Total views : 357225
जन आवाज न्युज/काठमाडौँ, ३० असार । सञ्चार तथा सूचनाप्रविधि मन्त्री पृथ्वीसुब्बा गुरुङले सार्वजनिक सेवा प्रसारण नेपालको ‘एनटीभि वल्र्र्ड’ असोज ३ गते भित्रै सञ्चालन गर्न निर्देशन दिनुभएकोछ ।
सिंहदरबारस्थित नेपाल टेलिभिजनमा पुगेर उहाँले एनटीभि वल्र्डको तयारी भइरेहकोमा निरक्षण गर्दै व्यवस्थपानलाई आवश्यक निर्देशनात्मक सुझाव दिनुभएको हो । मन्त्री गुरुङले एनटीभि वल्र्डले विश्वमा नेपाल जोड्न महत्वपुर्ण भुमिका निवार्ह गर्ने उल्लेख गर्दै यसको सञ्चालनमा छिटो जोड दिनुपर्ने बताउनुभएको हो । सञ्चार मन्त्रालयका सचिव राधिका अर्यालले नेपालको मौलिकता र विशेषतालाई कायम राख्ने गरि एनटीभि वल्र्डका कार्यक्रमहरु प्रस्तुत गर्नुपर्ने सुझाव दिनुभयो । साथै उहाँले विश्वसामु नेपालको पहिचान स्थापीत गर्ने विषयमा जोड दिन आग्रह गर्नुभयो ।
पिएसबीका अध्यक्ष डा. महेन्द्र विष्टले एनटीभी वल्र्डको मर्म र उदेश्यपुर्ति गर्न व्यवस्थापनमा खटिएको बताउनुभयो । यसका लागि मन्त्रालयको सहकार्यले नै कार्य सम्पादनमा सघाउ पुगेको समेत जानकारी दिनुभयो । सीमित स्रोत र साधनका बिच पनि एनटीभि वल्र्डलाई विश्व सामु लायक बनाउन प्रयत्नरत हुने उहाँको प्रतिबद्धता छ ।
कार्यक्रममा डा. टंक उप्रेतीले एनटीभि वल्र्ड सञ्चालनको पुर्वतयारीबारे कार्यपत्र प्रस्तुत गर्नुभएको थियो । उहाँको प्रस्तुतीमा एनटीभि वल्र्ड सञ्चालनको ढाँचा, सामाग्री र रचनात्मक संरचनामा केन्द्रित थियो ।
