Total views : 388296
भक्तपुर । बुधबार हालसम्मकै उच्च बिन्दुमा पुगेको सुनको मूल्य बिहीबार तोलाकै १ हजार १ सय रुपैयाँले घटेको छ । स्थानीय बजारमा सुनको मूल्य घटे सगैं नेपाल सुनचाँदी व्यवसायी महासंघका अनुसार बुधबार १ लाख ५३ हजार रुपैयाँ प्रतितोला पुगेको सुनको मूलय बिहीबार प्रतितोला १ लाख ५१ हजार ९ सय रुपैयाँमा झरेको हो ।
सुनको मूल्यमा तिव्र उतारचढाव भइरहँदा चाँदीको मूल्यमा पनि त्यसको प्रभाव देखिएको छ । बुधबारको तुलनामा प्रतितोला ५ रुपैयाँले घट्दै चाँदी प्रतितोला १ हजार ८ सय ३० रुपैयाँ कायम भएको छ ।
आज अन्तराष्ट्रिय बजारमा भने सुनको मूल्य २ हजार ५०१ डलरमा कायम छ । जुन बुधबारको तुलना १५ डलरले कम हो । विशेषगरी मध्यपूर्वमा संकट बढ्दै गर्दा सुनचाँदीको मूल्यमा तिव्र उथलपुथलले स्थानीय बजारमा प्रभाव परेको छ ।
