Total views : 259297
भक्तपुर । नेपाल हृदयरोग निवारण प्रतिष्ठान,भक्तपुरको प्राविधिक सहयोगमा श्रीपद्म मावि दरवार स्क्वायर, भक्तपुरमा मुटुरोग सम्बन्धी सचेतना कार्यक्रम सम्पन्न भएको छ ।
उक्त विद्यालयको आयोजनामा स्कूलका शिक्षक, व्यवस्थापन समितिका सञ्चालक , विद्यार्थीहरू, प्रतिष्ठानका पदाधिकारीहरू गरी ६० जना सहभागीहरूलाई प्रतिष्ठानका केन्द्रीय उपाध्यक्ष एवं वरिष्ठ कार्डियो भास्कुलर सर्जन डा. प्रेमराज बैद्यले मुटुरोगका प्रकारहरू, रोग लाग्नाका कारणहरू, अपनाउनुपर्ने सतर्कता, नसर्ने रोगहरू आदि बारे जानकारीमूलक प्रस्तुतिकरण गर्नुहुँदै जीवनशैली र खानपानमा
बिशेष ध्यान पुर्याउनुपर्ने बारे जोड दिनुभयो ।
सोही कार्यक्रममा प्रतिष्ठानका उपसभापति राजुराम मुनंकर्मीले प्रतिष्ठानले निर्धारण गरेका ५ वटा राष्ट्रिय कार्यक्रमको सेरोफेरोमा रहेर मुटुरोग लाग्न नदिन विभिन्न सचेतनामूलक कार्यक्रमहरू गर्दै प्रतिकारात्मक तर्फ जोड दिएको बताउनुभयो । त्यसैगरी विद्यालयका प्राचार्य राम हाडाले उक्त प्रस्तुतिकरणबाट शिक्षक र बिद्यार्थीहरू लाभान्वित भई व्यवहारमा समेत लागु गरिने कुरामा आफू विश्वस्त रहेको बताउनुभयो ।
उक्त कार्यक्रमलाई प्रतिष्ठानका सचिव कृष्ण गोसाईं र महिला सशक्तिकरण उपसमितिका संयोजक विद्या राजभण्डारीले सहजिकरण गर्नुभएको थियो ।
