Total views : 395729
फागुन, १२ । थुलुङ राई सहजीकरण सोलुखुम्बुले काठमाडौँको गोकर्ण नगरपालिका वडा न. ४ जगडोलस्थित राष्ट्रिय शहिद तथा शान्ति पार्क निजामति स्मारक यज्ञडोल (जगडोल) सामुदायिक वन पर्या–पर्यटन प्रवर्धन तथा उधान व्यवस्थापन समितिको परिसरमा बृहत सरसफाई कार्यक्रम सप्पन्न गरेको छ ।
“सफा गाउँ सहर, हामी सबैको रहर” भन्ने मूल नाराका साथ थुलुङ राई सहजीकरण सोलुखुम्बुले बृहत सरसफाई कार्यक्रम सम्पन्न गरेको कार्यवाहक अध्यक्ष पासाङ्ग दोर्जे राईले जानकारी दिनुभयो ।
उक्त कार्यक्रममा सामुदायिक वन पर्या–पर्यटन प्रवर्धन तथा उधान व्यवस्थापन समितिका अध्यक्ष सुदर्शन सिग्देल, सचिव राजकुमार केसी, थुलुङ राई संस्कृति प्रतिष्ठानका अध्यक्ष निर्कुधन राई, स्थानीय नागरिकहरु, समाजसेवी, विभिन्न संघ–संस्थाका प्रतिनिधिहरुका साथै सहजीकरण सोलुखुम्बुका पदाधिकारीहरु तथा सदस्यहरुको सहभागिता रहेको थियो ।
