Total views : 378324
भक्तपुर । भक्तपुर जिल्लामा रहेको ४ वटा नगरपालिका मध्य चाँगुनारायण नगरपालिकाले पत्रकार भेटघाट कार्यक्रम गरी २ वर्षमा गरेको उपलब्धीको विषयमा जानकारी गराएको छ ।
कार्यक्रममा उपप्रमुख रमेश बुढाथोकीले दुई वर्षको कार्यकालमा प्राप्त गरेको सरकारी तलब भत्ताको रकम विद्यालयमा अध्ययनरत सानासाना भाइबहिनहिरुको लागी दुई वर्षमा करिब १० लाख रुपैँया खर्च गरेको जानकारी दिनुसभयो ।
बुढाथोकीले भन्नुभयो ‘सरकारी नियम अनुसार कर कट्टा गरेर आफुले मासिक पाउने ३० हजार, प्रत्येक बैठकमा पाउने १ हजार ४ सय रुपैँया भत्तो सबै सामाजिक कार्यमा खर्च गरेको बताउनुभयो ।’ ‘मैले पार्टीमा टिकट लिने समयमा नै यो कुरा भनेको थिए, सरकारले दिने कुनैपनि सेवा सुविधा आफ्नो लागि खर्च गर्दिन, अहिले नगरभित्र रहेका सामुदायिक विद्यालयहरुमा अध्ययन गर्ने सानासाना भाईबहिनीहरुलाई आफुले सानो सहयोग गर्ने गरेको जनकारी दिनुभयो ।
तलब भत्ता बापत आउने पैसाले नपुेर आफुले व्यक्तिगत रुपमा समेत विद्यार्थीहरुलाई झोला, पोशाक र जुत्ता किनिदिने र आर्थिक अवस्था निकै कमजोर भएका विद्यार्थीलाई आफुले सक्दो सहयोग गर्दै आएको उपप्रमुख बुढाथोकीले जानकारी गराउनुभयो ।
यति मात्र नभएर नगरपालिकाले उपलब्ध गराएको गाडी पनि आफुले प्रयोग नगरी नगर अस्पतालमा बिरामीहरु तथा सुत्केरी बोक्नको लागि दिएको बताउनुभयो ।
