Total views : 355163
भक्तपुर । एडिफाई प्राइभेट स्कुल्स अर्गनाइजेशन नेपाल (ईप्सन भक्तपुर) को आयोजनामा फागुन ९ र १० गते अन्तर विद्यालय फुटसल प्रतियोगिता सप्पन्न भएको छ ।
उक्त खेलमा आधारभूत तहतर्फ मदरल्याण्ड स्कुल विजेता हुन सफल भएको छ । यसै गरी माध्यमिक तह तर्फ भने, यूनिटी स्कुल विजेता भएको छ । आधारभूत तहतर्फ दोश्रो स्थानको उपाधि सूर्योदय सेकेण्डरी स्कुलले जितेको छ भने, माध्यमिक तहमा ईडेन गार्डेन स्कुल द्धितीय भएको छ । यस्तै माध्यमिक तहको तेश्रो स्थान मदरल्यण्ड स्कुल र सान्त्वना सेन्ट जोन स्कुल भएको छ । यसैगरी आधारभूत तह तर्फ तेश्रो स्थान ईडेन गार्डेन र सान्त्वना यूनिटी स्कुल भएको छ ।
प्रतियोगिताको समापन एवं पुरस्कार वितरणमा ईप्सनका अध्यक्ष जिबी खड्काको सभापतित्व र प्रमुख अतिथि नेपाल राष्ट्रिय फुटबल टोलीका पूर्व कप्तान उपेन्द्र मान सिहंको उपस्थितिमा शिल्ड र मेडल वितरण गरिएको थियो । प्रमुख अतिथि पूर्व कप्तान सिहंले ईप्सन संस्थाले आफ्ना सदस्य विद्यालयका खेलाडिहरुलाई खेलको लागि अवसर दिएकोमा धन्यवाद दिनु भएको थियो ।
साथै आधारभूत तहतर्फ मदरल्याण्डका अमृत तामाङ उत्कृष्ट खेलाडि, मदरल्याण्ड कै जयराम बिक सर्वाधिक गोलकर्ता भएका थिए भने, उत्कृष्ट गोलकिपर सूर्योदयका उज्ज्वल ज्याख्व भएका थिए । यसै गरी माध्यमिक तर्फ उत्कृष्ट खोलाडि ईडेन गार्डेनका मन्देश ठाकुर, उत्कृष्ट गोलकिपर यूनिटीका आशिष थापा र सर्वाधिक गोलकर्ता सेन्ट जोन स्कुलका स्वीकार श्रेष्ठ भएको ईप्सनका सचिव विजय कर्माचार्यले जानकारी दिनुभयो ।
