Total views : 396778
जन आवाज न्युज/भक्तपुर, असार २ गते । सूर्यविनायक नगरपालिका वडा नं. ४ दधिकोटको वडा बाल सञ्जालको आयोजनामा १२ देखि १६ वर्ष उमेर समूहका बालबालिकाहरूको खेलकुद प्रतिभा प्रस्फुटन गर्ने उद्देश्यले अन्तर समूह फुटसल प्रतियोगिता आयोजना हुने भएको छ।
प्रतियोगितामा वडा भित्रका विद्यालय स्तरीय बाल समूह, टोल स्तरीय बाल समूह तथा वडा बाल सञ्जालका पदाधिकारीहरू सहभागी हुन सक्नेछन्। प्रत्येक समूहबाट ८ जना सदस्यको टोली दर्ता गर्नुपर्नेछ भने जन्मदर्ता अनिवार्य गरिएको छ।
प्रतियोगिता असार ७ गते बिहान ९:३० बजेदेखि भैरव फुटसलमा सञ्चालन हुनेछ। टिम दर्ताको अन्तिम मिति असार ४ गते तोकिएको छ।
