Total views : 223866
जन आवाज संवाददाता
काठमाडौं । यही जेठ १० गते रिलिज हुने चलचित्र पुजार सार्कीमा कलाकार पल शाहले आफूले निर्वाह गरेको भूमिकाको तस्बिर यतिबेला सामाजिक संजालमा भाइरल भएको छ ।
चलचित्रमा प्रहरीले पक्राउ गरेको सिनमा आफ्नो क्यारेक्टर तस्बिर पलले सार्वजनिक गरेका थिए । जुन तस्बिरमा पल सेतै दारीजुंगा फुलेको वृद्ध उमेरको क्यारेक्टरमा प्रस्तुत भएका छन् । पलले भनेका छन् ‘आज मैले पुजार सार्कीमा मेरो अभिनयबाट यो तस्बिर सार्वजनिक गरेको छु । यो तस्बिरबाट तपाईंले मेरो भूमिका कति गहन र अर्थपूर्ण छ भनेर पक्कै अनुमान लगाउनु हुनेछ’ उनले सामाजिक सञ्जाल फेसबुकमा लेखेका हुन् ।
पलले ‘पुजार सार्की’ आफ्नो करिअरमा महत्वपूर्ण सावित हुनेमा विश्वास व्यक्त गरेका छन् । दिनेश राउतको निर्देशनमा बनेको उक्त चलचित्रमा पलसँगै प्रदीप खड्का र आर्यन सिक्देल मुख्य भूमिकामा रहेका छन् ।
