Total views : 371252
काठमाडौं । रमित ढुंगाना निर्देशित फिल्म ‘नमेटिने घाउ’को दुई नयाँ पोस्टर सार्वजनिक आज गरिएको छ । सार्वजनिक एक पोस्टरमा पूर्वशिक्षामन्त्री तथा सांसद देवेन्द्र पौडेल र अर्कोमा ज्ञानेन्द्र शाहीको पोस्टर रहेको छ ।
दुई पोस्टरमा दुबै जनालाई पोस्टरमा विशेष स्थान दिइएको छ । यसअघि फिल्मको ट्रेलरसमेत रिलिज भइसकेको छ । साथै प्रधानमन्त्री केपी शर्मा ओली र पूर्वप्रधानमन्त्री माधवकुमार नेपाल भएको पोस्टर सार्वजनिक गरिसकिएको छ । यो फिल्म एसिड आक्रमणमा परेका ३३ जनाको वास्तविक घटनामा आधारित रहेको निर्माण टिमले जानकारी गराएको छ ।
उक्त फिल्ममा प्रधानमन्त्री ओली, पूर्व प्रधानमन्त्री नेपाल, सांसदद्वय शाही र पौडेल पनि विशेष भूमिकामा छन् रमित नै निर्माता रहेको फिल्मको कथा शिवम अधिकारीले लेखेका हुन् भने फिल्ममा पर्साकी तेजाबपीडित मुस्कान खातुनसहित सुरवीर पण्डित, सिम्रन खड्का, इभा गिरी, सुनिल कटुवाल लगायतले अभिनय गरेको फिल्ममा देख्न पाईन्छ । उक्त नेपाली चलचित्र आगामी भदौ ७ गते रिलिज हुने भएकोे छ ।
