Total views : 387644
भक्तपुर । गायक तथा संगीतकार कमल खत्रीको शब्दरसंगीत र गायिका ग्रिष्मा खड्काको स्वरमा ‘माया नै काफी छ’ को म्यूजिक भिडियो सार्वजनिक भएको छ । युवा पुस्ता लक्षित उक्त गीतको म्यूजिक भिडियो यूट्यूवमा सार्वजनिक भएसँगैं दर्शकहरुले धेरै रुचाएका छन् ।
सानैदेखि संगीतमा रुची राख्ने खड्काको यो चौथो गीत हो भने, उक्त गीत युवा पुस्तालाई लक्षित गरिएको खड्काले बताएकी छिन् । ।
खड्काको यसअघि ‘तिम्रै लागि’, ‘मुस्काइ हाँसिदेउ, ‘एक पटकको नेपाली सँधै नेपाली’ गीत सार्वजनिक भइसकेका छन् ।
मानविकीशास्त्रमा कक्षा १२ को परीक्षा हालै उत्तिर्ण गरेकी खड्का गीत र संगीत बाहेक सामाजिक कार्यमा समेत रुची राख्छिन् ।
उनको पछिल्लो गीत ‘माया नै काफी छ’ ले युवा पुस्ताको माया प्रेमलाई देखाउन खोजिएको छ भने, उनको यो गीतको म्यूजिक भिडियोमा उनी स्वयं लगायत गायक कमल खत्रीको अभिनय रहेको छ ।
उक्त गीतको म्यूजिक भिडियो सार्वजनिक भएको दुई दिनमा नै यूट्यूवमा ट्रेण्डिङमा पर्न सफल उक्त गीतबाट खड्काको व्यवसायिक सांगितिक यात्राले अझ उचाई प्राप्त गर्ने देखिएको छ ।
