Total views : 361890
जन आवाज न्युज/भक्तपुर । सूर्यविनायक नगरपालिकाका मेयर बासुदेव थापाले नगरपालिकाको तर्फबाट प्रहरी वृत्त जगाती, भक्तपुरलाई बिहिबार एकथान टाटा मोटर्सको गाडी हस्तान्तरण गर्नुभएको छ। भ्याटसहित गाडीको कूल मूल्य रु. ४२ लाख ९० हजार रहेको छ ।
प्रहरीको सेवा र सुरक्षा व्यवस्थालाई थप प्रभावकारी बनाउन सहयोग पुर्याउने उद्देश्यले गाडी उपलब्ध गराइएको नगरपालिकाले जानकारी दिएको छ।
उक्त हस्तान्तरण कार्यक्रममा भक्तपुरका प्रमुख जिल्ला अधिकारी उमेशकुमार ढकाल, नगरपालिकाका प्रमुख प्रशासकीय अधिकृत युवराज आचार्य, वडाध्यक्षहरू सानुकाजी कायस्थ, प्रदीप कार्की, लक्षुराम न्यौपाने, रवीन्द्र सापकोटा, पुष्पराज बस्नेत र शिवराम राउत, कार्यपालिका सदस्य तारा सापकोटा, शर्मिला लम्साल बस्नेत, सुमन परियार लगायतको उपस्थिति रहेको थियो।
