Total views : 362977
भक्तपुर । पूर्वप्रधानमन्त्री एवं नेकपा समाजवादीका अध्यक्ष माधवकुमार नेपालले शिक्षा जति महत्वपूर्ण छ, खेलकुद पनि देशको नाम उच्च राख्न उत्तिकै अत्यावश्यक रहेको बताउनुभएको छ ।
भक्तपुर जिल्ला खेलकुद विकास समितिले हिजोबाट सुरु गरेको दोश्रो वागमती प्रदेश खेलकुद–२०७९ खेलाडी छनौट प्रतियोगिताको उद्घघाटन गर्दै उहाँले खेलकुदको विकासले विश्वमा देशको नाम उच्च राख्न सकिने बताउनुभयो ।
भक्तपुरले देश विदेशका विभिन्न प्रतियोगितामा सहभागि भएर देशको नाम उच्च राख्न सक्ने गरि खेलाडीको उत्पादन गर्न सफलता हासिल गर्नुपर्ने बताउदैं उहाँले खेलकुदबाट भाग्ने होइन, अभिन्न अंग बनाएर अगाडि जानुपर्नेमा जोड दिनुभयो ।
कार्यक्रममा भक्तपुर जिल्ला खेलकुद विकास समितिका अध्यक्ष एवं कार्यक्रमका सभापति दीपक थापाले भक्तपुरमा खेलुकुदको विकास तिब्र गतिमा भइरहेको बताउदैं भक्तपुरलाई सम्पदाको जिल्लाबाट मात्रै होइन उत्कृष्ट खेलाडी रहेका खेलकुदको जिल्ला पनि हो, भनेर चिनाउने गरि खेलकुदका गतिबिधि भइरहेको बताउनुभयो ।
उक्त प्रतियोगिता यही चैत २५ गतेसम्म सञ्चालन रहने बताउदै उहाँले प्रतियागिताबाट कराते, तेक्वाण्डो, एथलेष्टिक, बक्सिङ्, आईटी।एफ तेक्वाण्डो, उसु, जुडो, फुटबल, क्रिकेट, भलिबल, व्याडमिन्टन, पौडीलगायतका खेलका उत्कृष्ट खेलाडी छनौट गरिने जानकारी दिनुभयो ।
