Total views : 401129
जन आवाज न्युज/भक्तपुर असार, १२ गते । भक्तपुर अस्पतालले पाठेघर आङ खसेका महिलाको निःशुल्क शल्यक्रिया सेवा सुरु गरेको छ ।
बागमती प्रदेशको स्वास्थ्य मन्त्रालयअन्र्तगत निःशुल्क पाठेघर खस्ने रोगको उपचार सेवा सुरु गरेको अस्पतालका निमित्त निर्देशक डा. सुरेन्द्र भट्टले जानकारी दिनुभयो । आङ खसेका महिलाको निःशुल्क शल्यक्रिया अभियानका रूपमा सुरु गरेको अस्पतालले पहिलो दिन मङ्गलबार दुई जनाको शल्यक्रिया गरेको थियो ।
“बुधबार दुई जनाको शल्यक्रिया गरेको थियो भने आज आठ जनाको शल्यक्रिया गरेको ” निमित्त निर्देशक डा. भट्टले जानकारी दिनुभयो । आङ खसेका महिलाहरुको लागि ३ दिन निःशुल्क पाठेघर खस्ने रोगको उपचार सेवा सुरु गरेको भएता पनि आउने क्रम अझ धेरै भएकोले
१७ गते मंगलबार नाम टिपाउने र भिडियो एक्स्रे लगाएतको चेकजाच गरी स्वास्थ्य अवस्थालाई हेरेर पुन शल्यक्रिया गर्ने योजना रहेको बताउदै अस्पतालमा सम्पर्क गरेर निःशुल्क शल्यक्रियाका लागि आउन आग्रह समेत गर्नुभयो ।।
