस्तरीय खोप समन्वय समिति संयोजक बासुदेव थापाको अध्यक्षतामा बसेको खोप समितिको बैठकले खोपको तयारी पूरा भएको अभियानमा शत प्रतिशत लक्ष्य हासिल गर्ने बताईएको छ ।
नगरपालिकाका ७६ वटा विद्यालयहरुलाई खोप केन्द्र कायम गरिएको छ । कक्षा ६ देखि कक्षा १० मा अध्यनरत बालिकाहरुलाई एच.पि.भि खोप लगाईने छ भने, १० वर्षदेखि १४ बर्ष उमेर समुहका बालिकालाई यो खोप लगाईने भएको हो । पाठेघरको मुखमा हुने क्यान्सरको प्रतिरोधात्मक एच.पि.भि खोप लगाउन नगरपालिकामा ७१ जना स्वास्थ्यकर्र्मी १४२ जना स्वयंसेवक खटाइएको छ ।
विद्यालय क्षेत्रका ३८३४ बालिका र विद्यालय बाहिरका करिब ३२८ बालिका गरी जम्मा ४१६२ बालिकाहरुलाई खोप लगाइने छ उक्त कार्यक्रम माघ २२ गतेबाट फागुन ६ गते सम्म चल्नेछ । यो खोप अभियानको २२ गते बिहान १०.३० बजेदेखि गाम्चामा रहेको अरनी माध्यमिक विद्यालयबाट शुभारम्भ हुने भएको छ ।
