Total views : 404946
भक्तपुर। रोटरी क्लब अफ भक्तपुरद्वारा आयोजित अन्तरविद्यालय जिल्लाव्यापी चित्रकला प्रतियोगिता २०८३ मा सिद्धार्थ विद्यापीठ विद्यालयकी छात्रा आरोही बल्लाले दोस्रो स्थान हासिल गरेकी छन्।
विद्यालयमा कक्षा ९ मा अध्ययनरत आरोहीले प्रतियोगितामा उत्कृष्ट कला प्रस्तुत गर्दै दोस्रो स्थान हासिल गर्न सफल भएकी हुन्। उनको यस सफलताले विद्यालयको गौरव बढाउनुका साथै विद्यार्थीहरूमा सिर्जनात्मकता, कलाप्रतिको रुचि र प्रतिभा प्रस्फुटनका लागि प्रेरणा प्रदान गरेको विद्यालयले जनाएको छ।
त्यसैगरी, विद्यालयमा कक्षा ५ मा अध्ययनरत छात्रा सुनीता न्यौपानेले पनि प्रतियोगितामा उत्साहपूर्वक सहभागिता जनाउँदै विद्यालयको प्रतिनिधित्व गरेकी थिइन्। उनको सहभागितालाई विद्यालयले प्रशंसनीय र प्रेरणादायी उपलब्धिका रूपमा लिएको छ।
विद्यालयले दुवै विद्यार्थीको प्रतिभा, मेहनत र उत्साहको प्रशंसा गर्दै आगामी दिनमा अझ उत्कृष्ट सिर्जना गर्न सफलताको शुभकामना व्यक्त गरेको छ।
विद्यालयले विद्यार्थीहरूको कला, सिर्जनशीलता र प्रतिभा विकासमा निरन्तर प्रोत्साहन गर्दै आएको छ।
सिद्धार्थ विद्यापीठ विद्यालयले आफ्ना दुवै प्रतिभाशाली विद्यार्थीप्रति गर्व व्यक्त गर्दै उनीहरूको उज्ज्वल भविष्यको कामना गरेको छ।
